౧. విభఙ్గవారో

హేతుపచ్చయో

౪౨. సేక్ఖో ధమ్మో సేక్ఖస్స ధమ్మస్స హేతుపచ్చయేన పచ్చయో – సేక్ఖా హేతూ సమ్పయుత్తకానం ఖన్ధానం హేతుపచ్చయేన పచ్చయో. (౧)

సేక్ఖో ధమ్మో నేవసేక్ఖనాసేక్ఖస్స ధమ్మస్స హేతుపచ్చయేన పచ్చయో – సేక్ఖా హేతూ చిత్తసముట్ఠానానం రూపానం హేతుపచ్చయేన పచ్చయో. (౨)

సేక్ఖో ధమ్మో సేక్ఖస్స చ నేవసేక్ఖనాసేక్ఖస్స చ ధమ్మస్స హేతుపచ్చయేన పచ్చయో – సేక్ఖా హేతూ సమ్పయుత్తకానం ఖన్ధానం చిత్తసముట్ఠానానఞ్చ రూపానం హేతుపచ్చయేన పచ్చయో. (౩)

అసేక్ఖో ధమ్మో అసేక్ఖస్స ధమ్మస్స (తీణి).

నేవసేక్ఖనాసేక్ఖో ధమ్మో నేవసేక్ఖనాసేక్ఖస్స ధమ్మస్స హేతుపచ్చయేన పచ్చయో – నేవసేక్ఖనాసేక్ఖా హేతూ సమ్పయుత్తకానం ఖన్ధానం చిత్తసముట్ఠానానఞ్చ రూపానం హేతుపచ్చయేన పచ్చయో. పటిసన్ధిక్ఖణే…పే…. (౧)

ఆరమ్మణపచ్చయో

౪౩. సేక్ఖో ధమ్మో నేవసేక్ఖనాసేక్ఖస్స ధమ్మస్స ఆరమ్మణపచ్చయేన పచ్చయో – అరియా మగ్గా వుట్ఠహిత్వా మగ్గం పచ్చవేక్ఖన్తి, సేక్ఖం ఫలం పచ్చవేక్ఖన్తి, చేతోపరియఞాణేన సేక్ఖచిత్తసమఙ్గిస్స చిత్తం జానన్తి, సేక్ఖా ఖన్ధా చేతోపరియఞాణస్స, పుబ్బేనివాసానుస్సతిఞాణస్స, అనాగతంసఞాణస్స, ఆవజ్జనాయ ఆరమ్మణపచ్చయేన పచ్చయో. (౧)

అసేక్ఖో ధమ్మో నేవసేక్ఖనాసేక్ఖస్స ధమ్మస్స ఆరమ్మణపచ్చయేన పచ్చయో – అరహా అసేక్ఖం ఫలం పచ్చవేక్ఖతి, చేతోపరియఞాణేన అసేక్ఖచిత్తసమఙ్గిస్స చిత్తం జానాతి, అసేక్ఖా ఖన్ధా చేతోపరియఞాణస్స, పుబ్బేనివాసానుస్సతిఞాణస్స, అనాగతంసఞాణస్స, ఆవజ్జనాయ ఆరమ్మణపచ్చయేన పచ్చయో. (౧)

౪౪. నేవసేక్ఖనాసేక్ఖో ధమ్మో నేవసేక్ఖనాసేక్ఖస్స ధమ్మస్స ఆరమ్మణపచ్చయేన పచ్చయో – దానం దత్వా సీలం సమాదియిత్వా ఉపోసథకమ్మం కత్వా తం పచ్చవేక్ఖతి, పుబ్బే సుచిణ్ణాని…పే… ఝానా వుట్ఠహిత్వా ఝానం పచ్చవేక్ఖతి, అరియా నిబ్బానం పచ్చవేక్ఖన్తి. నిబ్బానం గోత్రభుస్స, వోదానస్స, ఆవజ్జనాయ ఆరమ్మణపచ్చయేన పచ్చయో. అరియా పహీనే కిలేసే పచ్చవేక్ఖన్తి విక్ఖమ్భితే కిలేసే పచ్చవేక్ఖన్తి, పుబ్బే సముదాచిణ్ణే కిలేసే జానన్తి, చక్ఖుం అనిచ్చతో దుక్ఖతో అనత్తతో విపస్సన్తి, అస్సాదేన్తి అభినన్దన్తి, తం ఆరబ్భ రాగో ఉప్పజ్జతి…పే… దోమనస్సం ఉప్పజ్జతి, సోతం…పే… వత్థుం నేవసేక్ఖనాసేక్ఖే ఖన్ధే అనిచ్చతో దుక్ఖతో అనత్తతో విపస్సన్తి, అస్సాదేన్తి…పే… దోమనస్సం ఉప్పజ్జతి, దిబ్బేన చక్ఖునా రూపం పస్సతి, దిబ్బాయ సోతధాతుయా సద్దం సుణాతి, చేతోపరియఞాణేన నేవసేక్ఖనాసేక్ఖచిత్తసమఙ్గిస్స చిత్తం జానాతి, ఆకాసానఞ్చాయతనం విఞ్ఞాణఞ్చాయతనస్స…పే… ఆకిఞ్చఞ్ఞాయతనం నేవసఞ్ఞానాసఞ్ఞాయతనస్స ఆరమ్మణపచ్చయేన పచ్చయో. రూపాయతనం చక్ఖువిఞ్ఞాణస్స…పే… ఫోట్ఠబ్బాయతనం కాయవిఞ్ఞాణస్స…పే… నేవసేక్ఖనాసేక్ఖా ఖన్ధా ఇద్ధివిధఞాణస్స, చేతోపరియఞాణస్స, పుబ్బేనివాసానుస్సతిఞాణస్స, యథాకమ్మూపగఞాణస్స, అనాగతంసఞాణస్స, ఆవజ్జనాయ ఆరమ్మణపచ్చయేన పచ్చయో. (౧)

నేవసేక్ఖనాసేక్ఖో ధమ్మో సేక్ఖస్స ధమ్మస్స ఆరమ్మణపచ్చయేన పచ్చయో – నిబ్బానం మగ్గస్స, సేక్ఖస్స ఫలస్స ఆరమ్మణపచ్చయేన పచ్చయో. (౨)

నేవసేక్ఖనాసేక్ఖో ధమ్మో అసేక్ఖస్స ధమ్మస్స ఆరమ్మణపచ్చయేన పచ్చయో – నిబ్బానం అసేక్ఖస్స ఫలస్స ఆరమ్మణపచ్చయేన పచ్చయో. (౩)

అధిపతిపచ్చయో

౪౫. సేక్ఖో ధమ్మో సేక్ఖస్స ధమ్మస్స అధిపతిపచ్చయేన పచ్చయో. సహజాతాధిపతి – సేక్ఖాధిపతి సమ్పయుత్తకానం ఖన్ధానం అధిపతిపచ్చయేన పచ్చయో. (౧)

సేక్ఖో ధమ్మో నేవసేక్ఖనాసేక్ఖస్స ధమ్మస్స అధిపతిపచ్చయేన పచ్చయో. ఆరమ్మణాధిపతి, సహజాతాధిపతి. ఆరమ్మణాధిపతి – అరియా మగ్గా వుట్ఠహిత్వా మగ్గం గరుం కత్వా పచ్చవేక్ఖన్తి, సేక్ఖం ఫలం గరుం కత్వా పచ్చవేక్ఖన్తి. సహజాతాధిపతి – సేక్ఖాధిపతి చిత్తసముట్ఠానానం రూపానం అధిపతిపచ్చయేన పచ్చయో. (౨)

సేక్ఖో ధమ్మో సేక్ఖస్స చ నేవసేక్ఖనాసేక్ఖస్స చ ధమ్మస్స అధిపతిపచ్చయేన పచ్చయో. సహజాతాధిపతి – సేక్ఖాధిపతి సమ్పయుత్తకానం ఖన్ధానం చిత్తసముట్ఠానానఞ్చ రూపానం అధిపతిపచ్చయేన పచ్చయో. (౩)

౪౬. అసేక్ఖో ధమ్మో అసేక్ఖస్స ధమ్మస్స అధిపతిపచ్చయేన పచ్చయో. సహజాతాధిపతి – అసేక్ఖాధిపతి సమ్పయుత్తకానం ఖన్ధానం అధిపతిపచ్చయేన పచ్చయో. (౧)

అసేక్ఖో ధమ్మో నేవసేక్ఖనాసేక్ఖస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – అరహా అసేక్ఖం ఫలం గరుం కత్వా పచ్చవేక్ఖతి. సహజాతాధిపతి – అసేక్ఖాధిపతి చిత్తసముట్ఠానానం రూపానం అధిపతిపచ్చయేన పచ్చయో. (౨)

అసేక్ఖో ధమ్మో అసేక్ఖస్స చ నేవసేక్ఖనాసేక్ఖస్స చ ధమ్మస్స అధిపతిపచ్చయేన పచ్చయో. సహజాతాధిపతి – అసేక్ఖాధిపతి సమ్పయుత్తకానం ఖన్ధానం చిత్తసముట్ఠానానఞ్చ రూపానం అధిపతిపచ్చయేన పచ్చయో. (౩)

౪౭. నేవసేక్ఖనాసేక్ఖో ధమ్మో నేవసేక్ఖనాసేక్ఖస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – దానం దత్వా సీలం సమాదియిత్వా ఉపోసథకమ్మం కత్వా తం గరుం కత్వా పచ్చవేక్ఖతి, పుబ్బే సుచిణ్ణాని గరుం కత్వా పచ్చవేక్ఖతి, ఝానా వుట్ఠహిత్వా ఝానం గరుం కత్వా పచ్చవేక్ఖతి, అరియా నిబ్బానం గరుం కత్వా పచ్చవేక్ఖన్తి, నిబ్బానం గోత్రభుస్స, వోదానస్స అధిపతిపచ్చయేన పచ్చయో. చక్ఖుం గరుం కత్వా అస్సాదేతి అభినన్దతి, తం గరుం కత్వా రాగో ఉప్పజ్జతి, దిట్ఠి ఉప్పజ్జతి. సోతం…పే… వత్థుం నేవసేక్ఖనాసేక్ఖే ఖన్ధే గరుం కత్వా అస్సాదేతి అభినన్దతి, తం గరుం కత్వా రాగో ఉప్పజ్జతి, దిట్ఠి ఉప్పజ్జతి. సహజాతాధిపతి – నేవసేక్ఖనాసేక్ఖాధిపతి సమ్పయుత్తకానం ఖన్ధానం చిత్తసముట్ఠానానఞ్చ రూపానం అధిపతిపచ్చయేన పచ్చయో. (౧)

నేవసేక్ఖనాసేక్ఖో ధమ్మో సేక్ఖస్స ధమ్మస్స అధిపతిపచ్చయేన పచ్చయో. ఆరమ్మణాధిపతి – నిబ్బానం మగ్గస్స, సేక్ఖస్స ఫలస్స అధిపతిపచ్చయేన పచ్చయో. (౨)

నేవసేక్ఖనాసేక్ఖో ధమ్మో అసేక్ఖస్స ధమ్మస్స అధిపతిపచ్చయేన పచ్చయో. ఆరమ్మణాధిపతి – నిబ్బానం అసేక్ఖస్స ఫలస్స అధిపతిపచ్చయేన పచ్చయో. (౩)

అనన్తరపచ్చయో

౪౮. సేక్ఖో ధమ్మో సేక్ఖస్స ధమ్మస్స అనన్తరపచ్చయేన పచ్చయో – పురిమా పురిమా సేక్ఖా ఖన్ధా పచ్ఛిమానం పచ్ఛిమానం సేక్ఖానం ఖన్ధానం అనన్తరపచ్చయేన పచ్చయో. మగ్గో సేక్ఖస్స ఫలస్స… సేక్ఖం ఫలం సేక్ఖస్స ఫలస్స అనన్తరపచ్చయేన పచ్చయో. (౧)

సేక్ఖో ధమ్మో అసేక్ఖస్స ధమ్మస్స అనన్తరపచ్చయేన పచ్చయో – మగ్గో అసేక్ఖస్స ఫలస్స అనన్తరపచ్చయేన పచ్చయో. (౨)

సేక్ఖో ధమ్మో నేవసేక్ఖనాసేక్ఖస్స ధమ్మస్స అనన్తరపచ్చయేన పచ్చయో – సేక్ఖం ఫలం వుట్ఠానస్స అనన్తరపచ్చయేన పచ్చయో. (౩)

౪౯. అసేక్ఖో ధమ్మో అసేక్ఖస్స ధమ్మస్స అనన్తరపచ్చయేన పచ్చయో – పురిమా పురిమా అసేక్ఖా ఖన్ధా పచ్ఛిమానం పచ్ఛిమానం అసేక్ఖానం ఖన్ధానం అనన్తరపచ్చయేన పచ్చయో. అసేక్ఖం ఫలం అసేక్ఖస్స ఫలస్స అనన్తరపచ్చయేన పచ్చయో. (౧)

అసేక్ఖో ధమ్మో నేవసేక్ఖనాసేక్ఖస్స ధమ్మస్స అనన్తరపచ్చయేన పచ్చయో – అసేక్ఖం ఫలం వుట్ఠానస్స అనన్తరపచ్చయేన పచ్చయో. (౨)

౫౦. నేవసేక్ఖనాసేక్ఖో ధమ్మో నేవసేక్ఖనాసేక్ఖస్స ధమ్మస్స అనన్తరపచ్చయేన పచ్చయో – పురిమా పురిమా నేవసేక్ఖనాసేక్ఖా ఖన్ధా పచ్ఛిమానం పచ్ఛిమానం నేవసేక్ఖనాసేక్ఖానం ఖన్ధానం…పే… అనులోమం గోత్రభుస్స… అనులోమం వోదానస్స… ఆవజ్జనా నేవసేక్ఖనాసేక్ఖానం ఖన్ధానం అనన్తరపచ్చయేన పచ్చయో. (౧)

నేవసేక్ఖనాసేక్ఖో ధమ్మో సేక్ఖస్స ధమ్మస్స అనన్తరపచ్చయేన పచ్చయో – గోత్రభు మగ్గస్స… వోదానం మగ్గస్స… అనులోమం సేక్ఖాయ ఫలసమాపత్తియా… నిరోధా వుట్ఠహన్తస్స నేవసఞ్ఞానాసఞ్ఞాయతనకుసలం సేక్ఖాయ ఫలసమాపత్తియా అనన్తరపచ్చయేన పచ్చయో. (౨)

నేవసేక్ఖనాసేక్ఖో ధమ్మో అసేక్ఖస్స ధమ్మస్స అనన్తరపచ్చయేన పచ్చయో – అనులోమం అసేక్ఖాయ ఫలసమాపత్తియా… నిరోధా వుట్ఠహన్తస్స నేవసఞ్ఞానాసఞ్ఞాయతనకిరియం అసేక్ఖాయ ఫలసమాపత్తియా అనన్తరపచ్చయేన పచ్చయో. (౩)

సమనన్తరపచ్చయో

౫౧. సేక్ఖో ధమ్మో సేక్ఖస్స ధమ్మస్స సమనన్తరపచ్చయేన పచ్చయో…పే… (అనన్తరసదిసం, అట్ఠ పఞ్హా).

సహజాతపచ్చయాది

౫౨. సేక్ఖో ధమ్మో సేక్ఖస్స ధమ్మస్స సహజాతపచ్చయేన పచ్చయో…పే… (పటిచ్చవారే సహజాతసదిసం, నవ పఞ్హా) అఞ్ఞమఞ్ఞపచ్చయేన పచ్చయో (పటిచ్చవారే అఞ్ఞమఞ్ఞసదిసం, తీణి. నిస్సయపచ్చయే కుసలత్తికే నిస్సయపచ్చయసదిసం, తేరస పఞ్హా).

ఉపనిస్సయపచ్చయో

౫౩. సేక్ఖో ధమ్మో సేక్ఖస్స ధమ్మస్స ఉపనిస్సయపచ్చయేన పచ్చయో – అనన్తరూపనిస్సయో, పకతూపనిస్సయో…పే…. పకతూపనిస్సయో – పఠమో మగ్గో దుతియస్స మగ్గస్స ఉపనిస్సయపచ్చయేన పచ్చయో. దుతియో మగ్గో తతియస్స మగ్గస్స ఉపనిస్సయపచ్చయేన పచ్చయో. తతియో మగ్గో చతుత్థస్స మగ్గస్స ఉపనిస్సయపచ్చయేన పచ్చయో. మగ్గో సేక్ఖాయ ఫలసమాపత్తియా ఉపనిస్సయపచ్చయేన పచ్చయో. (౧)

సేక్ఖో ధమ్మో అసేక్ఖస్స ధమ్మస్స ఉపనిస్సయపచ్చయేన పచ్చయో – అనన్తరూపనిస్సయో, పకతూపనిస్సయో…పే…. పకతూపనిస్సయో – మగ్గో అసేక్ఖాయ ఫలసమాపత్తియా ఉపనిస్సయపచ్చయేన పచ్చయో. (౨)

సేక్ఖో ధమ్మో నేవసేక్ఖనాసేక్ఖస్స ధమ్మస్స ఉపనిస్సయపచ్చయేన పచ్చయ – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – అరియా మగ్గం ఉపనిస్సాయ అనుప్పన్నం కుసలసమాపత్తిం ఉప్పాదేన్తి, ఉప్పన్నం సమాపజ్జన్తి, సఙ్ఖారే అనిచ్చతో…పే… విపస్సన్తి, మగ్గో అరియానం అత్థప్పటిసమ్భిదాయ…పే… పటిభానప్పటిసమ్భిదాయ… ఠానాఠానకోసల్లస్స ఉపనిస్సయపచ్చయేన పచ్చయో. సేక్ఖా ఫలసమాపత్తియా కాయికస్స సుఖస్స ఉపనిస్సయపచ్చయేన పచ్చయో. (౩)

౫౪. అసేక్ఖో ధమ్మో అసేక్ఖస్స ధమ్మస్స ఉపనిస్సయపచ్చయేన పచ్చయో. అనన్తరూపనిస్సయో – పురిమా పురిమా అసేక్ఖా ఖన్ధా పచ్ఛిమానం పచ్ఛిమానం అసేక్ఖానం ఖన్ధానం…పే… అసేక్ఖం ఫలం అసేక్ఖస్స ఫలస్స ఉపనిస్సయపచ్చయేన పచ్చయో. (౧)

అసేక్ఖో ధమ్మో నేవసేక్ఖనాసేక్ఖస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – అసేక్ఖా ఫలసమాపత్తి కాయికస్స సుఖస్స ఉపనిస్సయపచ్చయేన పచ్చయో. (౨)

౫౫. నేవసేక్ఖనాసేక్ఖో ధమ్మో నేవసేక్ఖనాసేక్ఖస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – నేవసేక్ఖనాసేక్ఖం సద్ధం ఉపనిస్సాయ దానం దేతి. సీలం…పే… ఉపోసథకమ్మం…పే… ఝానం…పే… విపస్సనం…పే… అభిఞ్ఞం…పే… సమాపత్తిం ఉప్పాదేతి, మానం జప్పేతి, దిట్ఠిం గణ్హాతి. నేవసేక్ఖనాసేక్ఖం సీలం…పే… పఞ్ఞం… రాగం…పే… పత్థనం… కాయికం సుఖం…పే… ఉతుం… భోజనం… సేనాసనం ఉపనిస్సాయ దానం దేతి, సీలం…పే… సమాపత్తిం ఉప్పాదేతి, పాణం హనతి…పే… సఙ్ఘం భిన్దతి. నేవసేక్ఖనాసేక్ఖా సద్ధా…పే… పఞ్ఞా, రాగో…పే… పత్థనా, కాయికం సుఖం…పే… సేనాసనం నేవసేక్ఖనాసేక్ఖాయ సద్ధాయ…పే… పఞ్ఞాయ, రాగస్స…పే… పత్థనాయ, కాయికస్స సుఖస్స, కాయికస్స దుక్ఖస్స ఉపనిస్సయపచ్చయేన పచ్చయో. పఠమస్స ఝానస్స పరికమ్మం పఠమస్స ఝానస్స ఉపనిస్సయపచ్చయేన పచ్చయో…పే… నేవసఞ్ఞానాసఞ్ఞాయతనస్స పరికమ్మం నేవసఞ్ఞానాసఞ్ఞాయతనస్స…పే… పఠమం ఝానం దుతియస్స ఝానస్స ఉపనిస్సయపచ్చయేన పచ్చయో…పే… ఆకిఞ్చఞ్ఞాయతనం నేవసఞ్ఞానాసఞ్ఞాయతనస్స ఉపనిస్సయపచ్చయేన పచ్చయో. (౧)

నేవసేక్ఖనాసేక్ఖో ధమ్మో సేక్ఖస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – పఠమస్స మగ్గస్స పరికమ్మం పఠమస్స మగ్గస్స ఉపనిస్సయపచ్చయేన పచ్చయో…పే… చతుత్థస్స మగ్గస్స పరికమ్మం చతుత్థస్స మగ్గస్స ఉపనిస్సయపచ్చయేన పచ్చయో. (౨)

నేవసేక్ఖనాసేక్ఖో ధమ్మో అసేక్ఖస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – కాయికం సుఖం… కాయికం దుక్ఖం… ఉతుం… భోజనం… సేనాసనం అసేక్ఖాయ ఫలసమాపత్తియా ఉపనిస్సయపచ్చయేన పచ్చయో. (౩)

పురేజాతపచ్చయో

౫౬. నేవసేక్ఖనాసేక్ఖో ధమ్మో నేవసేక్ఖనాసేక్ఖస్స ధమ్మస్స పురేజాతపచ్చయేన పచ్చయో – ఆరమ్మణపురేజాతం, వత్థుపురేజాతం. ఆరమ్మణపురేజాతం – చక్ఖుం అనిచ్చతో…పే… విపస్సతి, అస్సాదేతి అభినన్దతి; తం ఆరబ్భ రాగో ఉప్పజ్జతి…పే… దోమనస్సం ఉప్పజ్జతి. సోతం…పే… వత్థుం అనిచ్చతో దుక్ఖతో అనత్తతో విపస్సతి…పే… దోమనస్సం ఉప్పజ్జతి, దిబ్బేన చక్ఖునా రూపం పస్సతి, దిబ్బాయ సోతధాతుయా సద్దం సుణాతి, రూపాయతనం చక్ఖువిఞ్ఞాణస్స…పే… ఫోట్ఠబ్బాయతనం కాయవిఞ్ఞాణస్స పురేజాతపచ్చయేన పచ్చయో. వత్థుపురేజాతం – చక్ఖాయతనం చక్ఖువిఞ్ఞాణస్స…పే… కాయాయతనం కాయవిఞ్ఞాణస్స, వత్థు నేవసేక్ఖనాసేక్ఖానం ఖన్ధానం పురేజాతపచ్చయేన పచ్చయో. (౧)

నేవసేక్ఖనాసేక్ఖో ధమ్మో సేక్ఖస్స ధమ్మస్స పురేజాతపచ్చయేన పచ్చయో. వత్థుపురేజాతం – వత్థు సేక్ఖానం ఖన్ధానం పురేజాతపచ్చయేన పచ్చయో. (౨)

నేవసేక్ఖనాసేక్ఖో ధమ్మో అసేక్ఖస్స ధమ్మస్స పురేజాతపచ్చయేన పచ్చయో. వత్థుపురేజాతం – వత్థు అసేక్ఖానం ఖన్ధానం పురేజాతపచ్చయేన పచ్చయో. (౩)

పచ్ఛాజాతపచ్చయో

౫౭. సేక్ఖో ధమ్మో నేవసేక్ఖనాసేక్ఖస్స ధమ్మస్స పచ్ఛాజాతపచ్చయేన పచ్చయో – పచ్ఛాజాతా సేక్ఖా ఖన్ధా పురేజాతస్స ఇమస్స కాయస్స పచ్ఛాజాతపచ్చయేన పచ్చయో. (౧)

అసేక్ఖో ధమ్మో నేవసేక్ఖనాసేక్ఖస్స ధమ్మస్స పచ్ఛాజాతపచ్చయేన పచ్చయో – పచ్ఛాజాతా అసేక్ఖా ఖన్ధా పురేజాతస్స ఇమస్స కాయస్స పచ్ఛాజాతపచ్చయేన పచ్చయో. (౧)

నేవసేక్ఖనాసేక్ఖో ధమ్మో నేవసేక్ఖనాసేక్ఖస్స ధమ్మస్స పచ్ఛాజాతపచ్చయేన పచ్చయో – పచ్ఛాజాతా నేవసేక్ఖనాసేక్ఖా ఖన్ధా పురేజాతస్స ఇమస్స కాయస్స పచ్ఛాజాతపచ్చయేన పచ్చయో. (౧)

ఆసేవనపచ్చయో

౫౮. నేవసేక్ఖనాసేక్ఖో ధమ్మో నేవసేక్ఖనాసేక్ఖస్స ధమ్మస్స ఆసేవనపచ్చయేన పచ్చయో – పురిమా పురిమా నేవసేక్ఖనాసేక్ఖా ఖన్ధా పచ్ఛిమానం పచ్ఛిమానం నేవసేక్ఖనాసేక్ఖానం ఖన్ధానం ఆసేవనపచ్చయేన పచ్చయో. అనులోమం గోత్రభుస్స… అనులోమం వోదానస్స ఆసేవనపచ్చయేన పచ్చయో. (౧)

నేవసేక్ఖనాసేక్ఖో ధమ్మో సేక్ఖస్స ధమ్మస్స ఆసేవనపచ్చయేన పచ్చయో – గోత్రభు మగ్గస్స… వోదానం మగ్గస్స ఆసేవనపచ్చయేన పచ్చయో. (౨)

కమ్మపచ్చయో

౫౯. సేక్ఖో ధమ్మో సేక్ఖస్స ధమ్మస్స కమ్మపచ్చయేన పచ్చయో – సహజాతా, నానాక్ఖణికా. సహజాతా – సేక్ఖా చేతనా సమ్పయుత్తకానం ఖన్ధానం కమ్మపచ్చయేన పచ్చయో. నానాక్ఖణికా – సేక్ఖా చేతనా విపాకానం సేక్ఖానం ఖన్ధానం కమ్మపచ్చయేన పచ్చయో. (౧)

సేక్ఖో ధమ్మో అసేక్ఖస్స ధమ్మస్స కమ్మపచ్చయేన పచ్చయో. నానాక్ఖణికా – సేక్ఖా చేతనా అసేక్ఖానం ఖన్ధానం కమ్మపచ్చయేన పచ్చయో. (౨)

సేక్ఖో ధమ్మో నేవసేక్ఖనాసేక్ఖస్స ధమ్మస్స కమ్మపచ్చయేన పచ్చయో. సహజాతా – సేక్ఖా చేతనా చిత్తసముట్ఠానానం రూపానం కమ్మపచ్చయేన పచ్చయో. (౩)

సేక్ఖో ధమ్మో సేక్ఖస్స చ నేవసేక్ఖనాసేక్ఖస్స చ ధమ్మస్స కమ్మపచ్చయేన పచ్చయో – సేక్ఖా చేతనా సమ్పయుత్తకానం ఖన్ధానం చిత్తసముట్ఠానానఞ్చ రూపానం కమ్మపచ్చయేన పచ్చయో. (౪)

౬౦. అసేక్ఖో ధమ్మో అసేక్ఖస్స ధమ్మస్స కమ్మపచ్చయేన పచ్చయో – అసేక్ఖా చేతనా సమ్పయుత్తకానం ఖన్ధానం కమ్మపచ్చయేన పచ్చయో. (౧)

అసేక్ఖో ధమ్మో నేవసేక్ఖనాసేక్ఖస్స ధమ్మస్స కమ్మపచ్చయేన పచ్చయో – అసేక్ఖా చేతనా చిత్తసముట్ఠానానం రూపానం కమ్మపచ్చయేన పచ్చయో. (౨)

అసేక్ఖో ధమ్మో అసేక్ఖస్స చ నేవసేక్ఖనాసేక్ఖస్స చ ధమ్మస్స కమ్మపచ్చయేన పచ్చయో – అసేక్ఖా చేతనా సమ్పయుత్తకానం ఖన్ధానం చిత్తసముట్ఠానానఞ్చ రూపానం కమ్మపచ్చయేన పచ్చయో. (౩)

౬౧. నేవసేక్ఖనాసేక్ఖో ధమ్మో నేవసేక్ఖనాసేక్ఖస్స ధమ్మస్స కమ్మపచ్చయేన పచ్చయో – సహజాతా, నానాక్ఖణికా. సహజాతా – నేవసేక్ఖనాసేక్ఖా చేతనా సమ్పయుత్తకానం ఖన్ధానం చిత్తసముట్ఠానానఞ్చ రూపానం కమ్మపచ్చయేన పచ్చయో. పటిసన్ధిక్ఖణే…పే…. నానాక్ఖణికా – నేవసేక్ఖనాసేక్ఖా చేతనా విపాకానం నేవసేక్ఖనాసేక్ఖానం ఖన్ధానం కటత్తా చ రూపానం కమ్మపచ్చయేన పచ్చయో. (౧)

విపాకపచ్చయో

౬౨. సేక్ఖో ధమ్మో సేక్ఖస్స ధమ్మస్స విపాకపచ్చయేన పచ్చయో – విపాకో సేక్ఖో ఏకో ఖన్ధో తిణ్ణన్నం ఖన్ధానం…పే… (సేక్ఖమూలకే తీణి ).

అసేక్ఖో ధమ్మో అసేక్ఖస్స ధమ్మస్స విపాకపచ్చయేన పచ్చయో – అసేక్ఖో ఏకో ఖన్ధో తిణ్ణన్నం ఖన్ధానం…పే… (అసేక్ఖమూలకే తీణి).

నేవసేక్ఖనాసేక్ఖో ధమ్మో నేవసేక్ఖనాసేక్ఖస్స ధమ్మస్స విపాకపచ్చయేన పచ్చయో – విపాకో నేవసేక్ఖనాసేక్ఖో ఏకో ఖన్ధో తిణ్ణన్నం ఖన్ధానం…పే… పటిసన్ధిక్ఖణే…పే… ఖన్ధా వత్థుస్స విపాకపచ్చయేన పచ్చయో. (౧)

ఆహారపచ్చయాది

౬౩. సేక్ఖో ధమ్మో సేక్ఖస్స ధమ్మస్స ఆహారపచ్చయేన పచ్చయో… ఇన్ద్రియపచ్చయేన పచ్చయో… ఝానపచ్చయేన పచ్చయో… మగ్గపచ్చయేన పచ్చయో… సమ్పయుత్తపచ్చయేన పచ్చయో…పే….

విప్పయుత్తపచ్చయో

౬౪. సేక్ఖో ధమ్మో నేవసేక్ఖనాసేక్ఖస్స ధమ్మస్స విప్పయుత్తపచ్చయేన పచ్చయో – సహజాతం, పచ్ఛాజాతం. సహజాతా – సేక్ఖా ఖన్ధా చిత్తసముట్ఠానానం రూపానం విప్పయుత్తపచ్చయేన పచ్చయో. పచ్ఛాజాతా – సేక్ఖా ఖన్ధా పురేజాతస్స ఇమస్స కాయస్స విప్పయుత్తపచ్చయేన పచ్చయో (౧).

అసేక్ఖో ధమ్మో నేవసేక్ఖనాసేక్ఖస్స ధమ్మస్స విప్పయుత్తపచ్చయేన పచ్చయో – సహజాతం, పచ్ఛాజాతం (సేక్ఖసదిసం).

నేవసేక్ఖనాసేక్ఖో ధమ్మో నేవసేక్ఖనాసేక్ఖస్స ధమ్మస్స విప్పయుత్తపచ్చయేన పచ్చయో – సహజాతం, పురేజాతం, పచ్ఛాజాతం. సహజాతా – నేవసేక్ఖనాసేక్ఖా ఖన్ధా చిత్తసముట్ఠానానం రూపానం విప్పయుత్తపచ్చయేన పచ్చయో. పటిసన్ధిక్ఖణే నేవసేక్ఖనాసేక్ఖా ఖన్ధా కటత్తారూపానం విప్పయుత్తపచ్చయేన పచ్చయో. ఖన్ధా వత్థుస్స విప్పయుత్తపచ్చయేన పచ్చయో. వత్థు ఖన్ధానం విప్పయుత్తపచ్చయేన పచ్చయో. పురేజాతం – చక్ఖాయతనం చక్ఖువిఞ్ఞాణస్స…పే… కాయాయతనం కాయవిఞ్ఞాణస్స, వత్థు నేవసేక్ఖనాసేక్ఖానం ఖన్ధానం విప్పయుత్తపచ్చయేన పచ్చయో. పచ్ఛాజాతా – నేవసేక్ఖనాసేక్ఖా ఖన్ధా పురేజాతస్స ఇమస్స కాయస్స విప్పయుత్తపచ్చయేన పచ్చయో. (౧)

నేవసేక్ఖనాసేక్ఖో ధమ్మో సేక్ఖస్స ధమ్మస్స విప్పయుత్తపచ్చయేన పచ్చయో. పురేజాతం – వత్థు సేక్ఖానం ఖన్ధానం విప్పయుత్తపచ్చయేన పచ్చయో. (౨)

నేవసేక్ఖనాసేక్ఖో ధమ్మో అసేక్ఖస్స ధమ్మస్స విప్పయుత్తపచ్చయేన పచ్చయో. పురేజాతం – వత్థు అసేక్ఖానం ఖన్ధానం విప్పయుత్తపచ్చయేన పచ్చయో. (౩)

అత్థిపచ్చయో

౬౫. సేక్ఖో ధమ్మో సేక్ఖస్స ధమ్మస్స అత్థిపచ్చయేన పచ్చయో – సేక్ఖో ఏకో ఖన్ధో తిణ్ణన్నం ఖన్ధానం…పే…. (౧)

సేక్ఖో ధమ్మో నేవసేక్ఖనాసేక్ఖస్స ధమ్మస్స అత్థిపచ్చయేన పచ్చయో – సహజాతం, పచ్ఛాజాతం. సహజాతా – సేక్ఖా ఖన్ధా చిత్తసముట్ఠానానం రూపానం అత్థిపచ్చయేన పచ్చయో. పచ్ఛాజాతా – సేక్ఖా ఖన్ధా పురేజాతస్స ఇమస్స కాయస్స అత్థిపచ్చయేన పచ్చయో. (౨)

సేక్ఖో ధమ్మో సేక్ఖస్స చ నేవసేక్ఖనాసేక్ఖస్స చ ధమ్మస్స అత్థిపచ్చయేన పచ్చయో – సేక్ఖో ఏకో ఖన్ధో తిణ్ణన్నం ఖన్ధానం చిత్తసముట్ఠానానఞ్చ రూపానం అత్థిపచ్చయేన పచ్చయో…పే… ద్వే ఖన్ధా…పే…. (౩)

అసేక్ఖో ధమ్మో అసేక్ఖస్స ధమ్మస్స అత్థిపచ్చయేన పచ్చయో…పే… తీణి (సేక్ఖసదిసం).

౬౬. నేవసేక్ఖనాసేక్ఖో ధమ్మో నేవసేక్ఖనాసేక్ఖస్స ధమ్మస్స అత్థిపచ్చయేన పచ్చయో – సహజాతం, పురేజాతం, పచ్ఛాజాతం, ఆహారం, ఇన్ద్రియం. సహజాతో – నేవసేక్ఖనాసేక్ఖో ఏకో ఖన్ధో తిణ్ణన్నం ఖన్ధానం చిత్తసముట్ఠానానఞ్చ రూపానం అత్థిపచ్చయేన పచ్చయో…పే… ద్వే ఖన్ధా…పే… పటిసన్ధిక్ఖణే…పే… ఖన్ధా వత్థుస్స అత్థిపచ్చయేన పచ్చయో. వత్థు ఖన్ధానం అత్థిపచ్చయేన పచ్చయో, ఏకం మహాభూతం…పే… బాహిరం…పే… అసఞ్ఞసత్తానం…పే…. పురేజాతం – చక్ఖుం అనిచ్చతో దుక్ఖతో అనత్తతో విపస్సతి; అస్సాదేతి అభినన్దతి; తం ఆరబ్భ రాగో ఉప్పజ్జతి…పే… దోమనస్సం ఉప్పజ్జతి. సోతం…పే… వత్థుం అనిచ్చతో…పే… విపస్సతి, దిబ్బేన చక్ఖునా రూపం పస్సతి, దిబ్బాయ సోతధాతుయా సద్దం సుణాతి, రూపాయతనం చక్ఖువిఞ్ఞాణస్స…పే… ఫోట్ఠబ్బాయతనం కాయవిఞ్ఞాణస్స…పే… చక్ఖాయతనం చక్ఖువిఞ్ఞాణస్స…పే… కాయాయతనం కాయవిఞ్ఞాణస్స… వత్థు నేవసేక్ఖనాసేక్ఖానం ఖన్ధానం అత్థిపచ్చయేన పచ్చయో. పచ్ఛాజాతా – నేవసేక్ఖనాసేక్ఖా ఖన్ధా పురేజాతస్స ఇమస్స కాయస్స అత్థిపచ్చయేన పచ్చయో. కబళీకారో ఆహారో ఇమస్స కాయస్స అత్థిపచ్చయేన పచ్చయో. రూపజీవితిన్ద్రియం కటత్తారూపానం అత్థిపచ్చయేన పచ్చయో. (౧)

నేవసేక్ఖనాసేక్ఖో ధమ్మో సేక్ఖస్స ధమ్మస్స అత్థిపచ్చయేన పచ్చయో. పురేజాతం – వత్థు సేక్ఖానం ఖన్ధానం అత్థిపచ్చయేన పచ్చయో. (౨)

నేవసేక్ఖనాసేక్ఖో ధమ్మో అసేక్ఖస్స ధమ్మస్స అత్థిపచ్చయేన పచ్చయో. పురేజాతం – వత్థు అసేక్ఖానం ఖన్ధానం అత్థిపచ్చయేన పచ్చయో. (౩)

౬౭. సేక్ఖో చ నేవసేక్ఖనాసేక్ఖో చ ధమ్మా సేక్ఖస్స ధమ్మస్స అత్థిపచ్చయేన పచ్చయో – సహజాతం, పురేజాతం. సహజాతో – సేక్ఖో ఏకో ఖన్ధో చ వత్థు చ తిణ్ణన్నం ఖన్ధానం అత్థిపచ్చయేన పచ్చయో…పే… ద్వే ఖన్ధా…పే…. (౧)

సేక్ఖో చ నేవసేక్ఖనాసేక్ఖో చ ధమ్మా నేవసేక్ఖనాసేక్ఖస్స ధమ్మస్స అత్థిపచ్చయేన పచ్చయో – సహజాతం, పచ్ఛాజాతం, ఆహారం, ఇన్ద్రియం. సహజాతా – సేక్ఖా ఖన్ధా చ మహాభూతా చ చిత్తసముట్ఠానానం రూపానం అత్థిపచ్చయేన పచ్చయో. పచ్ఛాజాతా – సేక్ఖా ఖన్ధా చ కబళీకారో ఆహారో చ ఇమస్స కాయస్స అత్థిపచ్చయేన పచ్చయో. పచ్ఛాజాతా – సేక్ఖా ఖన్ధా చ రూపజీవితిన్ద్రియఞ్చ కటత్తారూపానం అత్థిపచ్చయేన పచ్చయో. (౨)

అసేక్ఖో చ నేవసేక్ఖనాసేక్ఖో చ ధమ్మా అసేక్ఖస్స ధమ్మస్స అత్థిపచ్చయేన పచ్చయో…పే… (ద్వే పఞ్హా కాతబ్బా, సేక్ఖసదిసా).