౨. సఙ్ఖ్యావారో

సుద్ధం

౧౭౯. హేతుయా తీణి, ఆరమ్మణే ద్వే, అధిపతియా చత్తారి, అనన్తరే ఏకం, సమనన్తరే ఏకం, సహజాతే సత్త, అఞ్ఞమఞ్ఞే ఛ, నిస్సయే సత్త, ఉపనిస్సయే ద్వే, పురేజాతే ఏకం, పచ్ఛాజాతే ఏకం, ఆసేవనే ఏకం, కమ్మే తీణి, విపాకే తీణి, ఆహారే చత్తారి, ఇన్ద్రియే ఛ, ఝానే తీణి, మగ్గే తీణి, సమ్పయుత్తే ఏకం, విప్పయుత్తే ద్వే, అత్థియా సత్త, నత్థియా ఏకం, విగతే ఏకం, అవిగతే సత్త.

అనులోమం.

పచ్చనీయుద్ధారో

౧౮౦. చిత్తసమ్పయుత్తో ధమ్మో చిత్తసమ్పయుత్తస్స ధమ్మస్స ఆరమ్మణపచ్చయేన పచ్చయో… సహజాతపచ్చయేన పచ్చయో… ఉపనిస్సయపచ్చయేన పచ్చయో… కమ్మపచ్చయేన పచ్చయో. (౧)

చిత్తసమ్పయుత్తో ధమ్మో చిత్తవిప్పయుత్తస్స ధమ్మస్స సహజాతపచ్చయేన పచ్చయో… పచ్ఛాజాతపచ్చయేన పచ్చయో… కమ్మపచ్చయేన పచ్చయో. (౨)

చిత్తసమ్పయుత్తో ధమ్మో చిత్తసమ్పయుత్తస్స చ చిత్తవిప్పయుత్తస్స చ ధమ్మస్స సహజాతపచ్చయేన పచ్చయో… కమ్మపచ్చయేన పచ్చయో. (౩)

౧౮౧. చిత్తవిప్పయుత్తో ధమ్మో చిత్తవిప్పయుత్తస్స ధమ్మస్స సహజాతపచ్చయేన పచ్చయో… ఆహారపచ్చయేన పచ్చయో… ఇన్ద్రియపచ్చయేన పచ్చయో. (౧)

చిత్తవిప్పయుత్తో ధమ్మో చిత్తసమ్పయుత్తస్స ధమ్మస్స ఆరమ్మణపచ్చయేన పచ్చయో… సహజాతపచ్చయేన పచ్చయో… ఉపనిస్సయపచ్చయేన పచ్చయో… పురేజాతపచ్చయేన పచ్చయో. (౨)

చిత్తసమ్పయుత్తో చ చిత్తవిప్పయుత్తో చ ధమ్మా చిత్తసమ్పయుత్తస్స ధమ్మస్స సహజాతం, పురేజాతం. (౧)

చిత్తసమ్పయుత్తో చ చిత్తవిప్పయుత్తో చ ధమ్మా చిత్తవిప్పయుత్తస్స సహజాతం, పచ్ఛాజాతం, ఆహారం, ఇన్ద్రియం. (౨)