౧౨. పరిత్తత్తికం

౧. పటిచ్చవారో

౧. పచ్చయానులోమం

౧. విభఙ్గవారో

హేతుపచ్చయో

౧. పరిత్తం ధమ్మం పటిచ్చ పరిత్తో ధమ్మో ఉప్పజ్జతి హేతుపచ్చయా – పరిత్తం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే… పటిసన్ధిక్ఖణే పరిత్తం ఏకం ఖన్ధం పటిచ్చ తయో ఖన్ధా కటత్తా చ రూపం…పే… ద్వే ఖన్ధే…పే… ఖన్ధే పటిచ్చ వత్థు, వత్థుం పటిచ్చ ఖన్ధా, ఏకం మహాభూతం పటిచ్చ తయో మహాభూతా…పే… ద్వే మహాభూతే పటిచ్చ చిత్తసముట్ఠానం రూపం…పే…. (౧)

పరిత్తం ధమ్మం పటిచ్చ మహగ్గతో ధమ్మో ఉప్పజ్జతి హేతుపచ్చయా – పటిసన్ధిక్ఖణే వత్థుం పటిచ్చ మహగ్గతా ఖన్ధా. (౨)

పరిత్తం ధమ్మం పటిచ్చ పరిత్తో చ మహగ్గతో చ ధమ్మా ఉప్పజ్జన్తి హేతుపచ్చయా – పటిసన్ధిక్ఖణే వత్థుం పటిచ్చ మహగ్గతా ఖన్ధా, మహాభూతే పటిచ్చ కటత్తారూపం. (౩)

౨. మహగ్గతం ధమ్మం పటిచ్చ మహగ్గతో ధమ్మో ఉప్పజ్జతి హేతుపచ్చయా – మహగ్గతం ఏకం ఖన్ధం పటిచ్చ తయో ఖన్ధా…పే… ద్వే ఖన్ధే…పే… పటిసన్ధిక్ఖణే…పే…. (౧)

మహగ్గతం ధమ్మం పటిచ్చ పరిత్తో ధమ్మో ఉప్పజ్జతి హేతుపచ్చయా – మహగ్గతే ఖన్ధే పటిచ్చ చిత్తసముట్ఠానం రూపం. పటిసన్ధిక్ఖణే మహగ్గతే ఖన్ధే పటిచ్చ కటత్తారూపం. (౨)

మహగ్గతం ధమ్మం పటిచ్చ పరిత్తో చ మహగ్గతో చ ధమ్మా ఉప్పజ్జన్తి హేతుపచ్చయా – మహగ్గతం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… పటిసన్ధిక్ఖణే మహగ్గతం ఏకం ఖన్ధం పటిచ్చ తయో ఖన్ధా కటత్తా చ రూపం…పే… ద్వే ఖన్ధే…పే…. (౩)

౩. అప్పమాణం ధమ్మం పటిచ్చ అప్పమాణో ధమ్మో ఉప్పజ్జతి హేతుపచ్చయా – అప్పమాణం ఏకం ఖన్ధం పటిచ్చ తయో ఖన్ధా…పే… ద్వే ఖన్ధే…పే…. (౧)

అప్పమాణం ధమ్మం పటిచ్చ పరిత్తో ధమ్మో ఉప్పజ్జతి హేతుపచ్చయా – అప్పమాణే ఖన్ధే పటిచ్చ చిత్తసముట్ఠానం రూపం. (౨)

అప్పమాణం ధమ్మం పటిచ్చ పరిత్తో చ అప్పమాణో చ ధమ్మా ఉప్పజ్జన్తి హేతుపచ్చయా – అప్పమాణం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే…. (౩)

౪. పరిత్తఞ్చ అప్పమాణఞ్చ ధమ్మం పటిచ్చ పరిత్తో ధమ్మో ఉప్పజ్జతి హేతుపచ్చయా – అప్పమాణే ఖన్ధే చ మహాభూతే చ పటిచ్చ చిత్తసముట్ఠానం రూపం. (౧)

పరిత్తఞ్చ మహగ్గతఞ్చ ధమ్మం పటిచ్చ పరిత్తో ధమ్మో ఉప్పజ్జతి హేతుపచ్చయా – మహగ్గతే ఖన్ధే చ మహాభూతే చ పటిచ్చ చిత్తసముట్ఠానం రూపం. పటిసన్ధిక్ఖణే…పే…. (౧)

పరిత్తఞ్చ మహగ్గతఞ్చ ధమ్మం పటిచ్చ మహగ్గతో ధమ్మో ఉప్పజ్జతి హేతుపచ్చయా – పటిసన్ధిక్ఖణే మహగ్గతం ఏకం ఖన్ధఞ్చ వత్థుఞ్చ పటిచ్చ తయో ఖన్ధా…పే… ద్వే ఖన్ధే…పే…. (౨)

పరిత్తఞ్చ మహగ్గతఞ్చ ధమ్మం పటిచ్చ పరిత్తో చ మహగ్గతో చ ధమ్మా ఉప్పజ్జన్తి హేతుపచ్చయా – పటిసన్ధిక్ఖణే మహగ్గతం ఏకం ఖన్ధఞ్చ వత్థుఞ్చ పటిచ్చ తయో ఖన్ధా…పే… ద్వే ఖన్ధే…పే… మహగ్గతే ఖన్ధే చ మహాభూతే చ పటిచ్చ కటత్తారూపం. (౩)

ఆరమ్మణపచ్చయో

౫. పరిత్తం ధమ్మం పటిచ్చ పరిత్తో ధమ్మో ఉప్పజ్జతి ఆరమ్మణపచ్చయా – పరిత్తం ఏకం ఖన్ధం పటిచ్చ తయో ఖన్ధా…పే… ద్వే ఖన్ధే…పే… పటిసన్ధిక్ఖణే…పే… వత్థుం పటిచ్చ ఖన్ధా. (౧)

పరిత్తం ధమ్మం పటిచ్చ మహగ్గతో ధమ్మో ఉప్పజ్జతి ఆరమ్మణపచ్చయా – పటిసన్ధిక్ఖణే వత్థుం పటిచ్చ మహగ్గతా ఖన్ధా. (౨)

మహగ్గతం ధమ్మం పటిచ్చ మహగ్గతో ధమ్మో ఉప్పజ్జతి ఆరమ్మణపచ్చయా – మహగ్గతం ఏకం ఖన్ధం పటిచ్చ తయో ఖన్ధా…పే… ద్వే ఖన్ధే…పే… పటిసన్ధిక్ఖణే…పే…. (౧)

అప్పమాణం ధమ్మం పటిచ్చ అప్పమాణో ధమ్మో ఉప్పజ్జతి ఆరమ్మణపచ్చయా – అప్పమాణం ఏకం ఖన్ధం పటిచ్చ తయో ఖన్ధా…పే… ద్వే ఖన్ధే…పే…. (౧)

పరిత్తఞ్చ మహగ్గతఞ్చ ధమ్మం పటిచ్చ మహగ్గతో ధమ్మో ఉప్పజ్జతి ఆరమ్మణపచ్చయా – పటిసన్ధిక్ఖణే మహగ్గతం ఏకం ఖన్ధఞ్చ వత్థుఞ్చ పటిచ్చ తయో ఖన్ధా…పే… ద్వే ఖన్ధే…పే…. (౧)

అధిపతిపచ్చయో

౬. పరిత్తం ధమ్మం పటిచ్చ పరిత్తో ధమ్మో ఉప్పజ్జతి అధిపతిపచ్చయా – పరిత్తం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం, ద్వే ఖన్ధే…పే… ఏకం మహాభూతం పటిచ్చ తయో మహాభూతా…పే… మహాభూతే పటిచ్చ చిత్తసముట్ఠానం రూపం ఉపాదారూపం. (౧)

మహగ్గతం ధమ్మం పటిచ్చ మహగ్గతో ధమ్మో ఉప్పజ్జతి అధిపతిపచ్చయా – మహగ్గతం ఏకం ఖన్ధం పటిచ్చ తయో ఖన్ధా…పే… ద్వే ఖన్ధే…పే…. (౧)

మహగ్గతం ధమ్మం పటిచ్చ పరిత్తో ధమ్మో ఉప్పజ్జతి అధిపతిపచ్చయా – మహగ్గతే ఖన్ధే పటిచ్చ చిత్తసముట్ఠానం రూపం. (౨)

మహగ్గతం ధమ్మం పటిచ్చ పరిత్తో చ మహగ్గతో చ ధమ్మా ఉప్పజ్జన్తి అధిపతిపచ్చయా – మహగ్గతం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే…. (౩)

అప్పమాణం ధమ్మం పటిచ్చ అప్పమాణో ధమ్మో ఉప్పజ్జతి అధిపతిపచ్చయా – అప్పమాణం ఏకం ఖన్ధం పటిచ్చ తయో ఖన్ధా…పే… ద్వే ఖన్ధే…పే…. (౧)

అప్పమాణం ధమ్మం పటిచ్చ పరిత్తో ధమ్మో ఉప్పజ్జతి అధిపతిపచ్చయా – అప్పమాణే ఖన్ధే పటిచ్చ చిత్తసముట్ఠానం రూపం. (౨)

అప్పమాణం ధమ్మం పటిచ్చ పరిత్తో చ అప్పమాణో చ ధమ్మా ఉప్పజ్జన్తి అధిపతిపచ్చయా – అప్పమాణం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే…. (౩)

౭. పరిత్తఞ్చ అప్పమాణఞ్చ ధమ్మం పటిచ్చ పరిత్తో ధమ్మో ఉప్పజ్జతి అధిపతిపచ్చయా – అప్పమాణే ఖన్ధే చ మహాభూతే చ పటిచ్చ చిత్తసముట్ఠానం రూపం. (౧)

పరిత్తఞ్చ మహగ్గతఞ్చ ధమ్మం పటిచ్చ పరిత్తో ధమ్మో ఉప్పజ్జతి అధిపతిపచ్చయా – మహగ్గతే ఖన్ధే చ మహాభూతే చ పటిచ్చ చిత్తసముట్ఠానం రూపం. (౧)

అనన్తరపచ్చయాది

౮. పరిత్తం ధమ్మం పటిచ్చ పరిత్తో ధమ్మో ఉప్పజ్జతి అనన్తరపచ్చయా… సమనన్తరపచ్చయా… సహజాతపచ్చయా (సబ్బేపి మహాభూతా కాతబ్బా)… అఞ్ఞమఞ్ఞపచ్చయా… నిస్సయపచ్చయా… ఉపనిస్సయపచ్చయా … పురేజాతపచ్చయా (తిస్సో పఞ్హా కాతబ్బా)… ఆసేవనపచ్చయా (తిస్సో పఞ్హా కాతబ్బా)… కమ్మపచ్చయా… విపాకపచ్చయా (తేరస పఞ్హా)… ఆహారపచ్చయా… ఇన్ద్రియపచ్చయా… ఝానపచ్చయా… మగ్గపచ్చయా,… సమ్పయుత్తపచ్చయా… విప్పయుత్తపచ్చయా… అత్థిపచ్చయా… నత్థిపచ్చయా… విగతపచ్చయా… అవిగతపచ్చయా.

౧. పచ్చయానులోమం

౨. సఙ్ఖ్యావారో

౯. హేతుయా తేరస, ఆరమ్మణే పఞ్చ, అధిపతియా నవ, అనన్తరే పఞ్చ, సమనన్తరే పఞ్చ, సహజాతే తేరస, అఞ్ఞమఞ్ఞే సత్త, నిస్సయే తేరస, ఉపనిస్సయే పఞ్చ, పురేజాతే తీణి, ఆసేవనే తీణి, కమ్మే తేరస, విపాకే తేరస, ఆహారే ఇన్ద్రియే ఝానే మగ్గే తేరస, సమ్పయుత్తే పఞ్చ, విప్పయుత్తే తేరస, అత్థియా తేరస, నత్థియా పఞ్చ, విగతే పఞ్చ, అవిగతే తేరస.

అనులోమం.

౨. పచ్చయపచ్చనీయం

౧. విభఙ్గవారో

నహేతుపచ్చయో

౧౦. పరిత్తం ధమ్మం పటిచ్చ పరిత్తో ధమ్మో ఉప్పజ్జతి నహేతుపచ్చయా – అహేతుకం పరిత్తం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే… అహేతుకపటిసన్ధిక్ఖణే…పే… ఖన్ధే పటిచ్చ వత్థు, వత్థుం పటిచ్చ ఖన్ధా; ఏకం మహాభూతం…పే… బాహిరం… ఆహారసముట్ఠానం… ఉతుసముట్ఠానం… అసఞ్ఞసత్తానం ఏకం మహాభూతం…పే… విచికిచ్ఛాసహగతే ఉద్ధచ్చసహగతే ఖన్ధే పటిచ్చ విచికిచ్ఛాసహగతో ఉద్ధచ్చసహగతో మోహో. (౧)

నఆరమ్మణపచ్చయో

౧౧. పరిత్తం ధమ్మం పటిచ్చ పరిత్తో ధమ్మో ఉప్పజ్జతి నఆరమ్మణపచ్చయా – పరిత్తే ఖన్ధే పటిచ్చ చిత్తసముట్ఠానం రూపం. పటిసన్ధిక్ఖణే పరిత్తే ఖన్ధే పటిచ్చ కటత్తారూపం, ఖన్ధే పటిచ్చ వత్థు…పే… ఏకం మహాభూతం…పే… బాహిరం… ఆహారసముట్ఠానం… ఉతుసముట్ఠానం… అసఞ్ఞసత్తానం ఏకం మహాభూతం…పే…. (౧)

మహగ్గతం ధమ్మం పటిచ్చ పరిత్తో ధమ్మో ఉప్పజ్జతి నఆరమ్మణపచ్చయా – మహగ్గతే ఖన్ధే పటిచ్చ చిత్తసముట్ఠానం రూపం. పటిసన్ధిక్ఖణే మహగ్గతే ఖన్ధే పటిచ్చ కటత్తారూపం. (౧)

అప్పమాణం ధమ్మం పటిచ్చ పరిత్తో ధమ్మో ఉప్పజ్జతి నఆరమ్మణపచ్చయా – అప్పమాణే ఖన్ధే పటిచ్చ చిత్తసముట్ఠానం రూపం. (౧)

పరిత్తఞ్చ అప్పమాణఞ్చ ధమ్మం పటిచ్చ పరిత్తో ధమ్మో ఉప్పజ్జతి నఆరమ్మణపచ్చయా – అప్పమాణే ఖన్ధే చ మహాభూతే చ పటిచ్చ చిత్తసముట్ఠానం రూపం. (౧)

పరిత్తఞ్చ మహగ్గతఞ్చ ధమ్మం పటిచ్చ పరిత్తో ధమ్మో ఉప్పజ్జతి నఆరమ్మణపచ్చయా – మహగ్గతే ఖన్ధే చ మహాభూతే చ పటిచ్చ చిత్తసముట్ఠానం రూపం. పటిసన్ధిక్ఖణే మహగ్గతే ఖన్ధే చ మహాభూతే చ పటిచ్చ కటత్తారూపం. (౧)

నఅధిపతిపచ్చయో

౧౨. పరిత్తం ధమ్మం పటిచ్చ పరిత్తో ధమ్మో ఉప్పజ్జతి నఅధిపతిపచ్చయా – పరిత్తం ఏకం ఖన్ధం పటిచ్చ తయో ఖన్ధా…పే… పటిసన్ధిక్ఖణే…పే… ఖన్ధే పటిచ్చ వత్థు, వత్థుం పటిచ్చ ఖన్ధా; ఏకం మహాభూతం…పే… అసఞ్ఞసత్తానం…పే…. (౧)

పరిత్తం ధమ్మం పటిచ్చ మహగ్గతో ధమ్మో ఉప్పజ్జతి నఅధిపతిపచ్చయా – పటిసన్ధిక్ఖణే వత్థుం పటిచ్చ మహగ్గతా ఖన్ధా. (౨)

పరిత్తం ధమ్మం పటిచ్చ పరిత్తో చ మహగ్గతో చ ధమ్మా ఉప్పజ్జన్తి నఅధిపతిపచ్చయా – పటిసన్ధిక్ఖణే వత్థుం పటిచ్చ మహగ్గతా ఖన్ధా, మహాభూతే పటిచ్చ కటత్తారూపం. (౩)

౧౩. మహగ్గతం ధమ్మం పటిచ్చ మహగ్గతో ధమ్మో ఉప్పజ్జతి నఅధిపతిపచ్చయా – మహగ్గతే ఖన్ధే పటిచ్చ మహగ్గతాధిపతి, విపాకం మహగ్గతం ఏకం ఖన్ధం పటిచ్చ…పే… పటిసన్ధిక్ఖణే…పే…. (౧)

మహగ్గతం ధమ్మం పటిచ్చ పరిత్తో ధమ్మో ఉప్పజ్జతి నఅధిపతిపచ్చయా – విపాకే మహగ్గతే ఖన్ధే పటిచ్చ చిత్తసముట్ఠానం రూపం. పటిసన్ధిక్ఖణే మహగ్గతే ఖన్ధే పటిచ్చ కటత్తారూపం. (౨)

మహగ్గతం ధమ్మం పటిచ్చ పరిత్తో చ మహగ్గతో చ ధమ్మా ఉప్పజ్జన్తి నఅధిపతిపచ్చయా – విపాకం మహగ్గతం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే… పటిసన్ధిక్ఖణే…పే…. (౩)

౧౪. అప్పమాణం ధమ్మం పటిచ్చ అప్పమాణో ధమ్మో ఉప్పజ్జతి నఅధిపతిపచ్చయా – అప్పమాణే ఖన్ధే పటిచ్చ అప్పమాణాధిపతి. (౧)

పరిత్తఞ్చ మహగ్గతఞ్చ ధమ్మం పటిచ్చ పరిత్తో ధమ్మో ఉప్పజ్జతి నఅధిపతిపచ్చయా – విపాకే మహగ్గతే ఖన్ధే చ మహాభూతే చ పటిచ్చ చిత్తసముట్ఠానం రూపం. పటిసన్ధిక్ఖణే మహగ్గతే ఖన్ధే చ మహాభూతే చ పటిచ్చ కటత్తారూపం. (౧)

పరిత్తఞ్చ మహగ్గతఞ్చ ధమ్మం పటిచ్చ మహగ్గతో ధమ్మో ఉప్పజ్జతి నఅధిపతిపచ్చయా – పటిసన్ధిక్ఖణే మహగ్గతం ఏకం ఖన్ధఞ్చ వత్థుఞ్చ పటిచ్చ తయో ఖన్ధా…పే… ద్వే ఖన్ధే…పే…. (౨)

పరిత్తఞ్చ మహగ్గతఞ్చ ధమ్మం పటిచ్చ పరిత్తో చ మహగ్గతో చ ధమ్మా ఉప్పజ్జన్తి నఅధిపతిపచ్చయా – పటిసన్ధిక్ఖణే మహగ్గతం ఏకం ఖన్ధఞ్చ వత్థుఞ్చ పటిచ్చ తయో ఖన్ధా…పే… ద్వే ఖన్ధే…పే… మహగ్గతే ఖన్ధే చ మహాభూతే చ పటిచ్చ కటత్తారూపం. (౩)

నఅనన్తరపచ్చయాది

౧౫. పరిత్తం ధమ్మం పటిచ్చ పరిత్తో ధమ్మో ఉప్పజ్జతి నఅనన్తరపచ్చయా… నసమనన్తరపచ్చయా… నఅఞ్ఞమఞ్ఞపచ్చయా… నఉపనిస్సయపచ్చయా.

నపురేజాతపచ్చయో

౧౬. పరిత్తం ధమ్మం పటిచ్చ పరిత్తో ధమ్మో ఉప్పజ్జతి నపురేజాతపచ్చయా – అరూపే పరిత్తం ఏకం ఖన్ధం పటిచ్చ తయో ఖన్ధా…పే… ద్వే ఖన్ధే…పే… పరిత్తే ఖన్ధే పటిచ్చ చిత్తసముట్ఠానం రూపం. పటిసన్ధిక్ఖణే పరిత్తం ఏకం ఖన్ధం పటిచ్చ తయో ఖన్ధా కటత్తా చ రూపం…పే… ద్వే ఖన్ధే…పే… (సబ్బే మహాభూతా విత్థారేతబ్బా, అరూపే పరిత్తమూలకే తిస్సో పఞ్హా).

మహగ్గతం ధమ్మం పటిచ్చ మహగ్గతో ధమ్మో ఉప్పజ్జతి నపురేజాతపచ్చయా – మహగ్గతం ఏకం ఖన్ధం…పే… పటిసన్ధిక్ఖణే…పే…. (౧)

మహగ్గతం ధమ్మం పటిచ్చ పరిత్తో ధమ్మో ఉప్పజ్జతి నపురేజాతపచ్చయా – మహగ్గతే ఖన్ధే పటిచ్చ చిత్తసముట్ఠానం రూపం. పటిసన్ధిక్ఖణే మహగ్గతే ఖన్ధే పటిచ్చ కటత్తారూపం. (౨)

మహగ్గతం ధమ్మం పటిచ్చ పరిత్తో చ మహగ్గతో చ ధమ్మా ఉప్పజ్జన్తి నపురేజాతపచ్చయా – పటిసన్ధిక్ఖణే మహగ్గతం ఏకం ఖన్ధం పటిచ్చ తయో ఖన్ధా కటత్తా చ రూపం…పే… ద్వే ఖన్ధే…పే…. (౩)

౧౭. అప్పమాణం ధమ్మం పటిచ్చ అప్పమాణో ధమ్మో ఉప్పజ్జతి నపురేజాతపచ్చయా – అరూపే అప్పమాణం ఏకం ఖన్ధం…పే…. (౧)

అప్పమాణం ధమ్మం పటిచ్చ పరిత్తో ధమ్మో ఉప్పజ్జతి నపురేజాతపచ్చయా – అప్పమాణే ఖన్ధే పటిచ్చ చిత్తసముట్ఠానం రూపం.(౨)

పరిత్తఞ్చ అప్పమాణఞ్చ ధమ్మం పటిచ్చ పరిత్తో ధమ్మో ఉప్పజ్జతి నపురేజాతపచ్చయా – అప్పమాణే ఖన్ధే చ మహాభూతే చ పటిచ్చ చిత్తసముట్ఠానం రూపం. (౩)

పరిత్తఞ్చ మహగ్గతఞ్చ ధమ్మం పటిచ్చ పరిత్తో ధమ్మో ఉప్పజ్జతి నపురేజాతపచ్చయా – మహగ్గతే ఖన్ధే చ మహాభూతే చ పటిచ్చ చిత్తసముట్ఠానం రూపం. పటిసన్ధిక్ఖణే…పే…. (౧)

పరిత్తఞ్చ మహగ్గతఞ్చ ధమ్మం పటిచ్చ మహగ్గతో ధమ్మో ఉప్పజ్జతి నపురేజాతపచ్చయా – పటిసన్ధిక్ఖణే మహగ్గతం ఏకం ఖన్ధఞ్చ వత్థుఞ్చ పటిచ్చ తయో ఖన్ధా…పే…. (౨)

పరిత్తఞ్చ మహగ్గతఞ్చ ధమ్మం పటిచ్చ పరిత్తో చ మహగ్గతో చ ధమ్మా ఉప్పజ్జన్తి నపురేజాతపచ్చయా – పటిసన్ధిక్ఖణే మహగ్గతం ఏకం ఖన్ధఞ్చ వత్థుఞ్చ పటిచ్చ తయో ఖన్ధా…పే… ద్వే ఖన్ధే…పే… మహగ్గతే ఖన్ధే చ మహాభూతే చ పటిచ్చ కటత్తారూపం. (౩)

నపచ్ఛాజాతపచ్చయాది

౧౮. పరిత్తం ధమ్మం పటిచ్చ పరిత్తో ధమ్మో ఉప్పజ్జతి నపచ్ఛాజాతపచ్చయా… నఆసేవనపచ్చయా – పరిత్తం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే… పటిసన్ధిక్ఖణే…పే… ఖన్ధే పటిచ్చ వత్థు, వత్థుం పటిచ్చ ఖన్ధా; ఏకం మహాభూతం…పే… అసఞ్ఞసత్తానం ఏకం మహాభూతం…పే….(౧)

పరిత్తం ధమ్మం పటిచ్చ మహగ్గతో ధమ్మో ఉప్పజ్జతి నఆసేవనపచ్చయా – పటిసన్ధిక్ఖణే వత్థుం పటిచ్చ మహగ్గతా ఖన్ధా. (౨)

పరిత్తం ధమ్మం పటిచ్చ పరిత్తో చ మహగ్గతో చ ధమ్మా ఉప్పజ్జన్తి నఆసేవనపచ్చయా – పటిసన్ధిక్ఖణే వత్థుం పటిచ్చ మహగ్గతా ఖన్ధా, మహాభూతే పటిచ్చ కటత్తారూపం. (౩)

౧౯. మహగ్గతం ధమ్మం పటిచ్చ మహగ్గతో ధమ్మో ఉప్పజ్జతి నఆసేవనపచ్చయా – విపాకం మహగ్గతం ఏకం ఖన్ధం పటిచ్చ తయో ఖన్ధా…పే… ద్వే ఖన్ధే…పే… పటిసన్ధిక్ఖణే మహగ్గతం ఏకం ఖన్ధం పటిచ్చ తయో ఖన్ధా…పే…. (౧) మహగ్గతం ధమ్మం పటిచ్చ పరిత్తో ధమ్మో ఉప్పజ్జతి నఆసేవనపచ్చయా – మహగ్గతే ఖన్ధే పటిచ్చ చిత్తసముట్ఠానం రూపం. పటిసన్ధిక్ఖణే…పే…. (౨)

మహగ్గతం ధమ్మం పటిచ్చ పరిత్తో చ మహగ్గతో చ ధమ్మా ఉప్పజ్జన్తి నఆసేవనపచ్చయా – విపాకం మహగ్గతం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే… పటిసన్ధిక్ఖణే మహగ్గతం ఏకం ఖన్ధం…పే…. (౩)

౨౦. అప్పమాణం ధమ్మం పటిచ్చ అప్పమాణో ధమ్మో ఉప్పజ్జతి నఆసేవనపచ్చయా – విపాకం అప్పమాణం ఏకం ఖన్ధం పటిచ్చ తయో ఖన్ధా…పే… ద్వే ఖన్ధే పటిచ్చ ద్వే ఖన్ధా. (౧)

అప్పమాణం ధమ్మం పటిచ్చ పరిత్తో ధమ్మో ఉప్పజ్జతి నఆసేవనపచ్చయా – అప్పమాణే ఖన్ధే పటిచ్చ చిత్తసముట్ఠానం రూపం. (౨)

అప్పమాణం ధమ్మం పటిచ్చ పరిత్తో చ అప్పమాణో చ ధమ్మా ఉప్పజ్జన్తి నఆసేవనపచ్చయా – విపాకం అప్పమాణం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే…. (౩)

౨౧. పరిత్తఞ్చ అప్పమాణఞ్చ ధమ్మం పటిచ్చ పరిత్తో ధమ్మో ఉప్పజ్జతి నఆసేవనపచ్చయా – అప్పమాణే ఖన్ధే చ మహాభూతే చ పటిచ్చ చిత్తసముట్ఠానం రూపం. (౧)

పరిత్తఞ్చ మహగ్గతఞ్చ ధమ్మం పటిచ్చ పరిత్తో ధమ్మో ఉప్పజ్జతి నఆసేవనపచ్చయా – మహగ్గతే ఖన్ధే చ మహాభూతే చ పటిచ్చ చిత్తసముట్ఠానం రూపం. పటిసన్ధిక్ఖణే మహగ్గతే ఖన్ధే చ మహాభూతే చ పటిచ్చ కటత్తారూపం. (౧)

పరిత్తఞ్చ మహగ్గతఞ్చ ధమ్మం పటిచ్చ మహగ్గతో ధమ్మో ఉప్పజ్జతి నఆసేవనపచ్చయా – పటిసన్ధిక్ఖణే మహగ్గతం ఏకం ఖన్ధఞ్చ వత్థుఞ్చ పటిచ్చ తయో ఖన్ధా…పే… ద్వే ఖన్ధే…పే…. (౨)

పరిత్తఞ్చ మహగ్గతఞ్చ ధమ్మం పటిచ్చ పరిత్తో చ మహగ్గతో చ ధమ్మా ఉప్పజ్జన్తి నఆసేవనపచ్చయా – పటిసన్ధిక్ఖణే మహగ్గతం ఏకం ఖన్ధఞ్చ వత్థుఞ్చ పటిచ్చ తయో ఖన్ధా…పే… ద్వే ఖన్ధే…పే… మహగ్గతే ఖన్ధే చ మహాభూతే చ పటిచ్చ కటత్తారూపం. (౩)

నకమ్మపచ్చయో

౨౨. పరిత్తం ధమ్మం పటిచ్చ పరిత్తో ధమ్మో ఉప్పజ్జతి నకమ్మపచ్చయా – పరిత్తే ఖన్ధే పటిచ్చ పరిత్తా చేతనా. బాహిరం… ఆహారసముట్ఠానం… ఉతుసముట్ఠానం… ఏకం మహాభూతం…పే…. (౧)

మహగ్గతం ధమ్మం పటిచ్చ మహగ్గతో ధమ్మో ఉప్పజ్జతి నకమ్మపచ్చయా – మహగ్గతే ఖన్ధే పటిచ్చ మహగ్గతా చేతనా. (౧)

అప్పమాణం ధమ్మం పటిచ్చ అప్పమాణో ధమ్మో ఉప్పజ్జతి నకమ్మపచ్చయా – కుసలే అప్పమాణే ఖన్ధే పటిచ్చ అప్పమాణా చేతనా. (౧)

నవిపాకపచ్చయో

౨౩. పరిత్తం ధమ్మం పటిచ్చ పరిత్తో ధమ్మో ఉప్పజ్జతి నవిపాకపచ్చయా – పరిత్తం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే… ఏకం మహాభూతం పటిచ్చ తయో మహాభూతా…పే… మహాభూతే పటిచ్చ చిత్తసముట్ఠానం రూపం ఉపాదారూపం; బాహిరం… ఆహారసముట్ఠానం… ఉతుసముట్ఠానం… అసఞ్ఞసత్తానం ఏకం మహాభూతం…పే…. (౧)

మహగ్గతం ధమ్మం పటిచ్చ మహగ్గతో ధమ్మో ఉప్పజ్జతి నవిపాకపచ్చయా – మహగ్గతం ఏకం ఖన్ధం పటిచ్చ తయో ఖన్ధా…పే… ద్వే ఖన్ధే…పే…. (౧)

మహగ్గతం ధమ్మం పటిచ్చ పరిత్తో ధమ్మో ఉప్పజ్జతి నవిపాకపచ్చయా – మహగ్గతే ఖన్ధే పటిచ్చ చిత్తసముట్ఠానం రూపం. (౨)

మహగ్గతం ధమ్మం పటిచ్చ పరిత్తో చ మహగ్గతో చ ధమ్మా ఉప్పజ్జన్తి నవిపాకపచ్చయా – మహగ్గతం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే…. (౩)

అప్పమాణం ధమ్మం పటిచ్చ అప్పమాణో ధమ్మో ఉప్పజ్జతి నవిపాకపచ్చయా – కుసలం అప్పమాణం ఏకం ఖన్ధం పటిచ్చ తయో ఖన్ధా…పే…. (౧)

అప్పమాణం ధమ్మం పటిచ్చ పరిత్తో ధమ్మో ఉప్పజ్జతి నవిపాకపచ్చయా – కుసలే అప్పమాణే ఖన్ధే పటిచ్చ చిత్తసముట్ఠానం రూపం. (౨)

అప్పమాణం ధమ్మం పటిచ్చ పరిత్తో చ అప్పమాణో చ ధమ్మా ఉప్పజ్జన్తి నవిపాకపచ్చయా – కుసలం అప్పమాణం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే…. (౩)

పరిత్తఞ్చ అప్పమాణఞ్చ ధమ్మం పటిచ్చ పరిత్తో ధమ్మో ఉప్పజ్జతి నవిపాకపచ్చయా – కుసలే అప్పమాణే ఖన్ధే చ మహాభూతే చ పటిచ్చ చిత్తసముట్ఠానం రూపం. (౧)

పరిత్తఞ్చ మహగ్గతఞ్చ ధమ్మం పటిచ్చ పరిత్తో ధమ్మో ఉప్పజ్జతి నవిపాకపచ్చయా – మహగ్గతే ఖన్ధే చ మహాభూతే చ పటిచ్చ చిత్తసముట్ఠానం రూపం. (౧)

నఆహారపచ్చయాది

౨౪. పరిత్తం ధమ్మం పటిచ్చ పరిత్తో ధమ్మో ఉప్పజ్జతి నఆహారపచ్చయా – బాహిరం… ఉతుసముట్ఠానం… అసఞ్ఞసత్తానం (విత్థారేతబ్బం)… నఇన్ద్రియపచ్చయా – బాహిరం… ఆహారసముట్ఠానం… ఉతుసముట్ఠానం… అసఞ్ఞసత్తానం…పే… మహాభూతే పటిచ్చ రూపజీవితిన్ద్రియం, నఝానపచ్చయా – పఞ్చవిఞ్ఞాణసహగతం ఏకం ఖన్ధం…పే… బాహిరం…పే… అసఞ్ఞసత్తానం ఏకం మహాభూతం …పే… (సబ్బే మహాభూతా కాతబ్బా), నమగ్గపచ్చయా – అహేతుకం పరిత్తం ఏకం ఖన్ధం…పే… అహేతుకపటిసన్ధిక్ఖణే ఏకం…పే… (సబ్బే మహాభూతా కాతబ్బా) నసమ్పయుత్తపచ్చయా… నవిప్పయుత్తపచ్చయా – అరూపే పరిత్తం ఏకం ఖన్ధం పటిచ్చ తయో ఖన్ధా…పే… ద్వే ఖన్ధే…పే… బాహిరం… ఆహారసముట్ఠానం… ఉతుసముట్ఠానం… అసఞ్ఞసత్తానం…పే….

మహగ్గతం ధమ్మం పటిచ్చ మహగ్గతో ధమ్మో ఉప్పజ్జతి నవిప్పయుత్తపచ్చయా – అరూపే మహగ్గతం ఏకం ఖన్ధం…పే…. (౧)

అప్పమాణం ధమ్మం పటిచ్చ అప్పమాణో ధమ్మో ఉప్పజ్జతి నవిప్పయుత్తపచ్చయా – అరూపే అప్పమాణం ఏకం ఖన్ధం…పే… నోనత్థిపచ్చయా… నోవిగతపచ్చయా.

౨. పచ్చయపచ్చనీయం

౨. సఙ్ఖ్యావారో

౨౫. నహేతుయా ఏకం, నఆరమ్మణే పఞ్చ, నఅధిపతియా దస, నఅనన్తరే పఞ్చ, నసమనన్తరే పఞ్చ, నఅఞ్ఞమఞ్ఞే నఉపనిస్సయే పఞ్చ, నపురేజాతే ద్వాదస, నపచ్ఛాజాతే తేరస, నఆసేవనే తేరస, నకమ్మే తీణి, నవిపాకే నవ, నఆహారే ఏకం, నఇన్ద్రియే నఝానే నమగ్గే ఏకం, నసమ్పయుత్తే పఞ్చ, నవిప్పయుత్తే తీణి, నోనత్థియా పఞ్చ, నోవిగతే పఞ్చ (ఏవం గణేతబ్బం).

పచ్చనీయం.

౩. పచ్చయానులోమపచ్చనీయం

౨౬. హేతుపచ్చయా నఆరమ్మణే పఞ్చ, నఅధిపతియా దస, నఅనన్తరే పఞ్చ, నసమనన్తరే నఅఞ్ఞమఞ్ఞే నఉపనిస్సయే పఞ్చ, నపురేజాతే ద్వాదస, నపచ్ఛాజాతే తేరస, నఆసేవనే తేరస, నకమ్మే తీణి, నవిపాకే నవ, నసమ్పయుత్తే పఞ్చ, నవిప్పయుత్తే తీణి, నోనత్థియా పఞ్చ, నోవిగతే పఞ్చ (ఏవం గణేతబ్బం).

అనులోమపచ్చనీయం.

౪. పచ్చయపచ్చనీయానులోమం

౨౭. నహేతుపచ్చయా ఆరమ్మణే ఏకం, అనన్తరే ఏకం…పే… విగతే ఏకం, అవిగతే ఏకం (ఏవం గణేతబ్బం).

పచ్చనీయానులోమం.

పటిచ్చవారో.

౨. సహజాతవారో

(సహజాతవారోపి పటిచ్చవారసదిసో.)

౩. పచ్చయవారో

౧. పచ్చయానులోమం

౧. విభఙ్గవారో

హేతుపచ్చయో

౨౮. పరిత్తం ధమ్మం పచ్చయా పరిత్తో ధమ్మో ఉప్పజ్జతి హేతుపచ్చయా – పరిత్తం ఏకం ఖన్ధం పచ్చయా తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే… పటిసన్ధిక్ఖణే…పే… ఖన్ధే పచ్చయా వత్థు, వత్థుం పచ్చయా ఖన్ధా; ఏకం మహాభూతం పచ్చయా…పే… ఉపాదారూపం, వత్థుం పచ్చయా పరిత్తా ఖన్ధా. (౧)

పరిత్తం ధమ్మం పచ్చయా మహగ్గతో ధమ్మో ఉప్పజ్జతి హేతుపచ్చయా – వత్థుం పచ్చయా మహగ్గతా ఖన్ధా. పటిసన్ధిక్ఖణే వత్థుం పచ్చయా మహగ్గతా ఖన్ధా. (౨)

పరిత్తం ధమ్మం పచ్చయా అప్పమాణో ధమ్మో ఉప్పజ్జతి హేతుపచ్చయా – వత్థుం పచ్చయా అప్పమాణా ఖన్ధా. (౩)

పరిత్తం ధమ్మం పచ్చయా పరిత్తో చ అప్పమాణో చ ధమ్మా ఉప్పజ్జన్తి హేతుపచ్చయా – వత్థుం పచ్చయా అప్పమాణా ఖన్ధా, మహాభూతే పచ్చయా చిత్తసముట్ఠానం రూపం. (౪)

పరిత్తం ధమ్మం పచ్చయా పరిత్తో చ మహగ్గతో చ ధమ్మా ఉప్పజ్జన్తి హేతుపచ్చయా – వత్థుం పచ్చయా మహగ్గతా ఖన్ధా, మహాభూతే పచ్చయా చిత్తసముట్ఠానం రూపం. పటిసన్ధిక్ఖణే వత్థుం పచ్చయా మహగ్గతా ఖన్ధా. (౫)

౨౯. మహగ్గతం ధమ్మం పచ్చయా మహగ్గతో ధమ్మో ఉప్పజ్జతి హేతుపచ్చయా – మహగ్గతం ఏకం ఖన్ధం పచ్చయా తయో ఖన్ధా…పే… పటిసన్ధిక్ఖణే మహగ్గతం ఏకం ఖన్ధం…పే…. (౧)

మహగ్గతం ధమ్మం పచ్చయా పరిత్తో ధమ్మో ఉప్పజ్జతి హేతుపచ్చయా – మహగ్గతే ఖన్ధే పచ్చయా చిత్తసముట్ఠానం రూపం. పటిసన్ధిక్ఖణే…పే…. (౨)

మహగ్గతం ధమ్మం పచ్చయా పరిత్తో చ మహగ్గతో చ ధమ్మా ఉప్పజ్జన్తి హేతుపచ్చయా – మహగ్గతం ఏకం ఖన్ధం పచ్చయా తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే… పటిసన్ధిక్ఖణే మహగ్గతం ఏకం ఖన్ధం…పే…. (౩)

అప్పమాణం ధమ్మం పచ్చయా అప్పమాణో ధమ్మో ఉప్పజ్జతి హేతుపచ్చయా – అప్పమాణే… తీణి.

౩౦. పరిత్తఞ్చ అప్పమాణఞ్చ ధమ్మం పచ్చయా పరిత్తో ధమ్మో ఉప్పజ్జతి హేతుపచ్చయా – అప్పమాణే ఖన్ధే చ మహాభూతే చ పచ్చయా చిత్తసముట్ఠానం రూపం. (౧)

పరిత్తఞ్చ అప్పమాణఞ్చ ధమ్మం పచ్చయా అప్పమాణో ధమ్మో ఉప్పజ్జతి హేతుపచ్చయా – అప్పమాణం ఏకం ఖన్ధఞ్చ వత్థుఞ్చ పచ్చయా తయో ఖన్ధా…పే…. (౨)

పరిత్తఞ్చ అప్పమాణఞ్చ ధమ్మం పచ్చయా పరిత్తో చ అప్పమాణో చ ధమ్మా ఉప్పజ్జన్తి హేతుపచ్చయా – అప్పమాణం ఏకం ఖన్ధఞ్చ వత్థుఞ్చ పచ్చయా తయో ఖన్ధా…పే… ద్వే ఖన్ధే…పే… అప్పమాణే ఖన్ధే చ మహాభూతే చ పచ్చయా చిత్తసముట్ఠానం రూపం. (౩)

పరిత్తఞ్చ మహగ్గతఞ్చ ధమ్మం పచ్చయా పరిత్తో ధమ్మో ఉప్పజ్జతి హేతుపచ్చయా… తీణి (పటిసన్ధిక్ఖణే తీణిపి కాతబ్బా).

ఆరమ్మణపచ్చయాది

౩౧. పరిత్తం ధమ్మం పచ్చయా పరిత్తో ధమ్మో ఉప్పజ్జతి ఆరమ్మణపచ్చయా – పరిత్తం ఏకం ఖన్ధం పచ్చయా తయో ఖన్ధా…పే… ద్వే ఖన్ధే…పే… పటిసన్ధిక్ఖణే…పే… వత్థుం పచ్చయా ఖన్ధా, చక్ఖాయతనం పచ్చయా చక్ఖువిఞ్ఞాణం…పే… కాయాయతనం పచ్చయా కాయవిఞ్ఞాణం, వత్థుం పచ్చయా పరిత్తా ఖన్ధా (అవసేసా ఛ పఞ్హా హేతుపచ్చయసదిసా సత్త కాతబ్బా), అధిపతిపచ్చయా (పటిసన్ధి నత్థి, సత్తరస పఞ్హా పరిపుణ్ణా), అనన్తరపచ్చయా…పే… అవిగతపచ్చయా.

౧. పచ్చయానులోమం

౨. సఙ్ఖ్యావారో

౩౨. హేతుయా సత్తరస, ఆరమ్మణే సత్త, అధిపతియా సత్తరస, అనన్తరే సత్త, సమనన్తరే సత్త, సహజాతే సత్తరస, అఞ్ఞమఞ్ఞే నవ, నిస్సయే సత్తరస, ఉపనిస్సయే సత్త, పురేజాతే సత్త, ఆసేవనే సత్త, కమ్మే సత్తరస, విపాకే సత్తరస, ఆహారే సత్తరస, ఇన్ద్రియే ఝానే మగ్గే సత్తరస, సమ్పయుత్తే సత్త, విప్పయుత్తే సత్తరస, అత్థియా సత్తరస, నత్థియా సత్త, విగతే సత్త, అవిగతే సత్తరస (ఏవం గణేతబ్బం)

అనులోమం.

౨. పచ్చయపచ్చనీయం

౧. విభఙ్గవారో

నహేతుపచ్చయో

౩౩. పరిత్తం ధమ్మం పచ్చయా పరిత్తో ధమ్మో ఉప్పజ్జతి నహేతుపచ్చయా – అహేతుకం పరిత్తం ఏకం ఖన్ధం పచ్చయా తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే… అహేతుకపటిసన్ధిక్ఖణే…పే… ఖన్ధే పచ్చయా వత్థు, వత్థుం పచ్చయా ఖన్ధా; ఏకం మహాభూతం…పే… అసఞ్ఞసత్తానం…పే… చక్ఖాయతనం పచ్చయా చక్ఖువిఞ్ఞాణం…పే… కాయాయతనం పచ్చయా కాయవిఞ్ఞాణం, వత్థుం పచ్చయా అహేతుకా పరిత్తా ఖన్ధా, విచికిచ్ఛాసహగతే ఉద్ధచ్చసహగతే ఖన్ధే చ వత్థుఞ్చ పచ్చయా విచికిచ్ఛాసహగతో ఉద్ధచ్చసహగతో మోహో. (౧)

నఆరమ్మణపచ్చయో

౩౪. పరిత్తం ధమ్మం పచ్చయా పరిత్తో ధమ్మో ఉప్పజ్జతి నఆరమ్మణపచ్చయా (పటిచ్చవారసదిసం. పఞ్చ).

నఅధిపతిపచ్చయో

౩౫. పరిత్తం ధమ్మం పచ్చయా పరిత్తో ధమ్మో ఉప్పజ్జతి నఅధిపతిపచ్చయా – పరిత్తం ఏకం ఖన్ధం పచ్చయా తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే… పటిసన్ధిక్ఖణే…పే… ౫౩అసఞ్ఞసత్తానం…పే… చక్ఖాయతనం…పే… కాయాయతనం…పే… వత్థుం పచ్చయా పరిత్తా ఖన్ధా. (౧)

పరిత్తం ధమ్మం పచ్చయా మహగ్గతో ధమ్మో ఉప్పజ్జతి నఅధిపతిపచ్చయా – వత్థుం పచ్చయా మహగ్గతాధిపతి, వత్థుం పచ్చయా విపాకా మహగ్గతా ఖన్ధా. పటిసన్ధిక్ఖణే వత్థుం పచ్చయా మహగ్గతా ఖన్ధా. (౨)