౧. విభఙ్గవారో

నహేతుపచ్చయో

౧౯౩. చిత్తసముట్ఠానం ధమ్మం పటిచ్చ చిత్తసముట్ఠానో ధమ్మో ఉప్పజ్జతి నహేతుపచ్చయా – అహేతుకం చిత్తసముట్ఠానం ఏకం ఖన్ధం పటిచ్చ ద్వే ఖన్ధా చిత్తసముట్ఠానఞ్చ రూపం, ద్వే ఖన్ధే…పే… అహేతుకపటిసన్ధిక్ఖణే చిత్తసముట్ఠానం ఏకం ఖన్ధం పటిచ్చ ద్వే ఖన్ధా, ద్వే ఖన్ధే…పే… చిత్తసముట్ఠానం ఏకం మహాభూతం…పే… మహాభూతే పటిచ్చ చిత్తసముట్ఠానం రూపం ఉపాదారూపం, విచికిచ్ఛాసహగతే ఉద్ధచ్చసహగతే ఖన్ధే పటిచ్చ విచికిచ్ఛాసహగతో ఉద్ధచ్చసహగతో మోహో. (౧)

చిత్తసముట్ఠానం ధమ్మం పటిచ్చ నోచిత్తసముట్ఠానో ధమ్మో ఉప్పజ్జతి హేతుపచ్చయా – అహేతుకే చిత్తసముట్ఠానే ఖన్ధే పటిచ్చ చిత్తం; అహేతుకపటిసన్ధిక్ఖణే చిత్తసముట్ఠానే ఖన్ధే పటిచ్చ చిత్తం కటత్తా చ రూపం. (౨)

చిత్తసముట్ఠానం ధమ్మం పటిచ్చ చిత్తసముట్ఠానో చ నోచిత్తసముట్ఠానో చ ధమ్మా ఉప్పజ్జన్తి నహేతుపచ్చయా – అహేతుకం చిత్తసముట్ఠానం ఏకం ఖన్ధం పటిచ్చ ద్వే ఖన్ధా చిత్తఞ్చ చిత్తసముట్ఠానఞ్చ రూపం, ద్వే ఖన్ధే…పే… అహేతుకపటిసన్ధిక్ఖణే…పే…. (౩)

౧౯౪. నోచిత్తసముట్ఠానం ధమ్మం పటిచ్చ నోచిత్తసముట్ఠానో ధమ్మో ఉప్పజ్జతి నహేతుపచ్చయా – అహేతుకపటిసన్ధిక్ఖణే చిత్తం పటిచ్చ కటత్తారూపం, చిత్తం పటిచ్చ వత్థు, వత్థుం పటిచ్చ చిత్తం, ఏకం మహాభూతం…పే… (యావ అసఞ్ఞసత్తా కాతబ్బా). (౧)

నోచిత్తసముట్ఠానం ధమ్మం పటిచ్చ చిత్తసముట్ఠానో ధమ్మో ఉప్పజ్జతి నహేతుపచ్చయా – అహేతుకం చిత్తం పటిచ్చ సమ్పయుత్తకా ఖన్ధా చిత్తసముట్ఠానఞ్చ రూపం; అహేతుకపటిసన్ధిక్ఖణే చిత్తం…పే… అహేతుకపటిసన్ధిక్ఖణే వత్థుం పటిచ్చ చిత్తసముట్ఠానా ఖన్ధా, విచికిచ్ఛాసహగతే ఉద్ధచ్చసహగతే ఖన్ధే పటిచ్చ విచికిచ్ఛాసహగతో ఉద్ధచ్చసహగతో మోహో. (౨)

నోచిత్తసముట్ఠానం ధమ్మం పటిచ్చ చిత్తసముట్ఠానో చ నోచిత్తసముట్ఠానో చ ధమ్మా ఉప్పజ్జన్తి నహేతుపచ్చయా – అహేతుకపటిసన్ధిక్ఖణే చిత్తం పటిచ్చ సమ్పయుత్తకా ఖన్ధా కటత్తా చ రూపం; అహేతుకపటిసన్ధిక్ఖణే వత్థుం పటిచ్చ చిత్తం సమ్పయుత్తకా ఖన్ధా చ. (౩)

౧౯౫. చిత్తసముట్ఠానఞ్చ నోచిత్తసముట్ఠానఞ్చ ధమ్మం పటిచ్చ చిత్తసముట్ఠానో ధమ్మో ఉప్పజ్జతి నహేతుపచ్చయా – అహేతుకం చిత్తసముట్ఠానం ఏకం ఖన్ధఞ్చ చిత్తఞ్చ పటిచ్చ ద్వే ఖన్ధా చిత్తసముట్ఠానఞ్చ రూపం, ద్వే ఖన్ధే…పే… అహేతుకపటిసన్ధిక్ఖణే చిత్తసముట్ఠానం ఏకం ఖన్ధఞ్చ చిత్తఞ్చ పటిచ్చ ద్వే ఖన్ధా, ద్వే ఖన్ధే…పే… అహేతుకపటిసన్ధిక్ఖణే చిత్తసముట్ఠానం ఏకం ఖన్ధఞ్చ వత్థుఞ్చ పటిచ్చ ద్వే ఖన్ధా, ద్వే ఖన్ధే…పే… విచికిచ్ఛాసహగతే ఉద్ధచ్చసహగతే ఖన్ధే చ చిత్తఞ్చ పటిచ్చ విచికిచ్ఛాసహగతో ఉద్ధచ్చసహగతో మోహో. (౧)

చిత్తసముట్ఠానఞ్చ నోచిత్తసముట్ఠానఞ్చ ధమ్మం పటిచ్చ నోచిత్తసముట్ఠానో ధమ్మో ఉప్పజ్జతి నహేతుపచ్చయా – అహేతుకపటిసన్ధిక్ఖణే చిత్తసముట్ఠానే ఖన్ధే చ చిత్తఞ్చ పటిచ్చ కటత్తారూపం; అహేతుకపటిసన్ధిక్ఖణే చిత్తసముట్ఠానే ఖన్ధే చ మహాభూతే చ పటిచ్చ కటత్తారూపం, అహేతుకపటిసన్ధిక్ఖణే చిత్తసముట్ఠానే ఖన్ధే చ వత్థుఞ్చ పటిచ్చ చిత్తం. (౨)

చిత్తసముట్ఠానఞ్చ నోచిత్తసముట్ఠానఞ్చ ధమ్మం పటిచ్చ చిత్తసముట్ఠానో చ నోచిత్తసముట్ఠానో చ ధమ్మా ఉప్పజ్జన్తి నహేతుపచ్చయా – అహేతుకపటిసన్ధిక్ఖణే చిత్తసముట్ఠానం ఏకం ఖన్ధఞ్చ చిత్తఞ్చ పటిచ్చ ద్వే ఖన్ధా కటత్తా చ రూపం, ద్వే ఖన్ధే…పే… అహేతుకపటిసన్ధిక్ఖణే చిత్తసముట్ఠానం ఏకం ఖన్ధఞ్చ వత్థుఞ్చ పటిచ్చ ద్వే ఖన్ధా చిత్తఞ్చ, ద్వే ఖన్ధే…పే…. (౩)

నఆరమ్మణపచ్చయో

౧౯౬. చిత్తసముట్ఠానం ధమ్మం పటిచ్చ చిత్తసముట్ఠానో ధమ్మో ఉప్పజ్జతి నఆరమ్మణపచ్చయా – చిత్తసముట్ఠానే ఖన్ధే పటిచ్చ చిత్తసముట్ఠానం రూపం, చిత్తసముట్ఠానం ఏకం మహాభూతం…పే… మహాభూతే పటిచ్చ చిత్తసముట్ఠానం రూపం, ఉపాదారూపం. (౧)

చిత్తసముట్ఠానం ధమ్మం పటిచ్చ నోచిత్తసముట్ఠానో ధమ్మో ఉప్పజ్జతి నఆరమ్మణపచ్చయా – పటిసన్ధిక్ఖణే చిత్తసముట్ఠానే ఖన్ధే పటిచ్చ కటత్తారూపం. (౨)

౧౯౭. నోచిత్తసముట్ఠానం ధమ్మం పటిచ్చ నోచిత్తసముట్ఠానో ధమ్మో ఉప్పజ్జతి నఆరమ్మణపచ్చయా – పటిసన్ధిక్ఖణే చిత్తం పటిచ్చ కటత్తారూపం, చిత్తం పటిచ్చ వత్థు, ఏకం మహాభూతం…పే… (యావ అసఞ్ఞసత్తా). (౧)

నోచిత్తసముట్ఠానం ధమ్మం పటిచ్చ చిత్తసముట్ఠానో ధమ్మో ఉప్పజ్జతి నఆరమ్మణపచ్చయా – చిత్తం పటిచ్చ చిత్తసముట్ఠానం రూపం. (౨)

చిత్తసముట్ఠానఞ్చ నోచిత్తసముట్ఠానఞ్చ ధమ్మం పటిచ్చ చిత్తసముట్ఠానో ధమ్మో ఉప్పజ్జతి నఆరమ్మణపచ్చయా – చిత్తసముట్ఠానే ఖన్ధే చ చిత్తఞ్చ పటిచ్చ చిత్తసముట్ఠానం రూపం, చిత్తఞ్చ మహాభూతే చ పటిచ్చ చిత్తసముట్ఠానం రూపం. (౧)

చిత్తసముట్ఠానఞ్చ నోచిత్తసముట్ఠానఞ్చ ధమ్మం పటిచ్చ నోచిత్తసముట్ఠానో ధమ్మో ఉప్పజ్జతి నఆరమ్మణపచ్చయా – పటిసన్ధిక్ఖణే చిత్తసముట్ఠానే ఖన్ధే చ చిత్తఞ్చ పటిచ్చ కటత్తారూపం; పటిసన్ధిక్ఖణే చిత్తసముట్ఠానే ఖన్ధే చ మహాభూతే చ పటిచ్చ కటత్తారూపం (సంఖిత్తం). (౨)