౧౧. సేక్ఖత్తికం

౧. పటిచ్చవారో

౧. పచ్చయానులోమం

౧. విభఙ్గవారో

హేతుపచ్చయో

౧. సేక్ఖం ధమ్మం పటిచ్చ సేక్ఖో ధమ్మో ఉప్పజ్జతి హేతుపచ్చయా – సేక్ఖం ఏకం ఖన్ధం పటిచ్చ తయో ఖన్ధా…పే… ద్వే ఖన్ధే…పే…. (౧)

సేక్ఖం ధమ్మం పటిచ్చ నేవసేక్ఖనాసేక్ఖో [నేవసేఖానాసేఖో (సీ.), నేవసేక్ఖానాసేక్ఖో (స్యా. క.)] ధమ్మో ఉప్పజ్జతి హేతుపచ్చయా – సేక్ఖే ఖన్ధే పటిచ్చ చిత్తసముట్ఠానం రూపం. (౨)

సేక్ఖం ధమ్మం పటిచ్చ సేక్ఖో చ నేవసేక్ఖనాసేక్ఖో చ ధమ్మా ఉప్పజ్జన్తి హేతుపచ్చయా – సేక్ఖం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే…. (౩)

౨. అసేక్ఖం ధమ్మం పటిచ్చ అసేక్ఖో ధమ్మో ఉప్పజ్జతి హేతుపచ్చయా – అసేక్ఖం ఏకం ఖన్ధం పటిచ్చ తయో ఖన్ధా…పే…. (౧)

అసేక్ఖం ధమ్మం పటిచ్చ నేవసేక్ఖనాసేక్ఖో ధమ్మో ఉప్పజ్జతి హేతుపచ్చయా – అసేక్ఖే ఖన్ధే పటిచ్చ చిత్తసముట్ఠానం రూపం. (౨)

అసేక్ఖం ధమ్మం పటిచ్చ అసేక్ఖో చ నేవసేక్ఖనాసేక్ఖో చ ధమ్మా…పే… అసేక్ఖం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే…. (౩)

౩. నేవసేక్ఖనాసేక్ఖం ధమ్మం పటిచ్చ నేవసేక్ఖనాసేక్ఖో ధమ్మో ఉప్పజ్జతి హేతుపచ్చయా – నేవసేక్ఖనాసేక్ఖం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే… పటిసన్ధిక్ఖణే …పే… ఖన్ధే పటిచ్చ వత్థు, వత్థుం పటిచ్చ ఖన్ధా, ఏకం మహాభూతం పటిచ్చ తయో మహాభూతా…పే… ద్వే మహాభూతే పటిచ్చ ద్వే మహాభూతా, మహాభూతే పటిచ్చ చిత్తసముట్ఠానం రూపం కటత్తారూపం ఉపాదారూపం. (౧)

సేక్ఖఞ్చ నేవసేక్ఖనాసేక్ఖఞ్చ ధమ్మం పటిచ్చ నేవసేక్ఖనాసేక్ఖో ధమ్మో ఉప్పజ్జతి హేతుపచ్చయా – సేక్ఖే ఖన్ధే చ మహాభూతే చ పటిచ్చ చిత్తసముట్ఠానం రూపం. (౧)

అసేక్ఖఞ్చ నేవసేక్ఖనాసేక్ఖఞ్చ ధమ్మం పటిచ్చ నేవసేక్ఖనాసేక్ఖో ధమ్మో ఉప్పజ్జతి హేతుపచ్చయా – అసేక్ఖే ఖన్ధే చ మహాభూతే చ పటిచ్చ చిత్తసముట్ఠానం రూపం. (౧)

ఆరమ్మణపచ్చయాది

౪. సేక్ఖం ధమ్మం పటిచ్చ సేక్ఖో ధమ్మో ఉప్పజ్జతి ఆరమ్మణపచ్చయా… అధిపతిపచ్చయా (పటిసన్ధి నత్థి)… అనన్తరపచ్చయా… సమనన్తరపచ్చయా… సహజాతపచ్చయా (సబ్బే మహాభూతా కాతబ్బా)… అఞ్ఞమఞ్ఞపచ్చయా… నిస్సయపచ్చయా… ఉపనిస్సయపచ్చయా… పురేజాతపచ్చయా… ఆసేవనపచ్చయా – సేక్ఖం ఏకం ఖన్ధం పటిచ్చ తయో ఖన్ధా…పే… ద్వే ఖన్ధే…పే….

నేవసేక్ఖనాసేక్ఖం ధమ్మం పటిచ్చ నేవసేక్ఖనాసేక్ఖో ధమ్మో ఉప్పజ్జతి ఆసేవనపచ్చయా – నేవసేక్ఖనాసేక్ఖం ఏకం ఖన్ధం పటిచ్చ తయో ఖన్ధా…పే… ద్వే ఖన్ధే …పే… కమ్మపచ్చయా, విపాకపచ్చయా – విపాకం సేక్ఖం ఏకం ఖన్ధం పటిచ్చ తయో ఖన్ధా…పే… ద్వే ఖన్ధే…పే… (తీణి, పరిపుణ్ణం).

అసేక్ఖం ధమ్మం పటిచ్చ అసేక్ఖో ధమ్మో ఉప్పజ్జతి విపాకపచ్చయా – అసేక్ఖం ఏకం ఖన్ధం పటిచ్చ… తీణి.

నేవసేక్ఖనాసేక్ఖం ధమ్మం పటిచ్చ నేవసేక్ఖనాసేక్ఖో ధమ్మో ఉప్పజ్జతి విపాకపచ్చయా – విపాకం నేవసేక్ఖనాసేక్ఖం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే… పటిసన్ధిక్ఖణే…పే… ఖన్ధే పటిచ్చ వత్థు, వత్థుం పటిచ్చ ఖన్ధా, ఏకం మహాభూతం…పే…. (౧)

సేక్ఖఞ్చ నేవసేక్ఖనాసేక్ఖఞ్చ ధమ్మం పటిచ్చ నేవసేక్ఖనాసేక్ఖో ధమ్మో ఉప్పజ్జతి విపాకపచ్చయా – విపాకే సేక్ఖే ఖన్ధే చ మహాభూతే చ పటిచ్చ చిత్తసముట్ఠానం రూపం. (౧)

అసేక్ఖఞ్చ నేవసేక్ఖనాసేక్ఖఞ్చ ధమ్మం పటిచ్చ నేవసేక్ఖనాసేక్ఖో ధమ్మో ఉప్పజ్జతి విపాకపచ్చయా – అసేక్ఖే ఖన్ధే చ మహాభూతే చ పటిచ్చ చిత్తసముట్ఠానం రూపం. (౧)

ఆహారపచ్చయాది

౫. సేక్ఖం ధమ్మం పటిచ్చ సేక్ఖో ధమ్మో ఉప్పజ్జతి ఆహారపచ్చయా… ఇన్ద్రియపచ్చయా… ఝానపచ్చయా… మగ్గపచ్చయ… సమ్పయుత్తపచ్చయా… విప్పయుత్తపచ్చయా… అత్థిపచ్చయా… నత్థిపచ్చయా… విగతపచ్చయా… అవిగతపచ్చయా.

౧. పచ్చయానులోమం

౨. సఙ్ఖ్యావారో

సుద్ధం

౬. హేతుయా నవ, ఆరమ్మణే తీణి, అధిపతియా నవ, అనన్తరే తీణి, సమనన్తరే తీణి, సహజాతే నవ, అఞ్ఞమఞ్ఞే తీణి, నిస్సయే నవ, ఉపనిస్సయే తీణి, పురేజాతే తీణి, ఆసేవనే ద్వే, కమ్మే నవ, విపాకే ఆహారే ఇన్ద్రియే ఝానే మగ్గే నవ, సమ్పయుత్తే తీణి, విప్పయుత్తే నవ, అత్థియా నవ, నత్థియా తీణి, విగతే తీణి, అవిగతే నవ (ఏవం గణేతబ్బం).

అనులోమం.

౨. పచ్చయపచ్చనీయం

౧. విభఙ్గవారో

నహేతుపచ్చయో

౭. నేవసేక్ఖనాసేక్ఖం ధమ్మం పటిచ్చ నేవసేక్ఖనాసేక్ఖో ధమ్మో ఉప్పజ్జతి నహేతుపచ్చయా – అహేతుకం నేవసేక్ఖనాసేక్ఖం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే… అహేతుకపటిసన్ధిక్ఖణే…పే… ఖన్ధే పటిచ్చ వత్థు, వత్థుం పటిచ్చ ఖన్ధా, ఏకం మహాభూతం…పే… బాహిరం… ఆహారసముట్ఠానం… ఉతుసముట్ఠానం… అసఞ్ఞసత్తానం ఏకం మహాభూతం…పే… విచికిచ్ఛాసహగతే ఉద్ధచ్చసహగతే ఖన్ధే పటిచ్చ విచికిచ్ఛాసహగతో ఉద్ధచ్చసహగతో మోహో. (౧)

నఆరమ్మణపచ్చయో

౮. సేక్ఖం ధమ్మం పటిచ్చ నేవసేక్ఖనాసేక్ఖో ధమ్మో ఉప్పజ్జతి నఆరమ్మణపచ్చయా – సేక్ఖే ఖన్ధే పటిచ్చ చిత్తసముట్ఠానం రూపం. (౧)

అసేక్ఖం ధమ్మం పటిచ్చ నేవసేక్ఖనాసేక్ఖో ధమ్మో ఉప్పజ్జతి నఆరమ్మణపచ్చయా – అసేక్ఖే ఖన్ధే పటిచ్చ చిత్తసముట్ఠానం రూపం. (౧)

నేవసేక్ఖనాసేక్ఖం ధమ్మం పటిచ్చ నేవసేక్ఖనాసేక్ఖో ధమ్మో ఉప్పజ్జతి నఆరమ్మణపచ్చయా – నేవసేక్ఖనాసేక్ఖే ఖన్ధే పటిచ్చ చిత్తసముట్ఠానం రూపం…పే… పటిసన్ధిక్ఖణే…పే… ఖన్ధే పటిచ్చ వత్థు…పే… ఏకం మహాభూతం…పే… అసఞ్ఞసత్తానం…పే…. (౧)

సేక్ఖఞ్చ నేవసేక్ఖనాసేక్ఖఞ్చ ధమ్మం పటిచ్చ నేవసేక్ఖనాసేక్ఖో ధమ్మో ఉప్పజ్జతి నఆరమ్మణపచ్చయా – సేక్ఖే ఖన్ధే చ మహాభూతే చ పటిచ్చ చిత్తసముట్ఠానం రూపం. (౧)

అసేక్ఖఞ్చ నేవసేక్ఖనాసేక్ఖఞ్చ ధమ్మం పటిచ్చ నేవసేక్ఖనాసేక్ఖో ధమ్మో ఉప్పజ్జతి నఆరమ్మణపచ్చయా – అసేక్ఖే ఖన్ధే చ మహాభూతే చ పటిచ్చ చిత్తసముట్ఠానం రూపం. (౧)

నఅధిపతిపచ్చయాది

౯. సేక్ఖం ధమ్మం పటిచ్చ సేక్ఖో ధమ్మో ఉప్పజ్జతి నఅధిపతిపచ్చయా – సేక్ఖే ఖన్ధే పటిచ్చ సేక్ఖో అధిపతి. (౧)

అసేక్ఖం ధమ్మం పటిచ్చ అసేక్ఖో ధమ్మో ఉప్పజ్జతి నఅధిపతిపచ్చయా – అసేక్ఖే ఖన్ధే పటిచ్చ అసేక్ఖో అధిపతి. (౧)

నేవసేక్ఖనాసేక్ఖం ధమ్మం పటిచ్చ నేవసేక్ఖనాసేక్ఖో ధమ్మో ఉప్పజ్జతి నఅధిపతిపచ్చయా… (పరిపుణ్ణం, పటిసన్ధిపి మహాభూతాపి సబ్బే) నఅనన్తరపచ్చయా… నసమనన్తరపచ్చయా… నఅఞ్ఞమఞ్ఞపచ్చయా… నఉపనిస్సయపచ్చయా… నపురేజాతపచ్చయా… సత్త (కుసలత్తికసదిసా)… నపచ్ఛాజాతపచ్చయా…పే… నఆసేవనపచ్చయా. విపాకం సేక్ఖం ఏకం ఖన్ధం పటిచ్చ తయో ఖన్ధా…పే… ద్వే ఖన్ధే…పే…. (౧)

౧౦. సేక్ఖం ధమ్మం పటిచ్చ నేవసేక్ఖనాసేక్ఖో ధమ్మో ఉప్పజ్జతి నఆసేవనపచ్చయా – సేక్ఖే ఖన్ధే పటిచ్చ చిత్తసముట్ఠానం రూపం. (౨)

సేక్ఖం ధమ్మం పటిచ్చ సేక్ఖో చ నేవసేక్ఖనాసేక్ఖో చ ధమ్మా ఉప్పజ్జన్తి నఆసేవనపచ్చయా – విపాకం సేక్ఖం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే…. (౩)

అసేక్ఖం ధమ్మం పటిచ్చ అసేక్ఖో ధమ్మో… తీణి.

నేవసేక్ఖనాసేక్ఖం ధమ్మం పటిచ్చ నేవసేక్ఖనాసేక్ఖో ధమ్మో ఉప్పజ్జతి నఆసేవనపచ్చయా… నేవసేక్ఖనాసేక్ఖం (ఏకం, పరిపుణ్ణం, సేక్ఖఞ్చ, నేవసేక్ఖనాసేక్ఖఞ్చ, ఘటనా పరిపుణ్ణా, ద్వేపి కాతబ్బా. నవ) నకమ్మపచ్చయా – సేక్ఖే ఖన్ధే పటిచ్చ సేక్ఖా చేతనా.

నేవసేక్ఖనాసేక్ఖం ధమ్మం పటిచ్చ నేవసేక్ఖనాసేక్ఖో ధమ్మో ఉప్పజ్జతి నకమ్మపచ్చయా – నేవసేక్ఖనాసేక్ఖే ఖన్ధే పటిచ్చ నేవసేక్ఖనాసేక్ఖా చేతనా; బాహిరం… ఆహారసముట్ఠానం… ఉతుసముట్ఠానం… ఏకం మహాభూతం…పే….

నవిపాకపచ్చయో

౧౧. సేక్ఖం ధమ్మం పటిచ్చ సేక్ఖో ధమ్మో ఉప్పజ్జతి నవిపాకపచ్చయా – సేక్ఖం ఏకం ఖన్ధం పటిచ్చ తయో ఖన్ధా…పే…. (౧)

సేక్ఖం ధమ్మం పటిచ్చ నేవసేక్ఖనాసేక్ఖో ధమ్మో ఉప్పజ్జతి నవిపాకపచ్చయా – సేక్ఖే ఖన్ధే పటిచ్చ చిత్తసముట్ఠానం రూపం.(౨)

సేక్ఖం ధమ్మం పటిచ్చ సేక్ఖో చ నేవసేక్ఖనాసేక్ఖో చ ధమ్మా ఉప్పజ్జన్తి నవిపాకపచ్చయా – సేక్ఖం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే…. (౩)

౧౨. నేవసేక్ఖనాసేక్ఖం ధమ్మం పటిచ్చ నేవసేక్ఖనాసేక్ఖో ధమ్మో ఉప్పజ్జతి నవిపాకపచ్చయా (పరిపుణ్ణం, పటిసన్ధి నత్థి ).

సేక్ఖఞ్చ నేవసేక్ఖనాసేక్ఖఞ్చ ధమ్మం పటిచ్చ నేవసేక్ఖనాసేక్ఖో ధమ్మో ఉప్పజ్జతి నవిపాకపచ్చయా – సేక్ఖే ఖన్ధే చ మహాభూతే చ పటిచ్చ చిత్తసముట్ఠానం రూపం. (౧)

నఆహారపచ్చయాది

౧౩. నేవసేక్ఖనాసేక్ఖం ధమ్మం పటిచ్చ నేవసేక్ఖనాసేక్ఖో ధమ్మో ఉప్పజ్జతి నఆహారపచ్చయా… నఇన్ద్రియపచ్చయా… నఝానపచ్చయా… నమగ్గపచ్చయా.

నసమ్పయుత్తపచ్చయో

౧౪. సేక్ఖం ధమ్మం పటిచ్చ నేవసేక్ఖనాసేక్ఖో ధమ్మో ఉప్పజ్జతి నసమ్పయుత్తపచ్చయా…పే… (నఆరమ్మణపచ్చయసదిసం).

నవిప్పయుత్తపచ్చయాది

సేక్ఖం ధమ్మం పటిచ్చ సేక్ఖో ధమ్మో ఉప్పజ్జతి నవిప్పయుత్తపచ్చయా. అరూపే సేక్ఖం ఏకం ఖన్ధం పటిచ్చ తయో ఖన్ధా…పే…. (౧)

అసేక్ఖం ధమ్మం పటిచ్చ అసేక్ఖో ధమ్మో ఉప్పజ్జతి నవిప్పయుత్తపచ్చయా – అరూపే అసేక్ఖం ఏకం ఖన్ధం పటిచ్చ తయో ఖన్ధా…పే…. (౧)

నేవసేక్ఖనాసేక్ఖం ధమ్మం పటిచ్చ నేవసేక్ఖనాసేక్ఖో ధమ్మో ఉప్పజ్జతి నవిప్పయుత్తపచ్చయా – అరూపే నేవసేక్ఖనాసేక్ఖం ఏకం ఖన్ధం పటిచ్చ తయో ఖన్ధా…పే… బాహిరం… ఆహారసముట్ఠానం… ఉతుసముట్ఠానం… అసఞ్ఞసత్తానం…పే… నోనత్థిపచ్చయా… నోవిగతపచ్చయా.

౨. పచ్చయపచ్చనీయం

౨. సఙ్ఖ్యావారో

సుద్ధం

౧౫. నహేతుయా ఏకం, నఆరమ్మణే పఞ్చ, నఅధిపతియా తీణి, నఅనన్తరే నసమనన్తరే నఅఞ్ఞమఞ్ఞే నఉపనిస్సయే పఞ్చ, నపురేజాతే సత్త, నపచ్ఛాజాతే నవ, నఆసేవనే నవ, నకమ్మే ద్వే, నవిపాకే పఞ్చ, నఆహారే ఏకం, నఇన్ద్రియే ఏకం, నఝానే ఏకం, నమగ్గే ఏకం, నసమ్పయుత్తే పఞ్చ, నవిప్పయుత్తే తీణి, నోనత్థియా పఞ్చ, నోవిగతే పఞ్చ (ఏవం గణేతబ్బం).

పచ్చనీయం.

౩. పచ్చయానులోమపచ్చనీయం

హేతుదుకం

౧౬. హేతుపచ్చయా నఆరమ్మణే పఞ్చ, నఅధిపతియా తీణి, నఅనన్తరే నసమనన్తరే నఅఞ్ఞమఞ్ఞే నఉపనిస్సయే పఞ్చ, నపురేజాతే సత్త, నపచ్ఛాజాతే నఆసేవనే నవ, నకమ్మే ద్వే, నవిపాకే పఞ్చ, నసమ్పయుత్తే పఞ్చ, నవిప్పయుత్తే తీణి, నోనత్థియా పఞ్చ, నోవిగతే పఞ్చ (ఏవం గణేతబ్బం).

అనులోమపచ్చనీయం.

౪. పచ్చయపచ్చనీయానులోమం

నహేతుదుకం

౧౭. నహేతుపచ్చయా ఆరమ్మణే ఏకం, అనన్తరే సమనన్తరే సహజాతే అఞ్ఞమఞ్ఞే నిస్సయే ఉపనిస్సయే పురేజాతే ఆసేవనే కమ్మే విపాకే ఆహారే ఇన్ద్రియే ఝానే మగ్గే సమ్పయుత్తే విప్పయుత్తే అత్థియా నత్థియా విగతే అవిగతే ఏకం (ఏవం గణేతబ్బం).

పచ్చనీయానులోమం.

పటిచ్చవారో.

౨. సహజాతవారో

(సహజాతవారో పటిచ్చవారసదిసో.)

౩. పచ్చయవారో

౧. పచ్చయానులోమం

౧. విభఙ్గవారో

హేతుపచ్చయో

౧౮. సేక్ఖం ధమ్మం పచ్చయా సేక్ఖో ధమ్మో ఉప్పజ్జతి హేతుపచ్చయా… తీణి (పటిచ్చవారసదిసం).

అసేక్ఖం ధమ్మం పచ్చయా అసేక్ఖో ధమ్మో ఉప్పజ్జతి హేతుపచ్చయా… తీణి (పటిచ్చవారసదిసం).

౧౯. నేవసేక్ఖనాసేక్ఖం ధమ్మం పచ్చయా నేవసేక్ఖనాసేక్ఖో ధమ్మో ఉప్పజ్జతి హేతుపచ్చయా (పరిపుణ్ణం), మహాభూతే పచ్చయా చిత్తసముట్ఠానం రూపం కటత్తారూపం ఉపాదారూపం, వత్థుం పచ్చయా నేవసేక్ఖనాసేక్ఖా ఖన్ధా. (౧)

నేవసేక్ఖనాసేక్ఖం ధమ్మం పచ్చయా సేక్ఖో ధమ్మో ఉప్పజ్జతి హేతుపచ్చయా – వత్థుం పచ్చయా సేక్ఖా ఖన్ధా. (౨)

నేవసేక్ఖనాసేక్ఖం ధమ్మం పచ్చయా అసేక్ఖో ధమ్మో ఉప్పజ్జతి హేతుపచ్చయా – వత్థుం పచ్చయా అసేక్ఖా ఖన్ధా. (౩)

నేవసేక్ఖనాసేక్ఖం ధమ్మం పచ్చయా సేక్ఖో చ నేవసేక్ఖనాసేక్ఖో చ ధమ్మా ఉప్పజ్జన్తి హేతుపచ్చయా – వత్థుం పచ్చయా సేక్ఖా ఖన్ధా, మహాభూతే పచ్చయా చిత్తసముట్ఠానం రూపం. (౪)

నేవసేక్ఖనాసేక్ఖం ధమ్మం పచ్చయా అసేక్ఖో చ నేవసేక్ఖనాసేక్ఖో చ ధమ్మా ఉప్పజ్జన్తి హేతుపచ్చయా – వత్థుం పచ్చయా అసేక్ఖా ఖన్ధా, మహాభూతే పచ్చయా చిత్తసముట్ఠానం రూపం. (౫)

౨౦. సేక్ఖఞ్చ నేవసేక్ఖనాసేక్ఖఞ్చ ధమ్మం పచ్చయా సేక్ఖో ధమ్మో ఉప్పజ్జతి హేతుపచ్చయా – సేక్ఖం ఏకం ఖన్ధఞ్చ వత్థుఞ్చ పచ్చయా తయో ఖన్ధా…పే… ద్వే ఖన్ధా. (౧)

సేక్ఖఞ్చ నేవసేక్ఖనాసేక్ఖఞ్చ ధమ్మం పచ్చయా నేవసేక్ఖనాసేక్ఖో ధమ్మో ఉప్పజ్జతి హేతుపచ్చయా – సేక్ఖే ఖన్ధే చ మహాభూతే చ పచ్చయా చిత్తసముట్ఠానం రూపం. (౨)

సేక్ఖఞ్చ నేవసేక్ఖనాసేక్ఖఞ్చ ధమ్మం పచ్చయా సేక్ఖో చ నేవసేక్ఖనాసేక్ఖో చ ధమ్మా ఉప్పజ్జన్తి హేతుపచ్చయా – సేక్ఖం ఏకం ఖన్ధఞ్చ వత్థుఞ్చ పచ్చయా తయో ఖన్ధా…పే… ద్వే ఖన్ధా. సేక్ఖే ఖన్ధే చ మహాభూతే చ పచ్చయా చిత్తసముట్ఠానం రూపం. (౩)

అసేక్ఖఞ్చ నేవసేక్ఖనాసేక్ఖఞ్చ ధమ్మం పచ్చయా… తీణి (సేక్ఖసదిసా).

ఆరమ్మణపచ్చయో

౨౧. సేక్ఖం ధమ్మం పచ్చయా సేక్ఖో ధమ్మో ఉప్పజ్జతి ఆరమ్మణపచ్చయా… ఏకం.

అసేక్ఖం ధమ్మం పచ్చయా అసేక్ఖో ధమ్మో… ఏకం.

నేవసేక్ఖనాసేక్ఖం ధమ్మం పచ్చయా నేవసేక్ఖనాసేక్ఖో ధమ్మో ఉప్పజ్జతి ఆరమ్మణపచ్చయా… ఏకం, వత్థుం పచ్చయా నేవసేక్ఖనాసేక్ఖా ఖన్ధా, చక్ఖాయతనం పచ్చయా చక్ఖువిఞ్ఞాణం…పే… కాయాయతనం పచ్చయా కాయవిఞ్ఞాణం, వత్థుం పచ్చయా నేవసేక్ఖనాసేక్ఖా ఖన్ధా. (౧)

నేవసేక్ఖనాసేక్ఖం ధమ్మం పచ్చయా సేక్ఖో ధమ్మో ఉప్పజ్జతి ఆరమ్మణపచ్చయా – వత్థుం పచ్చయా సేక్ఖా ఖన్ధా. (౨)

నేవసేక్ఖనాసేక్ఖం ధమ్మం పచ్చయా అసేక్ఖో ధమ్మో ఉప్పజ్జతి ఆరమ్మణపచ్చయా – వత్థుం పచ్చయా అసేక్ఖా ఖన్ధా. (౩)

సేక్ఖఞ్చ నేవసేక్ఖనాసేక్ఖఞ్చ ధమ్మం పచ్చయా సేక్ఖో ధమ్మో ఉప్పజ్జతి ఆరమ్మణపచ్చయా – సేక్ఖం ఏకం ఖన్ధఞ్చ వత్థుఞ్చ పచ్చయా తయో ఖన్ధా…పే… ద్వే ఖన్ధా. (౧)

అసేక్ఖఞ్చ నేవసేక్ఖనాసేక్ఖఞ్చ ధమ్మం పచ్చయా అసేక్ఖో ధమ్మో ఉప్పజ్జతి ఆరమ్మణపచ్చయా – అసేక్ఖం ఏకం ఖన్ధఞ్చ వత్థుఞ్చ పచ్చయా తయో ఖన్ధా…పే… ద్వే ఖన్ధా. (౧)

అధిపతిపచ్చయాది

౨౨. సేక్ఖం ధమ్మం పచ్చయా సేక్ఖో ధమ్మో ఉప్పజ్జతి అధిపతిపచ్చయా… అనన్తరపచ్చయా… సమనన్తరపచ్చయా… సహజాతపచ్చయా… అఞ్ఞమఞ్ఞపచ్చయ… నిస్సయపచ్చయా … ఉపనిస్సయపచ్చయా… పురేజాతపచ్చయా… ఆసేవనపచ్చయా – సేక్ఖం ఏకం ఖన్ధం పచ్చయా తయో ఖన్ధా…పే…

నేవసేక్ఖనాసేక్ఖం ధమ్మం పచ్చయా నేవసేక్ఖనాసేక్ఖో ధమ్మో ఉప్పజ్జతి ఆసేవనపచ్చయా – నేవసేక్ఖనాసేక్ఖం ఏకం ఖన్ధం పచ్చయా…పే… వత్థుం పచ్చయా నేవసేక్ఖనాసేక్ఖా ఖన్ధా. (౧)

నేవసేక్ఖనాసేక్ఖం ధమ్మం పచ్చయా సేక్ఖో ధమ్మో ఉప్పజ్జతి ఆసేవనపచ్చయా – వత్థుం పచ్చయా సేక్ఖా ఖన్ధా. (౨)

సేక్ఖఞ్చ నేవసేక్ఖనాసేక్ఖఞ్చ ధమ్మం పచ్చయా సేక్ఖో ధమ్మో ఉప్పజ్జతి ఆసేవనపచ్చయా – సేక్ఖం ఏకం ఖన్ధఞ్చ వత్థుఞ్చ పచ్చయా తయో ఖన్ధా…పే… ద్వే ఖన్ధా. (౧)

కమ్మపచ్చయాది

౨౩. సేక్ఖం ధమ్మం పచ్చయా సేక్ఖో ధమ్మో ఉప్పజ్జతి కమ్మపచ్చయా… విపాకపచ్చయా – విపాకం సేక్ఖం ఏకం ఖన్ధం…పే… ఆహారపచ్చయా… ఇన్ద్రియపచ్చయా… ఝానపచ్చయా… మగ్గపచ్చయా… సమ్పయుత్తపచ్చయా… విప్పయుత్తపచ్చయా… అత్థిపచ్చయా… నత్థిపచ్చయా… విగతపచ్చయా… అవిగతపచ్చయా.

౧. పచ్చయానులోమం

౨. సఙ్ఖ్యావారో

సుద్ధం

౨౪. హేతుయా సత్తరస, ఆరమ్మణే సత్త, అధిపతియా సత్తరస, అనన్తరే సత్త, సమనన్తరే సత్త, సహజాతే సత్తరస, అఞ్ఞమఞ్ఞే సత్త, నిస్సయే సత్తరస, ఉపనిస్సయే సత్త, పురేజాతే సత్త, ఆసేవనే చత్తారి, కమ్మే సత్తరస, విపాకే సత్తరస, ఆహారే సత్తరస, ఇన్ద్రియే ఝానే మగ్గే సత్తరస, సమ్పయుత్తే సత్త, విప్పయుత్తే సత్తరస, అత్థియా సత్తరస, నత్థియా సత్త, విగతే సత్త, అవిగతే సత్తరస (ఏవం గణేతబ్బం).

అనులోమం.

౨. పచ్చయపచ్చనీయం

౧. విభఙ్గవారో

నహేతుపచ్చయో

౨౫. నేవసేక్ఖనాసేక్ఖం ధమ్మం పచ్చయా నేవసేక్ఖనాసేక్ఖో ధమ్మో ఉప్పజ్జతి నహేతుపచ్చయా – అహేతుకం నేవసేక్ఖనాసేక్ఖం ఏకం ఖన్ధం పచ్చయా తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధా. అహేతుకపటిసన్ధిక్ఖణే…పే… ఖన్ధే పచ్చయా వత్థు, వత్థుం పచ్చయా ఖన్ధా, ఏకం మహాభూతం పచ్చయా…పే… బాహిరం… ఆహారసముట్ఠానం… ఉతుసముట్ఠానం… అసఞ్ఞసత్తానం…పే… చక్ఖాయతనం పచ్చయా చక్ఖువిఞ్ఞాణం…పే… కాయాయతనం పచ్చయా కాయవిఞ్ఞాణం, వత్థుం పచ్చయా అహేతుకా నేవసేక్ఖనాసేక్ఖా ఖన్ధా, విచికిచ్ఛాసహగతే ఉద్ధచ్చసహగతే ఖన్ధే చ వత్థుఞ్చ పచ్చయా విచికిచ్ఛాసహగతో ఉద్ధచ్చసహగతో మోహో. (౧)

నఆరమ్మణపచ్చయాది

౨౬. సేక్ఖం ధమ్మం పచ్చయా నేవసేక్ఖనాసేక్ఖో ధమ్మో ఉప్పజ్జతి నఆరమ్మణపచ్చయా…పే…. (౧)

సేక్ఖం ధమ్మం పచ్చయా సేక్ఖో ధమ్మో ఉప్పజ్జతి నఅధిపతిపచ్చయా – సేక్ఖే ఖన్ధే పచ్చయా సేక్ఖో అధిపతి. (౧)

అసేక్ఖం ధమ్మం పచ్చయా అసేక్ఖో ధమ్మో ఉప్పజ్జతి నఅధిపతిపచ్చయా – అసేక్ఖే ఖన్ధే పచ్చయా అసేక్ఖో అధిపతి. (౧)

నేవసేక్ఖనాసేక్ఖం ధమ్మం పచ్చయా నేవసేక్ఖనాసేక్ఖో ధమ్మో ఉప్పజ్జతి నఅధిపతిపచ్చయా (పరిపుణ్ణం) అసఞ్ఞసత్తానం…పే… చక్ఖాయతనం…పే… వత్థుం పచ్చయా నేవసేక్ఖనాసేక్ఖా ఖన్ధా. (౧)

నేవసేక్ఖనాసేక్ఖం ధమ్మం పచ్చయా సేక్ఖో ధమ్మో ఉప్పజ్జతి నఅధిపతిపచ్చయా – వత్థుం పచ్చయా సేక్ఖో అధిపతి. (౨)

నేవసేక్ఖనాసేక్ఖం ధమ్మం పచ్చయా అసేక్ఖో ధమ్మో ఉప్పజ్జతి నఅధిపతిపచ్చయా – వత్థుం పచ్చయా అసేక్ఖో అధిపతి. (౩)

సేక్ఖఞ్చ నేవసేక్ఖనాసేక్ఖఞ్చ ధమ్మం పచ్చయా సేక్ఖో ధమ్మో ఉప్పజ్జతి నఅధిపతిపచ్చయా – సేక్ఖే ఖన్ధే చ వత్థుఞ్చ పచ్చయా సేక్ఖో అధిపతి. (౧)

అసేక్ఖఞ్చ నేవసేక్ఖనాసేక్ఖఞ్చ ధమ్మం పచ్చయా అసేక్ఖో ధమ్మో ఉప్పజ్జతి నఅధిపతిపచ్చయా – అసేక్ఖే ఖన్ధే చ వత్థుఞ్చ పచ్చయా అసేక్ఖో అధిపతి. (౧)

నఅనన్తరపచ్చయాది

౨౭. సేక్ఖం ధమ్మం పచ్చయా నేవసేక్ఖనాసేక్ఖో ధమ్మో ఉప్పజ్జతి నఅనన్తరపచ్చయా… నసమనన్తరపచ్చయా… నఅఞ్ఞమఞ్ఞపచ్చయా… నఉపనిస్సయపచ్చయా… నపురేజాతపచ్చయా… నపచ్ఛాజాతపచ్చయా (సత్త)… నఆసేవనపచ్చయా… నకమ్మపచ్చయా – సేక్ఖే ఖన్ధే పచ్చయా సేక్ఖా చేతనా.

నేవసేక్ఖనాసేక్ఖం ధమ్మం పచ్చయా నేవసేక్ఖనాసేక్ఖో ధమ్మో ఉప్పజ్జతి నకమ్మపచ్చయా – నేవసేక్ఖనాసేక్ఖే ఖన్ధే పచ్చయా నేవసేక్ఖనాసేక్ఖా చేతనా. బాహిరం… ఆహారసముట్ఠానం… ఉతుసముట్ఠానం…పే… వత్థుం పచ్చయా నేవసేక్ఖనాసేక్ఖా చేతనా. (౧)

నేవసేక్ఖనాసేక్ఖం ధమ్మం పచ్చయా సేక్ఖో ధమ్మో ఉప్పజ్జతి నకమ్మపచ్చయా – వత్థుం పచ్చయా సేక్ఖా చేతనా. (౨)

సేక్ఖఞ్చ నేవసేక్ఖనాసేక్ఖఞ్చ ధమ్మం పచ్చయా సేక్ఖో ధమ్మో ఉప్పజ్జతి నకమ్మపచ్చయా – సేక్ఖే ఖన్ధే చ వత్థుఞ్చ పచ్చయా సేక్ఖా చేతనా. (౧)

నవిపాకపచ్చయో

౨౮. సేక్ఖం ధమ్మం పచ్చయా సేక్ఖో ధమ్మో ఉప్పజ్జతి నవిపాకపచ్చయా (సేక్ఖమూలకే తీణి).

నేవసేక్ఖనాసేక్ఖం ధమ్మం పచ్చయా నేవసేక్ఖనాసేక్ఖో ధమ్మో ఉప్పజ్జతి నవిపాకపచ్చయా (నేవసేక్ఖనాసేక్ఖమూలకే తీణి).

సేక్ఖఞ్చ నేవసేక్ఖనాసేక్ఖఞ్చ ధమ్మం పచ్చయా సేక్ఖో ధమ్మో ఉప్పజ్జతి నవిపాకపచ్చయా (సేక్ఖఘటనేసు తీణి).

నఆహారపచ్చయాది

౨౯. నేవసేక్ఖనాసేక్ఖం ధమ్మం పచ్చయా నేవసేక్ఖనాసేక్ఖో ధమ్మో ఉప్పజ్జతి నఆహారపచ్చయా… నఇన్ద్రియపచ్చయా… నఝానపచ్చయా… నమగ్గపచ్చయా… నసమ్పయుత్తపచ్చయా… నవిప్పయుత్తపచ్చయా… నోనత్థిపచ్చయా… నోవిగతపచ్చయా…పే….

౨. పచ్చయపచ్చనీయం

౨. సఙ్ఖ్యావారో

సుద్ధం

౩౦. నహేతుయా ఏకం, నఆరమ్మణే పఞ్చ, నఅధిపతియా సత్త, నఅనన్తరే పఞ్చ, నసమనన్తరే పఞ్చ, నఅఞ్ఞమఞ్ఞే పఞ్చ, నఉపనిస్సయే పఞ్చ, నపురేజాతే సత్త, నపచ్ఛాజాతే సత్తరస, నఆసేవనే సత్తరస, నకమ్మే చత్తారి, నవిపాకే నవ, నఆహారే ఏకం, నఇన్ద్రియే ఏకం, నఝానే ఏకం, నమగ్గే ఏకం, నసమ్పయుత్తే పఞ్చ, నవిప్పయుత్తే తీణి, నోనత్థియా పఞ్చ, నోవిగతే పఞ్చ (ఏవం గణేతబ్బం).

పచ్చనీయం.

౩. పచ్చయానులోమపచ్చనీయం

హేతుదుకం

౩౧. హేతుపచ్చయా నఆరమ్మణే పఞ్చ, నఅధిపతియా సత్త, నఅనన్తరే నసమనన్తరే నఅఞ్ఞమఞ్ఞే నఉపనిస్సయే పఞ్చ, నపురేజాతే సత్త, నపచ్ఛాజాతే సత్తరస, నఆసేవనే సత్తరస, నకమ్మే చత్తారి, నవిపాకే నవ, నసమ్పయుత్తే పఞ్చ, నవిప్పయుత్తే తీణి, నోనత్థియా పఞ్చ, నోవిగతే పఞ్చ (ఏవం గణేతబ్బం).

అనులోమపచ్చనీయం.

౪. పచ్చయపచ్చనీయానులోమం

౩౨. నహేతుపచ్చయా ఆరమ్మణే ఏకం, అనన్తరే సమనన్తరే సహజాతే అఞ్ఞమఞ్ఞే ఏకం…పే… అవిగతే ఏకం (ఏవం గణేతబ్బం).

పచ్చనీయానులోమం.

పచ్చయవారో.

౪. నిస్సయవారో