౫. సంసట్ఠవారో

౧-౪. పచ్చయానులోమాది

౨౦౮. చిత్తసముట్ఠానం ధమ్మం సంసట్ఠో చిత్తసముట్ఠానో ధమ్మో ఉప్పజ్జతి హేతుపచ్చయా – చిత్తసముట్ఠానం ఏకం ఖన్ధం సంసట్ఠా ద్వే ఖన్ధా, ద్వే ఖన్ధే…పే… పటిసన్ధిక్ఖణే…పే…. (౧)

చిత్తసముట్ఠానం ధమ్మం సంసట్ఠో నోచిత్తసముట్ఠానో ధమ్మో ఉప్పజ్జతి హేతుపచ్చయా – చిత్తసముట్ఠానే ఖన్ధే సంసట్ఠం చిత్తం; పటిసన్ధిక్ఖణే…పే…. (౨)

చిత్తసముట్ఠానం ధమ్మం సంసట్ఠో చిత్తసముట్ఠానో చ నోచిత్తసముట్ఠానో చ ధమ్మా ఉప్పజ్జన్తి హేతుపచ్చయా – చిత్తసముట్ఠానం ఏకం ఖన్ధం సంసట్ఠా ద్వే ఖన్ధా చిత్తఞ్చ, ద్వే ఖన్ధే…పే… పటిసన్ధిక్ఖణే…పే…. (౩)

౨౦౯. నోచిత్తసముట్ఠానం ధమ్మం సంసట్ఠో చిత్తసముట్ఠానో ధమ్మో ఉప్పజ్జతి హేతుపచ్చయా – చిత్తసంసట్ఠా సమ్పయుత్తకా ఖన్ధా; పటిసన్ధిక్ఖణే…పే…. (౧)

చిత్తసముట్ఠానఞ్చ నోచిత్తసముట్ఠానఞ్చ ధమ్మం సంసట్ఠో చిత్తసముట్ఠానో ధమ్మో ఉప్పజ్జతి హేతుపచ్చయా – చిత్తసముట్ఠానం ఏకం ఖన్ధఞ్చ చిత్తఞ్చ సంసట్ఠా ద్వే ఖన్ధా, ద్వే ఖన్ధే…పే… పటిసన్ధిక్ఖణే…పే… (సంఖిత్తం). (౧)

హేతుయా పఞ్చ, ఆరమ్మణే పఞ్చ (సబ్బత్థ పఞ్చ), అవిగతే పఞ్చ.

చిత్తసముట్ఠానం ధమ్మం సంసట్ఠో చిత్తసముట్ఠానో ధమ్మో ఉప్పజ్జతి నహేతుపచ్చయా (పఞ్చ పఞ్హా కాతబ్బా. తీణి. మోహో).

నహేతుయా పఞ్చ, నఅధిపతియా పఞ్చ, నపురేజాతే పఞ్చ, నపచ్ఛాజాతే పఞ్చ, నఆసేవనే పఞ్చ, నకమ్మే తీణి, నవిపాకే పఞ్చ, నఝానే పఞ్చ, నమగ్గే పఞ్చ, నవిప్పయుత్తే పఞ్చ.