౧. విభఙ్గవారో

నహేతుపచ్చయో

౨౮౨. చిత్తసంసట్ఠసముట్ఠానం ధమ్మం పటిచ్చ చిత్తసంసట్ఠసముట్ఠానో ధమ్మో ఉప్పజ్జతి నహేతుపచ్చయా – అహేతుకం చిత్తసంసట్ఠసముట్ఠానం ఏకం ఖన్ధం పటిచ్చ ద్వే ఖన్ధా, ద్వే ఖన్ధే…పే… అహేతుకపటిసన్ధిక్ఖణే…పే… విచికిచ్ఛాసహగతే ఉద్ధచ్చసహగతే ఖన్ధే పటిచ్చ విచికిచ్ఛాసహగతో ఉద్ధచ్చసహగతో మోహో. (౧)

చిత్తసంసట్ఠసముట్ఠానం ధమ్మం పటిచ్చ నోచిత్తసంసట్ఠసముట్ఠానో ధమ్మో ఉప్పజ్జతి నహేతుపచ్చయా – అహేతుకే చిత్తసంసట్ఠసముట్ఠానే ఖన్ధే పటిచ్చ చిత్తం చిత్తసముట్ఠానఞ్చ రూపం; అహేతుకపటిసన్ధిక్ఖణే…పే…. (౨)

చిత్తసంసట్ఠసముట్ఠానం ధమ్మం పటిచ్చ చిత్తసంసట్ఠసముట్ఠానో చ నోచిత్తసంసట్ఠసముట్ఠానో చ ధమ్మా ఉప్పజ్జన్తి నహేతుపచ్చయా – అహేతుకం చిత్తసంసట్ఠసముట్ఠానం ఏకం ఖన్ధం పటిచ్చ ద్వే ఖన్ధా చిత్తఞ్చ చిత్తసముట్ఠానఞ్చ రూపం, ద్వే ఖన్ధే…పే… అహేతుకపటిసన్ధిక్ఖణే…పే…. (౩)

౨౮౩. నోచిత్తసంసట్ఠసముట్ఠానం ధమ్మం పటిచ్చ నోచిత్తసంసట్ఠసముట్ఠానో ధమ్మో ఉప్పజ్జతి నహేతుపచ్చయా – అహేతుకం చిత్తం పటిచ్చ చిత్తసముట్ఠానం రూపం; అహేతుకపటిసన్ధిక్ఖణే చిత్తం పటిచ్చ కటత్తారూపం, చిత్తం పటిచ్చ వత్థు, వత్థుం పటిచ్చ చిత్తం, ఏకం మహాభూతం…పే… (యావ అసఞ్ఞసత్తా). (౧)

నోచిత్తసంసట్ఠసముట్ఠానం ధమ్మం పటిచ్చ చిత్తసంసట్ఠసముట్ఠానో ధమ్మో ఉప్పజ్జతి నహేతుపచ్చయా – అహేతుకం చిత్తం పటిచ్చ సమ్పయుత్తకా ఖన్ధా; అహేతుకపటిసన్ధిక్ఖణే చిత్తం పటిచ్చ సమ్పయుత్తకా ఖన్ధా, అహేతుకపటిసన్ధిక్ఖణే వత్థుం పటిచ్చ చిత్తసంసట్ఠసముట్ఠానా ఖన్ధా, విచికిచ్ఛాసహగతం ఉద్ధచ్చసహగతం చిత్తం పటిచ్చ విచికిచ్ఛాసహగతో ఉద్ధచ్చసహగతో మోహో. (౨)

నోచిత్తసంసట్ఠసముట్ఠానం ధమ్మం పటిచ్చ చిత్తసంసట్ఠసముట్ఠానో చ నోచిత్తసంసట్ఠసముట్ఠానో చ ధమ్మా ఉప్పజ్జన్తి నహేతుపచ్చయా – అహేతుకం చిత్తం పటిచ్చ సమ్పయుత్తకా ఖన్ధా చిత్తసముట్ఠానఞ్చ రూపం; అహేతుకపటిసన్ధిక్ఖణే చిత్తం పటిచ్చ సమ్పయుత్తకా ఖన్ధా కటత్తా చ రూపం, అహేతుకపటిసన్ధిక్ఖణే వత్థుం పటిచ్చ చిత్తం సమ్పయుత్తకా చ ఖన్ధా. (౩)

౨౮౪. చిత్తసంసట్ఠసముట్ఠానఞ్చ నోచిత్తసంసట్ఠసముట్ఠానఞ్చ ధమ్మం పటిచ్చ చిత్తసంసట్ఠసముట్ఠానో ధమ్మో ఉప్పజ్జతి నహేతుపచ్చయా – అహేతుకం చిత్తసంసట్ఠసముట్ఠానం ఏకం ఖన్ధఞ్చ చిత్తఞ్చ పటిచ్చ ద్వే ఖన్ధా, ద్వే ఖన్ధే…పే… అహేతుకపటిసన్ధిక్ఖణే చిత్తసంసట్ఠసముట్ఠానం ఏకం ఖన్ధఞ్చ చితఞ్చ…పే… అహేతుకపటిసన్ధిక్ఖణే చిత్తసంసట్ఠసముట్ఠానం ఏకం ఖన్ధఞ్చ వత్థుఞ్చ పటిచ్చ ద్వే ఖన్ధా, ద్వే ఖన్ధే…పే… విచికిచ్ఛాసహగతే ఉద్ధచ్చసహగతే ఖన్ధే చ చిత్తఞ్చ పటిచ్చ విచికిచ్ఛాసహగతో ఉద్ధచ్చసహగతో మోహో. (౧)

చిత్తసంసట్ఠసముట్ఠానఞ్చ నోచిత్తసంసట్ఠసముట్ఠానఞ్చ ధమ్మం పటిచ్చ నోచిత్తసంసట్ఠసముట్ఠానో ధమ్మో ఉప్పజ్జతి నహేతుపచ్చయా – అహేతుకే చిత్తసంసట్ఠసముట్ఠానే ఖన్ధే చ చిత్తఞ్చ పటిచ్చ చిత్తసముట్ఠానం రూపం, అహేతుకే చిత్తసంసట్ఠసముట్ఠానే ఖన్ధే చ మహాభూతే చ పటిచ్చ చిత్తసముట్ఠానం రూపం; అహేతుకపటిసన్ధిక్ఖణే చిత్తసంసట్ఠసముట్ఠానే ఖన్ధే చ చిత్తఞ్చ పటిచ్చ కటత్తారూపం, అహేతుకపటిసన్ధిక్ఖణే చిత్తసంసట్ఠసముట్ఠానే ఖన్ధే చ మహాభూతే చ పటిచ్చ కటత్తారూపం, అహేతుకపటిసన్ధిక్ఖణే చిత్తసంసట్ఠసముట్ఠానే ఖన్ధే చ వత్థుఞ్చ పటిచ్చ చిత్తం. (౨)

చిత్తసంసట్ఠసముట్ఠానఞ్చ నోచిత్తసంసట్ఠసముట్ఠానఞ్చ ధమ్మం పటిచ్చ చిత్తసంసట్ఠసముట్ఠానో చ నోచిత్తసంసట్ఠసముట్ఠానో చ ధమ్మా ఉప్పజ్జన్తి నహేతుపచ్చయా – అహేతుకం చిత్తసంసట్ఠసముట్ఠానం ఏకం ఖన్ధఞ్చ చిత్తఞ్చ పటిచ్చ ద్వే ఖన్ధా చిత్తసముట్ఠానఞ్చ రూపం, ద్వే ఖన్ధే…పే… (అహేతుకపటిసన్ధిక్ఖణే ద్వేపి కాతబ్బా). (౩)

నఆరమ్మణపచ్చయో

౨౮౫. చిత్తసంసట్ఠసముట్ఠానం ధమ్మం పటిచ్చ నోచిత్తసంసట్ఠసముట్ఠానో ధమ్మో ఉప్పజ్జతి నఆరమ్మణపచ్చయా – చిత్తసంసట్ఠసముట్ఠానే ఖన్ధే పటిచ్చ చిత్తసముట్ఠానం రూపం; పటిసన్ధిక్ఖణే…పే…. (౧)

నోచిత్తసంసట్ఠసముట్ఠానం ధమ్మం పటిచ్చ నోచిత్తసంసట్ఠసముట్ఠానో ధమ్మో ఉప్పజ్జతి నఆరమ్మణపచ్చయా – చిత్తం పటిచ్చ చిత్తసముట్ఠానం రూపం; పటిసన్ధిక్ఖణే చిత్తం పటిచ్చ కటత్తారూపం, చిత్తం పటిచ్చ వత్థు, ఏకం మహాభూతం…పే… (యావ అసఞ్ఞసత్తా). (౧)

చిత్తసంసట్ఠసముట్ఠానఞ్చ నోచిత్తసంసట్ఠసముట్ఠానఞ్చ ధమ్మం పటిచ్చ నోచిత్తసంసట్ఠసముట్ఠానో ధమ్మో ఉప్పజ్జతి నఆరమ్మణపచ్చయా – చిత్తసంసట్ఠసముట్ఠానే ఖన్ధే చ చిత్తఞ్చ పటిచ్చ చిత్తసముట్ఠానం రూపం, చిత్తసంసట్ఠసముట్ఠానే ఖన్ధే చ మహాభూతే చ పటిచ్చ చిత్తసముట్ఠానం రూపం (పటిసన్ధిక్ఖణే ద్వే, సంఖిత్తం). (౧)