౨. సఙ్ఖ్యావారో

సుద్ధం

౫౬. హేతుయా సత్త, ఆరమ్మణే తీణి, అధిపతియా నవ, అనన్తరే ఏకం, సమనన్తరే ఏకం, సహజాతే ఏకవీస, అఞ్ఞమఞ్ఞే ఛ, నిస్సయే ఏకవీస, ఉపనిస్సయే తీణి, పురేజాతే ఛ, పచ్ఛాజాతే సత్త, ఆసేవనే ఏకం, కమ్మే సత్త, విపాకే సత్త, ఆహారే సత్త, ఇన్ద్రియే నవ, ఝానే సత్త, మగ్గే సత్త, సమ్పయుత్తే ఏకం, విప్పయుత్తే అట్ఠ, అత్థియా పఞ్చవీస, నత్థియా ఏకం, విగతే ఏకం, అవిగతే పఞ్చవీస.

హేతుసభాగం

౫౭. హేతుపచ్చయా అధిపతియా సత్త, సహజాతే సత్త, అఞ్ఞమఞ్ఞే ఏకం, నిస్సయే సత్త, విపాకే సత్త, ఇన్ద్రియే సత్త, మగ్గే సత్త, సమ్పయుత్తే ఏకం, విప్పయుత్తే సత్త, అత్థియా సత్త, అవిగతే సత్త.

హేతుసామఞ్ఞఘటనా (౯)

౫౮. హేతు-సహజాత-నిస్సయ-అత్థి-అవిగతన్తి సత్త. హేతు-సహజాత-అఞ్ఞమఞ్ఞనిస్సయ-అత్థి-అవిగతన్తి ఏకం. హేతు-సహజాత-అఞ్ఞమఞ్ఞ-నిస్సయ-సమ్పయుత్త-అత్థి-అవిగతన్తి ఏకం. హేతు-సహజాత-నిస్సయ-విప్పయుత్త-అత్థి -అవిగతన్తి సత్త (అవిపాకం-౪).

హేతు-సహజాత-నిస్సయ-విపాక-అత్థి-అవిగతన్తి సత్త. హేతు-సహజాత-అఞ్ఞమఞ్ఞ-నిస్సయవిపాక-అత్థి-అవిగతన్తి ఏకం. హేతు-సహజాత-అఞ్ఞమఞ్ఞ-నిస్సయ-విపాక-సమ్పయుత్త-అత్థిఅవిగతన్తి ఏకం. హేతు-సహజాత-నిస్సయ-విపాక-విప్పయుత్త-అత్థి-అవిగతన్తి సత్త. హేతు-సహజాత-అఞ్ఞమఞ్ఞ-నిస్సయ-విపాక-విప్పయుత్త-అత్థి-అవిగతన్తి ఏకం (సవిపాకం-౫).

(ఏవం సబ్బో గణనవారో గణేతబ్బో.)

అనులోమం.