౧. విభఙ్గవారో

హేతుపచ్చయో

౧౮౬. చిత్తసముట్ఠానం ధమ్మం పటిచ్చ చిత్తసముట్ఠానో ధమ్మో ఉప్పజ్జతి హేతుపచ్చయా – చిత్తసముట్ఠానం ఏకం ఖన్ధం పటిచ్చ ద్వే ఖన్ధా చిత్తసముట్ఠానఞ్చ రూపం, ద్వే ఖన్ధే…పే… పటిసన్ధిక్ఖణే చిత్తసముట్ఠానం ఏకం ఖన్ధం పటిచ్చ ద్వే ఖన్ధా, ద్వే ఖన్ధే…పే… ఏకం మహాభూతం…పే… మహాభూతే పటిచ్చ చిత్తసముట్ఠానం రూపం ఉపాదారూపం. (౧)

చిత్తసముట్ఠానం ధమ్మం పటిచ్చ నోచిత్తసముట్ఠానో ధమ్మో ఉప్పజ్జతి హేతుపచ్చయా – చిత్తసముట్ఠానే ఖన్ధే పటిచ్చ చిత్తం; పటిసన్ధిక్ఖణే చిత్తసముట్ఠానే ఖన్ధే పటిచ్చ చిత్తం కటత్తా చ రూపం. (౨)

చిత్తసముట్ఠానం ధమ్మం పటిచ్చ చిత్తసముట్ఠానో చ నోచిత్తసముట్ఠానో చ ధమ్మా ఉప్పజ్జన్తి హేతుపచ్చయా – చిత్తసముట్ఠానం ఏకం ఖన్ధం పటిచ్చ ద్వే ఖన్ధా చిత్తఞ్చ చిత్తసముట్ఠానఞ్చ రూపం, ద్వే ఖన్ధే…పే… పటిసన్ధిక్ఖణే చిత్తసముట్ఠానం ఏకం ఖన్ధం పటిచ్చ ద్వే ఖన్ధా చిత్తఞ్చ కటత్తా చ రూపం, ద్వే ఖన్ధే…పే…. (౩)

౧౮౭. నోచిత్తసముట్ఠానం ధమ్మం పటిచ్చ నోచిత్తసముట్ఠానో ధమ్మో ఉప్పజ్జతి హేతుపచ్చయా – పటిసన్ధిక్ఖణే చిత్తం పటిచ్చ కటత్తారూపం; చిత్తం పటిచ్చ వత్థు, వత్థుం పటిచ్చ చిత్తం, ఏకం మహాభూతం…పే… మహాభూతే పటిచ్చ కటత్తారూపం ఉపాదారూపం. (౧)

నోచిత్తసముట్ఠానం ధమ్మం పటిచ్చ చిత్తసముట్ఠానో ధమ్మో ఉప్పజ్జతి హేతుపచ్చయా – చిత్తం పటిచ్చ సమ్పయుత్తకా ఖన్ధా చిత్తసముట్ఠానఞ్చ రూపం; పటిసన్ధిక్ఖణే చిత్తం పటిచ్చ సమ్పయుత్తకా ఖన్ధా, పటిసన్ధిక్ఖణే వత్థుం పటిచ్చ చిత్తసముట్ఠానా ఖన్ధా. (౨)

నోచిత్తసముట్ఠానం ధమ్మం పటిచ్చ చిత్తసముట్ఠానో చ నోచిత్తసముట్ఠానో చ ధమ్మా ఉప్పజ్జన్తి హేతుపచ్చయా – పటిసన్ధిక్ఖణే చిత్తం పటిచ్చ సమ్పయుత్తకా ఖన్ధా కటత్తా చ రూపం; పటిసన్ధిక్ఖణే వత్థుం పటిచ్చ చిత్తం సమ్పయుత్తకా చ ఖన్ధా. (౩)

౧౮౮. చిత్తసముట్ఠానఞ్చ నోచిత్తసముట్ఠానఞ్చ ధమ్మం పటిచ్చ చిత్తసముట్ఠానో ధమ్మో ఉప్పజ్జతి హేతుపచ్చయా – చిత్తసముట్ఠానం ఏకం ఖన్ధఞ్చ చిత్తఞ్చ పటిచ్చ ద్వే ఖన్ధా చిత్తసముట్ఠానఞ్చ రూపం, ద్వే ఖన్ధే చ…పే… పటిసన్ధిక్ఖణే చిత్తసముట్ఠానం ఏకం ఖన్ధఞ్చ చిత్తఞ్చ పటిచ్చ ద్వే ఖన్ధా, ద్వే ఖన్ధే చ…పే… పటిసన్ధిక్ఖణే చిత్తసముట్ఠానం ఏకం ఖన్ధఞ్చ వత్థుఞ్చ పటిచ్చ ద్వే ఖన్ధా, ద్వే ఖన్ధే చ…పే…. (౧)

చిత్తసముట్ఠానఞ్చ నోచిత్తసముట్ఠానఞ్చ ధమ్మం పటిచ్చ నోచిత్తసముట్ఠానో ధమ్మో ఉప్పజ్జతి హేతుపచ్చయా – పటిసన్ధిక్ఖణే చిత్తసముట్ఠానే ఖన్ధే చ చిత్తఞ్చ పటిచ్చ కటత్తారూపం; పటిసన్ధిక్ఖణే చిత్తసముట్ఠానే ఖన్ధే చ మహాభూతే చ పటిచ్చ కటత్తారూపం, పటిసన్ధిక్ఖణే చిత్తసముట్ఠానే ఖన్ధే చ వత్థుఞ్చ పటిచ్చ చిత్తం. (౨)

చిత్తసముట్ఠానఞ్చ నోచిత్తసముట్ఠానఞ్చ ధమ్మం పటిచ్చ చిత్తసముట్ఠానో చ నోచిత్తసముట్ఠానో చ ధమ్మా ఉప్పజ్జన్తి హేతుపచ్చయా – పటిసన్ధిక్ఖణే చిత్తసముట్ఠానం ఏకం ఖన్ధఞ్చ చిత్తఞ్చ పటిచ్చ ద్వే ఖన్ధా కటత్తా చ రూపం, ద్వే ఖన్ధే చ…పే… పటిసన్ధిక్ఖణే చిత్తసముట్ఠానం ఏకం ఖన్ధఞ్చ వత్థుఞ్చ పటిచ్చ ద్వే ఖన్ధా చిత్తఞ్చ, ద్వే ఖన్ధే చ…పే…. (౩)

ఆరమ్మణపచ్చయో

౧౮౯. చిత్తసముట్ఠానం ధమ్మం పటిచ్చ చిత్తసముట్ఠానో ధమ్మో ఉప్పజ్జతి ఆరమ్మణపచ్చయా – చిత్తసముట్ఠానం ఏకం ఖన్ధం పటిచ్చ ద్వే ఖన్ధా, ద్వే ఖన్ధే…పే… పటిసన్ధిక్ఖణే…పే…. (౧)

చిత్తసముట్ఠానం ధమ్మం పటిచ్చ నోచిత్తసముట్ఠానో ధమ్మో ఉప్పజ్జతి ఆరమ్మణపచ్చయా – చిత్తసముట్ఠానే ఖన్ధే పటిచ్చ చిత్తం; పటిసన్ధిక్ఖణే…పే…. (౨)

చిత్తసముట్ఠానం ధమ్మం పటిచ్చ చిత్తసముట్ఠానో చ నోచిత్తసముట్ఠానో చ ధమ్మా ఉప్పజ్జన్తి ఆరమ్మణపచ్చయా – చిత్తసముట్ఠానం ఏకం ఖన్ధం పటిచ్చ ద్వే ఖన్ధా చిత్తఞ్చ, ద్వే ఖన్ధే…పే… పటిసన్ధిక్ఖణే…పే…. (౩)

౧౯౦. నోచిత్తసముట్ఠానం ధమ్మం పటిచ్చ నోచిత్తసముట్ఠానో ధమ్మో ఉప్పజ్జతి ఆరమ్మణపచ్చయా – పటిసన్ధిక్ఖణే వత్థుం పటిచ్చ చిత్తం. (౧)

నోచిత్తసముట్ఠానం ధమ్మం పటిచ్చ చిత్తసముట్ఠానో ధమ్మో ఉప్పజ్జతి ఆరమ్మణపచ్చయా – చిత్తం పటిచ్చ సమ్పయుత్తకా ఖన్ధా; పటిసన్ధిక్ఖణే చిత్తం పటిచ్చ సమ్పయుత్తకా ఖన్ధా; పటిసన్ధిక్ఖణే వత్థుం పటిచ్చ చిత్తసముట్ఠానా ఖన్ధా. (౨)

నోచిత్తసముట్ఠానం ధమ్మం పటిచ్చ చిత్తసముట్ఠానో చ నోచిత్తసముట్ఠానో చ ధమ్మా ఉప్పజ్జన్తి ఆరమ్మణపచ్చయా – పటిసన్ధిక్ఖణే వత్థుం పటిచ్చ చిత్తం సమ్పయుత్తకా చ ఖన్ధా. (౩)

౧౯౧. చిత్తసముట్ఠానఞ్చ నోచిత్తసముట్ఠానఞ్చ ధమ్మం పటిచ్చ చిత్తసముట్ఠానో ధమ్మో ఉప్పజ్జతి ఆరమ్మణపచ్చయా – చిత్తసముట్ఠానం ఏకం ఖన్ధఞ్చ చిత్తఞ్చ పటిచ్చ ద్వే ఖన్ధా, ద్వే ఖన్ధే…పే… పటిసన్ధిక్ఖణే చిత్తసముట్ఠానం ఏకం ఖన్ధఞ్చ చిత్తఞ్చ పటిచ్చ ద్వే ఖన్ధా, ద్వే ఖన్ధే…పే… పటిసన్ధిక్ఖణే చిత్తసముట్ఠానం ఏకం ఖన్ధఞ్చ వత్థుఞ్చ పటిచ్చ ద్వే ఖన్ధా, ద్వే ఖన్ధే…పే…. (౧)

చిత్తసముట్ఠానఞ్చ నోచిత్తసముట్ఠానఞ్చ ధమ్మం పటిచ్చ నోచిత్తసముట్ఠానో ధమ్మో ఉప్పజ్జతి ఆరమ్మణపచ్చయా – పటిసన్ధిక్ఖణే చిత్తసముట్ఠానే ఖన్ధే చ వత్థుఞ్చ పటిచ్చ చిత్తం. (౨)

చిత్తసముట్ఠానఞ్చ నోచిత్తసముట్ఠానఞ్చ ధమ్మం పటిచ్చ చిత్తసముట్ఠానో చ నోచిత్తసముట్ఠానో చ ధమ్మా ఉప్పజ్జన్తి ఆరమ్మణపచ్చయా – పటిసన్ధిక్ఖణే చిత్తసముట్ఠానం ఏకం ఖన్ధఞ్చ వత్థుఞ్చ పటిచ్చ ద్వే ఖన్ధా చిత్తఞ్చ, ద్వే ఖన్ధే…పే…. (౩)