౧. విభఙ్గవారో

నహేతుపచ్చయో

౩౭౫. ఉపాదా ధమ్మం పటిచ్చ నోఉపాదా ధమ్మో ఉప్పజ్జతి నహేతుపచ్చయా – అహేతుకపటిసన్ధిక్ఖణే వత్థుం పటిచ్చ నోఉపాదా ఖన్ధా. (౧)

నోఉపాదా ధమ్మం పటిచ్చ నోఉపాదా ధమ్మో ఉప్పజ్జతి నహేతుపచ్చయా – అహేతుకం నోఉపాదా ఏకం ఖన్ధం పటిచ్చ తయో ఖన్ధా నోఉపాదా చ చిత్తసముట్ఠానం రూపం…పే… ద్వే ఖన్ధే…పే… అహేతుకపటిసన్ధిక్ఖణే…పే… ఏకం మహాభూతం…పే… అసఞ్ఞసత్తానం ఏకం మహాభూతం పటిచ్చ తయో మహాభూతా…పే… ద్వే మహాభూతే పటిచ్చ ద్వే మహాభూతా, విచికిచ్ఛాసహగతే ఉద్ధచ్చసహగతే ఖన్ధే పటిచ్చ విచికిచ్ఛాసహగతో ఉద్ధచ్చసహగతో మోహో. (౧)

నోఉపాదా ధమ్మం పటిచ్చ ఉపాదా ధమ్మో ఉప్పజ్జతి నహేతుపచ్చయా – అహేతుకే నోఉపాదా ఖన్ధే పటిచ్చ ఉపాదా చిత్తసముట్ఠానం రూపం; అహేతుకపటిసన్ధిక్ఖణే…పే… మహాభూతే పటిచ్చ ఉపాదా చిత్తసముట్ఠానం రూపం కటత్తారూపం ఉపాదారూపం…పే… (యావ అసఞ్ఞసత్తా). (౨)

నోఉపాదా ధమ్మం పటిచ్చ ఉపాదా చ నోఉపాదా చ ధమ్మా ఉప్పజ్జన్తి నహేతుపచ్చయా – అహేతుకం నోఉపాదా ఏకం ఖన్ధం పటిచ్చ తయో ఖన్ధా ఉపాదా చ నోఉపాదా చ చిత్తసముట్ఠానం రూపం…పే… ద్వే ఖన్ధే…పే… అహేతుకపటిసన్ధిక్ఖణే…పే…. (౩)

ఉపాదా చ నోఉపాదా చ ధమ్మం పటిచ్చ నోఉపాదా ధమ్మో ఉప్పజ్జతి నహేతుపచ్చయా – అహేతుకపటిసన్ధిక్ఖణే నోఉపాదా ఏకం ఖన్ధఞ్చ వత్థుఞ్చ పటిచ్చ తయో ఖన్ధా…పే… ద్వే ఖన్ధే చ…పే…. (౧)

నఆరమ్మణపచ్చయాది

౩౭౬. నోఉపాదా ధమ్మం పటిచ్చ నోఉపాదా ధమ్మో ఉప్పజ్జతి నఆరమ్మణపచ్చయా – నోఉపాదా ఖన్ధే పటిచ్చ నోఉపాదా చిత్తసముట్ఠానం రూపం; పటిసన్ధిక్ఖణే…పే… ఏకం మహాభూతం…పే… (యావ అసఞ్ఞసత్తా) ద్వే మహాభూతే పటిచ్చ ద్వే మహాభూతా. (౧)

నోఉపాదా ధమ్మం పటిచ్చ ఉపాదా ధమ్మో ఉప్పజ్జతి నఆరమ్మణపచ్చయా – నోఉపాదా ఖన్ధే పటిచ్చ ఉపాదా చిత్తసముట్ఠానం రూపం; పటిసన్ధిక్ఖణే…పే… మహాభూతే పటిచ్చ ఉపాదా చిత్తసముట్ఠానం రూపం కటత్తారూపం ఉపాదారూపం (యావ అసఞ్ఞసత్తా). (౨)

నోఉపాదా ధమ్మం పటిచ్చ ఉపాదా చ నోఉపాదా చ ధమ్మా ఉప్పజ్జన్తి నఆరమ్మణపచ్చయా – నోఉపాదా ఖన్ధే పటిచ్చ ఉపాదా చ నోఉపాదా చ చిత్తసముట్ఠానం రూపం; పటిసన్ధిక్ఖణే…పే…. (౩)

నఅధిపతిపచ్చయా పఞ్చ, నఅనన్తరపచ్చయా తీణి…పే… నఉపనిస్సయపచ్చయా పఞ్చ, నపురేజాతపచ్చయా పఞ్చ, నపచ్ఛాజాతపచ్చయా పఞ్చ, నఆసేవనపచ్చయా పఞ్చ.

నకమ్మపచ్చయో

౩౭౭. నోఉపాదా ధమ్మం పటిచ్చ నోఉపాదా ధమ్మో ఉప్పజ్జతి నకమ్మపచ్చయా – నోఉపాదా ఖన్ధే పటిచ్చ సమ్పయుత్తకా చేతనా; బాహిరం ఆహారసముట్ఠానం ఉతుసముట్ఠానం…పే… ద్వే మహాభూతే పటిచ్చ ద్వే మహాభూతా. (౧)

నోఉపాదా ధమ్మం పటిచ్చ ఉపాదా ధమ్మో ఉప్పజ్జతి నకమ్మపచ్చయా – బాహిరే ఆహారసముట్ఠానే ఉతుసముట్ఠానే మహాభూతే పటిచ్చ ఉపాదారూపం. (౨)

నోఉపాదా ధమ్మం పటిచ్చ ఉపాదా చ నోఉపాదా చ ధమ్మా ఉప్పజ్జన్తి నకమ్మపచ్చయా – బాహిరం ఆహారసముట్ఠానం ఉతుసముట్ఠానం ఏకం మహాభూతం పటిచ్చ తయో మహాభూతా ఉపాదా చ రూపం…పే… ద్వే మహాభూతే…పే…. (౩)

నవిపాకపచ్చయో

౩౭౮. నోఉపాదా ధమ్మం పటిచ్చ నోఉపాదా ధమ్మో ఉప్పజ్జతి నవిపాకపచ్చయా – నోఉపాదా ఏకం ఖన్ధం పటిచ్చ తయో ఖన్ధా నోఉపాదా చ చిత్తసముట్ఠానం రూపం…పే… ద్వే ఖన్ధే…పే… ఏకం మహాభూతం…పే… (యావ అసఞ్ఞసత్తా, ఏవం తీణి నోఉపాదామూలకే).

నఆహారపచ్చయో

౩౭౯. నోఉపాదా ధమ్మం పటిచ్చ నోఉపాదా ధమ్మో ఉప్పజ్జతి నఆహారపచ్చయా – బాహిరం ఉతుసముట్ఠానం అసఞ్ఞసత్తానం ఏకం మహాభూతం…పే… ద్వే మహాభూతే పటిచ్చ ద్వే మహాభూతా. (౧)

నోఉపాదా ధమ్మం పటిచ్చ ఉపాదా ధమ్మో ఉప్పజ్జతి నఆహారపచ్చయా – బాహిరం ఉతుసముట్ఠానం అసఞ్ఞసత్తానం మహాభూతే పటిచ్చ ఉపాదారూపం. (౨)

నోఉపాదా ధమ్మం పటిచ్చ ఉపాదా చ నోఉపాదా చ ధమ్మా ఉప్పజ్జన్తి నఆహారపచ్చయా – బాహిరం ఉతుసముట్ఠానం అసఞ్ఞసత్తానం ఏకం మహాభూతం పటిచ్చ తయో మహాభూతా ఉపాదా చ రూపం…పే… ద్వే మహాభూతే…పే…. (౩)

నఇన్ద్రియపచ్చయో

౩౮౦. నోఉపాదా ధమ్మం పటిచ్చ నోఉపాదా ధమ్మో ఉప్పజ్జతి నఇన్ద్రియపచ్చయా – బాహిరం ఆహారసముట్ఠానం ఉతుసముట్ఠానం ఏకం మహాభూతం…పే…. (౧)

నోఉపాదా ధమ్మం పటిచ్చ ఉపాదా ధమ్మో ఉప్పజ్జతి నఇన్ద్రియపచ్చయా – బాహిరే ఆహారసముట్ఠానే ఉతుసముట్ఠానే అసఞ్ఞసత్తానం మహాభూతే పటిచ్చ రూపజీవితిన్ద్రియం.

నోఉపాదా ధమ్మం పటిచ్చ ఉపాదా చ నోఉపాదా చ ధమ్మా ఉప్పజ్జన్తి నఇన్ద్రియపచ్చయా – బాహిరం ఆహారసముట్ఠానం ఉతుసముట్ఠానం ఏకం మహాభూతం…పే…. (౩)

నఝానపచ్చయాది

౩౮౧. నోఉపాదా ధమ్మం పటిచ్చ నోఉపాదా ధమ్మో ఉప్పజ్జతి నఝానపచ్చయా – పఞ్చవిఞ్ఞాణసహగతం ఏకం ఖన్ధం పటిచ్చ తయో ఖన్ధా…పే… ద్వే ఖన్ధే…పే… బాహిరం ఆహారసముట్ఠానం ఉతుసముట్ఠానం అసఞ్ఞసత్తానం…పే… ద్వే మహాభూతే పటిచ్చ ద్వే మహాభూతా. (౧)

నోఉపాదా ధమ్మం పటిచ్చ ఉపాదా ధమ్మో ఉప్పజ్జతి నఝానపచ్చయా – బాహిరే ఆహారసముట్ఠానే ఉతుసముట్ఠానే అసఞ్ఞసత్తానం మహాభూతే పటిచ్చ ఉపాదా కటత్తారూపం. (౨)

నోఉపాదా ధమ్మం పటిచ్చ ఉపాదా చ నోఉపాదా చ ధమ్మా ఉప్పజ్జన్తి నఝానపచ్చయా – బాహిరం ఆహారసముట్ఠానం ఉతుసముట్ఠానం అసఞ్ఞసత్తానం ఏకం మహాభూతం పటిచ్చ తయో మహాభూతా…పే… ద్వే మహాభూతే…పే… మహాభూతే పటిచ్చ ఉపాదా కటత్తారూపం ఉపాదారూపం. (౩)

ఉపాదా ధమ్మం పటిచ్చ నోఉపాదా ధమ్మో ఉప్పజ్జతి నమగ్గపచ్చయా పఞ్చ… నసమ్పయుత్తపచ్చయా… తీణి.

నవిప్పయుత్తపచ్చయాది

౩౮౨. నోఉపాదా ధమ్మం పటిచ్చ నోఉపాదా ధమ్మో ఉప్పజ్జతి నవిప్పయుత్తపచ్చయా – అరూపే నోఉపాదా ఏకం ఖన్ధం పటిచ్చ తయో ఖన్ధా…పే… ద్వే ఖన్ధే…పే… బాహిరం ఆహారసముట్ఠానం ఉతుసముట్ఠానం అసఞ్ఞసత్తానం ఏకం మహాభూతం…పే…. (౧)

నోఉపాదా ధమ్మం పటిచ్చ ఉపాదా ధమ్మో ఉప్పజ్జతి నవిప్పయుత్తపచ్చయా – బాహిరే ఆహారసముట్ఠానే ఉతుసముట్ఠానే అసఞ్ఞసత్తానం మహాభూతే పటిచ్చ ఉపాదా కటత్తారూపం, ఉపాదారూపం. (౨)

నోఉపాదా ధమ్మం పటిచ్చ ఉపాదా చ నోఉపాదా చ ధమ్మా ఉప్పజ్జన్తి నవిప్పయుత్తపచ్చయా – బాహిరం ఆహారసముట్ఠానం ఉతుసముట్ఠానం ఏకం మహాభూతం పటిచ్చ తయో మహాభూతా ఉపాదా చ రూపం…పే… ద్వే మహాభూతే పటిచ్చ ద్వే మహాభూతా ఉపాదా చ రూపం, అసఞ్ఞసత్తానం ఏకం మహాభూతం పటిచ్చ తయో మహాభూతా కటత్తా చ రూపం ఉపాదారూపం…పే… ద్వే మహాభూతే పటిచ్చ ద్వే మహాభూతా కటత్తా చ రూపం ఉపాదారూపం… నోనత్థిపచ్చయా… నోవిగతపచ్చయా. (౩)