౧. విభఙ్గవారో

హేతుపచ్చయో

౨౧౦. చిత్తసముట్ఠానో ధమ్మో చిత్తసముట్ఠానస్స ధమ్మస్స హేతుపచ్చయేన పచ్చయో – చిత్తసముట్ఠానా హేతూ సమ్పయుత్తకానం ఖన్ధానం చిత్తసముట్ఠానానఞ్చ రూపానం హేతుపచ్చయేన పచ్చయో; పటిసన్ధిక్ఖణే…పే…. (౧)

చిత్తసముట్ఠానో ధమ్మో నోచిత్తసముట్ఠానస్స ధమ్మస్స హేతుపచ్చయేన పచ్చయో – చిత్తసముట్ఠానా హేతూ చిత్తస్స హేతుపచ్చయేన పచ్చయో; పటిసన్ధిక్ఖణే చిత్తసముట్ఠానా హేతూ చిత్తస్స కటత్తా చ రూపానం హేతుపచ్చయేన పచ్చయో. (౨)

చిత్తసముట్ఠానో ధమ్మో చిత్తసముట్ఠానస్స చ నోచిత్తసముట్ఠానస్స చ ధమ్మస్స హేతుపచ్చయేన పచ్చయో – చిత్తసముట్ఠానా హేతూ సమ్పయుత్తకానం ఖన్ధానం చిత్తస్స చ చిత్తసముట్ఠానానఞ్చ రూపానం హేతుపచ్చయేన పచ్చయో; పటిసన్ధిక్ఖణే…పే…. (౩)

ఆరమ్మణపచ్చయో

౨౧౧. చిత్తసముట్ఠానో ధమ్మో చిత్తసముట్ఠానస్స ధమ్మస్స ఆరమ్మణపచ్చయేన పచ్చయో – చిత్తసముట్ఠానే ఖన్ధే ఆరబ్భ చిత్తసముట్ఠానా ఖన్ధా ఉప్పజ్జన్తి. (మూలం కాతబ్బం) చిత్తసముట్ఠానే ఖన్ధే ఆరబ్భ చిత్తం ఉప్పజ్జతి. (మూలం కాతబ్బం) చిత్తసముట్ఠానే ఖన్ధే ఆరబ్భ చిత్తసముట్ఠానా ఖన్ధా చ చిత్తఞ్చ ఉప్పజ్జన్తి. (౩)

౨౧౨. నోచిత్తసముట్ఠానో ధమ్మో నోచిత్తసముట్ఠానస్స ధమ్మస్స ఆరమ్మణపచ్చయేన పచ్చయో – అరియా మగ్గా వుట్ఠహిత్వా మగ్గం పచ్చవేక్ఖన్తి, ఫలం…పే… నిబ్బానం పచ్చవేక్ఖన్తి. నిబ్బానం గోత్రభుస్స, వోదానస్స, మగ్గస్స, ఫలస్స, ఆవజ్జనాయ ఆరమ్మణపచ్చయేన పచ్చయో; చక్ఖుం…పే… వత్థుం నోచిత్తసముట్ఠానే ఖన్ధే అనిచ్చతో…పే… విపస్సతి, అస్సాదేతి అభినన్దతి, తం ఆరబ్భ చిత్తం ఉప్పజ్జతి. దిబ్బేన చక్ఖునా రూపం పస్సతి, దిబ్బాయ సోతధాతుయా సద్దం సుణాతి. చేతోపరియఞాణేన నోచిత్తసముట్ఠానచిత్తసమఙ్గిస్స చిత్తం జానాతి, ఆకాసానఞ్చాయతనం…పే… ఆకిఞ్చఞ్ఞాయతనం…పే… రూపాయతనం చక్ఖువిఞ్ఞాణస్స…పే… ఫోట్ఠబ్బాయతనం…పే… నోచిత్తసముట్ఠానా ఖన్ధా ఇద్ధివిధఞాణస్స, చేతోపరియఞాణస్స, పుబ్బేనివాసానుస్సతిఞాణస్స, అనాగతంసఞాణస్స, ఆవజ్జనాయ ఆరమ్మణపచ్చయేన పచ్చయో. (౧)

నోచిత్తసముట్ఠానో ధమ్మో చిత్తసముట్ఠానస్స ధమ్మస్స ఆరమ్మణపచ్చయేన పచ్చయో – అరియా మగ్గా…పే… నిబ్బానం పచ్చవేక్ఖన్తి (పఠమగమనసదిసం); చక్ఖుం…పే… వత్థుం నోచిత్తసముట్ఠానే ఖన్ధే అనిచ్చతో…పే… దోమనస్సం ఉప్పజ్జతి; దిబ్బేన చక్ఖునా రూపం పస్సతి…పే… రూపాయతనం చక్ఖువిఞ్ఞాణసహగతానం ఖన్ధానం…పే… ఫోట్ఠబ్బాయతనం…పే… నోచిత్తసముట్ఠానా ఖన్ధా ఇద్ధివిధఞాణస్స, చేతోపరియఞాణస్స, పుబ్బేనివాసానుస్సతిఞాణస్స, అనాగతంసఞాణస్స, ఆవజ్జనాయ ఆరమ్మణపచ్చయేన పచ్చయో. (౨)

నోచిత్తసముట్ఠానో ధమ్మో చిత్తసముట్ఠానస్స చ నోచిత్తసముట్ఠానస్స చ ధమ్మస్స ఆరమ్మణపచ్చయేన పచ్చయో – అరియా మగ్గా…పే… నిబ్బానం పచ్చవేక్ఖన్తి (పఠమగమనసదిసం), నోచిత్తసముట్ఠానే ఖన్ధే అనిచ్చతో…పే… విపస్సతి అస్సాదేతి అభినన్దతి, తం ఆరబ్భ చిత్తఞ్చ సమ్పయుత్తకా చ ఖన్ధా ఉప్పజ్జన్తి. దిబ్బేన చక్ఖునా రూపం పస్సతి, దిబ్బాయ సోతధాతుయా సద్దం సుణాతి. రూపాయతనం చక్ఖువిఞ్ఞాణస్స సమ్పయుత్తకానఞ్చ ఖన్ధానం…పే… ఫోట్ఠబ్బాయతనం…పే… నోచిత్తసముట్ఠానా ఖన్ధా ఇద్ధివిధఞాణస్స, చేతోపరియఞాణస్స, పుబ్బేనివాసానుస్సతిఞాణస్స అనాగతంసఞాణస్స, ఆవజ్జనాయ ఆరమ్మణపచ్చయేన పచ్చయో. (౩)

చిత్తసముట్ఠానో చ నోచిత్తసముట్ఠానో చ ధమ్మా చిత్తసముట్ఠానస్స ధమ్మస్స ఆరమ్మణపచ్చయేన పచ్చయో… తీణి (ఆరబ్భ కాతబ్బా).

అధిపతిపచ్చయో

౨౧౩. చిత్తసముట్ఠానో ధమ్మో చిత్తసముట్ఠానస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – చిత్తసముట్ఠానే ఖన్ధే గరుం కత్వా చిత్తసముట్ఠానా ఖన్ధా ఉప్పజ్జన్తి. సహజాతాధిపతి – చిత్తసముట్ఠానాధిపతి సమ్పయుత్తకానం ఖన్ధానం చిత్తసముట్ఠానానఞ్చ రూపానం అధిపతిపచ్చయేన పచ్చయో (తీణిపి ఆరమ్మణాధిపతి, సహజాతాధిపతిపి కాతబ్బా). (౩)

నోచిత్తసముట్ఠానో ధమ్మో నోచిత్తసముట్ఠానస్స ధమ్మస్స అధిపతిపచ్చయేన పచ్చయో – ఆరమ్మణాధిపతి – అరియా మగ్గా…పే… నిబ్బానం గరుం కత్వా…పే… నోచిత్తసముట్ఠానే ఖన్ధే గరుం కత్వా అస్సాదేతి అభినన్దతి, తం గరుం కత్వా చిత్తం ఉప్పజ్జతి. (౧)

నోచిత్తసముట్ఠానో ధమ్మో చిత్తసముట్ఠానస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – అరియా మగ్గా…పే… నిబ్బానం గరుం కత్వా పచ్చవేక్ఖన్తి…పే… నోచిత్తసముట్ఠానే ఖన్ధే గరుం కత్వా అస్సాదేతి అభినన్దతి, తం గరుం కత్వా రాగో ఉప్పజ్జతి, దిట్ఠి ఉప్పజ్జతి. సహజాతాధిపతి – నోచిత్తసముట్ఠానాధిపతి సమ్పయుత్తకానం ఖన్ధానం చిత్తసముట్ఠానానఞ్చ రూపానం అధిపతిపచ్చయేన పచ్చయో. (౨)

నోచిత్తసముట్ఠానో ధమ్మో చిత్తసముట్ఠానస్స చ నోచిత్తసముట్ఠానస్స చ ధమ్మస్స అధిపతిపచ్చయేన పచ్చయో. ఆరమ్మణాధిపతి – అరియా మగ్గా…పే… నిబ్బానం గరుం కత్వా పచ్చవేక్ఖన్తి…పే… నోచిత్తసముట్ఠానే ఖన్ధే గరుం కత్వా…పే… చిత్తఞ్చ సమ్పయుత్తకా చ ఖన్ధా ఉప్పజ్జన్తి. (౩)

చిత్తసముట్ఠానో చ నోచిత్తసముట్ఠానో చ ధమ్మా చిత్తసముట్ఠానస్స ధమ్మస్స అధిపతిపచ్చయేన పచ్చయో – ఆరమ్మణాధిపతి… తీణి (ఆరమ్మణాధిపతియేవ).

అనన్తర-సమనన్తరపచ్చయా

౨౧౪. చిత్తసముట్ఠానో ధమ్మో చిత్తసముట్ఠానస్స ధమ్మస్స అనన్తరపచ్చయేన పచ్చయో… తీణి (వుట్ఠానం నత్థి).

నోచిత్తసముట్ఠానో ధమ్మో నోచిత్తసముట్ఠానస్స ధమ్మస్స అనన్తరపచ్చయేన పచ్చయో – పురిమం పురిమం చిత్తం పచ్ఛిమస్స పచ్ఛిమస్స…పే… నిరోధా వుట్ఠహన్తస్స నేవసఞ్ఞానాసఞ్ఞాయతనం ఫలసమాపత్తియా అనన్తరపచ్చయేన పచ్చయో (ఇతరే ద్వే గణనా, ఇమస్స సదిసాయేవ కాతబ్బా).

చిత్తసముట్ఠానో చ నోచిత్తసముట్ఠానో చ ధమ్మా చిత్తసముట్ఠానస్స ధమ్మస్స అనన్తరపచ్చయేన పచ్చయో (తీణి కాతబ్బా, వుట్ఠానం నత్థి)… సమనన్తరపచ్చయేన పచ్చయో.

సహజాతపచ్చయాది

౨౧౫. చిత్తసముట్ఠానో ధమ్మో చిత్తసముట్ఠానస్స ధమ్మస్స సహజాతపచ్చయేన పచ్చయో (పటిచ్చవారసదిసం)… అఞ్ఞమఞ్ఞపచ్చయేన పచ్చయో (పటిచ్చవారసదిసం)… నిస్సయపచ్చయేన పచ్చయో (పచ్చయవారసదిసం).

ఉపనిస్సయపచ్చయో

౨౧౬. చిత్తసముట్ఠానో ధమ్మో చిత్తసముట్ఠానస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – (తీణి పఞ్హా కాతబ్బా). (౩)

నోచిత్తసముట్ఠానో ధమ్మో నోచిత్తసముట్ఠానస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – ఉతుం… భోజనం… సేనాసనం చిత్తం ఉపనిస్సాయ దానం దేతి…పే… సఙ్ఘం భిన్దతి; ఉతు… భోజనం… సేనాసనం చిత్తం చిత్తస్స ఉపనిస్సయపచ్చయేన పచ్చయో. (౧)

నోచిత్తసముట్ఠానో ధమ్మో చిత్తసముట్ఠానస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – ఉతుం… భోజనం… సేనాసనం చిత్తం ఉపనిస్సాయ దానం దేతి…పే… సఙ్ఘం భిన్దతి; ఉతు… భోజనం… సేనాసనం చిత్తం సద్ధాయ…పే… మగ్గస్స ఫలసమాపత్తియా ఉపనిస్సయపచ్చయేన పచ్చయో. (౨)

నోచిత్తసముట్ఠానో ధమ్మో చిత్తసముట్ఠానస్స చ నోచిత్తసముట్ఠానస్స చ ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – ఉతుం… భోజనం… సేనాసనం చిత్తం ఉపనిస్సాయ దానం దేతి…పే… సఙ్ఘం భిన్దతి; ఉతు… భోజనం… సేనాసనం చిత్తం చిత్తసముట్ఠానానం ఖన్ధానం చిత్తస్స చ ఉపనిస్సయపచ్చయేన పచ్చయో. (౩)

చిత్తసముట్ఠానో చ నోచిత్తసముట్ఠానో చ ధమ్మా చిత్తసముట్ఠానస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో… తీణి.

పురేజాతపచ్చయో

౨౧౭. చిత్తసముట్ఠానో ధమ్మో చిత్తసముట్ఠానస్స ధమ్మస్స పురేజాతపచ్చయేన పచ్చయో. ఆరమ్మణపురేజాతం – చిత్తసముట్ఠానే రూపే…పే… ఫోట్ఠబ్బే అనిచ్చతో…పే… విపస్సతి…పే… దోమనస్సం ఉప్పజ్జతి; దిబ్బేన చక్ఖునా రూపం పస్సతి, దిబ్బాయ సోతధాతుయా సద్దం సుణాతి. రూపాయతనం చక్ఖువిఞ్ఞాణసహగతానం ఖన్ధానం పురేజాతపచ్చయేన పచ్చయో…పే… ఫోట్ఠబ్బాయతనం కాయవిఞ్ఞాణసహగతానం ఖన్ధానం పురేజాతపచ్చయేన పచ్చయో. (౧)

చిత్తసముట్ఠానో ధమ్మో నోచిత్తసముట్ఠానస్స ధమ్మస్స పురేజాతపచ్చయేన పచ్చయో. ఆరమ్మణపురేజాతం – చిత్తసముట్ఠానే రూపే…పే… ఫోట్ఠబ్బే అనిచ్చతో…పే… విపస్సతి అస్సాదేతి అభినన్దతి, తం ఆరబ్భ చిత్తం ఉప్పజ్జతి. దిబ్బేన చక్ఖునా రూపం పస్సతి, దిబ్బాయ సోతధాతుయా సద్దం సుణాతి. రూపాయతనం చక్ఖువిఞ్ఞాణస్స…పే… ఫోట్ఠబ్బాయతనం కాయవిఞ్ఞాణస్స పురేజాతపచ్చయేన పచ్చయో. (౨)

చిత్తసముట్ఠానో ధమ్మో చిత్తసముట్ఠానస్స చ నోచిత్తసముట్ఠానస్స చ ధమ్మస్స పురేజాతపచ్చయేన పచ్చయో. ఆరమ్మణపురేజాతం – చిత్తసముట్ఠానే రూపే…పే… ఫోట్ఠబ్బే అనిచ్చతో…పే… విపస్సతి అస్సాదేతి అభినన్దతి, తం ఆరబ్భ చిత్తఞ్చ సమ్పయుత్తకా చ ఖన్ధా ఉప్పజ్జన్తి. దిబ్బేన చక్ఖునా రూపం పస్సతి, దిబ్బాయ సోతధాతుయా సద్దం సుణాతి. రూపాయతనం చక్ఖువిఞ్ఞాణస్స సమ్పయుత్తకానఞ్చ ఖన్ధానం పురేజాతపచ్చయేన పచ్చయో…పే… ఫోట్ఠబ్బాయతనం…పే…. (౩)

౨౧౮. నోచిత్తసముట్ఠానో ధమ్మో నోచిత్తసముట్ఠానస్స ధమ్మస్స పురేజాతపచ్చయేన పచ్చయో – ఆరమ్మణపురేజాతం, వత్థుపురేజాతం. ఆరమ్మణపురేజాతం – చక్ఖుం…పే… కాయం, రూపే…పే… ఫోట్ఠబ్బే వత్థుం అనిచ్చతో…పే… తం ఆరబ్భ చిత్తం ఉప్పజ్జతి. దిబ్బేన చక్ఖునా రూపం పస్సతి, దిబ్బాయ సోతధాతుయా సద్దం సుణాతి. రూపాయతనం చక్ఖువిఞ్ఞాణస్స…పే… ఫోట్ఠబ్బాయతనం …పే…. వత్థుపురేజాతం – చక్ఖాయతనం చక్ఖువిఞ్ఞాణస్స…పే… కాయాయతనం…పే… వత్థు చిత్తస్స పురేజాతపచ్చయేన పచ్చయో. (౧)

నోచిత్తసముట్ఠానో ధమ్మో చిత్తసముట్ఠానస్స ధమ్మస్స పురేజాతపచ్చయేన పచ్చయో – ఆరమ్మణపురేజాతం, వత్థుపురేజాతం. ఆరమ్మణపురేజాతం – చక్ఖుం…పే… వత్థుం అనిచ్చతో…పే… దోమనస్సం ఉప్పజ్జతి. దిబ్బేన చక్ఖునా రూపం పస్సతి, దిబ్బాయ సోతధాతుయా సద్దం సుణాతి. రూపాయతనం చక్ఖువిఞ్ఞాణసహగతానం ఖన్ధానం…పే… ఫోట్ఠబ్బాయతనం…పే…. వత్థుపురేజాతం – చక్ఖాయతనం చక్ఖువిఞ్ఞాణసహగతానం ఖన్ధానం…పే… కాయాయతనం…పే… వత్థు చిత్తసముట్ఠానానం ఖన్ధానం పురేజాతపచ్చయేన పచ్చయో. (౨)

నోచిత్తసముట్ఠానో ధమ్మో చిత్తసముట్ఠానస్స చ నోచిత్తసముట్ఠానస్స చ ధమ్మస్స పురేజాతపచ్చయేన పచ్చయో – ఆరమ్మణపురేజాతం, వత్థుపురేజాతం. ఆరమ్మణపురేజాతం – చక్ఖుం…పే… వత్థుం అనిచ్చతో…పే… తం ఆరబ్భ చిత్తఞ్చ సమ్పయుత్తకా చ ఖన్ధా ఉప్పజ్జన్తి. దిబ్బేన చక్ఖునా రూపం పస్సతి, దిబ్బాయ సోతధాతుయా సద్దం సుణాతి. రూపాయతనం చక్ఖువిఞ్ఞాణస్స సమ్పయుత్తకానఞ్చ ఖన్ధానం…పే… ఫోట్ఠబ్బాయతనం…పే…. వత్థుపురేజాతం – చక్ఖాయతనం చక్ఖువిఞ్ఞాణస్స సమ్పయుత్తకానఞ్చ ఖన్ధానం…పే… కాయాయతనం…పే… వత్థు చిత్తస్స సమ్పయుత్తకానఞ్చ ఖన్ధానం పురేజాతపచ్చయేన పచ్చయో. (౩)

౨౧౯. చిత్తసముట్ఠానో చ నోచిత్తసముట్ఠానో చ ధమ్మా చిత్తసముట్ఠానస్స ధమ్మస్స పురేజాతపచ్చయేన పచ్చయో – ఆరమ్మణపురేజాతం, వత్థుపురేజాతం. చిత్తసముట్ఠానం రూపాయతనఞ్చ చక్ఖాయతనఞ్చ చక్ఖువిఞ్ఞాణసహగతానం ఖన్ధానం …పే… చిత్తసముట్ఠానం ఫోట్ఠబ్బాయతనఞ్చ కాయాయతనఞ్చ కాయవిఞ్ఞాణసహగతానం ఖన్ధానం పురేజాతపచ్చయేన పచ్చయో; చిత్తసముట్ఠానం రూపాయతనఞ్చ వత్థు చ చిత్తసముట్ఠానానం ఖన్ధానం పురేజాతపచ్చయేన పచ్చయో…పే… చిత్తసముట్ఠానం ఫోట్ఠబ్బాయతనఞ్చ వత్థు చ…పే…. (౧)

చిత్తసముట్ఠానో చ నోచిత్తసముట్ఠానో చ ధమ్మా నోచిత్తసముట్ఠానస్స ధమ్మస్స పురేజాతపచ్చయేన పచ్చయో – ఆరమ్మణపురేజాతం, వత్థుపురేజాతం. చిత్తసముట్ఠానం రూపాయతనఞ్చ చక్ఖాయతనఞ్చ చక్ఖువిఞ్ఞాణస్స…పే… చిత్తసముట్ఠానం ఫోట్ఠబ్బాయతనఞ్చ కాయాయతనఞ్చ కాయవిఞ్ఞాణస్స పురేజాతపచ్చయేన పచ్చయో; చిత్తసముట్ఠానం రూపాయతనఞ్చ వత్థు చ చిత్తస్స పురేజాతపచ్చయేన పచ్చయో…పే… చిత్తసముట్ఠానం ఫోట్ఠబ్బాయతనఞ్చ వత్థు చ…పే…. (౨)

చిత్తసముట్ఠానో చ నోచిత్తసముట్ఠానో చ ధమ్మా చిత్తసముట్ఠానస్స చ నోచిత్తసముట్ఠానస్స చ ధమ్మస్స పురేజాతపచ్చయేన పచ్చయో – ఆరమ్మణపురేజాతం, వత్థుపురేజాతం. చిత్తసముట్ఠానం రూపాయతనఞ్చ చక్ఖాయతనఞ్చ చక్ఖువిఞ్ఞాణస్స సమ్పయుత్తకానఞ్చ ఖన్ధానం పురేజాతపచ్చయేన పచ్చయో…పే… చిత్తసముట్ఠానం ఫోట్ఠబ్బాయతనం చ…పే… చిత్తసముట్ఠానం రూపాయతనఞ్చ వత్థు చ చిత్తస్స సమ్పయుత్తకానఞ్చ ఖన్ధానం పురేజాతపచ్చయేన పచ్చయో…పే… చిత్తసముట్ఠానం ఫోట్ఠబ్బాయతనఞ్చ వత్థు చ…పే…. (౩)

పచ్ఛాజాతాసేవనపచ్చయా

౨౨౦. చిత్తసముట్ఠానో ధమ్మో చిత్తసముట్ఠానస్స ధమ్మస్స పచ్ఛాజాతపచ్చయేన పచ్చయో – పచ్ఛాజాతా చిత్తసముట్ఠానా ఖన్ధా పురేజాతస్స ఇమస్స చిత్తసముట్ఠానస్స కాయస్స పచ్ఛాజాతపచ్చయేన పచ్చయో (ఇమినాకారేనేవ పచ్ఛాజాతో విత్థారేతబ్బో)… ఆసేవనపచ్చయేన పచ్చయో… నవ.

కమ్మ-విపాకపచ్చయా

౨౨౧. చిత్తసముట్ఠానో ధమ్మో చిత్తసముట్ఠానస్స ధమ్మస్స కమ్మపచ్చయేన పచ్చయో – సహజాతా, నానాక్ఖణికా. సహజాతా – చిత్తసముట్ఠానా చేతనా సమ్పయుత్తకానం ఖన్ధానం చిత్తసముట్ఠానానఞ్చ రూపానం కమ్మపచ్చయేన పచ్చయో; పటిసన్ధిక్ఖణే…పే…. నానాక్ఖణికా – చిత్తసముట్ఠానా చేతనా విపాకానం ఖన్ధానం కమ్మపచ్చయేన పచ్చయో. (౧)

చిత్తసముట్ఠానో ధమ్మో నోచిత్తసముట్ఠానస్స ధమ్మస్స కమ్మపచ్చయేన పచ్చయో – సహజాతా, నానాక్ఖణికా. సహజాతా – చిత్తసముట్ఠానా చేతనా చిత్తస్స కమ్మపచ్చయేన పచ్చయో; పటిసన్ధిక్ఖణే…పే…. నానాక్ఖణికా – చిత్తసముట్ఠానా చేతనా విపాకస్స చిత్తస్స కటత్తా చ రూపానం కమ్మపచ్చయేన పచ్చయో. (౨)

చిత్తసముట్ఠానో ధమ్మో చిత్తసముట్ఠానస్స చ నోచిత్తసముట్ఠానస్స చ ధమ్మస్స కమ్మపచ్చయేన పచ్చయో – సహజాతా, నానాక్ఖణికా. సహజాతా – చిత్తసముట్ఠానా చేతనా సమ్పయుత్తకానం ఖన్ధానం చిత్తస్స చ చిత్తసముట్ఠానానఞ్చ రూపానం కమ్మపచ్చయేన పచ్చయో; పటిసన్ధిక్ఖణే…పే…. నానాక్ఖణికా – చిత్తసముట్ఠానా చేతనా విపాకానం ఖన్ధానం చిత్తస్స చ కటత్తా చ రూపానం కమ్మపచ్చయేన పచ్చయో. (౩)

చిత్తసముట్ఠానో ధమ్మో చిత్తసముట్ఠానస్స ధమ్మస్స విపాకపచ్చయేన పచ్చయో… నవ.

ఆహారపచ్చయో

౨౨౨. చిత్తసముట్ఠానో ధమ్మో చిత్తసముట్ఠానస్స ధమ్మస్స ఆహారపచ్చయేన పచ్చయో – చిత్తసముట్ఠానా ఆహారా సమ్పయుత్తకానం ఖన్ధానం చిత్తసముట్ఠానానఞ్చ రూపానం ఆహారపచ్చయేన పచ్చయో; పటిసన్ధిక్ఖణే…పే…. (మూలం కాతబ్బం) చిత్తసముట్ఠానా ఆహారా చిత్తస్స ఆహారపచ్చయేన పచ్చయో; పటిసన్ధిక్ఖణే…పే… చిత్తసముట్ఠానో కబళీకారో ఆహారో ఇమస్స నోచిత్తసముట్ఠానస్స కాయస్స ఆహారపచ్చయేన పచ్చయో. (మూలం కాతబ్బం) చిత్తసముట్ఠానా ఆహారా సమ్పయుత్తకానం ఖన్ధానం చిత్తస్స చ చిత్తసముట్ఠానానఞ్చ రూపానం ఆహారపచ్చయేన పచ్చయో; పటిసన్ధిక్ఖణే…పే…. (౩)

౨౨౩. నోచిత్తసముట్ఠానో ధమ్మో నోచిత్తసముట్ఠానస్స ధమ్మస్స ఆహారపచ్చయేన పచ్చయో – పటిసన్ధిక్ఖణే నోచిత్తసముట్ఠానా ఆహారా కటత్తారూపానం ఆహారపచ్చయేన పచ్చయో; నోచిత్తసముట్ఠానో కబళీకారో ఆహారో ఇమస్స నోచిత్తసముట్ఠానస్స కాయస్స ఆహారపచ్చయేన పచ్చయో. (మూలం కాతబ్బం) నోచిత్తసముట్ఠానా ఆహారా సమ్పయుత్తకానం ఖన్ధానం చిత్తసముట్ఠానానఞ్చ రూపానం ఆహారపచ్చయేన పచ్చయో; పటిసన్ధిక్ఖణే…పే…. (మూలం కాతబ్బం) పటిసన్ధిక్ఖణే నోచిత్తసముట్ఠానా ఆహారా సమ్పయుత్తకానం ఖన్ధానం కటత్తా చ రూపానం ఆహారపచ్చయేన పచ్చయో. (౩)

౨౨౪. చిత్తసముట్ఠానో చ నోచిత్తసముట్ఠానో చ ధమ్మా చిత్తసముట్ఠానస్స ధమ్మస్స ఆహారపచ్చయేన పచ్చయో – చిత్తసముట్ఠానా చ నోచిత్తసముట్ఠానా చ ఆహారా సమ్పయుత్తకానం ఖన్ధానం చిత్తసముట్ఠానానఞ్చ రూపానం ఆహారపచ్చయేన పచ్చయో; పటిసన్ధిక్ఖణే…పే…. (మూలం కాతబ్బం) పటిసన్ధిక్ఖణే చిత్తసముట్ఠానా చ నోచిత్తసముట్ఠానా చ ఆహారా కటత్తారూపానం ఆహారపచ్చయేన పచ్చయో; చిత్తసముట్ఠానో చ నోచిత్తసముట్ఠానో చ కబళీకారో ఆహారో ఇమస్స నోచిత్తసముట్ఠానస్స కాయస్స ఆహారపచ్చయేన పచ్చయో. (మూలం కాతబ్బం) పటిసన్ధిక్ఖణే చిత్తసముట్ఠానా చ నోచిత్తసముట్ఠానా చ ఆహారా సమ్పయుత్తకానం ఖన్ధానం కటత్తా చ రూపానం ఆహారపచ్చయేన పచ్చయో. (౩)

ఇన్ద్రియపచ్చయాది

౨౨౫. చిత్తసముట్ఠానో ధమ్మో చిత్తసముట్ఠానస్స ధమ్మస్స ఇన్ద్రియపచ్చయేన పచ్చయో… తీణి.

నోచిత్తసముట్ఠానో ధమ్మో నోచిత్తసముట్ఠానస్స ధమ్మస్స ఇన్ద్రియపచ్చయేన పచ్చయో – పటిసన్ధిక్ఖణే నోచిత్తసముట్ఠానా ఇన్ద్రియా కటత్తారూపానం ఇన్ద్రియపచ్చయేన పచ్చయో; పటిసన్ధిక్ఖణే…పే… చక్ఖున్ద్రియం చక్ఖువిఞ్ఞాణస్స…పే… కాయిన్ద్రియం కాయవిఞ్ఞాణస్స…పే… రూపజీవితిన్ద్రియం కటత్తారూపానం ఇన్ద్రియపచ్చయేన పచ్చయో. (మూలం కాతబ్బం) నోచిత్తసముట్ఠానా ఇన్ద్రియా సమ్పయుత్తకానం ఖన్ధానం చిత్తసముట్ఠానానఞ్చ రూపానం ఇన్ద్రియపచ్చయేన పచ్చయో; పటిసన్ధిక్ఖణే…పే… చక్ఖున్ద్రియం చక్ఖువిఞ్ఞాణసహగతానం ఖన్ధానం…పే… కాయిన్ద్రియం…పే…. (మూలం కాతబ్బం) పటిసన్ధిక్ఖణే నోచిత్తసముట్ఠానా ఇన్ద్రియా సమ్పయుత్తకానం ఖన్ధానం కటత్తా చ రూపానం ఇన్ద్రియపచ్చయేన పచ్చయో; చక్ఖున్ద్రియం చక్ఖువిఞ్ఞాణస్స చక్ఖువిఞ్ఞాణసహగతానఞ్చ ఖన్ధానం…పే… కాయిన్ద్రియం…పే…. (౩)

౨౨౬. చిత్తసముట్ఠానో చ నోచిత్తసముట్ఠానో చ ధమ్మా చిత్తసముట్ఠానస్స ధమ్మస్స ఇన్ద్రియపచ్చయేన పచ్చయో – చిత్తసముట్ఠానా చ నోచిత్తసముట్ఠానా చ ఇన్ద్రియా సమ్పయుత్తకానం ఖన్ధానం చిత్తసముట్ఠానానఞ్చ రూపానం ఇన్ద్రియపచ్చయేన పచ్చయో; పటిసన్ధిక్ఖణే…పే… చక్ఖున్ద్రియఞ్చ ఉపేక్ఖిన్ద్రియఞ్చ చక్ఖువిఞ్ఞాణసహగతానం ఖన్ధానం…పే… కాయిన్ద్రియఞ్చ సుఖిన్ద్రియఞ్చ…పే… కాయిన్ద్రియఞ్చ దుక్ఖిన్ద్రియఞ్చ కాయవిఞ్ఞాణసహగతానం ఖన్ధానం ఇన్ద్రియపచ్చయేన పచ్చయో. (మూలం కాతబ్బం) పటిసన్ధిక్ఖణే చిత్తసముట్ఠానా చ నోచిత్తసముట్ఠానా చ ఇన్ద్రియా కటత్తారూపానం ఇన్ద్రియపచ్చయేన పచ్చయో; చక్ఖున్ద్రియఞ్చ ఉపేక్ఖిన్ద్రియఞ్చ చక్ఖువిఞ్ఞాణస్స …పే… కాయిన్ద్రియఞ్చ…పే…. (మూలం కాతబ్బం) పటిసన్ధిక్ఖణే చిత్తసముట్ఠానా చ నోచిత్తసముట్ఠానా చ ఇన్ద్రియా సమ్పయుత్తకానం ఖన్ధానం కటత్తా చ రూపానం ఇన్ద్రియపచ్చయేన పచ్చయో; చక్ఖున్ద్రియఞ్చ ఉపేక్ఖిన్ద్రియఞ్చ చక్ఖువిఞ్ఞాణస్స సమ్పయుత్తకానఞ్చ ఖన్ధానం ఇన్ద్రియపచ్చయేన పచ్చయో; కాయిన్ద్రియం చ…పే…. (౩)

ఝానపచ్చయేన పచ్చయో… తీణి… మగ్గపచ్చయేన పచ్చయో… తీణి… సమ్పయుత్తపచ్చయేన పచ్చయో… పఞ్చ…పే….

విప్పయుత్తపచ్చయో

౨౨౭. చిత్తసముట్ఠానో ధమ్మో చిత్తసముట్ఠానస్స ధమ్మస్స విప్పయుత్తపచ్చయేన పచ్చయో – సహజాతం, పచ్ఛాజాతం (సంఖిత్తం). (౧)

చిత్తసముట్ఠానో ధమ్మో నోచిత్తసముట్ఠానస్స ధమ్మస్స విప్పయుత్తపచ్చయేన పచ్చయో – సహజాతం, పచ్ఛాజాతం. సహజాతం – పటిసన్ధిక్ఖణే (సంఖిత్తం). (౨)

చిత్తసముట్ఠానో ధమ్మో చిత్తసముట్ఠానస్స చ నోచిత్తసముట్ఠానస్స చ ధమ్మస్స విప్పయుత్తపచ్చయేన పచ్చయో… పచ్ఛాజాతం (సంఖిత్తం). (౩)

౨౨౮. నోచిత్తసముట్ఠానో ధమ్మో నోచిత్తసముట్ఠానస్స ధమ్మస్స విప్పయుత్తపచ్చయేన పచ్చయో – సహజాతం, పురేజాతం, పచ్ఛాజాతం. సహజాతం – పటిసన్ధిక్ఖణే చిత్తం కటత్తా రూపానం విప్పయుత్తపచ్చయేన పచ్చయో, చిత్తం వత్థుస్స విప్పయుత్తపచ్చయేన పచ్చయో, వత్థు చిత్తస్స విప్పయుత్తపచ్చయేన పచ్చయో. పురేజాతం – చక్ఖాయతనం చక్ఖువిఞ్ఞాణస్స…పే… కాయాయతనం కాయవిఞ్ఞాణస్స…పే… వత్థు చిత్తస్స విప్పయుత్తపచ్చయేన పచ్చయో. పచ్ఛాజాతా – నోచిత్తసముట్ఠానా ఖన్ధా పురేజాతస్స ఇమస్స నోచిత్తసముట్ఠానస్స కాయస్స విప్పయుత్తపచ్చయేన పచ్చయో. (౧)

నోచిత్తసముట్ఠానో ధమ్మో చిత్తసముట్ఠానస్స ధమ్మస్స విప్పయుత్తపచ్చయేన పచ్చయో – సహజాతం, పురేజాతం, పచ్ఛాజాతం (సంఖిత్తం). (౨)

నోచిత్తసముట్ఠానో ధమ్మో చిత్తసముట్ఠానస్స చ నోచిత్తసముట్ఠానస్స చ ధమ్మస్స విప్పయుత్తపచ్చయేన పచ్చయో – సహజాతం, పురేజాతం, పచ్ఛాజాతం (సంఖిత్తం). (౩)

౨౨౯. చిత్తసముట్ఠానో చ నోచిత్తసముట్ఠానో చ ధమ్మా చిత్తసముట్ఠానస్స ధమ్మస్స విప్పయుత్తపచ్చయేన పచ్చయో – సహజాతం, పచ్ఛాజాతం (సంఖిత్తం). (౧)

చిత్తసముట్ఠానో చ నోచిత్తసముట్ఠానో చ ధమ్మా నోచిత్తసముట్ఠానస్స ధమ్మస్స విప్పయుత్తపచ్చయేన పచ్చయో – సహజాతం, పచ్ఛాజాతం (సంఖిత్తం). (౨)

చిత్తసముట్ఠానో చ నోచిత్తసముట్ఠానో చ ధమ్మా చిత్తసముట్ఠానస్స చ నోచిత్తసముట్ఠానస్స చ ధమ్మస్స విప్పయుత్తపచ్చయేన పచ్చయో… పచ్ఛాజాతం (సంఖిత్తం). (౩)

అత్థిపచ్చయాది

౨౩౦. చిత్తసముట్ఠానో ధమ్మో చిత్తసముట్ఠానస్స ధమ్మస్స అత్థిపచ్చయేన పచ్చయో – సహజాతం, పురేజాతం, పచ్ఛాజాతం (సంఖిత్తం). (౧)

చిత్తసముట్ఠానో ధమ్మో నోచిత్తసముట్ఠానస్స ధమ్మస్స అత్థిపచ్చయేన పచ్చయో – సహజాతం, పురేజాతం, పచ్ఛాజాతం, ఆహారం (సంఖిత్తం). (౨)

చిత్తసముట్ఠానో ధమ్మో చిత్తసముట్ఠానస్స చ నోచిత్తసముట్ఠానస్స చ ధమ్మస్స అత్థిపచ్చయేన పచ్చయో – సహజాతం, పురేజాతం, పచ్ఛాజాతం (సంఖిత్తం). (౩)

నోచిత్తసముట్ఠానో ధమ్మో నోచిత్తసముట్ఠానస్స ధమ్మస్స అత్థిపచ్చయేన పచ్చయో – సహజాతం, పురేజాతం, పచ్ఛాజాతం, ఆహారం, ఇన్ద్రియం (సంఖిత్తం). (౧)

నోచిత్తసముట్ఠానో ధమ్మో చిత్తసముట్ఠానస్స ధమ్మస్స అత్థిపచ్చయేన పచ్చయో – సహజాతం, పురేజాతం, పచ్ఛాజాతం (సంఖిత్తం). (౨)

నోచిత్తసముట్ఠానో ధమ్మో చిత్తసముట్ఠానస్స చ నోచిత్తసముట్ఠానస్స చ ధమ్మస్స అత్థిపచ్చయేన పచ్చయో – సహజాతం, పురేజాతం, పచ్ఛాజాతం, ఆహారం (సంఖిత్తం). (౩)

౨౩౧. చిత్తసముట్ఠానో చ నోచిత్తసముట్ఠానో చ ధమ్మా చిత్తసముట్ఠానస్స ధమ్మస్స అత్థిపచ్చయేన పచ్చయో – సహజాతం, పురేజాతం, పచ్ఛాజాతం. సహజాతో – చక్ఖువిఞ్ఞాణసహగతో ఏకో ఖన్ధో…పే… (సంఖిత్తం). (౧)

చిత్తసముట్ఠానో చ నోచిత్తసముట్ఠానో చ ధమ్మా నోచిత్తసముట్ఠానస్స ధమ్మస్స అత్థిపచ్చయేన పచ్చయో – సహజాతం, పురేజాతం, పచ్ఛాజాతం, ఆహారం, ఇన్ద్రియం. సహజాతా – చక్ఖువిఞ్ఞాణసహగతా ఖన్ధా చ చక్ఖాయతనఞ్చ చక్ఖువిఞ్ఞాణస్స అత్థిపచ్చయేన పచ్చయో…పే… కాయవిఞ్ఞాణసహగతా…పే…. సహజాతా – చిత్తసముట్ఠానా…పే… (పచ్చయవారసదిసం పటిసన్ధిపి పవత్తిపి కాతబ్బా సబ్బేసమ్పి పఞ్హానం.) పచ్ఛాజాతా – చిత్తసముట్ఠానా ఖన్ధా చ చిత్తఞ్చ పురేజాతస్స ఇమస్స నోచిత్తసముట్ఠానస్స కాయస్స అత్థిపచ్చయేన పచ్చయో. పచ్ఛాజాతా – చిత్తసముట్ఠానా ఖన్ధా చ చిత్తఞ్చ కబళీకారో ఆహారో చ ఇమస్స నోచిత్తసముట్ఠానస్స కాయస్స అత్థిపచ్చయేన పచ్చయో. పచ్ఛాజాతా – చిత్తసముట్ఠానా ఖన్ధా చ చిత్తఞ్చ రూపజీవితిన్ద్రియఞ్చ కటత్తారూపానం అత్థిపచ్చయేన పచ్చయో. (౨)

చిత్తసముట్ఠానో చ నోచిత్తసముట్ఠానో చ ధమ్మా చిత్తసముట్ఠానస్స చ నోచిత్తసముట్ఠానస్స చ ధమ్మస్స అత్థిపచ్చయేన పచ్చయో – సహజాతం, పురేజాతం, పచ్ఛాజాతం. సహజాతో – చక్ఖువిఞ్ఞాణసహగతో…పే… (సంఖిత్తం). (౩)

నత్థిపచ్చయేన పచ్చయో… విగతపచ్చయేన పచ్చయో… అవిగతపచ్చయేన పచ్చయో.