౨. సఙ్ఖ్యావారో

౮౭. హేతుయా సత్త, ఆరమ్మణే సత్త, అధిపతియా సత్త, అనన్తరే నవ, సమనన్తరే నవ, సహజాతే ఏకాదస, అఞ్ఞమఞ్ఞే సత్త, నిస్సయే తేరస, ఉపనిస్సయే నవ, పురేజాతే తీణి, పచ్ఛాజాతే తీణి, ఆసేవనే చత్తారి, కమ్మే సత్త, విపాకే ఆహారే ఇన్ద్రియే ఝానే మగ్గే సత్త, సమ్పయుత్తే తీణి, విప్పయుత్తే పఞ్చ, అత్థియా తేరస, నత్థియా నవ, విగతే నవ, అవిగతే తేరస (ఏవం గణేతబ్బం).

అనులోమం.

పచ్చనీయుద్ధారో

౮౮. పరిత్తో ధమ్మో పరిత్తస్స ధమ్మస్స ఆరమ్మణపచ్చయేన పచ్చయో… సహజాతపచ్చయేన పచ్చయో… ఉపనిస్సయపచ్చయేన పచ్చయో… పురేజాతపచ్చయేన పచ్చయో… పచ్ఛాజాతపచ్చయేన పచ్చయో… కమ్మపచ్చయేన పచ్చయో… ఆహారపచ్చయేన పచ్చయో… ఇన్ద్రియపచ్చయేన పచ్చయో. (౧)

పరిత్తో ధమ్మో మహగ్గతస్స ధమ్మస్స ఆరమ్మణపచ్చయేన పచ్చయో… సహజాతపచ్చయేన పచ్చయో… ఉపనిస్సయపచ్చయేన పచ్చయో… పురేజాతపచ్చయేన పచ్చయో. (౨)

పరిత్తో ధమ్మో అప్పమాణస్స ధమ్మస్స ఉపనిస్సయపచ్చయేన పచ్చయో… పురేజాతపచ్చయేన పచ్చయో. (౩)

మహగ్గతో ధమ్మో మహగ్గతస్స ధమ్మస్స ఆరమ్మణపచ్చయేన పచ్చయో… సహజాతపచ్చయేన పచ్చయో… ఉపనిస్సయపచ్చయేన పచ్చయో. (౧)

మహగ్గతో ధమ్మో పరిత్తస్స ధమ్మస్స ఆరమ్మణపచ్చయేన పచ్చయో… సహజాతపచ్చయేన పచ్చయో … ఉపనిస్సయపచ్చయేన పచ్చయో… పచ్ఛాజాతపచ్చయేన పచ్చయో… కమ్మపచ్చయేన పచ్చయో. (౨)

మహగ్గతో ధమ్మో అప్పమాణస్స ధమ్మస్స ఉపనిస్సయపచ్చయేన పచ్చయో. (౩)

మహగ్గతో ధమ్మో పరిత్తస్స చ మహగ్గతస్స చ ధమ్మస్స సహజాతపచ్చయేన పచ్చయో… కమ్మపచ్చయేన పచ్చయో. (౪)

౮౯. అప్పమాణో ధమ్మో అప్పమాణస్స ధమ్మస్స సహజాతపచ్చయేన పచ్చయో… ఉపనిస్సయపచ్చయేన పచ్చయో. (౧)

అప్పమాణో ధమ్మో పరిత్తస్స ధమ్మస్స ఆరమ్మణపచ్చయేన పచ్చయో… సహజాతపచ్చయేన పచ్చయో… ఉపనిస్సయపచ్చయేన పచ్చయో… పచ్ఛాజాతపచ్చయేన పచ్చయో. (౨)

అప్పమాణో ధమ్మో మహగ్గతస్స ధమ్మస్స ఆరమ్మణపచ్చయేన పచ్చయో… ఉపనిస్సయపచ్చయేన పచ్చయో. (౩)

అప్పమాణో ధమ్మో పరిత్తస్స చ అప్పమాణస్స చ ధమ్మస్స సహజాతపచ్చయేన పచ్చయో. (౪)

పరిత్తో చ అప్పమాణో చ ధమ్మా పరిత్తస్స ధమ్మస్స సహజాతం, పచ్ఛాజాతం, ఆహారం, ఇన్ద్రియం. (౧)

పరిత్తో చ అప్పమాణో చ ధమ్మా అప్పమాణస్స ధమ్మస్స సహజాతం, పురేజాతం. (౨)

పరిత్తో చ మహగ్గతో చ ధమ్మా పరిత్తస్స ధమ్మస్స సహజాతం, పచ్ఛాజాతం, ఆహారం, ఇన్ద్రియం. (౧)

పరిత్తో చ మహగ్గతో చ ధమ్మా మహగ్గతస్స ధమ్మస్స సహజాతం, పురేజాతం. (౨)