౧. విభఙ్గవారో

హేతుపచ్చయో

౨౦౧. చిత్తసముట్ఠానం ధమ్మం పచ్చయా చిత్తసముట్ఠానో ధమ్మో ఉప్పజ్జతి హేతుపచ్చయా… తీణి (పటిచ్చవారసదిసం).

నోచిత్తసముట్ఠానం ధమ్మం పచ్చయా నోచిత్తసముట్ఠానో ధమ్మో ఉప్పజ్జతి హేతుపచ్చయా – వత్థుం పచ్చయా చిత్తం; పటిసన్ధిక్ఖణే…పే… (పటిచ్చవారసదిసా). (౧)

నోచిత్తసముట్ఠానం ధమ్మం పచ్చయా చిత్తసముట్ఠానో ధమ్మో ఉప్పజ్జతి హేతుపచ్చయా – చిత్తం పచ్చయా సమ్పయుత్తకా ఖన్ధా చిత్తసముట్ఠానఞ్చ రూపం, వత్థుం పచ్చయా చిత్తసముట్ఠానా ఖన్ధా (పటిసన్ధిక్ఖణే ద్వేపి కాతబ్బా). (౧)

నోచిత్తసముట్ఠానం ధమ్మం పచ్చయా చిత్తసముట్ఠానో చ నోచిత్తసముట్ఠానో చ ధమ్మా ఉప్పజ్జన్తి హేతుపచ్చయా – వత్థుం పచ్చయా చిత్తం సమ్పయుత్తకా చ ఖన్ధా; పటిసన్ధిక్ఖణే ద్వే (పటిచ్చవారసదిసం). (౩)

౨౦౨. చిత్తసముట్ఠానఞ్చ నోచిత్తసముట్ఠానఞ్చ ధమ్మం పచ్చయా చిత్తసముట్ఠానో ధమ్మో ఉప్పజ్జతి హేతుపచ్చయా – చిత్తసముట్ఠానం ఏకం ఖన్ధఞ్చ చిత్తఞ్చ పచ్చయా ద్వే ఖన్ధా, ద్వే ఖన్ధే…పే… చిత్తసముట్ఠానం ఏకం ఖన్ధఞ్చ వత్థుఞ్చ పచ్చయా ద్వే ఖన్ధా, ద్వే ఖన్ధే…పే… (పటిసన్ధిక్ఖణే ద్వేపి పటిచ్చవారసదిసా). (౧)

చిత్తసముట్ఠానఞ్చ నోచిత్తసముట్ఠానఞ్చ ధమ్మం పచ్చయా నోచిత్తసముట్ఠానో ధమ్మో ఉప్పజ్జతి హేతుపచ్చయా – చిత్తసముట్ఠానే ఖన్ధే చ వత్థుఞ్చ పచ్చయా చిత్తం (పటిసన్ధిక్ఖణే తీణిపి కాతబ్బా పటిచ్చవారసదిసా). (౨)

చిత్తసముట్ఠానఞ్చ నోచిత్తసముట్ఠానఞ్చ ధమ్మం పచ్చయా చిత్తసముట్ఠానో చ నోచిత్తసముట్ఠానో చ ధమ్మా ఉప్పజ్జన్తి హేతుపచ్చయా – చిత్తసముట్ఠానం ఏకం ఖన్ధఞ్చ వత్థుఞ్చ పచ్చయా ద్వే ఖన్ధా చిత్తఞ్చ, ద్వే ఖన్ధే…పే… (పటిసన్ధిక్ఖణే ద్వేపి కాతబ్బా పటిచ్చవారసదిసా). (౩)

ఆరమ్మణపచ్చయో

౨౦౩. చిత్తసముట్ఠానం ధమ్మం పచ్చయా చిత్తసముట్ఠానో ధమ్మో ఉప్పజ్జతి ఆరమ్మణపచ్చయా… తీణి (పటిచ్చవారసదిసా).

నోచిత్తసముట్ఠానం ధమ్మం పచ్చయా నోచిత్తసముట్ఠానో ధమ్మో ఉప్పజ్జతి ఆరమ్మణపచ్చయా – చక్ఖాయతనం పచ్చయా చక్ఖువిఞ్ఞాణం…పే… కాయాయతనం పచ్చయా కాయవిఞ్ఞాణం…పే… వత్థుం పచ్చయా చిత్తం. (౧)

నోచిత్తసముట్ఠానం ధమ్మం పచ్చయా చిత్తసముట్ఠానో ధమ్మో ఉప్పజ్జతి ఆరమ్మణపచ్చయా – చక్ఖాయతనం పచ్చయా చక్ఖువిఞ్ఞాణసహగతా ఖన్ధా…పే… కాయాయతనం పచ్చయా కాయవిఞ్ఞాణసహగతా ఖన్ధా, చిత్తం పచ్చయా సమ్పయుత్తకా ఖన్ధా, వత్థుం పచ్చయా చిత్తసముట్ఠానా ఖన్ధా (పటిసన్ధిక్ఖణే ద్వేపి). (౨)

నోచిత్తసముట్ఠానం ధమ్మం పచ్చయా చిత్తసముట్ఠానో చ నోచిత్తసముట్ఠానో చ ధమ్మా ఉప్పజ్జన్తి ఆరమ్మణపచ్చయా – చక్ఖాయతనం పచ్చయా చక్ఖువిఞ్ఞాణం సమ్పయుత్తకా చ ఖన్ధా…పే… కాయాయతనం…పే… వత్థుం పచ్చయా చిత్తం సమ్పయుత్తకా చ ఖన్ధా; పటిసన్ధిక్ఖణే…పే…. (౩)

౨౦౪. చిత్తసముట్ఠానఞ్చ నోచిత్తసముట్ఠానఞ్చ ధమ్మం పచ్చయా చిత్తసముట్ఠానో ధమ్మో ఉప్పజ్జతి ఆరమ్మణపచ్చయా – చిత్తసముట్ఠానం ఏకం ఖన్ధఞ్చ చిత్తఞ్చ పచ్చయా ద్వే ఖన్ధా, ద్వే ఖన్ధే …పే… చిత్తసముట్ఠానం ఏకం ఖన్ధఞ్చ వత్థుఞ్చ పచ్చయా ద్వే ఖన్ధా, ద్వే ఖన్ధే…పే… (పటిసన్ధిక్ఖణే ద్వేపి కాతబ్బా). (౧)

చిత్తసముట్ఠానఞ్చ నోచిత్తసముట్ఠానఞ్చ ధమ్మం పచ్చయా నోచిత్తసముట్ఠానో ధమ్మో ఉప్పజ్జతి ఆరమ్మణపచ్చయా – చక్ఖువిఞ్ఞాణసహగతే ఖన్ధే చ చక్ఖాయతనఞ్చ పచ్చయా చక్ఖువిఞ్ఞాణం…పే… కాయవిఞ్ఞాణసహగతే…పే… చిత్తసముట్ఠానే ఖన్ధే చ వత్థుఞ్చ పచ్చయా చిత్తం; పటిసన్ధిక్ఖణే…పే…. (౨)

చిత్తసముట్ఠానఞ్చ నోచిత్తసముట్ఠానఞ్చ ధమ్మం పచ్చయా చిత్తసముట్ఠానో చ నోచిత్తసముట్ఠానో చ ధమ్మా ఉప్పజ్జన్తి ఆరమ్మణపచ్చయా – చక్ఖువిఞ్ఞాణసహగతం ఏకం ఖన్ధఞ్చ చక్ఖాయతనఞ్చ పచ్చయా ద్వే ఖన్ధా చక్ఖువిఞ్ఞాణఞ్చ, ద్వే ఖన్ధే…పే… కాయవిఞ్ఞాణసహగతం…పే… చిత్తసముట్ఠానం ఏకం ఖన్ధఞ్చ వత్థుఞ్చ పచ్చయా ద్వే ఖన్ధా చిత్తఞ్చ, ద్వే ఖన్ధే…పే… పటిసన్ధిక్ఖణే…పే…. (౩) (సంఖిత్తం).