౧. విభఙ్గవారో

హేతుపచ్చయో

౩౭౦. ఉపాదా ధమ్మం పటిచ్చ నోఉపాదా ధమ్మో ఉప్పజ్జతి హేతుపచ్చయా – పటిసన్ధిక్ఖణే వత్థుం పటిచ్చ నోఉపాదా ఖన్ధా. (౧)

నోఉపాదా ధమ్మం పటిచ్చ నోఉపాదా ధమ్మో ఉప్పజ్జతి హేతుపచ్చయా – నోఉపాదా ఏకం ఖన్ధం పటిచ్చ తయో ఖన్ధా నోఉపాదా చ చిత్తసముట్ఠానం రూపం…పే… ద్వే ఖన్ధే…పే… పటిసన్ధిక్ఖణే నోఉపాదా ఏకం ఖన్ధం పటిచ్చ తయో ఖన్ధా నోఉపాదా చ కటత్తారూపం…పే… ద్వే ఖన్ధే…పే… ఏకం మహాభూతం…పే… ద్వే మహాభూతే పటిచ్చ ద్వే మహాభూతా. (౧)

నోఉపాదా ధమ్మం పటిచ్చ ఉపాదా ధమ్మో ఉప్పజ్జతి హేతుపచ్చయా – నోఉపాదా ఖన్ధే పటిచ్చ ఉపాదా చిత్తసముట్ఠానం రూపం; పటిసన్ధిక్ఖణే…పే… మహాభూతే పటిచ్చ ఉపాదా చిత్తసముట్ఠానం రూపం కటత్తారూపం ఉపాదారూపం. (౨)

నోఉపాదా ధమ్మం పటిచ్చ ఉపాదా చ నోఉపాదా చ ధమ్మా ఉప్పజ్జన్తి హేతుపచ్చయా – నోఉపాదా ఏకం ఖన్ధం పటిచ్చ తయో ఖన్ధా ఉపాదా చ నోఉపాదా చ చిత్తసముట్ఠానం రూపం…పే… ద్వే ఖన్ధే…పే… పటిసన్ధిక్ఖణే…పే…. (౩)

ఉపాదా చ నోఉపాదా చ ధమ్మం పటిచ్చ నోఉపాదా ధమ్మో ఉప్పజ్జతి హేతుపచ్చయా – పటిసన్ధిక్ఖణే నోఉపాదా ఏకం ఖన్ధఞ్చ వత్థుఞ్చ పటిచ్చ తయో ఖన్ధా, ద్వే ఖన్ధే చ…పే…. (౧)

ఆరమ్మణపచ్చయో

౩౭౧. ఉపాదా ధమ్మం పటిచ్చ నోఉపాదా ధమ్మో ఉప్పజ్జతి ఆరమ్మణపచ్చయా – పటిసన్ధిక్ఖణే వత్థుం పటిచ్చ నోఉపాదా ఖన్ధా. (౧)

నోఉపాదా ధమ్మం పటిచ్చ నోఉపాదా ధమ్మో ఉప్పజ్జతి ఆరమ్మణపచ్చయా – నోఉపాదా ఏకం ఖన్ధం పటిచ్చ తయో ఖన్ధా…పే… ద్వే ఖన్ధే…పే… పటిసన్ధిక్ఖణే…పే…. (౧)

ఉపాదా చ నోఉపాదా చ ధమ్మం పటిచ్చ నోఉపాదా ధమ్మో ఉప్పజ్జతి ఆరమ్మణపచ్చయా – పటిసన్ధిక్ఖణే నోఉపాదా ఏకం ఖన్ధఞ్చ వత్థుఞ్చ పటిచ్చ తయో ఖన్ధా…పే… ద్వే ఖన్ధే చ…పే…. (౧)

అధిపతిపచ్చయాది

౩౭౨. నోఉపాదా ధమ్మం పటిచ్చ నోఉపాదా ధమ్మో ఉప్పజ్జతి అధిపతిపచ్చయా – నోఉపాదా ఏకం ఖన్ధం పటిచ్చ తయో ఖన్ధా నోఉపాదా చ చిత్తసముట్ఠానం రూపం…పే… ద్వే ఖన్ధే…పే…. (౧)

నోఉపాదా ధమ్మం పటిచ్చ ఉపాదా ధమ్మో ఉప్పజ్జతి అధిపతిపచ్చయా – నోఉపాదా ఖన్ధే పటిచ్చ ఉపాదా చిత్తసముట్ఠానం రూపం, మహాభూతే పటిచ్చ ఉపాదా చిత్తసముట్ఠానం రూపం. (౨)

నోఉపాదా ధమ్మం పటిచ్చ ఉపాదా చ నోఉపాదా చ ధమ్మా ఉప్పజ్జన్తి అధిపతిపచ్చయా – నోఉపాదా ఏకం ఖన్ధం పటిచ్చ తయో ఖన్ధా ఉపాదా చ నోఉపాదా చ చిత్తసముట్ఠానం రూపం…పే… ద్వే ఖన్ధే…పే…. (౩)

అనన్తరపచ్చయా తీణి, సమనన్తరపచ్చయా తీణి, సహజాతపచ్చయా పఞ్చ.

అఞ్ఞమఞ్ఞపచ్చయో

౩౭౩. ఉపాదా ధమ్మం పటిచ్చ నోఉపాదా ధమ్మో ఉప్పజ్జతి అఞ్ఞమఞ్ఞపచ్చయా – పటిసన్ధిక్ఖణే వత్థుం పటిచ్చ నోఉపాదా ఖన్ధా. (౧)

నోఉపాదా ధమ్మం పటిచ్చ నోఉపాదా ధమ్మో ఉప్పజ్జతి అఞ్ఞమఞ్ఞపచ్చయా – నోఉపాదా ఏకం ఖన్ధం పటిచ్చ తయో ఖన్ధా…పే… ద్వే ఖన్ధే…పే… పటిసన్ధిక్ఖణే…పే… ఏకం మహాభూతం…పే… అసఞ్ఞసత్తానం ఏకం మహాభూతం పటిచ్చ…పే… ద్వే మహాభూతే పటిచ్చ ద్వే మహాభూతా. (౧)

నోఉపాదా ధమ్మం పటిచ్చ ఉపాదా ధమ్మో ఉప్పజ్జతి అఞ్ఞమఞ్ఞపచ్చయా – పటిసన్ధిక్ఖణే నోఉపాదా ఖన్ధే పటిచ్చ వత్థు. (౨)

నోఉపాదా ధమ్మం పటిచ్చ ఉపాదా చ నోఉపాదా చ ధమ్మా ఉప్పజ్జన్తి అఞ్ఞమఞ్ఞపచ్చయా – పటిసన్ధిక్ఖణే నోఉపాదా ఏకం ఖన్ధం పటిచ్చ తయో ఖన్ధా వత్థు చ…పే… ద్వే ఖన్ధే…పే…. (౩)

ఉపాదా చ నోఉపాదా చ ధమ్మం పటిచ్చ నోఉపాదా ధమ్మో ఉప్పజ్జతి అఞ్ఞమఞ్ఞపచ్చయా – పటిసన్ధిక్ఖణే నోఉపాదా ఏకం ఖన్ధఞ్చ వత్థుఞ్చ పటిచ్చ తయో ఖన్ధా…పే… ద్వే ఖన్ధే చ…పే… (సంఖిత్తం). (౧)