౨౦. అజ్ఝత్తత్తికం

౧. పటిచ్చవారో

౧. పచ్చయానులోమం

౧. విభఙ్గవారో

హేతుపచ్చయో

౧. అజ్ఝత్తం ధమ్మం పటిచ్చ అజ్ఝత్తో ధమ్మో ఉప్పజ్జతి హేతుపచ్చయా – అజ్ఝత్తం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే… పటిసన్ధిక్ఖణే అజ్ఝత్తం ఏకం ఖన్ధం పటిచ్చ తయో ఖన్ధా కటత్తా చ రూపం…పే… ద్వే ఖన్ధే…పే… ఖన్ధే పటిచ్చ వత్థు, వత్థుం పటిచ్చ ఖన్ధా. ఏకం మహాభూతం పటిచ్చ తయో మహాభూతా…పే… మహాభూతే పటిచ్చ చిత్తసముట్ఠానం రూపం కటత్తారూపం ఉపాదారూపం. (౧)

బహిద్ధా ధమ్మం పటిచ్చ బహిద్ధా ధమ్మో ఉప్పజ్జతి హేతుపచ్చయా – బహిద్ధా ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే… పటిసన్ధిక్ఖణే బహిద్ధా ఏకం ఖన్ధం పటిచ్చ తయో ఖన్ధా కటత్తా చ రూపం…పే… ద్వే ఖన్ధే పటిచ్చ ద్వే ఖన్ధా…పే… ఖన్ధే పటిచ్చ వత్థు, వత్థుం పటిచ్చ ఖన్ధా. ఏకం మహాభూతం పటిచ్చ తయో మహాభూతా…పే… మహాభూతే పటిచ్చ చిత్తసముట్ఠానం రూపం కటత్తారూపం ఉపాదారూపం. (౧)

ఆరమ్మణపచ్చయో

౨. అజ్ఝత్తం ధమ్మం పటిచ్చ అజ్ఝత్తో ధమ్మో ఉప్పజ్జతి ఆరమ్మణపచ్చయా – అజ్ఝత్తం ఏకం ఖన్ధం పటిచ్చ తయో ఖన్ధా…పే… ద్వే ఖన్ధే పటిచ్చ…పే… పటిసన్ధిక్ఖణే అజ్ఝత్తం ఏకం ఖన్ధం పటిచ్చ తయో ఖన్ధా…పే… వత్థుం పటిచ్చ ఖన్ధా. (౧)

బహిద్ధా ధమ్మం పటిచ్చ బహిద్ధా ధమ్మో ఉప్పజ్జతి ఆరమ్మణపచ్చయా – బహిద్ధా ఏకం ఖన్ధం పటిచ్చ తయో ఖన్ధా…పే… ద్వే ఖన్ధే…పే… పటిసన్ధిక్ఖణే…పే… వత్థుం పటిచ్చ ఖన్ధా. (౧)

అధిపతిపచ్చయో

౩. అజ్ఝత్తం ధమ్మం పటిచ్చ అజ్ఝత్తో ధమ్మో ఉప్పజ్జతి అధిపతిపచ్చయా – అజ్ఝత్తం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే… ఏకం మహాభూతం పటిచ్చ…పే… మహాభూతే పటిచ్చ చిత్తసముట్ఠానం రూపం ఉపాదారూపం. (౧)

బహిద్ధా ధమ్మం పటిచ్చ బహిద్ధా ధమ్మో ఉప్పజ్జతి అధిపతిపచ్చయా – బహిద్ధా ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే… ఏకం మహాభూతం పటిచ్చ…పే… మహాభూతే పటిచ్చ చిత్తసముట్ఠానం రూపం ఉపాదారూపం. (౧)

అనన్తరపచ్చయాది

౪. అజ్ఝత్తం ధమ్మం పటిచ్చ అజ్ఝత్తో ధమ్మో ఉప్పజ్జతి అనన్తరపచ్చయా, సమనన్తరపచ్చయా, సహజాతపచ్చయా – అజ్ఝత్తం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే… పటిసన్ధిక్ఖణే అజ్ఝత్తం ఏకం ఖన్ధం పటిచ్చ తయో ఖన్ధా కటత్తా చ రూపం…పే… ద్వే ఖన్ధే…పే… ఖన్ధే పటిచ్చ వత్థు, వత్థుం పటిచ్చ ఖన్ధా. ఏకం మహాభూతం పటిచ్చ తయో మహాభూతా…పే… మహాభూతే పటిచ్చ చిత్తసముట్ఠానం రూపం కటత్తారూపం ఉపాదారూపం. ఆహారసముట్ఠానం… ఉతుసముట్ఠానం… అసఞ్ఞసత్తానం ఏకం మహాభూతం పటిచ్చ…పే… మహాభూతే పటిచ్చ కటత్తారూపం ఉపాదారూపం. (౧)

బహిద్ధా ధమ్మం పటిచ్చ బహిద్ధా ధమ్మో ఉప్పజ్జతి సహజాతపచ్చయా – బహిద్ధా ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే… పటిసన్ధిక్ఖణే బహిద్ధా ఏకం ఖన్ధం పటిచ్చ తయో ఖన్ధా కటత్తా చ రూపం…పే… ద్వే ఖన్ధే…పే… ఖన్ధే పటిచ్చ వత్థు, వత్థుం పటిచ్చ ఖన్ధా. ఏకం మహాభూతం పటిచ్చ…పే… మహాభూతే పటిచ్చ చిత్తసముట్ఠానం రూపం కటత్తారూపం ఉపాదారూపం. బాహిరం… ఆహారసముట్ఠానం… ఉతుసముట్ఠానం… అసఞ్ఞసత్తానం ఏకం మహాభూతం పటిచ్చ…పే… మహాభూతే పటిచ్చ కటత్తారూపం ఉపాదారూపం. (౧)

అఞ్ఞమఞ్ఞపచ్చయాది

౫. అజ్ఝత్తం ధమ్మం పటిచ్చ అజ్ఝత్తో ధమ్మో ఉప్పజ్జతి అఞ్ఞమఞ్ఞపచ్చయా… నిస్సయపచ్చయా… ఉపనిస్సయపచ్చయా… పురేజాతపచ్చయా… ఆసేవనపచ్చయా (పురేజాతేపి ఆసేవనేపి పటిసన్ధి నత్థి)… కమ్మపచ్చయా… విపాకపచ్చయా… ఆహారపచ్చయా… ఇన్ద్రియపచ్చయా… ఝానపచ్చయా… మగ్గపచ్చయా… సమ్పయుత్తపచ్చయా… విప్పయుత్తపచ్చయా… అత్థిపచ్చయా… నత్థిపచ్చయా… విగతపచ్చయా… అవిగతపచ్చయా.

౧. పచ్చయానులోమం

౨. సఙ్ఖ్యావారో

౬. హేతుయా ద్వే, ఆరమ్మణే ద్వే…పే… అవిగతే ద్వే.

అనులోమం.

౨. పచ్చయపచ్చనీయం

౧. విభఙ్గవారో

నహేతుపచ్చయో

౭. అజ్ఝత్తం ధమ్మం పటిచ్చ అజ్ఝత్తో ధమ్మో ఉప్పజ్జతి నహేతుపచ్చయా – అహేతుకం అజ్ఝత్తం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే… అహేతుకపటిసన్ధిక్ఖణే…పే… ఖన్ధే పటిచ్చ వత్థు, వత్థుం పటిచ్చ ఖన్ధా. ఏకం మహాభూతం…పే… ఆహారసముట్ఠానం… ఉతుసముట్ఠానం… అసఞ్ఞసత్తానం ఏకం మహాభూతం…పే… మహాభూతే పటిచ్చ కటత్తారూపం ఉపాదారూపం. విచికిచ్ఛాసహగతే ఉద్ధచ్చసహగతే ఖన్ధే పటిచ్చ విచికిచ్ఛాసహగతో ఉద్ధచ్చసహగతో మోహో. (౧)

బహిద్ధా ధమ్మం పటిచ్చ బహిద్ధా ధమ్మో ఉప్పజ్జతి నహేతుపచ్చయా – అహేతుకం బహిద్ధా ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే… అహేతుకపటిసన్ధిక్ఖణే…పే… ఖన్ధే పటిచ్చ వత్థు, వత్థుం పటిచ్చ ఖన్ధా. ఏకం మహాభూతం పటిచ్చ…పే… బాహిరం… ఆహారసముట్ఠానం… ఉతుసముట్ఠానం… అసఞ్ఞసత్తానం ఏకం మహాభూతం పటిచ్చ…పే… విచికిచ్ఛాసహగతే ఉద్ధచ్చసహగతే ఖన్ధే పటిచ్చ విచికిచ్ఛాసహగతో ఉద్ధచ్చసహగతో మోహో. (౧)

నఆరమ్మణపచ్చయో

౮. అజ్ఝత్తం ధమ్మం పటిచ్చ అజ్ఝత్తో ధమ్మో ఉప్పజ్జతి నఆరమ్మణపచ్చయా – అజ్ఝత్తే ఖన్ధే పటిచ్చ చిత్తసముట్ఠానం రూపం. పటిసన్ధిక్ఖణే అజ్ఝత్తే ఖన్ధే పటిచ్చ కటత్తారూపం. ఖన్ధే పటిచ్చ వత్థు…పే… ఏకం మహాభూతం పటిచ్చ…పే… ఆహారసముట్ఠానం… ఉతుసముట్ఠానం… అసఞ్ఞసత్తానం ఏకం మహాభూతం పటిచ్చ…పే…. (౧)

బహిద్ధా ధమ్మం పటిచ్చ బహిద్ధా ధమ్మో ఉప్పజ్జతి నఆరమ్మణపచ్చయా – బహిద్ధా ఖన్ధే పటిచ్చ చిత్తసముట్ఠానం రూపం. పటిసన్ధిక్ఖణే బహిద్ధా ఖన్ధే పటిచ్చ కటత్తారూపం. ఖన్ధే పటిచ్చ వత్థు…పే… ఏకం మహాభూతం…పే… బాహిరం… ఆహారసముట్ఠానం… ఉతుసముట్ఠానం… అసఞ్ఞసత్తానం…పే…. (౧)

నఅధిపతిపచ్చయాది

౯. అజ్ఝత్తం ధమ్మం పటిచ్చ అజ్ఝత్తో ధమ్మో ఉప్పజ్జతి నఅధిపతిపచ్చయా…పే… (అనులోమసహజాతసదిసం, నిన్నానాకరణం) నఅనన్తరపచ్చయా… నసమనన్తరపచ్చయా … నఅఞ్ఞమఞ్ఞపచ్చయా … నఉపనిస్సయపచ్చయా, నపురేజాతపచ్చయా – అరూపే అజ్ఝత్తం ఏకం ఖన్ధం పటిచ్చ…పే… అజ్ఝత్తే ఖన్ధే పటిచ్చ చిత్తసముట్ఠానం రూపం. పటిసన్ధిక్ఖణే అజ్ఝత్తం ఏకం ఖన్ధం పటిచ్చ తయో ఖన్ధా కటత్తా చ రూపం…పే… ద్వే ఖన్ధే…పే… ఖన్ధే పటిచ్చ వత్థు, వత్థుం పటిచ్చ ఖన్ధా. ఏకం మహాభూతం పటిచ్చ…పే… ఆహారసముట్ఠానం… ఉతుసముట్ఠానం… అసఞ్ఞసత్తానం…పే….

౧౦. బహిద్ధా ధమ్మం పటిచ్చ బహిద్ధా ధమ్మో ఉప్పజ్జతి నపురేజాతపచ్చయా – అరూపే బహిద్ధా ఏకం ఖన్ధం పటిచ్చ…పే… ద్వే ఖన్ధే…పే… బహిద్ధా ఖన్ధే పటిచ్చ చిత్తసముట్ఠానం రూపం. పటిసన్ధిక్ఖణే (పరిపుణ్ణం) ఏకం మహాభూతం…పే… బాహిరం… ఆహారసముట్ఠానం… ఉతుసముట్ఠానం… అసఞ్ఞసత్తానం…పే….

నపచ్ఛాజాతపచ్చయాది

౧౧. అజ్ఝత్తం ధమ్మం పటిచ్చ అజ్ఝత్తో ధమ్మో ఉప్పజ్జతి నపచ్ఛాజాతపచ్చయా, నఆసేవనపచ్చయా, నకమ్మపచ్చయా – అజ్ఝత్తే ఖన్ధే పటిచ్చ అజ్ఝత్తా చేతనా. ఆహారసముట్ఠానం… ఉతుసముట్ఠానం…పే…. (౧)

బహిద్ధా ధమ్మం పటిచ్చ బహిద్ధా ధమ్మో ఉప్పజ్జతి నకమ్మపచ్చయా – బహిద్ధా ఖన్ధే పటిచ్చ బహిద్ధా చేతనా. బాహిరం… ఆహారసముట్ఠానం… ఉతుసముట్ఠానం…. (౧)

నవిపాకపచ్చయాది

౧౨. అజ్ఝత్తం ధమ్మం పటిచ్చ అజ్ఝత్తో ధమ్మో ఉప్పజ్జతి నవిపాకపచ్చయా (పటిసన్ధి నత్థి), నఆహారపచ్చయా – ఉతుసముట్ఠానం… అసఞ్ఞసత్తానం…పే…. (౧)

బహిద్ధా ధమ్మం పటిచ్చ బహిద్ధా ధమ్మో ఉప్పజ్జతి నఆహారపచ్చయా – బాహిరం… ఉతుసముట్ఠానం… అసఞ్ఞసత్తానం…పే…. (౧)

అజ్ఝత్తం ధమ్మం పటిచ్చ అజ్ఝత్తో ధమ్మో ఉప్పజ్జతి నఇన్ద్రియపచ్చయా – ఆహారసముట్ఠానం… ఉతుసముట్ఠానం… అసఞ్ఞసత్తానం… మహాభూతే పటిచ్చ రూపజీవితిన్ద్రియం. (౧)

బహిద్ధా ధమ్మం పటిచ్చ బహిద్ధా ధమ్మో ఉప్పజ్జతి నఇన్ద్రియపచ్చయా – బాహిరం… ఆహారసముట్ఠానం… ఉతుసముట్ఠానం… అసఞ్ఞసత్తానం… మహాభూతే పటిచ్చ రూపజీవితిన్ద్రియం. (౧)

నఝానపచ్చయో

౧౩. అజ్ఝత్తం ధమ్మం పటిచ్చ అజ్ఝత్తో ధమ్మో ఉప్పజ్జతి నఝానపచ్చయా – పఞ్చవిఞ్ఞాణసహగతం…పే… ఆహారసముట్ఠానం… ఉతుసముట్ఠానం… అసఞ్ఞసత్తానం…పే…. (౧)

బహిద్ధా ధమ్మం పటిచ్చ బహిద్ధా ధమ్మో ఉప్పజ్జతి నఝానపచ్చయా – పఞ్చవిఞ్ఞాణసహగతం…పే… బాహిరం… ఆహారసముట్ఠానం… ఉతుసముట్ఠానం… అసఞ్ఞసత్తానం…పే…. (౧)

నమగ్గపచ్చయాది

౧౪. అజ్ఝత్తం ధమ్మం పటిచ్చ అజ్ఝత్తో ధమ్మో ఉప్పజ్జతి నమగ్గపచ్చయా… (నహేతుసదిసం. మోహో నత్థి) నసమ్పయుత్తపచ్చయా… నవిప్పయుత్తపచ్చయా – అరూపే…పే… ఆహారసముట్ఠానం… ఉతుసముట్ఠానం… అసఞ్ఞసత్తానం…పే…. (౧)

బహిద్ధా ధమ్మం పటిచ్చ బహిద్ధా ధమ్మో ఉప్పజ్జతి నవిప్పయుత్తపచ్చయా – అరూపే…పే… బాహిరం… ఆహారసముట్ఠానం… ఉతుసముట్ఠానం… అసఞ్ఞసత్తానం…పే… నోనత్థిపచ్చయా, నోవిగతపచ్చయా.

౨. పచ్చయపచ్చనీయం

౨. సఙ్ఖ్యావారో

౧౫. నహేతుయా ద్వే, నఆరమ్మణే ద్వే, నఅధిపతియా ద్వే, నఅనన్తరే ద్వే, నసమనన్తరే ద్వే (సంఖిత్తం, సబ్బత్థ ద్వే), నోవిగతే ద్వే (ఏవం గణేతబ్బం).

పచ్చనీయం.

౩. పచ్చయానులోమపచ్చనీయం

౧౬. హేతుపచ్చయా నఆరమ్మణే ద్వే…పే… నవిపాకే నసమ్పయుత్తే నవిప్పయుత్తే నోనత్థియా నోవిగతే ద్వే (ఏవం గణేతబ్బం).

అనులోమపచ్చనీయం.

౪. పచ్చయపచ్చనీయానులోమం

౧౭. నహేతుపచ్చయా ఆరమ్మణే ద్వే, అనన్తరే ద్వే…పే… మగ్గే ద్వే…పే… అవిగతే ద్వే (ఏవం గణేతబ్బం).

పచ్చనీయానులోమం.

పటిచ్చవారో.

౨. సహజాతవారో

(సహజాతవారో పటిచ్చవారసదిసో.)

౩. పచ్చయవారో

౧. పచ్చయానులోమం

౧. విభఙ్గవారో

హేతుపచ్చయో

౧౮. అజ్ఝత్తం ధమ్మం పచ్చయా అజ్ఝత్తో ధమ్మో ఉప్పజ్జతి హేతుపచ్చయా – అజ్ఝత్తం ఏకం ఖన్ధం పచ్చయా తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే… పటిసన్ధిక్ఖణే (పరిపుణ్ణం). ఏకం మహాభూతం…పే… వత్థుం పచ్చయా అజ్ఝత్తా ఖన్ధా. (౧)

బహిద్ధా ధమ్మం పచ్చయా బహిద్ధా ధమ్మో ఉప్పజ్జతి హేతుపచ్చయా – బహిద్ధా ఏకం ఖన్ధం పచ్చయా తయో ఖన్ధా…పే… పటిసన్ధిక్ఖణే…పే… ఏకం మహాభూతం…పే… వత్థుం పచ్చయా బహిద్ధా ఖన్ధా. (౧)

ఆరమ్మణపచ్చయో

౧౯. అజ్ఝత్తం ధమ్మం పచ్చయా అజ్ఝత్తో ధమ్మో ఉప్పజ్జతి ఆరమ్మణపచ్చయా (పటిచ్చవారసదిసం), చక్ఖాయతనం పచ్చయా చక్ఖువిఞ్ఞాణం…పే… కాయాయతనం పచ్చయా కాయవిఞ్ఞాణం…పే… వత్థుం పచ్చయా అజ్ఝత్తా ఖన్ధా. (౧)

బహిద్ధా ధమ్మం పచ్చయా బహిద్ధా ధమ్మో ఉప్పజ్జతి ఆరమ్మణపచ్చయా (పటిచ్చవారసదిసం), చక్ఖాయతనం…పే… కాయాయతనం…పే… వత్థుం పచ్చయా బహిద్ధా ఖన్ధా. (౧)

అధిపతిపచ్చయాది

౨౦. అజ్ఝత్తం ధమ్మం పచ్చయా అజ్ఝత్తో ధమ్మో ఉప్పజ్జతి అధిపతిపచ్చయా… (వత్థుం అతిరేకం, పటిచ్చవారసదిసం) అనన్తరపచ్చయా… సమనన్తరపచ్చయా… సహజాతపచ్చయా… (సహజాతవారే పరిపుణ్ణా) మహాభూతే పచ్చయా…పే… (మహాభూతానం ఖన్ధానఞ్చ పచ్ఛా పఞ్చాయతనాని చ వత్థు చ కాతబ్బా) అఞ్ఞమఞ్ఞపచ్చయా… నిస్సయపచ్చయా…పే… అవిగతపచ్చయా.

౧. పచ్చయానులోమం

౨. సఙ్ఖ్యావారో

౨౧. హేతుయా ద్వే, ఆరమ్మణే…పే… అవిగతే ద్వే.

అనులోమం.

౨. పచ్చయపచ్చనీయం

౧. విభఙ్గవారో

నహేతుపచ్చయో

౨౨. అజ్ఝత్తం ధమ్మం పచ్చయా అజ్ఝత్తో ధమ్మో ఉప్పజ్జతి నహేతుపచ్చయా – అహేతుకం అజ్ఝత్తం ఏకం ఖన్ధం పచ్చయా తయో ఖన్ధా…పే… అహేతుకపటిసన్ధిక్ఖణే…పే… ఖన్ధే పచ్చయా వత్థు, వత్థుం పచ్చయా ఖన్ధా. ఏకం మహాభూతం…పే… ఆహారసముట్ఠానం… ఉతుసముట్ఠానం… అసఞ్ఞసత్తానం…పే… చక్ఖాయతనం…పే… కాయాయతనం…పే… వత్థుం పచ్చయా అహేతుకా అజ్ఝత్తా ఖన్ధా. విచికిచ్ఛాసహగతే ఉద్ధచ్చసహగతే ఖన్ధే చ వత్థుఞ్చ పచ్చయా విచికిచ్ఛాసహగతో ఉద్ధచ్చసహగతో మోహో. (౧)

బహిద్ధా ధమ్మం పచ్చయా బహిద్ధా ధమ్మో ఉప్పజ్జతి నహేతుపచ్చయా (పవత్తిపటిసన్ధిపి మహాభూతాపి కాతబ్బా) – చక్ఖాయతనం…పే… కాయాయతనం…పే… వత్థుం పచ్చయా అహేతుకా బహిద్ధా ఖన్ధా. విచికిచ్ఛాసహగతే ఉద్ధచ్చసహగతే ఖన్ధే చ వత్థుఞ్చ పచ్చయా విచికిచ్ఛాసహగతో ఉద్ధచ్చసహగతో మోహో. (౧)

నఆరమ్మణపచ్చయాది

౨౩. నఆరమ్మణపచ్చయా… నఅధిపతిపచ్చయా (సహజాతసదిసం)… నఅనన్తరపచ్చయా… నసమనన్తరపచ్చయా… నఅఞ్ఞమఞ్ఞపచ్చయా… నఉపనిస్సయపచ్చయా… నపురేజాతపచ్చయా (పటిచ్చవారసదిసం)… నపచ్ఛాజాతపచ్చయా… నఆసేవనపచ్చయా… నకమ్మపచ్చయా…పే… నవిప్పయుత్తపచ్చయా (పటిచ్చవారపచ్చనీయే విప్పయుత్తసదిసం)… నోనత్థిపచ్చయా… నోవిగతపచ్చయా….

౨. పచ్చయపచ్చనీయం

౨. సఙ్ఖ్యావారో

౨౪. నహేతుయా ద్వే, నఆరమ్మణే ద్వే…పే… నోవిగతే ద్వే.

పచ్చనీయం.

౩. పచ్చయానులోమపచ్చనీయం

౨౫. హేతుపచ్చయా నఆరమ్మణే ద్వే, నఅధిపతియా ద్వే…పే… నవిపాకే నసమ్పయుత్తే నవిప్పయుత్తే నోనత్థియా నోవిగతే ద్వే.

అనులోమపచ్చనీయం.

౪. పచ్చయపచ్చనీయానులోమం

౨౬. నహేతుపచ్చయా ఆరమ్మణే ద్వే…పే… అవిగతే ద్వే.

పచ్చనీయానులోమం.

పచ్చయవారో

౪-౬. నిస్సయ-సంసట్ఠ-సమ్పయుత్తవారో

(నిస్సయవారో పచ్చయవారసదిసో. సంసట్ఠవారోపి సమ్పయుత్తవారోపి విత్థారేతబ్బో.)

౭. పఞ్హావారో

౧. పచ్చయానులోమం

౧. విభఙ్గవారో

హేతుపచ్చయో

౨౭. అజ్ఝత్తో ధమ్మో అజ్ఝత్తస్స ధమ్మస్స హేతుపచ్చయేన పచ్చయో – అజ్ఝత్తా హేతూ సమ్పయుత్తకానం ఖన్ధానం చిత్తసముట్ఠానానఞ్చ రూపానం హేతుపచ్చయేన పచ్చయో. పటిసన్ధిక్ఖణే…పే…. (౧)

బహిద్ధా ధమ్మో బహిద్ధా ధమ్మస్స హేతుపచ్చయేన పచ్చయో – బహిద్ధా హేతూ సమ్పయుత్తకానం ఖన్ధానం చిత్తసముట్ఠానానఞ్చ రూపానం హేతుపచ్చయేన పచ్చయో. పటిసన్ధిక్ఖణే…పే…. (౧)

ఆరమ్మణపచ్చయో

౨౮. అజ్ఝత్తో ధమ్మో అజ్ఝత్తస్స ధమ్మస్స ఆరమ్మణపచ్చయేన పచ్చయో – దానం దత్వా సీలం సమాదియిత్వా ఉపోసథకమ్మం కత్వా తం పచ్చవేక్ఖతి, పుబ్బే సుచిణ్ణాని…పే… ఝానా వుట్ఠహిత్వా…పే… అరియా మగ్గా వుట్ఠహిత్వా మగ్గం పచ్చవేక్ఖన్తి, ఫలం పచ్చవేక్ఖన్తి, పహీనే కిలేసే పచ్చవేక్ఖన్తి, విక్ఖమ్భితే కిలేసే పచ్చవేక్ఖన్తి, పుబ్బే సముదాచిణ్ణే కిలేసే జానన్తి. అజ్ఝత్తం చక్ఖుం…పే… కాయం… రూపే…పే… ఫోట్ఠబ్బే… వత్థుం… అజ్ఝత్తే ఖన్ధే అనిచ్చతో దుక్ఖతో అనత్తతో విపస్సతి, అస్సాదేతి అభినన్దతి, తం ఆరబ్భ రాగో ఉప్పజ్జతి…పే… దోమనస్సం ఉప్పజ్జతి. దిబ్బేన చక్ఖునా రూపం పస్సతి, దిబ్బాయ సోతుధాతుయా సద్దం సుణాతి, ఆకాసానఞ్చాయతనం విఞ్ఞాణఞ్చాయతనస్స ఆరమ్మణపచ్చయేన పచ్చయో. ఆకిఞ్చఞ్ఞాయతనం నేవసఞ్ఞానాసఞ్ఞాయతనస్స ఆరమ్మణపచ్చయేన పచ్చయో. రూపాయతనం…పే… ఫోట్ఠబ్బాయతనం కాయవిఞ్ఞాణస్స ఆరమ్మణపచ్చయేన పచ్చయో. అజ్ఝత్తా ఖన్ధా ఇద్ధివిధఞాణస్స, పుబ్బేనివాసానుస్సతిఞాణస్స, యథాకమ్మూపగఞాణస్స, అనాగతంసఞాణస్స, ఆవజ్జనాయ ఆరమ్మణపచ్చయేన పచ్చయో. (౧)

అజ్ఝత్తో ధమ్మో బహిద్ధా ధమ్మస్స ఆరమ్మణపచ్చయేన పచ్చయో – పరో అజ్ఝత్తం చక్ఖుం…పే… వత్థుం… అజ్ఝత్తే ఖన్ధే అనిచ్చతో దుక్ఖతో అనత్తతో విపస్సతి, అస్సాదేతి అభినన్దతి, తం ఆరబ్భ రాగో ఉప్పజ్జతి…పే… దోమనస్సం ఉప్పజ్జతి. దిబ్బేన చక్ఖునా రూపం పస్సతి, దిబ్బాయ సోతధాతుయా సద్దం సుణాతి. చేతోపరియఞాణేన అజ్ఝత్తచిత్తసమఙ్గిస్స చిత్తం జానాతి. అజ్ఝత్తం రూపాయతనం బహిద్ధా చక్ఖువిఞ్ఞాణస్స…పే… అజ్ఝత్తం ఫోట్ఠబ్బాయతనం బహిద్ధా కాయవిఞ్ఞాణస్స ఆరమ్మణపచ్చయేన పచ్చయో. అజ్ఝత్తా ఖన్ధా ఇద్ధివిధఞాణస్స, చేతోపరియఞాణస్స, పుబ్బేనివాసానుస్సతిఞాణస్స, యథాకమ్మూపగఞాణస్స, అనాగతంసఞాణస్స, ఆవజ్జనాయ ఆరమ్మణపచ్చయేన పచ్చయో. (౨)

౨౯. బహిద్ధా ధమ్మో బహిద్ధా ధమ్మస్స ఆరమ్మణపచ్చయేన పచ్చయో – పరో దానం దత్వా సీలం సమాదియిత్వా ఉపోసథకమ్మం కత్వా తం పచ్చవేక్ఖతి, పుబ్బే సుచిణ్ణాని పచ్చవేక్ఖతి, ఝానా వుట్ఠహిత్వా…పే… అరియా మగ్గా వుట్ఠహిత్వా మగ్గం పచ్చవేక్ఖన్తి, ఫలం పచ్చవేక్ఖన్తి… నిబ్బానం పచ్చవేక్ఖన్తి. నిబ్బానం గోత్రభుస్స, వోదానస్స, మగ్గస్స, ఫలస్స, ఆవజ్జనాయ ఆరమ్మణపచ్చయేన పచ్చయో. అరియా పహీనే కిలేసే పచ్చవేక్ఖన్తి, విక్ఖమ్భితే కిలేసే పచ్చవేక్ఖన్తి, పుబ్బే సముదాచిణ్ణే…పే… పరో బహిద్ధా చక్ఖుం…పే… వత్థుం… బహిద్ధా ఖన్ధే అనిచ్చతో…పే… దోమనస్సం ఉప్పజ్జతి. దిబ్బేన చక్ఖునా రూపం పస్సతి, దిబ్బాయ సోతధాతుయా సద్దం సుణాతి. చేతోపరియఞాణేన బహిద్ధా చిత్తసమఙ్గిస్స…పే… ఆకాసానఞ్చాయతనం విఞ్ఞాణఞ్చాయతనస్స ఆరమ్మణపచ్చయేన పచ్చయో. ఆకిఞ్చఞ్ఞాయతనం నేవసఞ్ఞానాసఞ్ఞాయతనస్స ఆరమ్మణపచ్చయేన పచ్చయో. బహిద్ధా రూపాయతనం బహిద్ధా చక్ఖువిఞ్ఞాణస్స…పే… బహిద్ధా ఫోట్ఠబ్బాయతనం బహిద్ధా కాయవిఞ్ఞాణస్స…పే… బహిద్ధా ఖన్ధా ఇద్ధివిధఞాణస్స, చేతోపరియఞాణస్స, పుబ్బేనివాసానుస్సతిఞాణస్స, యథాకమ్మూపగఞాణస్స, అనాగతంసఞాణస్స, ఆవజ్జనాయ ఆరమ్మణపచ్చయేన పచ్చయో. (౧)

బహిద్ధా ధమ్మో అజ్ఝత్తస్స ధమ్మస్స ఆరమ్మణపచ్చయేన పచ్చయో – అరియా నిబ్బానం పచ్చవేక్ఖన్తి. నిబ్బానం గోత్రభుస్స, వోదానస్స, మగ్గస్స, ఫలస్స, ఆవజ్జనాయ ఆరమ్మణపచ్చయేన పచ్చయో. బహిద్ధా చక్ఖుం…పే… వత్థుం… బహిద్ధా ఖన్ధే అనిచ్చతో…పే… దోమనస్సం ఉప్పజ్జతి. దిబ్బేన చక్ఖునా రూపం పస్సతి, దిబ్బాయ సోతధాతుయా సద్దం సుణాతి. చేతోపరియఞాణేన బహిద్ధా చిత్తసమఙ్గిస్స చిత్తం జానాతి. బహిద్ధా రూపాయతనం అజ్ఝత్తం చక్ఖువిఞ్ఞాణస్స…పే… బహిద్ధా ఫోట్ఠబ్బాయతనం అజ్ఝత్తం కాయవిఞ్ఞాణస్స…పే… బహిద్ధా ఖన్ధా ఇద్ధివిధఞాణస్స, చేతోపరియఞాణస్స, పుబ్బేనివాసానుస్సతిఞాణస్స, యథాకమ్మూపగఞాణస్స, అనాగతంసఞాణస్స, ఆవజ్జనాయ ఆరమ్మణపచ్చయేన పచ్చయో. (౨)

అధిపతిపచ్చయో

౩౦. అజ్ఝత్తో ధమ్మో అజ్ఝత్తస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – దానం దత్వా సీలం సమాదియిత్వా ఉపోసథకమ్మం కత్వా, తం గరుం కత్వా పచ్చవేక్ఖతి, పుబ్బే సుచిణ్ణాని గరుం కత్వా…పే… ఝానా వుట్ఠహిత్వా ఝానం గరుం కత్వా…పే… అరియా మగ్గా వుట్ఠహిత్వా మగ్గం గరుం కత్వా…పే… ఫలం గరుం కత్వా పచ్చవేక్ఖన్తి. అజ్ఝత్తం చక్ఖుం…పే… వత్థుం… అజ్ఝత్తే ఖన్ధే గరుం కత్వా అస్సాదేతి అభినన్దతి, తం గరుం కత్వా రాగో ఉప్పజ్జతి, దిట్ఠి ఉప్పజ్జతి. సహజాతాధిపతి – అజ్ఝత్తాధిపతి సమ్పయుత్తకానం ఖన్ధానం చిత్తసముట్ఠానానఞ్చ రూపానం అధిపతిపచ్చయేన పచ్చయో. (౧)

అజ్ఝత్తో ధమ్మో బహిద్ధా ధమ్మస్స అధిపతిపచ్చయేన పచ్చయో. ఆరమ్మణాధిపతి – పరో అజ్ఝత్తం చక్ఖుం…పే… వత్థుం… అజ్ఝత్తే ఖన్ధే గరుం కత్వా అస్సాదేతి అభినన్దతి, తం గరుం కత్వా రాగో ఉప్పజ్జతి, దిట్ఠి ఉప్పజ్జతి. (౨)

౩౧. బహిద్ధా ధమ్మో బహిద్ధా ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – పరో దానం దత్వా సీలం సమాదియిత్వా ఉపోసథకమ్మం కత్వా, తం గరుం కత్వా పచ్చవేక్ఖతి, పుబ్బే సుచిణ్ణాని గరుం కత్వా…పే… ఝానా వుట్ఠహిత్వా…పే… అరియా మగ్గా వుట్ఠహిత్వా మగ్గం గరుం కత్వా…పే… ఫలం గరుం కత్వా…పే… నిబ్బానం గరుం కత్వా పచ్చవేక్ఖన్తి. నిబ్బానం గోత్రభుస్స, వోదానస్స, మగ్గస్స, ఫలస్స అధిపతిపచ్చయేన పచ్చయో. బహిద్ధా చక్ఖుం…పే… వత్థుం… బహిద్ధా ఖన్ధే గరుం కత్వా అస్సాదేతి అభినన్దతి, తం గరుం కత్వా రాగో ఉప్పజ్జతి, దిట్ఠి ఉప్పజ్జతి. సహజాతాధిపతి – బహిద్ధాధిపతి సమ్పయుత్తకానం ఖన్ధానం చిత్తసముట్ఠానానఞ్చ రూపానం అధిపతిపచ్చయేన పచ్చయో. (౧)

బహిద్ధా ధమ్మో అజ్ఝత్తస్స ధమ్మస్స అధిపతిపచ్చయేన పచ్చయో. ఆరమ్మణాధిపతి – అరియా నిబ్బానం గరుం కత్వా పచ్చవేక్ఖన్తి. నిబ్బానం గోత్రభుస్స, వోదానస్స, మగ్గస్స, ఫలస్స, అధిపతిపచ్చయేన పచ్చయో. బహిద్ధా చక్ఖుం…పే… వత్థుం… బహిద్ధా ఖన్ధే గరుం కత్వా అస్సాదేతి, అభినన్దతి, తం గరుం కత్వా రాగో…పే… దిట్ఠి ఉప్పజ్జతి. (౨)

అనన్తరపచ్చయో

౩౨. అజ్ఝత్తో ధమ్మో అజ్ఝత్తస్స ధమ్మస్స అనన్తరపచ్చయేన పచ్చయో – పురిమా పురిమా అజ్ఝత్తా ఖన్ధా పచ్ఛిమానం పచ్ఛిమానం అజ్ఝత్తానం ఖన్ధానం అనన్తరపచ్చయేన పచ్చయో. అనులోమం గోత్రభుస్స, అనులోమం వోదానస్స, గోత్రభు మగ్గస్స, వోదానం మగ్గస్స, మగ్గో ఫలస్స, ఫలం ఫలస్స, అనులోమం ఫలసమాపత్తియా, నిరోధా వుట్ఠహన్తస్స నేవసఞ్ఞానాసఞ్ఞాయతనం ఫలసమాపత్తియా అనన్తరపచ్చయేన పచ్చయో. (౧)

బహిద్ధా ధమ్మో బహిద్ధా ధమ్మస్స అనన్తరపచ్చయేన పచ్చయో (పురిమా పురిమా బహిద్ధాతి నానాకరణం, తంయేవ గమనం). (౧)

సమనన్తరపచ్చయాది

౩౩. అజ్ఝత్తో ధమ్మో అజ్ఝత్తస్స ధమ్మస్స సమనన్తరపచ్చయేన పచ్చయో…పే… (అనన్తరసదిసం)… సహజాతపచ్చయేన పచ్చయో… అఞ్ఞమఞ్ఞపచ్చయేన పచ్చయో… నిస్సయపచ్చయేన పచ్చయో.

ఉపనిస్సయపచ్చయో

౩౪. అజ్ఝత్తో ధమ్మో అజ్ఝత్తస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – అజ్ఝత్తం సద్ధం ఉపనిస్సాయ దానం దేతి, సీలం సమాదియతి, ఉపోసథకమ్మం…పే… ఝానం…పే… విపస్సనం…పే… మగ్గం…పే… అభిఞ్ఞం…పే… సమాపత్తిం ఉప్పాదేతి, మానం జప్పేతి, దిట్ఠిం గణ్హాతి. అజ్ఝత్తం సీలం…పే… పఞ్ఞం… రాగం…పే… పత్థనం… కాయికం సుఖం… కాయికం దుక్ఖం… ఉతుం… భోజనం… సేనాసనం ఉపనిస్సాయ దానం దేతి…పే… సమాపత్తిం ఉప్పాదేతి, పాణం హనతి…పే… సఙ్ఘం భిన్దతి. అజ్ఝత్తా సద్ధా…పే… పఞ్ఞా, రాగో…పే… పత్థనా, కాయికం సుఖం… కాయికం దుక్ఖం… సేనాసనం అజ్ఝత్తాయ సద్ధాయ…పే… పఞ్ఞాయ, రాగస్స…పే… పత్థనాయ, కాయికస్స సుఖస్స, కాయికస్స దుక్ఖస్స, మగ్గస్స ఫలసమాపత్తియా ఉపనిస్సయపచ్చయేన పచ్చయో. (౧)

అజ్ఝత్తో ధమ్మో బహిద్ధా ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, పకతూపనిస్సయో…పే…. పకతూపనిస్సయో – పరో అజ్ఝత్తం సద్ధం ఉపనిస్సాయ దానం దేతి…పే… మానం జప్పేతి, దిట్ఠిం గణ్హాతి. పరో అజ్ఝత్తం సీలం…పే… సేనాసనం ఉపనిస్సాయ దానం దేతి, పాణం హనతి…పే… సఙ్ఘం భిన్దతి. అజ్ఝత్తా సద్ధా…పే… సేనాసనం బహిద్ధా సద్ధాయ…పే… మగ్గస్స ఫలసమాపత్తియా ఉపనిస్సయపచ్చయేన పచ్చయో. (౨)

౩౫. బహిద్ధా ధమ్మో బహిద్ధా ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – పరో బహిద్ధా సద్ధం…పే… పత్థనం, కాయికం సుఖం…పే… సేనాసనం ఉపనిస్సాయ దానం దేతి…పే… సఙ్ఘం భిన్దతి బహిద్ధా సద్ధా…పే… సేనాసనం బహిద్ధా సద్ధాయ…పే… ఫలసమాపత్తియా ఉపనిస్సయపచ్చయేన పచ్చయో. (౧)

బహిద్ధా ధమ్మో అజ్ఝత్తస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, పకతూపనిస్సయో…పే…. పకతూపనిస్సయో – బహిద్ధా సద్ధం…పే… సేనాసనం ఉపనిస్సాయ దానం దేతి…పే… సఙ్ఘం భిన్దతి. బహిద్ధా సద్ధా…పే… సేనాసనం అజ్ఝత్తాయ సద్ధాయ…పే… ఫలసమాపత్తియా ఉపనిస్సయపచ్చయేన పచ్చయో. (౨)

పురేజాతపచ్చయో

౩౬. అజ్ఝత్తో ధమ్మో అజ్ఝత్తస్స ధమ్మస్స పురేజాతపచ్చయేన పచ్చయో – ఆరమ్మణపురేజాతం, వత్థుపురేజాతం. ఆరమ్మణపురేజాతం – అజ్ఝత్తం చక్ఖుం…పే… వత్థుం అనిచ్చతో దుక్ఖతో అనత్తతో విపస్సతి…పే… దోమనస్సం ఉప్పజ్జతి, దిబ్బేన చక్ఖునా రూపం పస్సతి, దిబ్బాయ సోతధాతుయా సద్దం సుణాతి, రూపాయతనం చక్ఖువిఞ్ఞాణస్స…పే… ఫోట్ఠబ్బాయతనం కాయవిఞ్ఞాణస్స పురేజాతపచ్చయేన పచ్చయో. వత్థుపురేజాతం – చక్ఖాయతనం చక్ఖువిఞ్ఞాణస్స…పే… కాయాయతనం కాయవిఞ్ఞాణస్స…పే… వత్థు అజ్ఝత్తానం ఖన్ధానం పురేజాతపచ్చయేన పచ్చయో. (౧)

అజ్ఝత్తో ధమ్మో బహిద్ధా ధమ్మస్స పురేజాతపచ్చయేన పచ్చయో. ఆరమ్మణపురేజాతం – పరో అజ్ఝత్తం చక్ఖుం…పే… వత్థుం అనిచ్చతో…పే… దోమనస్సం ఉప్పజ్జతి, దిబ్బేన చక్ఖునా రూపం పస్సతి, దిబ్బాయ సోతధాతుయా సద్దం సుణాతి. అజ్ఝత్తం రూపాయతనం బహిద్ధా చక్ఖువిఞ్ఞాణస్స…పే… అజ్ఝత్తం ఫోట్ఠబ్బాయతనం బహిద్ధా కాయవిఞ్ఞాణస్స పురేజాతపచ్చయేన పచ్చయో. (౨)

౩౭. బహిద్ధా ధమ్మో బహిద్ధా ధమ్మస్స పురేజాతపచ్చయేన పచ్చయో – ఆరమ్మణపురేజాతం, వత్థుపురేజాతం. ఆరమ్మణపురేజాతం – పరో బహిద్ధా చక్ఖుం…పే… వత్థుం అనిచ్చతో…పే… దిబ్బేన చక్ఖునా రూపం పస్సతి, దిబ్బాయ సోతధాతుయా సద్దం సుణాతి. బహిద్ధా రూపాయతనం బహిద్ధా చక్ఖువిఞ్ఞాణస్స…పే… బహిద్ధా ఫోట్ఠబ్బాయతనం బహిద్ధా కాయవిఞ్ఞాణస్స…పే…. వత్థుపురేజాతం – బహిద్ధా చక్ఖాయతనం…పే… కాయాయతనం…పే… వత్థు బహిద్ధా ఖన్ధానం పురేజాతపచ్చయేన పచ్చయో. (౧)

బహిద్ధా ధమ్మో అజ్ఝత్తస్స ధమ్మస్స పురేజాతపచ్చయేన పచ్చయో. ఆరమ్మణపురేజాతం – బహిద్ధా చక్ఖుం…పే… వత్థుం అనిచ్చతో…పే… దోమనస్సం ఉప్పజ్జతి, దిబ్బేన చక్ఖునా రూపం పస్సతి, దిబ్బాయ సోతధాతుయా సద్దం సుణాతి. బహిద్ధా రూపాయతనం అజ్ఝత్తస్స చక్ఖువిఞ్ఞాణస్స…పే… బహిద్ధా ఫోట్ఠబ్బాయతనం అజ్ఝత్తస్స కాయవిఞ్ఞాణస్స పురేజాతపచ్చయేన పచ్చయో. (౨)

౩౮. అజ్ఝత్తో చ బహిద్ధా చ ధమ్మా అజ్ఝత్తస్స ధమ్మస్స పురేజాతపచ్చయేన పచ్చయో – ఆరమ్మణపురేజాతం, వత్థుపురేజాతం. బహిద్ధా రూపాయతనఞ్చ అజ్ఝత్తం చక్ఖాయతనఞ్చ అజ్ఝత్తస్స చక్ఖువిఞ్ఞాణస్స పురేజాతపచ్చయేన పచ్చయో…పే… బహిద్ధా ఫోట్ఠబ్బాయతనఞ్చ అజ్ఝత్తం కాయాయతనఞ్చ అజ్ఝత్తస్స కాయవిఞ్ఞాణస్స…పే… బహిద్ధా రూపాయతనఞ్చ అజ్ఝత్తం వత్థు చ…పే… బహిద్ధా ఫోట్ఠబ్బాయతనఞ్చ అజ్ఝత్తం వత్థు చ అజ్ఝత్తానం ఖన్ధానం పురేజాతపచ్చయేన పచ్చయో. (౧)

అజ్ఝత్తో చ బహిద్ధా చ ధమ్మా బహిద్ధా ధమ్మస్స పురేజాతపచ్చయేన పచ్చయో – ఆరమ్మణపురేజాతం, వత్థుపురేజాతం. అజ్ఝత్తం రూపాయతనఞ్చ బహిద్ధా చక్ఖాయతనఞ్చ బహిద్ధా చక్ఖువిఞ్ఞాణస్స పురేజాతపచ్చయేన పచ్చయో…పే… అజ్ఝత్తం ఫోట్ఠబ్బాయతనఞ్చ బహిద్ధా కాయాయతనఞ్చ బహిద్ధా కాయవిఞ్ఞాణస్స పురేజాతపచ్చయేన పచ్చయో. అజ్ఝత్తం రూపాయతనఞ్చ బహిద్ధా వత్థు చ…పే… అజ్ఝత్తం ఫోట్ఠబ్బాయతనఞ్చ బహిద్ధా వత్థు చ బహిద్ధా ఖన్ధానం పురేజాతపచ్చయేన పచ్చయో. (౨)

పచ్ఛాజాతపచ్చయో

౩౯. అజ్ఝత్తో ధమ్మో అజ్ఝత్తస్స ధమ్మస్స పచ్ఛాజాతపచ్చయేన పచ్చయో – పచ్ఛాజాతా అజ్ఝత్తా ఖన్ధా పురేజాతస్స ఇమస్స కాయస్స పచ్ఛాజాతపచ్చయేన పచ్చయో. (౧)

బహిద్ధా ధమ్మో బహిద్ధా ధమ్మస్స పచ్ఛాజాతపచ్చయేన పచ్చయో – పచ్ఛాజాతా బహిద్ధా ఖన్ధా పురేజాతస్స ఇమస్స కాయస్స పచ్ఛాజాతపచ్చయేన పచ్చయో. (౧)

ఆసేవనపచ్చయో

౪౦. అజ్ఝత్తో ధమ్మో అజ్ఝత్తస్స ధమ్మస్స ఆసేవనపచ్చయేన పచ్చయో – పురిమా పురిమా అజ్ఝత్తా ఖన్ధా పచ్ఛిమానం పచ్ఛిమానం అజ్ఝత్తానం ఖన్ధానం ఆసేవనపచ్చయేన పచ్చయో. అనులోమం గోత్రభుస్స… అనులోమం వోదానస్స… గోత్రభు మగ్గస్స… వోదానం మగ్గస్స ఆసేవనపచ్చయేన పచ్చయో. (౧)

బహిద్ధా ధమ్మో బహిద్ధా ధమ్మస్స ఆసేవనపచ్చయేన పచ్చయో – పురిమా పురిమా…పే… (అజ్ఝత్తసదిసంయేవ).

కమ్మపచ్చయో

౪౧. అజ్ఝత్తో ధమ్మో అజ్ఝత్తస్స ధమ్మస్స కమ్మపచ్చయేన పచ్చయో – సహజాతా, నానాక్ఖణికా. సహజాతా – అజ్ఝత్తా చేతనా సమ్పయుత్తకానం ఖన్ధానం చిత్తసముట్ఠానానఞ్చ రూపానం కమ్మపచ్చయేన పచ్చయో. నానాక్ఖణికా – అజ్ఝత్తా చేతనా విపాకానం అజ్ఝత్తానం ఖన్ధానం కటత్తా చ రూపానం కమ్మపచ్చయేన పచ్చయో. (౧)

బహిద్ధా ధమ్మో బహిద్ధా ధమ్మస్స కమ్మపచ్చయేన పచ్చయో – సహజాతా, నానాక్ఖణికా. సహజాతా – బహిద్ధా చేతనా సమ్పయుత్తకానం ఖన్ధానం చిత్తసముట్ఠానానఞ్చ రూపానం కమ్మపచ్చయేన పచ్చయో. నానాక్ఖణికా – బహిద్ధా చేతనా విపాకానం బహిద్ధా ఖన్ధానం కటత్తా చ రూపానం కమ్మపచ్చయేన పచ్చయో. (౧)

విపాకపచ్చయో

౪౨. అజ్ఝత్తో ధమ్మో అజ్ఝత్తస్స ధమ్మస్స విపాకపచ్చయేన పచ్చయో…పే… (పరిపుణ్ణం, పటిచ్చవారసదిసం).

ఆహారపచ్చయో

౪౩. అజ్ఝత్తో ధమ్మో అజ్ఝత్తస్స ధమ్మస్స ఆహారపచ్చయేన పచ్చయో – అజ్ఝత్తా ఆహారా సమ్పయుత్తకానం ఖన్ధానం చిత్తసముట్ఠానానఞ్చ రూపానం ఆహారపచ్చయేన పచ్చయో. పటిసన్ధిక్ఖణే…పే… అజ్ఝత్తో కబళీకారో ఆహారో అజ్ఝత్తస్స కాయస్స ఆహారపచ్చయేన పచ్చయో. (౧)

అజ్ఝత్తో ధమ్మో బహిద్ధా ధమ్మస్స ఆహారపచ్చయేన పచ్చయో – అజ్ఝత్తో కబళీకారో ఆహారో బహిద్ధా కాయస్స ఆహారపచ్చయేన పచ్చయో. (౨)

బహిద్ధా ధమ్మో బహిద్ధా ధమ్మస్స ఆహారపచ్చయేన పచ్చయో (పవత్తిపటిసన్ధి) బహిద్ధా కబళీకారో ఆహారో బహిద్ధా కాయస్స ఆహారపచ్చయేన పచ్చయో. (౧)

బహిద్ధా ధమ్మో అజ్ఝత్తస్స ధమ్మస్స ఆహారపచ్చయేన పచ్చయో – బహిద్ధా కబళీకారో ఆహారో అజ్ఝత్తస్స కాయస్స ఆహారపచ్చయేన పచ్చయో. (౨)

౪౪. అజ్ఝత్తో ధమ్మో చ బహిద్ధా ధమ్మో చ అజ్ఝత్తస్స ధమ్మస్స ఆహారపచ్చయేన పచ్చయో – అజ్ఝత్తో కబళీకారో ఆహారో చ బహిద్ధా కబళీకారో ఆహారో చ అజ్ఝత్తస్స కాయస్స ఆహారపచ్చయేన పచ్చయో. (౧)

అజ్ఝత్తో ధమ్మో చ బహిద్ధా ధమ్మో చ బహిద్ధా ధమ్మస్స ఆహారపచ్చయేన పచ్చయో – అజ్ఝత్తో కబళీకారో ఆహారో చ బహిద్ధా కబళీకారో ఆహారో చ బహిద్ధా కాయస్స ఆహారపచ్చయేన పచ్చయో. (౨)

ఇన్ద్రియపచ్చయాది

౪౫. అజ్ఝత్తో ధమ్మో అజ్ఝత్తస్స ధమ్మస్స ఇన్ద్రియపచ్చయేన పచ్చయో, అజ్ఝత్తికా ఇన్ద్రియా (రూపజీవితిన్ద్రియమ్పి విత్థారేతబ్బం)… ఝానపచ్చయేన పచ్చయో… మగ్గపచ్చయేన పచ్చయో… సమ్పయుత్తపచ్చయేన పచ్చయో… విప్పయుత్తపచ్చయేన పచ్చయో – సహజాతం, పురేజాతం, పచ్ఛాజాతం (మాతికాపదాని అనుమజ్జన్తేన విత్థారేతబ్బాని).

బహిద్ధా ధమ్మో బహిద్ధా ధమ్మస్స విప్పయుత్తపచ్చయేన పచ్చయో – సహజాతం, పురేజాతం, పచ్ఛాజాతం (సంఖిత్తం).

అత్థిపచ్చయో