౧-౪. పచ్చయానులోమాది

౩౩౯. అజ్ఝత్తికం ధమ్మం సంసట్ఠో బాహిరో ధమ్మో ఉప్పజ్జతి హేతుపచ్చయా – చిత్తం సంసట్ఠా సమ్పయుత్తకా ఖన్ధా; పటిసన్ధిక్ఖణే చిత్తం సంసట్ఠా సమ్పయుత్తకా ఖన్ధా. (౧)

బాహిరం ధమ్మం సంసట్ఠో బాహిరో ధమ్మో ఉప్పజ్జతి హేతుపచ్చయా – బాహిరం ఏకం ఖన్ధం సంసట్ఠా ద్వే ఖన్ధా, ద్వే ఖన్ధే…పే… పటిసన్ధిక్ఖణే…పే…. బాహిరం ధమ్మం సంసట్ఠో అజ్ఝత్తికో ధమ్మో ఉప్పజ్జతి హేతుపచ్చయా – బాహిరే ఖన్ధే సంసట్ఠం చిత్తం; పటిసన్ధిక్ఖణే…పే…. బాహిరం ధమ్మం సంసట్ఠో అజ్ఝత్తికో చ బాహిరో చ ధమ్మా ఉప్పజ్జన్తి హేతుపచ్చయా – బాహిరం ఏకం ఖన్ధం సంసట్ఠా ద్వే ఖన్ధా చిత్తఞ్చ, ద్వే ఖన్ధే…పే… పటిసన్ధిక్ఖణే…పే…. (౩)

అజ్ఝత్తికఞ్చ బాహిరఞ్చ ధమ్మం సంసట్ఠో బాహిరో ధమ్మో ఉప్పజ్జతి హేతుపచ్చయా – బాహిరం ఏకం ఖన్ధఞ్చ చిత్తఞ్చ సంసట్ఠా ద్వే ఖన్ధా, ద్వే ఖన్ధే…పే… పటిసన్ధిక్ఖణే…పే… (సంఖిత్తం). హేతుయా పఞ్చ, ఆరమ్మణే పఞ్చ, అధిపతియా పఞ్చ (సబ్బత్థ పఞ్చ), అవిగతే పఞ్చ (అనులోమం).

అజ్ఝత్తికం ధమ్మం సంసట్ఠో బాహిరో ధమ్మో ఉప్పజ్జతి నహేతుపచ్చయా (ఏవం పఞ్చ కాతబ్బా, తీణియేవ మోహో).

నహేతుయా పఞ్చ, నఅధిపతియా పఞ్చ, నపురేజాతే పఞ్చ, నపచ్ఛాజాతే పఞ్చ, నఆసేవనే పఞ్చ, నకమ్మే తీణి, నవిపాకే పఞ్చ, నఝానే పఞ్చ, నమగ్గే పఞ్చ, నవిప్పయుత్తే పఞ్చ (పచ్చనీయం).