౧. విభఙ్గవారో

నహేతుపచ్చయో

౨౪౩. చిత్తసహభుం ధమ్మం పటిచ్చ చిత్తసహభూ ధమ్మో ఉప్పజ్జతి నహేతుపచ్చయా – అహేతుకం చిత్తసహభుం ఏకం ఖన్ధం పటిచ్చ ద్వే ఖన్ధా చిత్తసహభు చిత్తసముట్ఠానఞ్చ రూపం, ద్వే ఖన్ధే…పే… అహేతుకపటిసన్ధిక్ఖణే…పే… విచికిచ్ఛాసహగతే ఉద్ధచ్చసహగతే ఖన్ధే పటిచ్చ విచికిచ్ఛాసహగతో ఉద్ధచ్చసహగతో మోహో. (ఏవం నవపి పఞ్హా కాతబ్బా. ‘‘అహేతుక’’న్తి నియామేతబ్బం. యథా అనులోమే లబ్భతి ఏవం కాతబ్బం. తీణి మోహో యథా చిత్తసముట్ఠానదుకే ఏవమేవ కాతబ్బా.)

నకమ్మపచ్చయో

౨౪౪. చిత్తసహభుం ధమ్మం పటిచ్చ చిత్తసహభూ ధమ్మో ఉప్పజ్జతి నకమ్మపచ్చయా – చిత్తసహభూ ఖన్ధే పటిచ్చ చిత్తసహభూ చేతనా.

నోచిత్తసహభుం ధమ్మం పటిచ్చ నోచిత్తసహభూ ధమ్మో ఉప్పజ్జతి నకమ్మపచ్చయా – బాహిరం… ఆహారసముట్ఠానం… ఉతుసముట్ఠానం…పే….

నోచిత్తసహభుం ధమ్మం పటిచ్చ చిత్తసహభూ ధమ్మో ఉప్పజ్జతి నకమ్మపచ్చయా – చిత్తం పటిచ్చ సమ్పయుత్తకా చేతనా.

చిత్తసహభుఞ్చ నోచిత్తసహభుఞ్చ ధమ్మం పటిచ్చ చిత్తసహభూ ధమ్మో ఉప్పజ్జతి నకమ్మపచ్చయా – చిత్తసహభూ ఖన్ధే చ చిత్తఞ్చ పటిచ్చ సమ్పయుత్తకా చేతనా.

నఝానపచ్చయో

౨౪౫. చిత్తసహభుం ధమ్మం పటిచ్చ చిత్తసహభూ ధమ్మో ఉప్పజ్జతి నఝానపచ్చయా – పఞ్చవిఞ్ఞాణసహగతం…పే….