౨౨. సనిదస్సనసప్పటిఘత్తికం

౧. పటిచ్చవారో

౧. పచ్చయానులోమం

౧. విభఙ్గవారో

హేతుపచ్చయో

౧. అనిదస్సనసప్పటిఘం ధమ్మం పటిచ్చ అనిదస్సనసప్పటిఘో ధమ్మో ఉప్పజ్జతి హేతుపచ్చయా – అనిదస్సనసప్పటిఘం ఏకం మహాభూతం పటిచ్చ ద్వే మహాభూతా, ద్వే మహాభూతే పటిచ్చ ఏకం మహాభూతం. అనిదస్సనసప్పటిఘే మహాభూతే పటిచ్చ అనిదస్సనసప్పటిఘం చిత్తసముట్ఠానం రూపం కటత్తారూపం ఉపాదారూపం. ఫోట్ఠబ్బాయతనం పటిచ్చ చక్ఖాయతనం…పే… రసాయతనం…పే…. (౧)

అనిదస్సనసప్పటిఘం ధమ్మం పటిచ్చ సనిదస్సనసప్పటిఘో ధమ్మో ఉప్పజ్జతి హేతుపచ్చయా – అనిదస్సనసప్పటిఘే మహాభూతే పటిచ్చ సనిదస్సనసప్పటిఘం చిత్తసముట్ఠానం రూపం కటత్తారూపం ఉపాదారూపం. ఫోట్ఠబ్బాయతనం పటిచ్చ రూపాయతనం. (౨)

అనిదస్సనసప్పటిఘం ధమ్మం పటిచ్చ అనిదస్సనఅప్పటిఘో ధమ్మో ఉప్పజ్జతి హేతుపచ్చయా – అనిదస్సనసప్పటిఘే మహాభూతే పటిచ్చ అనిదస్సనఅప్పటిఘం చిత్తసముట్ఠానం రూపం కటత్తారూపం ఉపాదారూపం. ఫోట్ఠబ్బాయతనం పటిచ్చ ఆపోధాతు, ఇత్థిన్ద్రియం…పే… కబళీకారో ఆహారో. (౩)

అనిదస్సనసప్పటిఘం ధమ్మం పటిచ్చ సనిదస్సనసప్పటిఘో చ అనిదస్సనఅప్పటిఘో చ ధమ్మా ఉప్పజ్జన్తి హేతుపచ్చయా – అనిదస్సనసప్పటిఘే మహాభూతే పటిచ్చ సనిదస్సనసప్పటిఘఞ్చ అనిదస్సనఅప్పటిఘఞ్చ చిత్తసముట్ఠానం రూపం కటత్తారూపం ఉపాదారూపం. ఫోట్ఠబ్బాయతనం పటిచ్చ రూపాయతనం, ఆపోధాతు, ఇన్ద్రియం…పే… కబళీకారో ఆహారో. (౪)

అనిదస్సనసప్పటిఘం ధమ్మం పటిచ్చ అనిదస్సనసప్పటిఘో చ అనిదస్సనఅప్పటిఘో చ ధమ్మా ఉప్పజ్జన్తి హేతుపచ్చయా – అనిదస్సనసప్పటిఘం ఏకం మహాభూతం పటిచ్చ ద్వే మహాభూతా ఆపోధాతు చ, ద్వే మహాభూతే పటిచ్చ ఏకం మహాభూతం ఆపోధాతు చ. అనిదస్సనసప్పటిఘే మహాభూతే పటిచ్చ అనిదస్సనసప్పటిఘఞ్చ అనిదస్సనఅప్పటిఘఞ్చ చిత్తసముట్ఠానం రూపం కటత్తారూపం ఉపాదారూపం. ఫోట్ఠబ్బాయతనం పటిచ్చ చక్ఖాయతనం…పే… రసాయతనం, ఆపోధాతు, ఇత్థిన్ద్రియం…పే… కబళీకారో ఆహారో. (౫)

అనిదస్సనసప్పటిఘం ధమ్మం పటిచ్చ సనిదస్సనసప్పటిఘో చ అనిదస్సనసప్పటిఘో చ ధమ్మా ఉప్పజ్జన్తి హేతుపచ్చయా – అనిదస్సనసప్పటిఘే మహాభూతే పటిచ్చ సనిదస్సనసప్పటిఘఞ్చ అనిదస్సనసప్పటిఘఞ్చ చిత్తసముట్ఠానం రూపం కటత్తారూపం ఉపాదారూపం. ఫోట్ఠబ్బాయతనం పటిచ్చ రూపాయతనం, చక్ఖాయతనం…పే… రసాయతనం. (౬)

అనిదస్సనసప్పటిఘం ధమ్మం పటిచ్చ సనిదస్సనసప్పటిఘో చ అనిదస్సనసప్పటిఘో చ అనిదస్సనఅప్పటిఘో చ ధమ్మా ఉప్పజ్జన్తి హేతుపచ్చయా – అనిదస్సనసప్పటిఘే మహాభూతే పటిచ్చ సనిదస్సనసప్పటిఘఞ్చ అనిదస్సనసప్పటిఘఞ్చ అనిదస్సనఅప్పటిఘఞ్చ చిత్తసముట్ఠానం రూపం కటత్తారూపం ఉపాదారూపం. ఫోట్ఠబ్బాయతనం పటిచ్చ రూపాయతనం, చక్ఖాయతనం…పే… రసాయతనం, ఆపోధాతు, ఇత్థిన్ద్రియం…పే… కబళీకారో ఆహారో. (౭)

౨. అనిదస్సనఅప్పటిఘం ధమ్మం పటిచ్చ అనిదస్సనఅప్పటిఘో ధమ్మో ఉప్పజ్జతి హేతుపచ్చయా – అనిదస్సనఅప్పటిఘం ఏకం ఖన్ధం పటిచ్చ తయో ఖన్ధా అనిదస్సనఅప్పటిఘఞ్చ చిత్తసముట్ఠానం రూపం…పే… ద్వే ఖన్ధే పటిచ్చ ద్వే ఖన్ధా అనిదస్సనఅప్పటిఘఞ్చ చిత్తసముట్ఠానం రూపం. పటిసన్ధిక్ఖణే అనిదస్సనఅప్పటిఘం ఏకం ఖన్ధం పటిచ్చ తయో ఖన్ధా అనిదస్సనఅప్పటిఘఞ్చ కటత్తారూపం…పే… ద్వే ఖన్ధే…పే… ఖన్ధే పటిచ్చ వత్థు, వత్థుం పటిచ్చ ఖన్ధా. ఆపోధాతుం పటిచ్చ అనిదస్సనఅప్పటిఘం చిత్తసముట్ఠానం రూపం కటత్తారూపం ఉపాదారూపం. ఆపోధాతుం పటిచ్చ ఇత్థిన్ద్రియం…పే… కబళీకారో ఆహారో. (౧)

అనిదస్సనఅప్పటిఘం ధమ్మం పటిచ్చ సనిదస్సనసప్పటిఘో ధమ్మో ఉప్పజ్జతి హేతుపచ్చయా – అనిదస్సనఅప్పటిఘే ఖన్ధే పటిచ్చ సనిదస్సనసప్పటిఘం చిత్తసముట్ఠానం రూపం. పటిసన్ధిక్ఖణే అనిదస్సనఅప్పటిఘే ఖన్ధే పటిచ్చ సనిదస్సనసప్పటిఘం కటత్తారూపం. ఆపోధాతుం పటిచ్చ సనిదస్సనసప్పటిఘం చిత్తసముట్ఠానం రూపం కటత్తారూపం ఉపాదారూపం. ఆపోధాతుం పటిచ్చ రూపాయతనం. (౨)

అనిదస్సనఅప్పటిఘం ధమ్మం పటిచ్చ అనిదస్సనసప్పటిఘో ధమ్మో ఉప్పజ్జతి హేతుపచ్చయా – అనిదస్సనఅప్పటిఘే ఖన్ధే పటిచ్చ అనిదస్సనసప్పటిఘం చిత్తసముట్ఠానం రూపం. పటిసన్ధిక్ఖణే అనిదస్సనఅప్పటిఘే ఖన్ధే పటిచ్చ అనిదస్సనసప్పటిఘం కటత్తారూపం. ఆపోధాతుం పటిచ్చ అనిదస్సనసప్పటిఘం చిత్తసముట్ఠానం రూపం కటత్తారూపం ఉపాదారూపం. ఆపోధాతుం పటిచ్చ చక్ఖాయతనం…పే… రసాయతనం. (౩)

అనిదస్సనఅప్పటిఘం ధమ్మం పటిచ్చ సనిదస్సనసప్పటిఘో చ అనిదస్సనఅప్పటిఘో చ ధమ్మా ఉప్పజ్జన్తి హేతుపచ్చయా – అనిదస్సనఅప్పటిఘం ఏకం ఖన్ధం పటిచ్చ తయో ఖన్ధా సనిదస్సనసప్పటిఘఞ్చ అనిదస్సనఅప్పటిఘఞ్చ చిత్తసముట్ఠానం రూపం…పే… ద్వే ఖన్ధే…పే… పటిసన్ధిక్ఖణే అనిదస్సనఅప్పటిఘం ఏకం ఖన్ధం పటిచ్చ తయో ఖన్ధా. సనిదస్సనసప్పటిఘఞ్చ అనిదస్సనఅప్పటిఘఞ్చ కటత్తారూపం…పే… ద్వే ఖన్ధే…పే… ఆపోధాతుం పటిచ్చ సనిదస్సనసప్పటిఘఞ్చ అనిదస్సనఅప్పటిఘఞ్చ చిత్తసముట్ఠానం రూపం కటత్తారూపం ఉపాదారూపం. ఆపోధాతుం పటిచ్చ రూపాయతనం, ఇత్థిన్ద్రియం…పే… కబళీకారో ఆహారో. (౪)

అనిదస్సనఅప్పటిఘం ధమ్మం పటిచ్చ అనిదస్సనసప్పటిఘో చ అనిదస్సనఅప్పటిఘో చ ధమ్మా ఉప్పజ్జన్తి హేతుపచ్చయా – అనిదస్సనఅప్పటిఘం ఏకం ఖన్ధం పటిచ్చ తయో ఖన్ధా అనిదస్సనసప్పటిఘఞ్చ అనిదస్సనఅప్పటిఘఞ్చ చిత్తసముట్ఠానం రూపం…పే… ద్వే ఖన్ధే…పే… పటిసన్ధిక్ఖణే అనిదస్సనఅప్పటిఘం ఏకం ఖన్ధం పటిచ్చ తయో ఖన్ధా అనిదస్సనసప్పటిఘఞ్చ అనిదస్సనఅప్పటిఘఞ్చ కటత్తారూపం…పే… ద్వే ఖన్ధే…పే… ఆపోధాతుం పటిచ్చ అనిదస్సనసప్పటిఘఞ్చ అనిదస్సనఅప్పటిఘఞ్చ చిత్తసముట్ఠానం రూపం కటత్తారూపం ఉపాదారూపం. ఆపోధాతుం పటిచ్చ చక్ఖాయతనం…పే… రసాయతనం, ఇత్థిన్ద్రియం…పే… కబళీకారో ఆహారో. (౫)

అనిదస్సనఅప్పటిఘం ధమ్మం పటిచ్చ సనిదస్సనసప్పటిఘో చ అనిదస్సనసప్పటిఘో చ ధమ్మా ఉప్పజ్జన్తి హేతుపచ్చయా – అనిదస్సనఅప్పటిఘే ఖన్ధే పటిచ్చ సనిదస్సనసప్పటిఘఞ్చ అనిదస్సనసప్పటిఘఞ్చ చిత్తసముట్ఠానం రూపం. పటిసన్ధిక్ఖణే అనిదస్సనఅప్పటిఘే ఖన్ధే పటిచ్చ సనిదస్సనసప్పటిఘఞ్చ అనిదస్సనసప్పటిఘఞ్చ కటత్తారూపం. ఆపోధాతుం పటిచ్చ సనిదస్సనసప్పటిఘఞ్చ అనిదస్సనసప్పటిఘఞ్చ చిత్తసముట్ఠానం రూపం కటత్తారూపం ఉపాదారూపం. ఆపోధాతుం పటిచ్చ రూపాయతనం, చక్ఖాయతనం…పే… రసాయతనం. (౬)

అనిదస్సనఅప్పటిఘం ధమ్మం పటిచ్చ సనిదస్సనసప్పటిఘో చ అనిదస్సనసప్పటిఘో చ అనిదస్సనఅప్పటిఘో చ ధమ్మా ఉప్పజ్జన్తి హేతుపచ్చయా – అనిదస్సనఅప్పటిఘం ఏకం ఖన్ధం పటిచ్చ తయో ఖన్ధా సనిదస్సనసప్పటిఘఞ్చ అనిదస్సనసప్పటిఘఞ్చ అనిదస్సనఅప్పటిఘఞ్చ చిత్తసముట్ఠానం రూపం…పే… ద్వే ఖన్ధే…పే… పటిసన్ధిక్ఖణే అనిదస్సనఅప్పటిఘం ఏకం ఖన్ధం పటిచ్చ తయో ఖన్ధా సనిదస్సనసప్పటిఘఞ్చ అనిదస్సనసప్పటిఘఞ్చ అనిదస్సనఅప్పటిఘఞ్చ కటత్తారూపం…పే… ద్వే ఖన్ధే…పే… ఆపోధాతుం పటిచ్చ సనిదస్సనసప్పటిఘఞ్చ అనిదస్సనసప్పటిఘఞ్చ అనిదస్సనఅప్పటిఘఞ్చ చిత్తసముట్ఠానం రూపం కటత్తారూపం ఉపాదారూపం. ఆపోధాతుం పటిచ్చ రూపాయతనం చక్ఖాయతనం…పే… రసాయతనం, ఇత్థిన్ద్రియం…పే… కబళీకారో ఆహారో. (౭)

౩. అనిదస్సనసప్పటిఘఞ్చ అనిదస్సనఅప్పటిఘఞ్చ ధమ్మం పటిచ్చ సనిదస్సనసప్పటిఘో ధమ్మో ఉప్పజ్జతి హేతుపచ్చయా – అనిదస్సనఅప్పటిఘే ఖన్ధే చ మహాభూతే చ పటిచ్చ సనిదస్సనసప్పటిఘం చిత్తసముట్ఠానం రూపం. పటిసన్ధిక్ఖణే అనిదస్సనఅప్పటిఘే ఖన్ధే చ మహాభూతే చ పటిచ్చ సనిదస్సనసప్పటిఘం కటత్తారూపం. అనిదస్సనసప్పటిఘే మహాభూతే చ ఆపోధాతుఞ్చ పటిచ్చ సనిదస్సనసప్పటిఘం చిత్తసముట్ఠానం రూపం కటత్తారూపం ఉపాదారూపం. ఫోట్ఠబ్బాయతనఞ్చ ఆపోధాతుఞ్చ పటిచ్చ రూపాయతనం. (౧)

అనిదస్సనసప్పటిఘఞ్చ అనిదస్సనఅప్పటిఘఞ్చ ధమ్మం పటిచ్చ అనిదస్సనసప్పటిఘో ధమ్మో ఉప్పజ్జతి హేతుపచ్చయా – అనిదస్సనఅప్పటిఘే ఖన్ధే చ మహాభూతే చ పటిచ్చ అనిదస్సనసప్పటిఘం చిత్తసముట్ఠానం రూపం. పటిసన్ధిక్ఖణే అనిదస్సనఅప్పటిఘే ఖన్ధే చ మహాభూతే చ పటిచ్చ అనిదస్సనసప్పటిఘం కటత్తారూపం. అనిదస్సనసప్పటిఘం ఏకం మహాభూతఞ్చ ఆపోధాతుఞ్చ పటిచ్చ ద్వే మహాభూతా, ద్వే మహాభూతే చ ఆపోధాతుఞ్చ పటిచ్చ ఏకం మహాభూతం. అనిదస్సనసప్పటిఘే మహాభూతే చ ఆపోధాతుఞ్చ పటిచ్చ అనిదస్సనసప్పటిఘం చిత్తసముట్ఠానం రూపం కటత్తారూపం ఉపాదారూపం. ఫోట్ఠబ్బాయతనఞ్చ ఆపోధాతుఞ్చ పటిచ్చ చక్ఖాయతనం…పే… రసాయతనం. (౨)

అనిదస్సనసప్పటిఘఞ్చ అనిదస్సనఅప్పటిఘఞ్చ ధమ్మం పటిచ్చ అనిదస్సనఅప్పటిఘో ధమ్మో ఉప్పజ్జతి హేతుపచ్చయా – అనిదస్సనఅప్పటిఘే ఖన్ధే చ మహాభూతే చ పటిచ్చ అనిదస్సనఅప్పటిఘం చిత్తసముట్ఠానం రూపం. పటిసన్ధిక్ఖణే అనిదస్సనఅప్పటిఘే ఖన్ధే చ మహాభూతే చ పటిచ్చ అనిదస్సనఅప్పటిఘం కటత్తారూపం. అనిదస్సనసప్పటిఘే మహాభూతే చ ఆపోధాతుఞ్చ పటిచ్చ అనిదస్సనఅప్పటిఘం చిత్తసముట్ఠానం రూపం కటత్తారూపం ఉపాదారూపం. ఫోట్ఠబ్బాయతనఞ్చ ఆపోధాతుఞ్చ పటిచ్చ ఇత్థిన్ద్రియం…పే… కబళీకారో ఆహారో. (౩)

అనిదస్సనసప్పటిఘఞ్చ అనిదస్సనఅప్పటిఘఞ్చ ధమ్మం పటిచ్చ సనిదస్సనసప్పటిఘో చ అనిదస్సనఅప్పటిఘో చ ధమ్మా ఉప్పజ్జన్తి హేతుపచ్చయా – అనిదస్సనఅప్పటిఘే ఖన్ధే చ మహాభూతే చ పటిచ్చ సనిదస్సనసప్పటిఘఞ్చ అనిదస్సనఅప్పటిఘఞ్చ చిత్తసముట్ఠానం రూపం. పటిసన్ధిక్ఖణే అనిదస్సనఅప్పటిఘే ఖన్ధే చ మహాభూతే చ పటిచ్చ సనిదస్సనసప్పటిఘఞ్చ అనిదస్సనఅప్పటిఘఞ్చ కటత్తారూపం. అనిదస్సనసప్పటిఘే మహాభూతే చ ఆపోధాతుఞ్చ పటిచ్చ సనిదస్సనసప్పటిఘఞ్చ అనిదస్సనఅప్పటిఘఞ్చ చిత్తసముట్ఠానం రూపం కటత్తారూపం ఉపాదారూపం. ఫోట్ఠబ్బాయతనఞ్చ ఆపోధాతుఞ్చ పటిచ్చ రూపాయతనం, ఇత్థిన్ద్రియం…పే… కబళీకారో ఆహారో. (౪)

అనిదస్సనసప్పటిఘఞ్చ అనిదస్సనఅప్పటిఘఞ్చ ధమ్మం పటిచ్చ అనిదస్సనసప్పటిఘో చ అనిదస్సనఅప్పటిఘో చ ధమ్మా ఉప్పజ్జన్తి హేతుపచ్చయా – అనిదస్సనఅప్పటిఘే ఖన్ధే చ మహాభూతే చ పటిచ్చ అనిదస్సనసప్పటిఘఞ్చ అనిదస్సనఅప్పటిఘఞ్చ చిత్తసముట్ఠానం రూపం. పటిసన్ధిక్ఖణే అనిదస్సనఅప్పటిఘే ఖన్ధే చ మహాభూతే చ పటిచ్చ అనిదస్సనసప్పటిఘఞ్చ అనిదస్సనఅప్పటిఘఞ్చ కటత్తారూపం. అనిదస్సనసప్పటిఘే మహాభూతే చ ఆపోధాతుఞ్చ పటిచ్చ అనిదస్సనసప్పటిఘఞ్చ అనిదస్సనఅప్పటిఘఞ్చ చిత్తసముట్ఠానం రూపం కటతారూపం ఉపాదారూపం. ఫోట్ఠబ్బాయతనఞ్చ ఆపోధాతుఞ్చ పటిచ్చ చక్ఖాయతనం…పే… రసాయతనం, ఇత్థిన్ద్రియం…పే… కబళీకారో ఆహారో. (౫)

అనిదస్సనసప్పటిఘఞ్చ అనిదస్సనఅప్పటిఘఞ్చ ధమ్మం పటిచ్చ సనిదస్సనసప్పటిఘో చ అనిదస్సనసప్పటిఘో చ ధమ్మా ఉప్పజ్జన్తి హేతుపచ్చయా – అనిదస్సనఅప్పటిఘే ఖన్ధే చ మహాభూతే చ పటిచ్చ సనిదస్సనసప్పటిఘఞ్చ అనిదస్సనసప్పటిఘఞ్చ చిత్తసముట్ఠానం రూపం. పటిసన్ధిక్ఖణే అనిదస్సనఅప్పటిఘే ఖన్ధే చ మహాభూతే చ పటిచ్చ సనిదస్సనసప్పటిఘఞ్చ అనిదస్సనసప్పటిఘఞ్చ కటత్తారూపం. అనిదస్సనసప్పటిఘే మహాభూతే చ ఆపోధాతుఞ్చ పటిచ్చ సనిదస్సనసప్పటిఘఞ్చ అనిదస్సనసప్పటిఘఞ్చ చిత్తసముట్ఠానం రూపం కటత్తారూపం ఉపాదారూపం. ఫోట్ఠబ్బాయతనఞ్చ ఆపోధాతుఞ్చ పటిచ్చ రూపాయతనం, చక్ఖాయతనం…పే… రసాయతనం. (౬)

అనిదస్సనసప్పటిఘఞ్చ అనిదస్సనఅప్పటిఘఞ్చ ధమ్మం పటిచ్చ సనిదస్సనసప్పటిఘో చ అనిదస్సనసప్పటిఘో చ అనిదస్సనఅప్పటిఘో చ ధమ్మా ఉప్పజ్జన్తి హేతుపచ్చయా – అనిదస్సనఅప్పటిఘే ఖన్ధే చ మహాభూతే చ పటిచ్చ సనిదస్సనసప్పటిఘఞ్చ అనిదస్సనసప్పటిఘఞ్చ అనిదస్సనఅప్పటిఘఞ్చ చిత్తసముట్ఠానం రూపం. పటిసన్ధిక్ఖణే అనిదస్సనఅప్పటిఘే ఖన్ధే చ మహాభూతే చ పటిచ్చ సనిదస్సనసప్పటిఘఞ్చ అనిదస్సనసప్పటిఘఞ్చ అనిదస్సనఅప్పటిఘఞ్చ కటత్తారూపం. అనిదస్సనసప్పటిఘే మహాభూతే చ ఆపోధాతుఞ్చ పటిచ్చ సనిదస్సనసప్పటిఘఞ్చ అనిదస్సనసప్పటిఘఞ్చ అనిదస్సనఅప్పటిఘఞ్చ చిత్తసముట్ఠానం రూపం కటత్తారూపం ఉపాదారూపం. ఫోట్ఠబ్బాయతనఞ్చ ఆపోధాతుఞ్చ పటిచ్చ రూపాయతనం, చక్ఖాయతనం…పే… రసాయతనం, ఇత్థిన్ద్రియం…పే… కబళీకారో ఆహారో. (౭)

ఆరమ్మణపచ్చయో

౪. అనిదస్సనఅప్పటిఘం ధమ్మం పటిచ్చ అనిదస్సనఅప్పటిఘో ధమ్మో ఉప్పజ్జతి ఆరమ్మణపచ్చయా – అనిదస్సనఅప్పటిఘం ఏకం ఖన్ధం పటిచ్చ తయో ఖన్ధా…పే… ద్వే ఖన్ధే …పే… పటిసన్ధిక్ఖణే అనిదస్సనఅప్పటిఘం ఏకం ఖన్ధం పటిచ్చ తయో ఖన్ధా…పే… ద్వే ఖన్ధే…పే… వత్థుం పటిచ్చ ఖన్ధా. (౧)

అధిపతిపచ్చయో

౫. అనిదస్సనసప్పటిఘం ధమ్మం పటిచ్చ అనిదస్సనసప్పటిఘో ధమ్మో ఉప్పజ్జతి అధిపతిపచ్చయా – అనిదస్సనసప్పటిఘం ఏకం మహాభూతం పటిచ్చ ద్వే మహాభూతా, ద్వే మహాభూతే పటిచ్చ ఏకం మహాభూతం. అనిదస్సనసప్పటిఘే మహాభూతే పటిచ్చ చిత్తసముట్ఠానం రూపం ఉపాదారూపం. (౧)

(అనిదస్సనసప్పటిఘమూలకే ఇమినా కారణేన సత్త పఞ్హా విభజితబ్బా, పరియోసానపదా నత్థి.)

౬. అనిదస్సనఅప్పటిఘం ధమ్మం పటిచ్చ అనిదస్సనఅప్పటిఘో ధమ్మో ఉప్పజ్జతి అధిపతిపచ్చయా – అనిదస్సనఅప్పటిఘం ఏకం ఖన్ధం పటిచ్చ తయో ఖన్ధా అనిదస్సనఅప్పటిఘఞ్చ చిత్తసముట్ఠానం రూపం…పే… ద్వే ఖన్ధే…పే… ఆపోధాతుం పటిచ్చ అనిదస్సనఅప్పటిఘం చిత్తసముట్ఠానం రూపం ఉపాదారూపం.

(ఇమినా కారణేన అనిదస్సనఅప్పటిఘమూలకే సత్త పఞ్హా విభజితబ్బా, నిట్ఠానపదా నత్థి.)

౭. అనిదస్సనసప్పటిఘఞ్చ అనిదస్సనఅప్పటిఘఞ్చ ధమ్మం పటిచ్చ సనిదస్సనసప్పటిఘో ధమ్మో ఉప్పజ్జతి అధిపతిపచ్చయా – అనిదస్సనఅప్పటిఘే ఖన్ధే చ మహాభూతే చ పటిచ్చ సనిదస్సనసప్పటిఘం చిత్తసముట్ఠానం రూపం. అనిదస్సనఅప్పటిఘే మహాభూతే చ ఆపోధాతుఞ్చ పటిచ్చ సనిదస్సనసప్పటిఘం చిత్తసముట్ఠానం రూపం ఉపాదారూపం.

(ఇమినా కారణేన సత్తపి పఞ్హా విభజితబ్బా.)

అనన్తర-సమనన్తరపచ్చయా

౮. అనిదస్సనఅప్పటిఘం ధమ్మం పటిచ్చ అనిదస్సనఅప్పటిఘో ధమ్మో ఉప్పజ్జతి అనన్తరపచ్చయా… సమనన్తరపచ్చయా (ఆరమ్మణసదిసం).

సహజాతపచ్చయో

౯. అనిదస్సనసప్పటిఘం ధమ్మం పటిచ్చ అనిదస్సనసప్పటిఘో ధమ్మో ఉప్పజ్జతి సహజాతపచ్చయా – అనిదస్సనసప్పటిఘం ఏకం మహాభూతం పటిచ్చ ద్వే మహాభూతా, ద్వే మహాభూతే పటిచ్చ ఏకం మహాభూతం. అనిదస్సనసప్పటిఘే మహాభూతే పటిచ్చ అనిదస్సనసప్పటిఘం చిత్తసముట్ఠానం రూపం కటత్తారూపం ఉపాదారూపం. ఫోట్ఠబ్బాయతనం పటిచ్చ చక్ఖాయతనం…పే… రసాయతనం. బాహిరం… ఆహారసముట్ఠానం… ఉతుసముట్ఠానం… అసఞ్ఞసత్తానం ఏకం మహాభూతం పటిచ్చ ద్వే మహాభూతా…పే….

(అనిదస్సనసప్పటిఘమూలకా సత్త పఞ్హా ఇమినా కారణేన విభజితబ్బా.)

౧౦. అనిదస్సనఅప్పటిఘం ధమ్మం పటిచ్చ అనిదస్సనఅప్పటిఘో ధమ్మో ఉప్పజ్జతి సహజాతపచ్చయా – అనిదస్సనఅప్పటిఘం ఏకం ఖన్ధం పటిచ్చ తయో ఖన్ధా అనిదస్సనఅప్పటిఘం చిత్తసముట్ఠానఞ్చ రూపం…పే… ద్వే ఖన్ధే…పే… పటిసన్ధిక్ఖణే అనిదస్సనఅప్పటిఘం ఏకం ఖన్ధం పటిచ్చ తయో ఖన్ధా అనిదస్సనఅప్పటిఘం కటత్తా చ రూపం…పే… ద్వే ఖన్ధే…పే… ఖన్ధే పటిచ్చ వత్థు, వత్థుం పటిచ్చ ఖన్ధా. ఆపోధాతుం పటిచ్చ అనిదస్సనఅప్పటిఘం చిత్తసముట్ఠానం రూపం కటత్తారూపం ఉపాదారూపం. ఆపోధాతుం పటిచ్చ ఇత్థిన్ద్రియం…పే… కబళీకారో ఆహారో. బాహిరం… ఆహారసముట్ఠానం… ఉతుసముట్ఠానం… అసఞ్ఞసత్తానం ఆపోధాతుం పటిచ్చ అనిదస్సనఅప్పటిఘం కటత్తారూపం ఉపాదారూపం.

(అనిదస్సనఅప్పటిఘమూలకే సత్త పఞ్హా ఇమినా కారణేన కాతబ్బా.)

౧౧. అనిదస్సనసప్పటిఘఞ్చ అనిదస్సనఅప్పటిఘఞ్చ ధమ్మం పటిచ్చ సనిదస్సనసప్పటిఘో ధమ్మో ఉప్పజ్జతి సహజాతపచ్చయా – అనిదస్సనఅప్పటిఘే ఖన్ధే చ మహాభూతే చ పటిచ్చ సనిదస్సనసప్పటిఘం చిత్తసముట్ఠానం రూపం. పటిసన్ధిక్ఖణే అనిదస్సనఅప్పటిఘే ఖన్ధే చ మహాభూతే చ పటిచ్చ సనిదస్సనసప్పటిఘం కటత్తారూపం. అనిదస్సనసప్పటిఘే మహాభూతే చ ఆపోధాతుఞ్చ పటిచ్చ సనిదస్సనసప్పటిఘం చిత్తసముట్ఠానం రూపం కటత్తారూపం ఉపాదారూపం. ఫోట్ఠబ్బాయతనఞ్చ ఆపోధాతుఞ్చ పటిచ్చ రూపాయతనం. బాహిరం… ఆహారసముట్ఠానం… ఉతుసముట్ఠానం… అసఞ్ఞసత్తానం అనిదస్సనసప్పటిఘే మహాభూతే చ ఆపోధాతుఞ్చ పటిచ్చ సనిదస్సనసప్పటిఘం కటత్తారూపం ఉపాదారూపం.

(ఇమినా కారణేన సత్త పఞ్హా విభజితబ్బా.)

అఞ్ఞమఞ్ఞపచ్చయో

౧౨. అనిదస్సనసప్పటిఘం ధమ్మం పటిచ్చ అనిదస్సనసప్పటిఘో ధమ్మో ఉప్పజ్జతి అఞ్ఞమఞ్ఞపచ్చయా – అనిదస్సనసప్పటిఘం ఏకం మహాభూతం పటిచ్చ ద్వే మహాభూతా, ద్వే మహాభూతే పటిచ్చ ఏకం మహాభూతం. (౧)

అనిదస్సనసప్పటిఘం ధమ్మం పటిచ్చ అనిదస్సనఅప్పటిఘో ధమ్మో ఉప్పజ్జతి అఞ్ఞమఞ్ఞపచ్చయా – అనిదస్సనసప్పటిఘే మహాభూతే పటిచ్చ ఆపోధాతు. (౨)

అనిదస్సనసప్పటిఘం ధమ్మం పటిచ్చ అనిదస్సనసప్పటిఘో చ అనిదస్సనఅప్పటిఘో చ ధమ్మా ఉప్పజ్జన్తి అఞ్ఞమఞ్ఞపచ్చయా – అనిదస్సనసప్పటిఘం ఏకం మహాభూతం పటిచ్చ ద్వే మహాభూతా ఆపోధాతు చ, ద్వే మహాభూతే పటిచ్చ ఏకం మహాభూతం ఆపోధాతు చ. బాహిరం…పే…. (౩)

౧౩. అనిదస్సనఅప్పటిఘం ధమ్మం పటిచ్చ అనిదస్సనఅప్పటిఘో ధమ్మో ఉప్పజ్జతి అఞ్ఞమఞ్ఞపచ్చయా – అనిదస్సనఅప్పటిఘం ఏకం ఖన్ధం పటిచ్చ తయో ఖన్ధా…పే… ద్వే ఖన్ధే…పే… పటిసన్ధిక్ఖణే అనిదస్సనఅప్పటిఘం ఏకం ఖన్ధం పటిచ్చ తయో ఖన్ధా వత్థు చ…పే… ద్వే ఖన్ధే…పే… ఖన్ధే పటిచ్చ వత్థు, వత్థుం పటిచ్చ ఖన్ధా. (౧)

అనిదస్సనఅప్పటిఘం ధమ్మం పటిచ్చ అనిదస్సనసప్పటిఘో ధమ్మో ఉప్పజ్జతి అఞ్ఞమఞ్ఞపచ్చయా – ఆపోధాతుం పటిచ్చ అనిదస్సనసప్పటిఘా మహాభూతా. బాహిరం…పే…. (౨)

౧౪. అనిదస్సనసప్పటిఘఞ్చ అనిదస్సనఅప్పటిఘఞ్చ ధమ్మం పటిచ్చ అనిదస్సనసప్పటిఘో ధమ్మో ఉప్పజ్జతి అఞ్ఞమఞ్ఞపచ్చయా – అనిదస్సనసప్పటిఘం ఏకం మహాభూతఞ్చ ఆపోధాతుఞ్చ పటిచ్చ ద్వే మహాభూతా, ద్వే మహాభూతే చ ఆపోధాతుఞ్చ పటిచ్చ ఏకం మహాభూతం. బాహిరం…పే…. (౧)

నిస్సయపచ్చయాది

౧౫. అనిదస్సనసప్పటిఘం ధమ్మం పటిచ్చ అనిదస్సనసప్పటిఘో ధమ్మో ఉప్పజ్జతి నిస్సయపచ్చయా… ఉపనిస్సయపచ్చయా… పురేజాతపచ్చయా… ఆసేవనపచ్చయా… కమ్మపచ్చయా… విపాకపచ్చయా… ఆహారపచ్చయా… ఇన్ద్రియపచ్చయా… ఝానపచ్చయా… మగ్గపచ్చయా… సమ్పయుత్తపచ్చయా… విప్పయుత్తపచ్చయా… అత్థిపచ్చయా… నత్థిపచ్చయా… విగతపచ్చయా… అవిగతపచ్చయా.

౧. పచ్చయానులోమం

౨. సఙ్ఖ్యావారో

సుద్ధం

౧౬. హేతుయా ఏకవీస, ఆరమ్మణే ఏకం, అధిపతియా ఏకవీస, అనన్తరే ఏకం, సమనన్తరే ఏకం, సహజాతే ఏకవీస, అఞ్ఞమఞ్ఞే ఛ, నిస్సయే ఏకవీస, ఉపనిస్సయే ఏకం, పురేజాతే ఏకం, ఆసేవనే ఏకం, కమ్మే ఏకవీస, విపాకే ఆహారే ఏకవీస, ఇన్ద్రియే ఏకవీస, ఝానే మగ్గే ఏకవీస, సమ్పయుత్తే ఏకం, విప్పయుత్తే ఏకవీస, అత్థియా ఏకవీస, నత్థియా ఏకం, విగతే ఏకం, అవిగతే ఏకవీస (ఏవం గణేతబ్బం).

అనులోమం.

౨. పచ్చయపచ్చనీయం

౧. విభఙ్గవారో

నహేతుపచ్చయో

౧౭. అనిదస్సనసప్పటిఘం ధమ్మం పటిచ్చ అనిదస్సనసప్పటిఘో ధమ్మో ఉప్పజ్జతి నహేతుపచ్చయా – అనిదస్సనసప్పటిఘం ఏకం మహాభూతం పటిచ్చ ద్వే మహాభూతా, ద్వే మహాభూతే పటిచ్చ ఏకం మహాభూతం. అనిదస్సనసప్పటిఘే మహాభూతే పటిచ్చ అనిదస్సనసప్పటిఘం చిత్తసముట్ఠానం రూపం కటత్తారూపం ఉపాదారూపం. ఫోట్ఠబ్బాయతనం పటిచ్చ చక్ఖాయతనం…పే… రసాయతనం. బాహిరం… ఆహారసముట్ఠానం… ఉతుసముట్ఠానం… అసఞ్ఞసత్తానం అనిదస్సనసప్పటిఘం ఏకం మహాభూతం పటిచ్చ ద్వే మహాభూతా, ద్వే మహాభూతే పటిచ్చ ఏకం మహాభూతం, మహాభూతే పటిచ్చ…పే….

(అనిదస్సనసప్పటిఘమూలకే ఇమినా కారణేన సత్తపి పఞ్హా విభజితబ్బా.)

౧౮. అనిదస్సనఅప్పటిఘం ధమ్మం పటిచ్చ అనిదస్సనఅప్పటిఘో ధమ్మో ఉప్పజ్జతి నహేతుపచ్చయా – అహేతుకం అనిదస్సనఅప్పటిఘం ఏకం ఖన్ధం పటిచ్చ తయో ఖన్ధా అనిదస్సనఅప్పటిఘఞ్చ చిత్తసముట్ఠానఞ్చ రూపం…పే… ద్వే ఖన్ధే…పే… అహేతుకపటిసన్ధిక్ఖణే అనిదస్సనఅప్పటిఘం ఏకం ఖన్ధం పటిచ్చ తయో ఖన్ధా అనిదస్సనఅప్పటిఘఞ్చ కటత్తారూపం…పే… ఖన్ధే పటిచ్చ వత్థు, వత్థుం పటిచ్చ ఖన్ధా. ఆపోధాతుం పటిచ్చ అనిదస్సనఅప్పటిఘం చిత్తసముట్ఠానం రూపం కటత్తారూపం ఉపాదారూపం. ఆపోధాతుం పటిచ్చ ఇత్థిన్ద్రియం…పే… కబళీకారో ఆహారో. బాహిరం… ఆహారసముట్ఠానం… ఉతుసముట్ఠానం… అసఞ్ఞసత్తానం ఆపోధాతుం పటిచ్చ అనిదస్సనఅప్పటిఘం కటత్తారూపం ఉపాదారూపం. విచికిచ్ఛాసహగతే ఉద్ధచ్చసహగతే ఖన్ధే పటిచ్చ విచికిచ్ఛాసహగతో ఉద్ధచ్చసహగతో మోహో.

(అనిదస్సనఅప్పటిఘమూలకా ఇమినా కారణేన సత్త పఞ్హా విభజితబ్బా.)

౧౯. అనిదస్సనసప్పటిఘఞ్చ అనిదస్సనఅప్పటిఘఞ్చ ధమ్మం పటిచ్చ సనిదస్సనసప్పటిఘో ధమ్మో ఉప్పజ్జతి నహేతుపచ్చయా – అహేతుకే అనిదస్సనఅప్పటిఘే ఖన్ధే చ మహాభూతే చ పటిచ్చ సనిదస్సనసప్పటిఘం చిత్తసముట్ఠానం రూపం. అహేతుకపటిసన్ధిక్ఖణే అనిదస్సనఅప్పటిఘే ఖన్ధే చ మహాభూతే చ పటిచ్చ సనిదస్సనసప్పటిఘం కటత్తారూపం. అనిదస్సనసప్పటిఘే మహాభూతే చ ఆపోధాతుఞ్చ పటిచ్చ సనిదస్సనసప్పటిఘం చిత్తసముట్ఠానం రూపం కటత్తారూపం ఉపాదారూపం. ఫోట్ఠబ్బాయతనఞ్చ ఆపోధాతుఞ్చ పటిచ్చ రూపాయతనం. బాహిరం… ఆహారసముట్ఠానం… ఉతుసముట్ఠానం… అసఞ్ఞసత్తానం అనిదస్సనసప్పటిఘే మహాభూతే చ ఆపోధాతుఞ్చ పటిచ్చ సనిదస్సనసప్పటిఘం కటత్తారూపం ఉపాదారూపం.

(ఇమినా కారణేన సత్త పఞ్హా విత్థారేతబ్బా అసమ్మోహన్తేన.)

నఆరమ్మణపచ్చయో

౨౦. అనిదస్సనసప్పటిఘం ధమ్మం పటిచ్చ అనిదస్సనసప్పటిఘో ధమ్మో ఉప్పజ్జతి నఆరమ్మణపచ్చయా – అనిదస్సనసప్పటిఘం ఏకం మహాభూతం పటిచ్చ ద్వే మహాభూతా, ద్వే మహాభూతే పటిచ్చ ఏకం మహాభూతం. అనిదస్సనసప్పటిఘే మహాభూతే పటిచ్చ అనిదస్సనసప్పటిఘం చిత్తసముట్ఠానం రూపం కటత్తారూపం ఉపాదారూపం. ఫోట్ఠబ్బాయతనం పటిచ్చ చక్ఖాయతనం…పే… రసాయతనం. బాహిరం… ఆహారసముట్ఠానం…, ఉతుసముట్ఠానం… అసఞ్ఞసత్తానం అనిదస్సనసప్పటిఘం ఏకం మహాభూతం పటిచ్చ ద్వే మహాభూతా, ద్వే మహాభూతే పటిచ్చ ఏకం మహాభూతం…పే….

(అనిదస్సనసప్పటిఘమూలకా ఇమినా కారణేన సత్తపి పఞ్హా విత్థారేతబ్బా.)

౨౧. అనిదస్సనఅప్పటిఘం ధమ్మం పటిచ్చ అనిదస్సనఅప్పటిఘో ధమ్మో ఉప్పజ్జతి నఆరమ్మణపచ్చయా – అనిదస్సనఅప్పటిఘే ఖన్ధే పటిచ్చ అనిదస్సనఅప్పటిఘం చిత్తసముట్ఠానం రూపం. పటిసన్ధిక్ఖణే అనిదస్సనఅప్పటిఘే ఖన్ధే పటిచ్చ అనిదస్సనఅప్పటిఘం కటత్తారూపం. ఖన్ధే పటిచ్చ వత్థు…పే… ఆపోధాతుం పటిచ్చ అనిదస్సనఅప్పటిఘం చిత్తసముట్ఠానం రూపం కటత్తారూపం ఉపాదారూపం. ఆపోధాతుం పటిచ్చ ఇత్థిన్ద్రియం…పే… కబళీకారో ఆహారో. బాహిరం… ఆహారసముట్ఠానం… ఉతుసముట్ఠానం… అసఞ్ఞసత్తానం ఆపోధాతుం పటిచ్చ అనిదస్సనఅప్పటిఘం కటత్తారూపం ఉపాదారూపం.

(అనిదస్సనఅప్పటిఘమూలకే ఇమినా కారణేన సత్తపి పఞ్హా విత్థారేతబ్బా.)

౨౨. అనిదస్సనసప్పటిఘఞ్చ అనిదస్సనఅప్పటిఘఞ్చ ధమ్మం పటిచ్చ సనిదస్సనసప్పటిఘో ధమ్మో ఉప్పజ్జతి నఆరమ్మణపచ్చయా – అనిదస్సనఅప్పటిఘే ఖన్ధే చ మహాభూతే చ పటిచ్చ సనిదస్సనసప్పటిఘం చిత్తసముట్ఠానం రూపం. పటిసన్ధిక్ఖణే అనిదస్సనఅప్పటిఘే ఖన్ధే చ మహాభూతే చ పటిచ్చ సనిదస్సనసప్పటిఘం కటత్తారూపం. అనిదస్సనసప్పటిఘే మహాభూతే చ ఆపోధాతుఞ్చ పటిచ్చ సనిదస్సనసప్పటిఘం చిత్తసముట్ఠానం రూపం కటత్తారూపం ఉపాదారూపం. ఫోట్ఠబ్బాయతనఞ్చ ఆపోధాతుఞ్చ పటిచ్చ రూపాయతనం. బాహిరం… ఆహారసముట్ఠానం… ఉతుసముట్ఠానం… అసఞ్ఞసత్తానం అనిదస్సనసప్పటిఘే మహాభూతే చ ఆపోధాతుఞ్చ పటిచ్చ సనిదస్సనసప్పటిఘం కటత్తారూపం ఉపాదారూపం.

(ఘటనే ఇమినా కారణేన సత్తపి పఞ్హా విభజితబ్బా.)

నఅధిపతిపచ్చయాది

౨౩. అనిదస్సనసప్పటిఘం ధమ్మం పటిచ్చ అనిదస్సనసప్పటిఘో ధమ్మో ఉప్పజ్జతి నఅధిపతిపచ్చయా (సహజాతసదిసం)… నఅనన్తరపచ్చయా… నసమనన్తరపచ్చయా… నఅఞ్ఞమఞ్ఞపచ్చయా – అనిదస్సనసప్పటిఘే మహాభూతే పటిచ్చ అనిదస్సనసప్పటిఘం చిత్తసముట్ఠానం రూపం కటత్తారూపం ఉపాదారూపం. ఫోట్ఠబ్బాయతనం పటిచ్చ చక్ఖాయతనం…పే… రసాయతనం… బాహిరం… ఆహారసముట్ఠానం… ఉతుసముట్ఠానం… అసఞ్ఞసత్తానం మహాభూతే పటిచ్చ అనిదస్సనసప్పటిఘం కటత్తారూపం ఉపాదారూపం.

(ఇమినా కారణేన ఏకవీస పఞ్హా విభజితబ్బా.)

నఉపనిస్సయపచ్చయా… నపురేజాతపచ్చయా… నపచ్ఛాజాతపచ్చయా… నఆసేవనపచ్చయా… నకమ్మపచ్చయా – బాహిరం… ఆహారసముట్ఠానం… ఉతుసముట్ఠానం… అనిదస్సనసప్పటిఘం ఏకం మహాభూతం పటిచ్చ ద్వే మహాభూతా, ద్వే మహాభూతే పటిచ్చ ఏకం మహాభూతం. అనిదస్సనసప్పటిఘే మహాభూతే పటిచ్చ అనిదస్సనసప్పటిఘం ఉపాదారూపం (కమ్మం విభజిత్వా నకమ్మేనేవ ఏకవీస పఞ్హా కాతబ్బా), నవిపాకపచ్చయా (పటిసన్ధిపి కటత్తాపి నత్థి, పఞ్చవోకారేయేవ కాతబ్బా), నఆహారపచ్చయా – బాహిరం… ఉతుసముట్ఠానం… అసఞ్ఞసత్తానం…పే… (ఇమినా కారణేన విభజితబ్బా ఏకవీసాపి).

నఇన్ద్రియపచ్చయాది

౨౪. అనిదస్సనసప్పటిఘం ధమ్మం పటిచ్చ అనిదస్సనసప్పటిఘో ధమ్మో ఉప్పజ్జతి నఇన్ద్రియపచ్చయా – బాహిరం… ఆహారసముట్ఠానం… ఉతుసముట్ఠానం… అనిదస్సనసప్పటిఘం ఏకం మహాభూతం…పే… అసఞ్ఞసత్తానం మహాభూతే పటిచ్చ రూపజీవితిన్ద్రియం (సంఖిత్తం, సబ్బే పఞ్హా విభజితబ్బా)… నఝానపచ్చయా – బాహిరం… ఆహారసముట్ఠానం… ఉతుసముట్ఠానం… అసఞ్ఞసత్తానం ఏకం మహాభూతం (సంఖిత్తం, సత్తపి పఞ్హా విభజితబ్బా).

అనిదస్సనఅప్పటిఘం ధమ్మం పటిచ్చ అనిదస్సనఅప్పటిఘో ధమ్మో ఉప్పజ్జతి నఝానపచ్చయా – పఞ్చవిఞ్ఞాణసహగతం ఏకం ఖన్ధం పటిచ్చ తయో ఖన్ధా…పే… ద్వే ఖన్ధే…పే… బాహిరం… ఆహారసముట్ఠానం… ఉతుసముట్ఠానం… అసఞ్ఞసత్తానం ఆపోధాతుం పటిచ్చ అనిదస్సనఅప్పటిఘం కటత్తారూపం ఉపాదారూపం.

(ఏవం సత్తపి పఞ్హా విభజితబ్బా.)

౨౫. అనిదస్సనసప్పటిఘఞ్చ అనిదస్సనఅప్పటిఘఞ్చ ధమ్మం పటిచ్చ సనిదస్సనసప్పటిఘో ధమ్మో ఉప్పజ్జతి నఝానపచ్చయా – బాహిరం… ఆహారసముట్ఠానం… ఉతుసముట్ఠానం…, అసఞ్ఞసత్తానం…పే… అనిదస్సనసప్పటిఘే మహాభూతే చ ఆపోధాతుఞ్చ పటిచ్చ సనిదస్సనసప్పటిఘం కటత్తారూపం ఉపాదారూపం.

(ఏవం సత్తపి పఞ్హా విభజితబ్బా), నమగ్గపచ్చయా… (నహేతుసదిసం కాతబ్బం. పరిపుణ్ణం. మోహో నత్థి). నసమ్పయుత్తపచ్చయా… నవిప్పయుత్తపచ్చయా (పరిపుణ్ణం)… నోనత్థిపచ్చయా… నోవిగతపచ్చయా.

౨. పచ్చయపచ్చనీయం

౨. సఙ్ఖ్యావారో

సుద్ధం

౨౬. నహేతుయా ఏకవీస, నఆరమ్మణే ఏకవీస, నఅధిపతియా ఏకవీస (సంఖిత్తం, సబ్బత్థ ఏకవీస), నోనత్థియా ఏకవీస, నోవిగతే ఏకవీస (ఏవం గణేతబ్బం).

పచ్చనీయం.

౩. పచ్చయానులోమపచ్చనీయం

హేతుదుకం

౨౭. హేతుపచ్చయా నఆరమ్మణే ఏకవీస, నఅధిపతియా ఏకవీస…పే… నకమ్మే ఏకం, నవిపాకే ఏకవీస, నసమ్పయుత్తే ఏకవీస, నవిప్పయుత్తే ఏకం, నోనత్థియా ఏకవీస, నోవిగతే ఏకవీస (ఏవం గణేతబ్బం).

అనులోమపచ్చనీయం.

౪. పచ్చయపచ్చనీయానులోమం

నహేతుదుకం

౨౮. నహేతుపచ్చయా ఆరమ్మణే ఏకం, అనన్తరే ఏకం, సమనన్తరే ఏకం, సహజాతే ఏకవీస …పే… ఝానే ఏకవీస, మగ్గే ఏకం, సమ్పయుత్తే ఏకం, విప్పయుత్తే ఏకవీస, అత్థియా ఏకవీస, నత్థియా ఏకం, విగతే ఏకం, అవిగతే ఏకవీస (ఏవం గణేతబ్బం).

పచ్చనీయానులోమం.

పటిచ్చవారో.

౨-౬. సహజాత-పచ్చయ-నిస్సయ-సంసట్ఠ-సమ్పయుత్తవారో

(సహజాతవారోపి పచ్చయవారోపి నిస్సయవారోపి పటిచ్చవారసదిసా, సంసట్ఠవారోపి సమ్పయుత్తవారోపి అరూపేయేవ కాతబ్బా.)

౭. పఞ్హావారో

౧. పచ్చయానులోమం

౧. విభఙ్గవారో

హేతుపచ్చయో

౨౯. అనిదస్సనఅప్పటిఘో ధమ్మో అనిదస్సనఅప్పటిఘస్స ధమ్మస్స హేతుపచ్చయేన పచ్చయో – అనిదస్సనఅప్పటిఘా హేతూ సమ్పయుత్తకానం ఖన్ధానం అనిదస్సనఅప్పటిఘానఞ్చ చిత్తసముట్ఠానానం రూపానం హేతుపచ్చయేన పచ్చయో. పటిసన్ధిక్ఖణే అనిదస్సనఅప్పటిఘా హేతూ సమ్పయుత్తకానం ఖన్ధానం అనిదస్సనఅప్పటిఘానఞ్చ కటత్తారూపానం హేతుపచ్చయేన పచ్చయో. (౧)

అనిదస్సనఅప్పటిఘో ధమ్మో సనిదస్సనసప్పటిఘస్స ధమ్మస్స హేతుపచ్చయేన పచ్చయో – అనిదస్సనఅప్పటిఘా హేతూ సనిదస్సనసప్పటిఘానం చిత్తసముట్ఠానానం రూపానం హేతుపచ్చయేన పచ్చయో. పటిసన్ధిక్ఖణే…పే…. (౨)

(అనిదస్సనఅప్పటిఘమూలకేయేవ ఇమినా కారణేన సత్త పఞ్హా విభజితబ్బా.)

ఆరమ్మణపచ్చయో

౩౦. సనిదస్సనసప్పటిఘో ధమ్మో అనిదస్సనఅప్పటిఘస్స ధమ్మస్స ఆరమ్మణపచ్చయేన పచ్చయో – రూపే అనిచ్చతో దుక్ఖతో అనత్తతో విపస్సతి, అస్సాదేతి అభినన్దతి, తం ఆరబ్భ రాగో ఉప్పజ్జతి, దిట్ఠి ఉప్పజ్జతి, విచికిచ్ఛా ఉప్పజ్జతి, ఉద్ధచ్చం ఉప్పజ్జతి, దోమనస్సం ఉప్పజ్జతి, దిబ్బేన చక్ఖునా రూపం పస్సతి, రూపాయతనం చక్ఖువిఞ్ఞాణస్స ఆరమ్మణపచ్చయేన పచ్చయో. సనిదస్సనసప్పటిఘా ఖన్ధా ఇద్ధివిధఞాణస్స, పుబ్బేనివాసానుస్సతిఞాణస్స, అనాగతంసఞాణస్స, ఆవజ్జనాయ ఆరమ్మణపచ్చయేన పచ్చయో. (౧)

అనిదస్సనసప్పటిఘో ధమ్మో అనిదస్సనఅప్పటిఘస్స ధమ్మస్స ఆరమ్మణపచ్చయేన పచ్చయో. చక్ఖుం…పే… కాయం… సద్దే… గన్ధే… రసే… ఫోట్ఠబ్బే… అనిచ్చతో…పే… దోమనస్సం ఉప్పజ్జతి, దిబ్బాయ సోతధాతుయా సద్దం సుణాతి, సద్దాయతనం సోతవిఞ్ఞాణస్స…పే… ఫోట్ఠబ్బాయతనం కాయవిఞ్ఞాణస్స…పే… అనిదస్సనసప్పటిఘా ఖన్ధా ఇద్ధివిధఞాణస్స, పుబ్బేనివాసానుస్సతిఞాణస్స, అనాగతంసఞాణస్స, ఆవజ్జనాయ ఆరమ్మణపచ్చయేన పచ్చయో. (౧)

౩౧. అనిదస్సనఅప్పటిఘో ధమ్మో అనిదస్సనఅప్పటిఘస్స ధమ్మస్స ఆరమ్మణపచ్చయేన పచ్చయో – దానం దత్వా సీలం సమాదియిత్వా ఉపోసథకమ్మం కత్వా తం పచ్చవేక్ఖతి, పుబ్బే సుచిణ్ణాని పచ్చవేక్ఖతి, ఝానా…పే… అరియా మగ్గా వుట్ఠహిత్వా మగ్గం పచ్చవేక్ఖన్తి, ఫలం పచ్చవేక్ఖన్తి, నిబ్బానం పచ్చవేక్ఖన్తి, నిబ్బానం గోత్రభుస్స, వోదానస్స, మగ్గస్స, ఫలస్స, ఆవజ్జనాయ ఆరమ్మణపచ్చయేన పచ్చయో. అరియా పహీనే కిలేసే పచ్చవేక్ఖన్తి, విక్ఖమ్భితే కిలేసే పచ్చవేక్ఖన్తి, పుబ్బే సముదాచిణ్ణే కిలేసే జానన్తి…పే… వత్థుం… ఇత్థిన్ద్రియం… పురిసిన్ద్రియం… జీవితిన్ద్రియం… ఆపోధాతుం… కబళీకారం ఆహారం… అనిదస్సనఅప్పటిఘే ఖన్ధే అనిచ్చతో…పే… దోమనస్సం ఉప్పజ్జతి, చేతోపరియఞాణేన అనిదస్సనఅప్పటిఘచిత్తసమఙ్గిస్స చిత్తం జానాతి, ఆకాసానఞ్చాయతనం విఞ్ఞాణఞ్చాయతనస్స ఆరమ్మణపచ్చయేన పచ్చయో. ఆకిఞ్చఞ్ఞాయతనం నేవసఞ్ఞానాసఞ్ఞాయతనస్స…పే… అనిదస్సనఅప్పటిఘా ఖన్ధా ఇద్ధివిధఞాణస్స, చేతోపరియఞాణస్స, పుబ్బేనివాసానుస్సతిఞాణస్స, యథాకమ్మూపగఞాణస్స, అనాగతంసఞాణస్స, ఆవజ్జనాయ ఆరమ్మణపచ్చయేన పచ్చయో. (౧)

అధిపతిపచ్చయో

౩౨. సనిదస్సనసప్పటిఘో ధమ్మో అనిదస్సనఅప్పటిఘస్స ధమ్మస్స అధిపతిపచ్చయేన పచ్చయో. ఆరమ్మణాధిపతి – రూపం గరుం కత్వా అస్సాదేతి అభినన్దతి, తం గరుం కత్వా రాగో ఉప్పజ్జతి, దిట్ఠి ఉప్పజ్జతి. (౧)

అనిదస్సనసప్పటిఘో ధమ్మో అనిదస్సనఅప్పటిఘస్స ధమ్మస్స అధిపతిపచ్చయేన పచ్చయో. ఆరమ్మణాధిపతి – చక్ఖుం…పే… కాయం… సద్దే… గన్ధే… రసే… ఫోట్ఠబ్బే… గరుం కత్వా అస్సాదేతి అభినన్దతి, తం గరుం కత్వా రాగో ఉప్పజ్జతి, దిట్ఠి ఉప్పజ్జతి. (౧)

౩౩. అనిదస్సనఅప్పటిఘో ధమ్మో అనిదస్సనఅప్పటిఘస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – దానం దత్వా సీలం సమాదియిత్వా ఉపోసథకమ్మం కత్వా తం గరుం కత్వా…పే… ఝానా వుట్ఠహిత్వా…పే… అరియా మగ్గా వుట్ఠహిత్వా…పే… ఫలా వుట్ఠహిత్వా…పే… ఫలం గరుం కత్వా…పే… నిబ్బానం గరుం కత్వా… నిబ్బానం గోత్రభుస్స, వోదానస్స, మగ్గస్స, ఫలస్స అధిపతిపచ్చయేన పచ్చయో. వత్థుం… ఇత్థిన్ద్రియం… పురిసిన్ద్రియం… జీవితిన్ద్రియం… ఆపోధాతుం… కబళీకారం ఆహారం… అనిదస్సనఅప్పటిఘే ఖన్ధే గరుం కత్వా అస్సాదేతి అభినన్దతి, తం గరుం కత్వా రాగో ఉప్పజ్జతి, దిట్ఠి ఉప్పజ్జతి. సహజాతాధిపతి – అనిదస్సనఅప్పటిఘాధిపతి సమ్పయుత్తకానం ఖన్ధానం అనిదస్సనఅప్పటిఘానఞ్చ చిత్తసముట్ఠానానం రూపానం అధిపతిపచ్చయేన పచ్చయో. (౧)

అనిదస్సనఅప్పటిఘో ధమ్మో సనిదస్సనసప్పటిఘస్స ధమ్మస్స అధిపతిపచ్చయేన పచ్చయో. సహజాతాధిపతి – అనిదస్సనఅప్పటిఘాధిపతి సనిదస్సనసప్పటిఘానం చిత్తసముట్ఠానానం రూపానం అధిపతిపచ్చయేన పచ్చయో. (౨)

(అనిదస్సనఅప్పటిఘమూలకే సత్తపి పఞ్హా విభజితబ్బా, అధిపతి తివిధరూపసఙ్గహేన.)

అనన్తరపచ్చయో

౩౪. అనిదస్సనఅప్పటిఘో ధమ్మో అనిదస్సనఅప్పటిఘస్స ధమ్మస్స అనన్తరపచ్చయేన పచ్చయో – పురిమా పురిమా అనిదస్సనఅప్పటిఘా ఖన్ధా పచ్ఛిమానం పచ్ఛిమానం అనిదస్సనఅప్పటిఘానం ఖన్ధానం అనన్తరపచ్చయేన పచ్చయో. అనులోమం గోత్రభుస్స… అనులోమం వోదానస్స… గోత్రభు మగ్గస్స… వోదానం మగ్గస్స… మగ్గో ఫలస్స… ఫలం ఫలస్స… అనులోమం ఫలసమాపత్తియా… నిరోధా వుట్ఠహన్తస్స నేవసఞ్ఞానాసఞ్ఞాయతనం ఫలసమాపత్తియా అనన్తరపచ్చయేన పచ్చయో. (౧)

సమనన్తరపచ్చయో

౩౫. అనిదస్సనఅప్పటిఘో ధమ్మో అనిదస్సనఅప్పటిఘస్స ధమ్మస్స సమనన్తరపచ్చయేన పచ్చయో (అనన్తరసదిసం).

సహజాతపచ్చయాది

౩౬. అనిదస్సనసప్పటిఘో ధమ్మో అనిదస్సనసప్పటిఘస్స ధమ్మస్స సహజాతపచ్చయేన పచ్చయో (పటిచ్చవారసదిసం సాధుకం కాతబ్బం. అఞ్ఞమఞ్ఞపచ్చయే పటిచ్చవారే అఞ్ఞమఞ్ఞసదిసం, నిస్సయపచ్చయే పటిచ్చవారసదిసం).

ఉపనిస్సయపచ్చయో

౩౭. సనిదస్సనసప్పటిఘో ధమ్మో అనిదస్సనఅప్పటిఘస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, పకతూపనిస్సయో…పే…. పకతూపనిస్సయో – వణ్ణసమ్పదం పత్థయమానో దానం దేతి, సీలం సమాదియతి, ఉపోసథకమ్మం…పే… వణ్ణసమ్పదా సద్ధాయ…పే… పఞ్ఞాయ, రాగస్స…పే… పత్థనాయ, కాయికస్స సుఖస్స, కాయికస్స దుక్ఖస్స, మగ్గస్స, ఫలసమాపత్తియా ఉపనిస్సయపచ్చయేన పచ్చయో. (౧)

అనిదస్సనసప్పటిఘో ధమ్మో అనిదస్సనఅప్పటిఘస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, పకతూపనిస్సయో…పే…. పకతూపనిస్సయో – చక్ఖుసమ్పదం పత్థయమానో…పే… కాయసమ్పదం… సద్దసమ్పదం…పే… ఫోట్ఠబ్బసమ్పదం పత్థయమానో దానం దేతి, సీలం సమాదియతి, ఉపోసథకమ్మం… ఉతుం… సేనాసనం ఉపనిస్సాయ దానం దేతి సీలం సమాదియతి. ఉపోసథకమ్మం, ఝానం… విపస్సనం… మగ్గం… అభిఞ్ఞం… సమాపత్తిం ఉప్పాదేతి పాణం హనతి…పే… సఙ్ఘం భిన్దతి. చక్ఖుసమ్పదా…పే… ఫోట్ఠబ్బసమ్పదా, ఉతు, సేనాసనం సద్ధాయ…పే… పఞ్ఞాయ, రాగస్స…పే… పత్థనాయ, కాయికస్స సుఖస్స, కాయికస్స దుక్ఖస్స, మగ్గస్స, ఫలసమాపత్తియా ఉపనిస్సయపచ్చయేన పచ్చయో. (౧)

౩౮. అనిదస్సనఅప్పటిఘో ధమ్మో అనిదస్సనఅప్పటిఘస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – సద్ధం ఉపనిస్సాయ దానం దేతి, సీలం సమాదియతి, ఉపోసథకమ్మం… ఝానం… సమాపత్తిం ఉప్పాదేతి, మానం జప్పేతి, దిట్ఠిం గణ్హాతి. సీలం…పే… పఞ్ఞం… రాగం…పే… పత్థనం, కాయికం సుఖం… కాయికం దుక్ఖం… భోజనం ఉపనిస్సాయ దానం దేతి…పే… సఙ్ఘం భిన్దతి. సద్ధా …పే… పఞ్ఞా, రాగో…పే… పత్థనా, కాయికం సుఖం… కాయికం దుక్ఖం… భోజనం సద్ధాయ…పే… పఞ్ఞాయ, మగ్గస్స, ఫలసమాపత్తియా ఉపనిస్సయపచ్చయేన పచ్చయో. (౧)

పురేజాతపచ్చయో

౩౯. సనిదస్సనసప్పటిఘో ధమ్మో అనిదస్సనఅప్పటిఘస్స ధమ్మస్స పురేజాతపచ్చయేన పచ్చయో. ఆరమ్మణపురేజాతం – రూపే అనిచ్చతో దుక్ఖతో అనత్తతో విపస్సతి, అస్సాదేతి అభినన్దతి, తం ఆరబ్భ రాగో ఉప్పజ్జతి, దిట్ఠి…పే… విచికిచ్ఛా…పే… ఉద్ధచ్చం…పే… దోమనస్సం ఉప్పజ్జతి, దిబ్బేన చక్ఖునా రూపం పస్సతి, రూపాయతనం చక్ఖువిఞ్ఞాణస్స పురేజాతపచ్చయేన పచ్చయో. (౧)

అనిదస్సనసప్పటిఘో ధమ్మో అనిదస్సనఅప్పటిఘస్స ధమ్మస్స పురేజాతపచ్చయేన పచ్చయో – ఆరమ్మణపురేజాతం, వత్థుపురేజాతం. ఆరమ్మణపురేజాతం – చక్ఖుం…పే… కాయం… సద్దే…పే… ఫోట్ఠబ్బే అనిచ్చతో…పే… దోమనస్సం ఉప్పజ్జతి, దిబ్బాయ సోతధాతుయా సద్దం సుణాతి, సద్దాయతనం సోతవిఞ్ఞాణస్స…పే… ఫోట్ఠబ్బాయతనం కాయవిఞ్ఞాణస్స పురేజాతపచ్చయేన పచ్చయో. వత్థుపురేజాతం – చక్ఖాయతనం చక్ఖువిఞ్ఞాణస్స…పే… కాయాయతనం కాయవిఞ్ఞాణస్స పురేజాతపచ్చయేన పచ్చయో. (౧)

అనిదస్సనఅప్పటిఘో ధమ్మో అనిదస్సనఅప్పటిఘస్స ధమ్మస్స పురేజాతపచ్చయేన పచ్చయో – ఆరమ్మణపురేజాతం, వత్థుపురేజాతం. ఆరమ్మణపురేజాతం – వత్థుం… ఇత్థిన్ద్రియం… పురిసిన్ద్రియం… జీవితిన్ద్రియం… ఆపోధాతుం… కబళీకారం ఆహారం… అనిచ్చతో…పే… దోమనస్సం ఉప్పజ్జతి. వత్థుపురేజాతం – వత్థు అనిదస్సనఅప్పటిఘానం ఖన్ధానం పురేజాతపచ్చయేన పచ్చయో. (౧)

౪౦. సనిదస్సనసప్పటిఘో చ అనిదస్సనఅప్పటిఘో చ ధమ్మా అనిదస్సనఅప్పటిఘస్స ధమ్మస్స పురేజాతపచ్చయేన పచ్చయో – ఆరమ్మణపురేజాతం, వత్థుపురేజాతం. రూపాయతనఞ్చ వత్థు చ అనిదస్సనఅప్పటిఘానం ఖన్ధానం పురేజాతపచ్చయేన పచ్చయో. (౧)

అనిదస్సనసప్పటిఘో చ అనిదస్సనఅప్పటిఘో చ ధమ్మా అనిదస్సనఅప్పటిఘస్స ధమ్మస్స పురేజాతపచ్చయేన పచ్చయో – ఆరమ్మణపురేజాతం, వత్థుపురేజాతం. చక్ఖాయతనఞ్చ వత్థు చ…పే… ఫోట్ఠబ్బాయతనఞ్చ వత్థు చ అనిదస్సనఅప్పటిఘానం ఖన్ధానం పురేజాతపచ్చయేన పచ్చయో. (౧)

సనిదస్సనసప్పటిఘో చ అనిదస్సనఅప్పటిఘో చ ధమ్మా అనిదస్సనఅప్పటిఘస్స ధమ్మస్స పురేజాతపచ్చయేన పచ్చయో – ఆరమ్మణపురేజాతం, వత్థుపురేజాతం. రూపాయతనఞ్చ చక్ఖాయతనఞ్చ చక్ఖువిఞ్ఞాణస్స పురేజాతపచ్చయేన పచ్చయో. (౧)

పచ్ఛాజాతపచ్చయో

౪౧. అనిదస్సనఅప్పటిఘో ధమ్మో అనిదస్సనఅప్పటిఘస్స ధమ్మస్స పచ్ఛాజాతపచ్చయేన పచ్చయో – పచ్ఛాజాతా అనిదస్సనఅప్పటిఘా ఖన్ధా పురేజాతస్స ఇమస్స అనిదస్సనఅప్పటిఘస్స కాయస్స పచ్ఛాజాతపచ్చయేన పచ్చయో. (౧)

అనిదస్సనఅప్పటిఘో ధమ్మో సనిదస్సనసప్పటిఘస్స ధమ్మస్స పచ్ఛాజాతపచ్చయేన పచ్చయో – పచ్ఛాజాతా అనిదస్సనఅప్పటిఘా ఖన్ధా పురేజాతస్స ఇమస్స సనిదస్సనసప్పటిఘస్స కాయస్స పచ్ఛాజాతపచ్చయేన పచ్చయో. (౨)

(ఏవం సత్త పఞ్హా విభజితబ్బా, తివిధరూపసఙ్గహో.) (౭)

ఆసేవనపచ్చయో

౪౨. అనిదస్సనఅప్పటిఘో ధమ్మో అనిదస్సనఅప్పటిఘస్స ధమ్మస్స ఆసేవనపచ్చయేన పచ్చయో – పురిమా పురిమా అనిదస్సనఅప్పటిఘా ఖన్ధా పచ్ఛిమానం పచ్ఛిమానం అనిదస్సనఅప్పటిఘానం ఖన్ధానం ఆసేవనపచ్చయేన పచ్చయో. అనులోమం గోత్రభుస్స… అనులోమం వోదానస్స… గోత్రభు మగ్గస్స… వోదానం మగ్గస్స ఆసేవనపచ్చయేన పచ్చయో. (౧)

కమ్మపచ్చయో

౪౩. అనిదస్సనఅప్పటిఘో ధమ్మో అనిదస్సనఅప్పటిఘస్స ధమ్మస్స కమ్మపచ్చయేన పచ్చయో – సహజాతా, నానాక్ఖణికా. సహజాతా – అనిదస్సనఅప్పటిఘా చేతనా సమ్పయుత్తకానం ఖన్ధానం అనిదస్సనఅప్పటిఘానఞ్చ చిత్తసముట్ఠానానం రూపానం కమ్మపచ్చయేన పచ్చయో. పటిసన్ధిక్ఖణే…పే…. నానాక్ఖణికా – అనిదస్సనఅప్పటిఘా చేతనా విపాకానం ఖన్ధానం అనిదస్సనఅప్పటిఘానఞ్చ కటత్తారూపానం కమ్మపచ్చయేన పచ్చయో. (౧)

అనిదస్సనఅప్పటిఘో ధమ్మో సనిదస్సనసప్పటిఘస్స ధమ్మస్స కమ్మపచ్చయేన పచ్చయో – సహజాతా, నానాక్ఖణికా. సహజాతా – అనిదస్సనఅప్పటిఘా చేతనా సనిదస్సనసప్పటిఘానం చిత్తసముట్ఠానానం రూపానం కమ్మపచ్చయేన పచ్చయో. పటిసన్ధిక్ఖణే…పే…. నానాక్ఖణికా – అనిదస్సనఅప్పటిఘా చేతనా సనిదస్సనసప్పటిఘానం కటత్తారూపానం కమ్మపచ్చయేన పచ్చయో. (౨)

(ఏవం సత్త పఞ్హా సహజాతా నానాక్ఖణికా ఇమినా కారణేన విభజితబ్బా, తివిధరూపసఙ్గహో.) (౭)

విపాకపచ్చయో

౪౪. అనిదస్సనఅప్పటిఘో ధమ్మో అనిదస్సనఅప్పటిఘస్స ధమ్మస్స విపాకపచ్చయేన పచ్చయో – విపాకో అనిదస్సనఅప్పటిఘో ఏకో ఖన్ధో తిణ్ణన్నం ఖన్ధానం అనిదస్సనఅప్పటిఘానం చిత్తసముట్ఠానానఞ్చ రూపానం విపాకపచ్చయేన పచ్చయో…పే… ద్వే ఖన్ధా…పే… పటిసన్ధిక్ఖణే అనిదస్సనఅప్పటిఘో ఏకో ఖన్ధో తిణ్ణన్నం ఖన్ధానం అనిదస్సనఅప్పటిఘానఞ్చ కటత్తారూపానం విపాకపచ్చయేన పచ్చయో…పే… ఖన్ధా వత్థుస్స విపాకపచ్చయేన పచ్చయో. (౧)

అనిదస్సనఅప్పటిఘో ధమ్మో సనిదస్సనసప్పటిఘస్స ధమ్మస్స విపాకపచ్చయేన పచ్చయో – విపాకా అనిదస్సనఅప్పటిఘా ఖన్ధా సనిదస్సనసప్పటిఘానం చిత్తసముట్ఠానానం రూపానం విపాకపచ్చయేన పచ్చయో. పటిసన్ధిక్ఖణే అనిదస్సనఅప్పటిఘా ఖన్ధా సనిదస్సనసప్పటిఘానం కటత్తారూపానం విపాకపచ్చయేన పచ్చయో. (౨)

(ఏవం సత్త పఞ్హా విత్థారేతబ్బా, పవత్తిపటిసన్ధి.) (౭)

ఆహారపచ్చయో

౪౫. అనిదస్సనఅప్పటిఘో ధమ్మో అనిదస్సనఅప్పటిఘస్స ధమ్మస్స ఆహారపచ్చయేన పచ్చయో – అనిదస్సనఅప్పటిఘా ఆహారా సమ్పయుత్తకానం ఖన్ధానం అనిదస్సనఅప్పటిఘానఞ్చ చిత్తసముట్ఠానానం రూపానం ఆహారపచ్చయేన పచ్చయో. పటిసన్ధిక్ఖణే అనిదస్సనఅప్పటిఘా ఆహారా సమ్పయుత్తకానం ఖన్ధానం అనిదస్సనఅప్పటిఘానఞ్చ కటత్తారూపానం ఆహారపచ్చయేన పచ్చయో. కబళీకారో ఆహారో ఇమస్స అనిదస్సనఅప్పటిఘస్స కాయస్స ఆహారపచ్చయేన పచ్చయో. (౧)