౧. విభఙ్గవారో

హేతుపచ్చయో

౯౦. విపాకో ధమ్మో విపాకస్స ధమ్మస్స హేతుపచ్చయేన పచ్చయో – విపాకా హేతూ సమ్పయుత్తకానం ఖన్ధానం హేతుపచ్చయేన పచ్చయో; పటిసన్ధిక్ఖణే విపాకా హేతూ సప్పయుత్తకానం ఖన్ధానం హేతుపచ్చయేన పచ్చయో. (౧)

విపాకో ధమ్మో నేవవిపాకనవిపాకధమ్మధమ్మస్స హేతుపచ్చయేన పచ్చయో – విపాకా హేతూ చిత్తసముట్ఠానానం రూపానం హేతుపచ్చయేన పచ్చయో; పటిసన్ధిక్ఖణే విపాకా హేతూ కటత్తారూపానం హేతుపచ్చయేన పచ్చయో. (౨)

విపాకో ధమ్మో విపాకస్స చ నేవవిపాకనవిపాకధమ్మధమ్మస్స చ హేతుపచ్చయేన పచ్చయో – విపాకా హేతూ సమ్పయుత్తకానం ఖన్ధానం చిత్తసముట్ఠానానఞ్చ రూపానం హేతుపచ్చయేన పచ్చయో; పటిసన్ధిక్ఖణే విపాకా హేతూ సమ్పయుత్తకానం ఖన్ధానం కటత్తా చ రూపానం హేతుపచ్చయేన పచ్చయో. (౩)

౯౧. విపాకధమ్మధమ్మో విపాకధమ్మధమ్మస్స హేతుపచ్చయేన పచ్చయో – విపాకధమ్మధమ్మా హేతూ సమ్పయుత్తకానం ఖన్ధానం హేతుపచ్చయేన పచ్చయో. (౧)

విపాకధమ్మధమ్మో నేవవిపాకనవిపాకధమ్మధమ్మస్స హేతుపచ్చయేన పచ్చయో – విపాకధమ్మధమ్మా హేతూ చిత్తసముట్ఠానానం రూపానం హేతుపచ్చయేన పచ్చయో. (౨)

విపాకధమ్మధమ్మో విపాకధమ్మధమ్మస్స చ నేవవిపాకనవిపాకధమ్మధమ్మస్స చ హేతుపచ్చయేన పచ్చయో – విపాకధమ్మధమ్మా హేతూ సమ్పయుత్తకానం ఖన్ధానం చిత్తసముట్ఠానానఞ్చ రూపానం హేతుపచ్చయేన పచ్చయో. (౩)

నేవవిపాకనవిపాకధమ్మధమ్మో నేవవిపాకనవిపాకధమ్మధమ్మస్స హేతుపచ్చయేన పచ్చయో – నేవవిపాకనవిపాకధమ్మధమ్మా హేతూ సమ్పయుత్తకానం ఖన్ధానం చిత్తసముట్ఠానానఞ్చ రూపానం హేతుపచ్చయేన పచ్చయో.

ఆరమ్మణపచ్చయో

౯౨. విపాకో ధమ్మో విపాకస్స ధమ్మస్స ఆరమ్మణపచ్చయేన పచ్చయో – విపాకే ఖన్ధే అనిచ్చతో దుక్ఖతో అనత్తతో విపస్సతి, అస్సాదేతి అభినన్దతి; తం ఆరబ్భ రాగో ఉప్పజ్జతి, దిట్ఠి ఉప్పజ్జతి, విచికిచ్ఛా ఉప్పజ్జతి, ఉద్ధచ్చం ఉప్పజ్జతి, దోమనస్సం ఉప్పజ్జతి, కుసలాకుసలే నిరుద్ధే విపాకో తదారమ్మణతా ఉప్పజ్జతి. (౧)

విపాకో ధమ్మో విపాకధమ్మధమ్మస్స ఆరమ్మణపచ్చయేన పచ్చయో – సేక్ఖా ఫలం పచ్చవేక్ఖన్తి, విపాకే ఖన్ధే అనిచ్చతో దుక్ఖతో అనత్తతో విపస్సన్తి, అస్సాదేన్తి అభినన్దన్తి; తం ఆరబ్భ రాగో ఉప్పజ్జతి…పే… దోమనస్సం ఉప్పజ్జతి, చేతోపరియఞాణేన విపాకచిత్తసమఙ్గిస్స చిత్తం జానన్తి. విపాకా ఖన్ధా చేతోపరియఞాణస్స, పుబ్బేనివాసానుస్సతిఞాణస్స, అనాగతంసఞాణస్స ఆరమ్మణపచ్చయేన పచ్చయో. (౨)

విపాకో ధమ్మో నేవవిపాకనవిపాకధమ్మధమ్మస్స ఆరమ్మణపచ్చయేన పచ్చయో – అరహా ఫలం పచ్చవేక్ఖతి, విపాకే ఖన్ధే అనిచ్చతో దుక్ఖతో అనత్తతో విపస్సతి, చేతోపరియఞాణేన విపాకచిత్తసమఙ్గిస్స చిత్తం జానాతి. విపాకా ఖన్ధా చేతోపరియఞాణస్స, పుబ్బేనివాసానుస్సతిఞాణస్స, అనాగతంసఞాణస్స, ఆవజ్జనాయ ఆరమ్మణపచ్చయేన పచ్చయో. (౩)

౯౩. విపాకధమ్మధమ్మో విపాకధమ్మధమ్మస్స ఆరమ్మణపచ్చయేన పచ్చయో – దానం దత్వా సీలం సమాదియిత్వా ఉపోసథకమ్మం కత్వా తం పచ్చవేక్ఖతి, పుబ్బే సుచిణ్ణాని పచ్చవేక్ఖతి, ఝానా వుట్ఠహిత్వా ఝానం పచ్చవేక్ఖతి, సేక్ఖా గోత్రభుం పచ్చవేక్ఖన్తి, వోదానం పచ్చవేక్ఖన్తి, సేక్ఖా మగ్గా వుట్ఠహిత్వా మగ్గం పచ్చవేక్ఖన్తి, సేక్ఖా పహీనే కిలేసే పచ్చవేక్ఖన్తి, విక్ఖమ్భితే కిలేసే పచ్చవేక్ఖన్తి, పుబ్బే సముదాచిణ్ణే కిలేసే జానన్తి, విపాకధమ్మధమ్మే ఖన్ధే అనిచ్చతో దుక్ఖతో అనత్తతో విపస్సన్తి, అస్సాదేన్తి అభినన్దన్తి; తం ఆరబ్భ రాగో ఉప్పజ్జతి…పే… దోమనస్సం ఉప్పజ్జతి, చేతోపరియఞాణేన విపాకధమ్మధమ్మచిత్తసమఙ్గిస్స చిత్తం జానన్తి. ఆకాసానఞ్చాయతనకుసలం విఞ్ఞాణఞ్చాయతనకుసలస్స ఆరమ్మణపచ్చయేన పచ్చయో. ఆకిఞ్చఞ్ఞాయతనకుసలం నేవసఞ్ఞానాసఞ్ఞాయతనకుసలస్స ఆరమ్మణపచ్చయేన పచ్చయో. విపాకధమ్మధమ్మా ఖన్ధా ఇద్ధివిధఞాణస్స, చేతోపరియఞాణస్స, పుబ్బేనివాసానుస్సతిఞాణస్స, యథాకమ్మూపగఞాణస్స, అనాగతంసఞాణస్స ఆరమ్మణపచ్చయేన పచ్చయో. (౧)

విపాకధమ్మధమ్మో విపాకస్స ధమ్మస్స ఆరమ్మణపచ్చయేన పచ్చయో – విపాకధమ్మధమ్మే ఖన్ధే అనిచ్చతో దుక్ఖతో అనత్తతో విపస్సన్తి, అస్సాదేన్తి అభినన్దన్తి; తం ఆరబ్భ రాగో ఉప్పజ్జతి…పే… దోమనస్సం ఉప్పజ్జతి, కుసలాకుసలే నిరుద్ధే విపాకో తదారమ్మణతా ఉప్పజ్జతి. ఆకాసానఞ్చాయతనకుసలం విఞ్ఞాణఞ్చాయతనవిపాకస్స ఆరమ్మణపచ్చయేన పచ్చయో. ఆకిఞ్చఞ్ఞాయతనకుసలం నేవసఞ్ఞానాసఞ్ఞాయతనవిపాకస్స ఆరమ్మణపచ్చయేన పచ్చయో. (౨)

విపాకధమ్మధమ్మో నేవవిపాకనవిపాకధమ్మధమ్మస్స ఆరమ్మణపచ్చయేన పచ్చయో – అరహా మగ్గా వుట్ఠహిత్వా మగ్గం పచ్చవేక్ఖతి, పుబ్బే సుచిణ్ణాని పచ్చవేక్ఖతి. అరహా పహీనే కిలేసే పచ్చవేక్ఖతి, పుబ్బే సముదాచిణ్ణే కిలేసే జానాతి, విపాకధమ్మధమ్మే ఖన్ధే అనిచ్చతో దుక్ఖతో అనత్తతో విపస్సతి, చేతోపరియఞాణేన విపాకధమ్మధమ్మచిత్తసమఙ్గిస్స చిత్తం జానాతి. ఆకాసానఞ్చాయతనకుసలం విఞ్ఞాణఞ్చాయతనకిరియస్స ఆరమ్మణపచ్చయేన పచ్చయో. ఆకిఞ్చఞ్ఞాయతనకుసలం నేవసఞ్ఞానాసఞ్ఞాయతనకిరియస్స ఆరమ్మణపచ్చయేన పచ్చయో. విపాకధమ్మధమ్మా ఖన్ధా చేతోపరియఞాణస్స, పుబ్బేనివాసానుస్సతిఞాణస్స, యథాకమ్మూపగఞాణస్స, అనాగతంసఞాణస్స, ఆవజ్జనాయ ఆరమ్మణపచ్చయేన పచ్చయో. (౩)

౯౪. నేవవిపాకనవిపాకధమ్మధమ్మో నేవవిపాకనవిపాకధమ్మధమ్మస్స ఆరమ్మణపచ్చయేన పచ్చయో – అరహా నిబ్బానం పచ్చవేక్ఖతి. నిబ్బానం ఆవజ్జనాయ ఆరమ్మణపచ్చయేన పచ్చయో. అరహా చక్ఖుం అనిచ్చతో దుక్ఖతో అనత్తతో విపస్సతి. సోతం… ఘానం… జివ్హం… కాయం… రూపే… సద్దే… గన్ధే… రసే … ఫోట్ఠబ్బే… వత్థుం… నేవవిపాకనవిపాకధమ్మధమ్మే ఖన్ధే అనిచ్చతో దుక్ఖతో అనత్తతో విపస్సతి, దిబ్బేన చక్ఖునా రూపం పస్సతి, దిబ్బాయ సోతధాతుయా సద్దం సుణాతి, చేతోపరియఞాణేన నేవవిపాకనవిపాకధమ్మధమ్మచిత్తసమఙ్గిస్స చిత్తం జానాతి. ఆకాసానఞ్చాయతనకిరియం విఞ్ఞాణఞ్చాయతనకిరియస్స ఆరమ్మణపచ్చయేన పచ్చయో. ఆకిఞ్చఞ్ఞాయతనకిరియం నేవసఞ్ఞానాసఞ్ఞాయతనకిరియస్స ఆరమ్మణపచ్చయేన పచ్చయో. నేవవిపాకనవిపాకధమ్మధమ్మా ఖన్ధా ఇద్ధివిధఞాణస్స, చేతోపరియఞాణస్స, పుబ్బేనివాసానుస్సతిఞాణస్స, అనాగతంసఞాణస్స, ఆవజ్జనాయ ఆరమ్మణపచ్చయేన పచ్చయో. (౧)

నేవవిపాకనవిపాకధమ్మధమ్మో విపాకస్స ధమ్మస్స ఆరమ్మణపచ్చయేన పచ్చయో – నిబ్బానం ఫలస్స ఆరమ్మణపచ్చయేన పచ్చయో. సేక్ఖా వా పుథుజ్జనా వా చక్ఖుం అనిచ్చతో దుక్ఖతో అనత్తతో విపస్సన్తి, అస్సాదేన్తి అభినన్దన్తి; తం ఆరబ్భ రాగో ఉప్పజ్జతి…పే… దోమనస్సం ఉప్పజ్జతి. కుసలాకుసలే నిరుద్ధే విపాకో తదారమ్మణతా ఉప్పజ్జతి. సోతం… ఘానం… జివ్హం… కాయం… రూపే… సద్దే… గన్ధే… రసే… ఫోట్ఠబ్బే… వత్థుం… నేవవిపాకనవిపాకధమ్మధమ్మే ఖన్ధే అనిచ్చతో దుక్ఖతో అనత్తతో విపస్సన్తి, అస్సాదేన్తి అభినన్దన్తి; తం ఆరబ్భ రాగో ఉప్పజ్జతి…పే… దోమనస్సం ఉప్పజ్జతి. కుసలాకుసలే నిరుద్ధే విపాకో తదారమ్మణతా ఉప్పజ్జతి. రూపాయతనం చక్ఖువిఞ్ఞాణస్స…పే… ఫోట్ఠబ్బాయతనం కాయవిఞ్ఞాణస్స ఆరమ్మణపచ్చయేన పచ్చయో. (౨)

నేవవిపాకనవిపాకధమ్మధమ్మో విపాకధమ్మధమ్మస్స ఆరమ్మణపచ్చయేన పచ్చయో – సేక్ఖా నిబ్బానం పచ్చవేక్ఖన్తి; నిబ్బానం గోత్రభుస్స, వోదానస్స, మగ్గస్స ఆరమ్మణపచ్చయేన పచ్చయో. సేక్ఖా వా పుథుజ్జనా వా చక్ఖుం అనిచ్చతో దుక్ఖతో అనత్తతో విపస్సన్తి, అస్సాదేన్తి అభినన్దతి; తం ఆరబ్భ రాగో ఉప్పజ్జతి…పే… దోమనస్సం ఉప్పజ్జతి. సోతం…పే… నేవవిపాకనవిపాకధమ్మధమ్మే ఖన్ధే అనిచ్చతో దుక్ఖతో అనత్తతో విపస్సన్తి, అస్సాదేన్తి అభినన్దన్తి…పే… దిబ్బేన చక్ఖునా రూపం పస్సన్తి, దిబ్బాయ సోతధాతుయా సద్దం సుణన్తి, చేతోపరియఞాణేన నేవవిపాకనవిపాకధమ్మధమ్మచిత్తసమఙ్గిస్స చిత్తం జానన్తి. నేవవిపాకనవిపాకధమ్మధమ్మా ఖన్ధా ఇద్ధివిధఞాణస్స, చేతోపరియఞాణస్స, పుబ్బేనివాసానుస్సతిఞాణస్స, అనాగతంసఞాణస్స ఆరమ్మణపచ్చయేన పచ్చయో. (౩)

అధిపతిపచ్చయో

౯౫. విపాకో ధమ్మో విపాకస్స ధమ్మస్స అధిపతిపచ్చయేన పచ్చయో. సహజాతాధిపతి – విపాకాధిపతి సమ్పయుత్తకానం ఖన్ధానం అధిపతిపచ్చయేన పచ్చయో. (౧)

విపాకో ధమ్మో విపాకధమ్మధమ్మస్స అధిపతిపచ్చయేన పచ్చయో. ఆరమ్మణాధిపతి – సేక్ఖా ఫలం గరుం కత్వా పచ్చవేక్ఖన్తి, విపాకే ఖన్ధే గరుం కత్వా అస్సాదేన్తి అభినన్దన్తి; తం గరుం కత్వా రాగో ఉప్పజ్జతి, దిట్ఠి ఉప్పజ్జతి. (౨)

విపాకో ధమ్మో నేవవిపాకనవిపాకధమ్మధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – అరహా ఫలం గరుం కత్వా పచ్చవేక్ఖతి. సహజాతాధిపతి – విపాకాధిపతి చిత్తసముట్ఠానానం రూపానం అధిపతిపచ్చయేన పచ్చయో. (౩)

విపాకో ధమ్మో విపాకస్స చ నేవవిపాకనవిపాకధమ్మధమ్మస్స చ అధిపతిపచ్చయేన పచ్చయో. సహజాతాధిపతి – విపాకాధిపతి సమ్పయుత్తకానం ఖన్ధానం చిత్తసముట్ఠానానఞ్చ రూపానం అధిపతిపచ్చయేన పచ్చయో. (౪)

౯౬. విపాకధమ్మధమ్మో విపాకధమ్మధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – దానం దత్వా సీలం సమాదియిత్వా ఉపోసథకమ్మం కత్వా తం గరుం కత్వా పచ్చవేక్ఖతి, పుబ్బే సుచిణ్ణాని గరుం కత్వా పచ్చవేక్ఖతి, ఝానా వుట్ఠహిత్వా ఝానం గరుం కత్వా పచ్చవేక్ఖతి, సేక్ఖా గోత్రభుం గరుం కత్వా పచ్చవేక్ఖన్తి, వోదానం గరుం కత్వా పచ్చవేక్ఖన్తి, సేక్ఖా మగ్గా వుట్ఠహిత్వా మగ్గం గరుం కత్వా పచ్చవేక్ఖన్తి, విపాకధమ్మధమ్మే ఖన్ధే గరుం కత్వా అస్సాదేన్తి అభినన్దన్తి; తం గరుం కత్వా రాగో ఉప్పజ్జతి, దిట్ఠి ఉప్పజ్జతి,. సహజాతాధిపతి – విపాకధమ్మధమ్మాధిపతి సమ్పయుత్తకానం ఖన్ధానం అధిపతిపచ్చయేన పచ్చయో. (౧)

విపాకధమ్మధమ్మో నేవవిపాకనవిపాకధమ్మధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – అరహా మగ్గా వుట్ఠహిత్వా మగ్గం గరుం కత్వా పచ్చవేక్ఖతి. సహజాతాధిపతి – విపాకధమ్మధమ్మాధిపతి చిత్తసముట్ఠానానం రూపానం అధిపతిపచ్చయేన పచ్చయో. (౨)

విపాకధమ్మధమ్మో విపాకధమ్మధమ్మస్స చ నేవవిపాకనవిపాకధమ్మధమ్మస్స చ అధిపతిపచ్చయేన పచ్చయో. సహజాతాధిపతి – విపాకధమ్మధమ్మాధిపతి సమ్పయుత్తకానం ఖన్ధానం చిత్తసముట్ఠానానఞ్చ రూపానం అధిపతిపచ్చయేన పచ్చయో. (౩)

నేవవిపాకనవిపాకధమ్మధమ్మో నేవవిపాకనవిపాకధమ్మధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – అరహా నిబ్బానం గరుం కత్వా పచ్చవేక్ఖతి. సహజాతాధిపతి – నేవవిపాకనవిపాకధమ్మధమ్మాధిపతి సమ్పయుత్తకానం ఖన్ధానం చిత్తసముట్ఠానానఞ్చ రూపానం అధిపతిపచ్చయేన పచ్చయో. (౧)

నేవవిపాకనవిపాకధమ్మధమ్మో విపాకస్స ధమ్మస్స అధిపతిపచ్చయేన పచ్చయో. ఆరమ్మణాధిపతి – నిబ్బానం ఫలస్స అధిపతిపచ్చయేన పచ్చయో. (౨)

నేవవిపాకనవిపాకధమ్మధమ్మో విపాకధమ్మధమ్మస్స అధిపతిపచ్చయేన పచ్చయో. ఆరమ్మణాధిపతి – సేక్ఖా నిబ్బానం గరుం కత్వా పచ్చవేక్ఖన్తి. నిబ్బానం గోత్రభుస్స, వోదానస్స, మగ్గస్స అధిపతిపచ్చయేన పచ్చయో. చక్ఖుం గరుం కత్వా అస్సాదేతి అభినన్దతి; తం గరుం కత్వా రాగో ఉప్పజ్జతి, దిట్ఠి ఉప్పజ్జతి. సోతం…పే… నేవవిపాకనవిపాకధమ్మధమ్మే ఖన్ధే గరుం కత్వా అస్సాదేతి అభినన్దతి; తం గరుం కత్వా రాగో ఉప్పజ్జతి, దిట్ఠి ఉప్పజ్జతి. (౩)

అనన్తరపచ్చయో

౯౭. విపాకో ధమ్మో విపాకస్స ధమ్మస్స అనన్తరపచ్చయేన పచ్చయో – పురిమా పురిమా విపాకా ఖన్ధా పచ్ఛిమానం పచ్ఛిమానం విపాకానం ఖన్ధానం అనన్తరపచ్చయేన పచ్చయో. పఞ్చవిఞ్ఞాణం విపాకమనోధాతుయా అనన్తరపచ్చయేన పచ్చయో. విపాకమనోధాతు విపాకమనోవిఞ్ఞాణధాతుయా అనన్తరపచ్చయేన పచ్చయో. (౧)

విపాకో ధమ్మో నేవవిపాకనవిపాకధమ్మధమ్మస్స అనన్తరపచ్చయేన పచ్చయో. భవఙ్గం ఆవజ్జనాయ అనన్తరపచ్చయేన పచ్చయో. విపాకమనోవిఞ్ఞాణధాతు కిరియమనోవిఞ్ఞాణధాతుయా అనన్తరపచ్చయేన పచ్చయో. (౨)

విపాకధమ్మధమ్మో విపాకధమ్మధమ్మస్స అనన్తరపచ్చయేన పచ్చయో – పురిమా పురిమా విపాకధమ్మధమ్మా ఖన్ధా పచ్ఛిమానం పచ్ఛిమానం విపాకధమ్మధమ్మానం ఖన్ధానం అనన్తరపచ్చయేన పచ్చయో. అనులోమం గోత్రభుస్స … అనులోమం వోదానస్స… గోత్రభు మగ్గస్స… వోదానం మగ్గస్స అనన్తరపచ్చయేన పచ్చయో. (౧)

విపాకధమ్మధమ్మో విపాకస్స ధమ్మస్స అనన్తరపచ్చయేన పచ్చయో – విపాకధమ్మధమ్మా ఖన్ధా వుట్ఠానస్స… మగ్గో ఫలస్స… సేక్ఖానం అనులోమం ఫలసమాపత్తియా… నిరోధా వుట్ఠహన్తస్స నేవసఞ్ఞానాసఞ్ఞాయతనకుసలం ఫలసమాపత్తియా అనన్తరపచ్చయేన పచ్చయో. (౨)

నేవవిపాకనవిపాకధమ్మధమ్మో నేవవిపాకనవిపాకధమ్మధమ్మస్స అనన్తరపచ్చయేన పచ్చయో – పురిమా పురిమా నేవవిపాకనవిపాకధమ్మధమ్మా ఖన్ధా పచ్ఛిమానం పచ్ఛిమానం నేవవిపాకనవిపాకధమ్మధమ్మానం ఖన్ధానం అనన్తరపచ్చయేన పచ్చయో. (౧)

నేవవిపాకనవిపాకధమ్మధమ్మో విపాకస్స ధమ్మస్స అనన్తరపచ్చయేన పచ్చయో – ఆవజ్జనా పఞ్చన్నం విఞ్ఞాణానం అనన్తరపచ్చయేన పచ్చయో. నేవవిపాకనవిపాకధమ్మధమ్మా ఖన్ధా వుట్ఠానస్స, అరహతో అనులోమం ఫలసమాపత్తియా… నిరోధా వుట్ఠహన్తస్స నేవసఞ్ఞానాసఞ్ఞాయతనకిరియం ఫలసమాపత్తియా అనన్తరపచ్చయేన పచ్చయో. (౨)

నేవవిపాకనవిపాకధమ్మధమ్మో విపాకధమ్మధమ్మస్స అనన్తరపచ్చయేన పచ్చయో – ఆవజ్జనా విపాకధమ్మధమ్మానం ఖన్ధానం అనన్తరపచ్చయేన పచ్చయో. (౩)

సమనన్తరపచ్చయో

౯౮. విపాకో ధమ్మో విపాకస్స ధమ్మస్స సమనన్తరపచ్చయేన పచ్చయో (అనన్తరసదిసం).

సహజాతపచ్చయో

౯౯. విపాకో ధమ్మో విపాకస్స ధమ్మస్స సహజాతపచ్చయేన పచ్చయో – విపాకో ఏకో ఖన్ధో…పే… తీణి.

విపాకధమ్మధమ్మో విపాకధమ్మధమ్మస్స సహజాతపచ్చయేన పచ్చయో… తీణి.

నేవవిపాకనవిపాకధమ్మధమ్మో నేవవిపాకనవిపాకధమ్మధమ్మస్స సహజాతపచ్చయేన పచ్చయో – నేవవిపాకనవిపాకధమ్మధమ్మో ఏకో ఖన్ధో…పే… ఏకం మహాభూతం…పే… బాహిరం… ఆహారసముట్ఠానం… ఉతుసముట్ఠానం… అసఞ్ఞసత్తానం ఏకం మహాభూతం…పే…. (౧)

నేవవిపాకనవిపాకధమ్మధమ్మో విపాకస్స ధమ్మస్స సహజాతపచ్చయేన పచ్చయో – పటిసన్ధిక్ఖణే వత్థు విపాకానం ఖన్ధానం సహజాతపచ్చయేన పచ్చయో. (౨)

విపాకో చ నేవవిపాకనవిపాకధమ్మధమ్మో చ ధమ్మా విపాకస్స ధమ్మస్స సహజాతపచ్చయేన పచ్చయో – పటిసన్ధిక్ఖణే విపాకో ఏకో ఖన్ధో చ వత్థు చ తిణ్ణన్నం ఖన్ధానం…పే…. (౧)

విపాకో చ నేవవిపాకనవిపాకధమ్మధమ్మో చ ధమ్మా నేవవిపాకనవిపాకధమ్మధమ్మస్స సహజాతపచ్చయేన పచ్చయో – విపాకా ఖన్ధా చ మహాభూతా చ చిత్తసముట్ఠానానం రూపానం…పే… పటిసన్ధిక్ఖణే విపాకా ఖన్ధా చ మహాభూతా చ కటత్తారూపానం సహజాతపచ్చయేన పచ్చయో. (౨)

విపాకధమ్మధమ్మో చ నేవవిపాకనవిపాకధమ్మధమ్మో చ ధమ్మా నేవవిపాకనవిపాకధమ్మధమ్మస్స సహజాతపచ్చయేన పచ్చయో – విపాకధమ్మధమ్మా ఖన్ధా చ మహాభూతా చ చిత్తసముట్ఠానానం రూపానం సహజాతపచ్చయేన పచ్చయో. (౧)

అఞ్ఞమఞ్ఞపచ్చయో

౧౦౦. విపాకో ధమ్మో విపాకస్స ధమ్మస్స అఞ్ఞమఞ్ఞపచ్చయేన పచ్చయో – విపాకో ఏకో ఖన్ధో…పే… పటిసన్ధిక్ఖణే…పే…. (౧)

విపాకో ధమ్మో నేవవిపాకనవిపాకధమ్మధమ్మస్స అఞ్ఞమఞ్ఞపచ్చయేన పచ్చయో – పటిసన్ధిక్ఖణే విపాకా ఖన్ధా వత్థుస్స అఞ్ఞమఞ్ఞపచ్చయేన పచ్చయో. (౨)

విపాకో ధమ్మో విపాకస్స చ నేవవిపాకనవిపాకధమ్మధమ్మస్స చ అఞ్ఞమఞ్ఞపచ్చయేన పచ్చయో – పటిసన్ధిక్ఖణే విపాకో ఏకో ఖన్ధో తిణ్ణన్నం ఖన్ధానం వత్థుస్స చ అఞ్ఞమఞ్ఞపచ్చయేన పచ్చయో…పే…. (౩)

విపాకధమ్మధమ్మో విపాకధమ్మధమ్మస్స అఞ్ఞమఞ్ఞపచ్చయేన పచ్చయో – విపాకధమ్మధమ్మో ఏకో ఖన్ధో తిణ్ణన్నం ఖన్ధానం…పే… ద్వే ఖన్ధా ద్విన్నం ఖన్ధానం…పే…. (౧)

నేవవిపాకనవిపాకధమ్మధమ్మో నేవవిపాకనవిపాకధమ్మధమ్మస్స అఞ్ఞమఞ్ఞపచ్చయేన పచ్చయో – నేవవిపాకనవిపాకధమ్మధమ్మో ఏకో ఖన్ధో తిణ్ణన్నం ఖన్ధానం…పే… ద్వే ఖన్ధా ద్విన్నం ఖన్ధానం…పే…. (౧)

నేవవిపాకనవిపాకధమ్మధమ్మో విపాకస్స ధమ్మస్స అఞ్ఞమఞ్ఞపచ్చయేన పచ్చయో – పటిసన్ధిక్ఖణే వత్థు విపాకానం ఖన్ధానం…పే…. (౨)

విపాకో చ నేవవిపాకనవిపాకధమ్మధమ్మో చ ధమ్మా విపాకస్స ధమ్మస్స…పే… పటిసన్ధిక్ఖణే విపాకో ఏకో ఖన్ధో చ వత్థు చ…పే…. (౧) (సత్త పఞ్హా).

నిస్సయపచ్చయో

౧౦౧. విపాకో ధమ్మో విపాకస్స ధమ్మస్స నిస్సయపచ్చయేన పచ్చయో… తీణి. విపాకధమ్మధమ్మో విపాకధమ్మధమ్మస్స… తీణి.

నేవవిపాకనవిపాకధమ్మధమ్మో నేవవిపాకనవిపాకధమ్మధమ్మస్స…పే…. (౧)

నేవవిపాకనవిపాకధమ్మధమ్మో విపాకస్స ధమ్మస్స…పే… చక్ఖాయతనం చక్ఖువిఞ్ఞాణస్స నిస్సయపచ్చయేన పచ్చయో…పే… కాయాయతనం కాయవిఞ్ఞాణస్స, వత్థు విపాకానం ఖన్ధానం…పే… పటిసన్ధిక్ఖణే వత్థు విపాకానం ఖన్ధానం…పే…. (౨)

నేవవిపాకనవిపాకధమ్మధమ్మో విపాకధమ్మధమ్మస్స నిస్సయపచ్చయేన పచ్చయో – వత్థు విపాకధమ్మధమ్మానం ఖన్ధానం…పే…. (౩)

విపాకో చ నేవవిపాకనవిపాకధమ్మధమ్మో చ ధమ్మా విపాకస్స ధమ్మస్స నిస్సయపచ్చయేన పచ్చయో – చక్ఖువిఞ్ఞాణసహగతో ఏకో ఖన్ధో చ చక్ఖాయతనఞ్చ…పే… కాయవిఞ్ఞాణసహగతో ఏకో ఖన్ధో చ కాయాయతనఞ్చ…పే… విపాకో ఏకో ఖన్ధో చ వత్థు చ తిణ్ణన్నం ఖన్ధానం… పటిసన్ధిక్ఖణే విపాకో ఏకో ఖన్ధో చ వత్థు చ…పే…. (౧)

విపాకో చ నేవవిపాకనవిపాకధమ్మధమ్మో చ ధమ్మా నేవవిపాకనవిపాకధమ్మధమ్మస్స…పే… విపాకా ఖన్ధా చ మహాభూతా చ…పే… (సంఖిత్తం) పటిసన్ధిక్ఖణే…పే…. (౨)

విపాకధమ్మధమ్మో చ నేవవిపాకనవిపాకధమ్మధమ్మో చ ధమ్మా విపాకధమ్మధమ్మస్స నిస్సయపచ్చయేన పచ్చయో – విపాకధమ్మధమ్మో ఏకో ఖన్ధో చ వత్థు చ…పే…. (౧)

విపాకధమ్మధమ్మో చ నేవవిపాకనవిపాకధమ్మధమ్మో చ ధమ్మా నేవవిపాకనవిపాకధమ్మధమ్మస్స నిస్సయపచ్చయేన పచ్చయో – విపాకధమ్మధమ్మా ఖన్ధా చ మహాభూతా చ చిత్తసముట్ఠానానం రూపానం…. (౨) (తేరస పఞ్హా).

ఉపనిస్సయపచ్చయో

౧౦౨. విపాకో ధమ్మో విపాకస్స ధమ్మస్స ఉపనిస్సయపచ్చయేన పచ్చయో – అనన్తరూపనిస్సయో, పకతూపనిస్సయో…పే….

పకతూపనిస్సయో – కాయికం సుఖం కాయికస్స సుఖస్స, కాయికస్స దుక్ఖస్స, ఫలసమాపత్తియా ఉపనిస్సయపచ్చయేన పచ్చయో. కాయికం దుక్ఖం కాయికస్స సుఖస్స, కాయికస్స దుక్ఖస్స, ఫలసమాపత్తియా ఉపనిస్సయపచ్చయేన పచ్చయో. ఫలసమాపత్తి కాయికస్స సుఖస్స ఉపనిస్సయపచ్చయేన పచ్చయో. (౧)

విపాకో ధమ్మో విపాకధమ్మధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, పకతూపనిస్సయో…పే….

పకతూపనిస్సయో – కాయికం సుఖం ఉపనిస్సాయ దానం దేతి, సీలం సమాదియతి…పే… సఙ్ఘం భిన్దతి. కాయికం దుక్ఖం ఉపనిస్సాయ దానం దేతి, సీలం సమాదియతి…పే… సఙ్ఘం భిన్దతి. కాయికం సుఖం కాయికం దుక్ఖం సద్ధాయ…పే… పత్థనాయ ఉపనిస్సయపచ్చయేన పచ్చయో. (౨)

విపాకో ధమ్మో నేవవిపాకనవిపాకధమ్మధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే….

పకతూపనిస్సయో – అరహా కాయికం సుఖం ఉపనిస్సాయ అనుప్పన్నం కిరియసమాపత్తిం ఉప్పాదేతి, ఉప్పన్నం సమాపజ్జతి, సఙ్ఖారే అనిచ్చతో దుక్ఖతో అనత్తతో విపస్సతి, కాయికం దుక్ఖం ఉపనిస్సాయ అనుప్పన్నం కిరియసమాపత్తిం ఉప్పాదేతి, ఉప్పన్నం సమాపజ్జతి…పే…. (౩)

౧౦౩. విపాకధమ్మధమ్మో విపాకధమ్మధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే….

పకతూపనిస్సయో – సద్ధం ఉపనిస్సాయ దానం దేతి…పే… మానం జప్పేతి… దిట్ఠిం గణ్హాతి. సీలం… సుతం… చాగం… పఞ్ఞం ఉపనిస్సాయ దానం దేతి…పే… దిట్ఠిం గణ్హాతి. రాగం… దోసం… మోహం… మానం… దిట్ఠిం… పత్థనం ఉపనిస్సాయ దానం దేతి…పే… సమాపత్తిం ఉప్పాదేతి, పాణం హనతి…పే… సఙ్ఘం భిన్దతి…పే… సద్ధా…పే… పత్థనా సద్ధాయ… సీలస్స…పే… పత్థనాయ ఉపనిస్సయపచ్చయేన పచ్చయో. పఠమస్స ఝానస్స పరికమ్మం పఠమస్స…పే… నేవసఞ్ఞానాసఞ్ఞాయతనస్స పరికమ్మం నేవసఞ్ఞానాసఞ్ఞాయతనస్స…పే… పఠమం ఝానం దుతియస్స…పే… ఆకిఞ్చఞ్ఞాయతనం నేవసఞ్ఞానాసఞ్ఞాయతనస్స…పే… పఠమస్స మగ్గస్స పరికమ్మం పఠమస్స…పే… చతుత్థస్స మగ్గస్స పరికమ్మం చతుత్థస్స…పే… పఠమో మగ్గో దుతియస్స…పే… తతియో మగ్గో చతుత్థస్స మగ్గస్స ఉపనిస్సయపచ్చయేన పచ్చయో. సేక్ఖా మగ్గం ఉపనిస్సాయ అనుప్పన్నం కుసలసమాపత్తిం ఉప్పాదేన్తి…పే… మగ్గో సేక్ఖానం అత్థప్పటిసమ్భిదాయ…పే… ఠానాఠానకోసల్లస్స ఉపనిస్సయపచ్చయేన పచ్చయో. పాణాతిపాతో పాణాతిపాతస్స…పే… మిచ్ఛాదిట్ఠియా ఉపనిస్సయపచ్చయేన పచ్చయో…పే… మిచ్ఛాదిట్ఠి మిచ్ఛాదిట్ఠియా…పే… బ్యాపాదస్స…పే… మాతుఘాతికమ్మం మాతుఘాతికమ్మస్స…పే… నియతమిచ్ఛాదిట్ఠియా…పే… నియతమిచ్ఛాదిట్ఠి నియతమిచ్ఛాదిట్ఠియా…పే… సఙ్ఘభేదకకమ్మస్స ఉపనిస్సయపచ్చయేన పచ్చయో. (౧)

విపాకధమ్మధమ్మో విపాకస్స ధమ్మస్స ఉపనిస్సయపచ్చయేన పచ్చయో – అనన్తరూపనిస్సయో, పకతూపనిస్సయో…పే….

పకతూపనిస్సయో – సద్ధం ఉపనిస్సాయ అత్తానం ఆతాపేతి పరితాపేతి, పరియిట్ఠిమూలకం దుక్ఖం పచ్చనుభోతి…పే… పత్థనం ఉపనిస్సాయ అత్తానం ఆతాపేతి పరితాపేతి …పే… సద్ధా…పే… పత్థనా కాయికస్స సుఖస్స, కాయికస్స దుక్ఖస్స, ఫలసమాపత్తియా ఉపనిస్సయపచ్చయేన పచ్చయో. కుసలాకుసలం కమ్మం విపాకస్స [కమ్మవిపాకస్స (స్యా.)] ఉపనిస్సయపచ్చయేన పచ్చయో. మగ్గో ఫలసమాపత్తియా ఉపనిస్సయపచ్చయేన పచ్చయో. (౨)

విపాకధమ్మధమ్మో నేవవిపాకనవిపాకధమ్మధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, పకతూపనిస్సయో…పే….

పకతూపనిస్సయో – అరహా మగ్గం ఉపనిస్సాయ అనుప్పన్నం కిరియసమాపత్తిం ఉప్పాదేతి, ఉప్పన్నం సమాపజ్జతి, సఙ్ఖారే అనిచ్చతో దుక్ఖతో అనత్తతో విపస్సతి. మగ్గో అరహతో అత్థప్పటిసమ్భిదాయ…పే… ఠానాఠానకోసల్లస్స ఉపనిస్సయపచ్చయేన పచ్చయో. (౩)

౧౦౪. నేవవిపాకనవిపాకధమ్మధమ్మో నేవవిపాకనవిపాకధమ్మధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే….

పకతూపనిస్సయో – అరహా ఉతుం… భోజనం… సేనాసనం ఉపనిస్సాయ అనుప్పన్నం కిరియసమాపత్తిం ఉప్పాదేతి…పే…. (౧)

నేవవిపాకనవిపాకధమ్మధమ్మో విపాకస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే….

పకతూపనిస్సయో – ఉతు… భోజనం… సేనాసనం, కాయికస్స సుఖస్స, కాయికస్స దుక్ఖస్స, ఫలసమాపత్తియా ఉపనిస్సయపచ్చయేన పచ్చయో. (౨)

నేవవిపాకనవిపాకధమ్మధమ్మో విపాకధమ్మధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో …పే….

పకతూపనిస్సయో – ఉతుం ఉపనిస్సాయ దానం దేతి…పే… సఙ్ఘం భిన్దతి. భోజనం… సేనాసనం ఉపనిస్సాయ దానం దేతి…పే… సఙ్ఘం భిన్దతి. ఉతు… భోజనం… సేనాసనం సద్ధాయ…పే… పత్థనాయ ఉపనిస్సయపచ్చయేన పచ్చయో. (౩)

పురేజాతపచ్చయో

౧౦౫. నేవవిపాకనవిపాకధమ్మధమ్మో నేవవిపాకనవిపాకధమ్మధమ్మస్స పురేజాతపచ్చయేన పచ్చయో – ఆరమ్మణపురేజాతం, వత్థుపురేజాతం.

ఆరమ్మణపురేజాతం – అరహా చక్ఖుం అనిచ్చతో…పే… కాయం… రూపే… ఫోట్ఠబ్బే… వత్థుం అనిచ్చతో…పే… దిబ్బేన చక్ఖునా రూపం…పే… దిబ్బాయ సోతధాతుయా సద్దం…పే…. వత్థుపురేజాతం – వత్థు నేవవిపాకనవిపాకధమ్మధమ్మానం ఖన్ధానం పురేజాతపచ్చయేన పచ్చయో. (౧)

నేవవిపాకనవిపాకధమ్మధమ్మో విపాకస్స ధమ్మస్స పురేజాతపచ్చయేన పచ్చయో – ఆరమ్మణపురేజాతం, వత్థుపురేజాతం.

ఆరమ్మణపురేజాతం – సేక్ఖా వా పుథుజ్జనా వా చక్ఖుం అనిచ్చతో దుక్ఖతో అనత్తతో విపస్సన్తి, అస్సాదేన్తి అభినన్దన్తి; తం ఆరబ్భ రాగో ఉప్పజ్జతి…పే… దోమనస్సం ఉప్పజ్జతి. కుసలాకుసలే నిరుద్ధే విపాకో తదారమ్మణతా ఉప్పజ్జతి. సోతం…పే… వత్థుం అనిచ్చతో…పే… తదారమ్మణతా ఉప్పజ్జతి. రూపాయతనం చక్ఖువిఞ్ఞాణస్స పురేజాత…పే… ఫోట్ఠబ్బాయతనం కాయవిఞ్ఞాణస్స…పే…. వత్థుపురేజాతం – చక్ఖాయతనం చక్ఖువిఞ్ఞాణస్స…పే… కాయాయతనం కాయవిఞ్ఞాణస్స…పే… వత్థు విపాకానం ఖన్ధానం పురేజాతపచ్చయేన పచ్చయో. (౨)

నేవవిపాకనవిపాకధమ్మధమ్మో విపాకధమ్మధమ్మస్స పురేజాతపచ్చయేన పచ్చయో – ఆరమ్మణపురేజాతం, వత్థుపురేజాతం.

ఆరమ్మణపురేజాతం – సేక్ఖా వా పుథుజ్జనా వా చక్ఖుం…పే… ఆరబ్భ రాగో…పే… దోమనస్సం ఉప్పజ్జతి. సోతం…పే… వత్థుం అనిచ్చతో…పే… దోమనస్సం…పే… దిబ్బేన చక్ఖునా రూపం…పే… దిబ్బాయ సోతధాతుయా సద్దం…పే….

వత్థుపురేజాతం – వత్థు విపాకధమ్మధమ్మానం ఖన్ధానం పురేజాతపచ్చయేన పచ్చయో. (౩)

పచ్ఛాజాతపచ్చయో

౧౦౬. విపాకో ధమ్మో నేవవిపాకనవిపాకధమ్మధమ్మస్స పచ్ఛాజాతపచ్చయేన పచ్చయో – పచ్ఛాజాతా విపాకా ఖన్ధా పురేజాతస్స ఇమస్స కాయస్స పచ్ఛాజాతపచ్చయేన పచ్చయో. (౧)

విపాకధమ్మధమ్మో నేవవిపాకనవిపాకధమ్మధమ్మస్స పచ్ఛాజాతపచ్చయేన పచ్చయో…. (౧)

నేవవిపాకనవిపాకధమ్మధమ్మో నేవవిపాకనవిపాకధమ్మధమ్మస్స పచ్ఛాజాతపచ్చయేన పచ్చయో…. (౧)

ఆసేవనపచ్చయో

౧౦౭. విపాకధమ్మధమ్మో విపాకధమ్మధమ్మస్స ఆసేవనపచ్చయేన పచ్చయో – పురిమా పురిమా విపాకధమ్మధమ్మా ఖన్ధా పచ్ఛిమానం పచ్ఛిమానం విపాకధమ్మధమ్మానం ఖన్ధానం…పే… అనులోమం గోత్రభుస్స… అనులోమం వోదానస్స… గోత్రభు మగ్గస్స… వోదానం మగ్గస్స ఆసేవనపచ్చయేన పచ్చయో. (౧)

నేవవిపాకనవిపాకధమ్మధమ్మో నేవవిపాకనవిపాకధమ్మధమ్మస్స ఆసేవనపచ్చయేన పచ్చయో – పురిమా పురిమా…పే… పచ్చయో. (౧)

కమ్మపచ్చయో

౧౦౮. విపాకో ధమ్మో విపాకస్స ధమ్మస్స కమ్మపచ్చయేన పచ్చయో – విపాకా చేతనా సమ్పయుత్తకానం ఖన్ధానం కమ్మపచ్చయేన పచ్చయో; పటిసన్ధిక్ఖణే విపాకా చేతనా…పే…. (౧)

విపాకో ధమ్మో నేవవిపాకనవిపాకధమ్మధమ్మస్స కమ్మపచ్చయేన పచ్చయో – విపాకా చేతనా చిత్తసముట్ఠానానం రూపానం కమ్మపచ్చయేన పచ్చయో; పటిసన్ధిక్ఖణే విపాకా చేతనా కటత్తారూపానం…పే… చేతనా వత్థుస్స కమ్మపచ్చయేన పచ్చయో. (౨)

విపాకో ధమ్మో విపాకస్స చ నేవవిపాకనవిపాకధమ్మధమ్మస్స చ ధమ్మస్స కమ్మపచ్చయేన పచ్చయో – విపాకా చేతనా సమ్పయుత్తకానం ఖన్ధానం చిత్తసముట్ఠానానఞ్చ రూపానం కమ్మపచ్చయేన పచ్చయో; పటిసన్ధిక్ఖణే విపాకా చేతనా సమ్పయుత్తకానం ఖన్ధానం కటత్తా చ రూపానం కమ్మపచ్చయేన పచ్చయో. (౩)

విపాకధమ్మధమ్మో విపాకధమ్మధమ్మస్స కమ్మపచ్చయేన పచ్చయో – విపాకధమ్మధమ్మా చేతనా సమ్పయుత్తకానం ఖన్ధానం కమ్మపచ్చయేన పచ్చయో. (౧)

విపాకధమ్మధమ్మో విపాకస్స ధమ్మస్స కమ్మపచ్చయేన పచ్చయో. నానాక్ఖణికా – విపాకధమ్మధమ్మా చేతనా విపాకానం ఖన్ధానం కమ్మపచ్చయేన పచ్చయో. (౨)

విపాకధమ్మధమ్మో నేవవిపాకనవిపాకధమ్మధమ్మస్స కమ్మపచ్చయేన పచ్చయో – సహజాతా, నానాక్ఖణికా. సహజాతా – విపాకధమ్మధమ్మా చేతనా చిత్తసముట్ఠానానం రూపానం కమ్మపచ్చయేన పచ్చయో. నానాక్ఖణికా – విపాకధమ్మధమ్మా చేతనా కటత్తారూపానం కమ్మపచ్చయేన పచ్చయో. (౩)

విపాకధమ్మధమ్మో విపాకస్స చ నేవవిపాకనవిపాకధమ్మధమ్మస్స చ ధమ్మస్స కమ్మపచ్చయేన పచ్చయో. నానాక్ఖణికా – విపాకధమ్మధమ్మా చేతనా విపాకానం ఖన్ధానం కటత్తా చ రూపానం కమ్మపచ్చయేన పచ్చయో. (౪)

విపాకధమ్మధమ్మో విపాకధమ్మధమ్మస్స చ నేవవిపాకనవిపాకధమ్మధమ్మస్స చ ధమ్మస్స కమ్మపచ్చయేన పచ్చయో – విపాకధమ్మధమ్మా చేతనా సమ్పయుత్తకానం ఖన్ధానం చిత్తసముట్ఠానానఞ్చ రూపానం కమ్మపచ్చయేన పచ్చయో. (౫)

నేవవిపాకనవిపాకధమ్మధమ్మో నేవవిపాకనవిపాకధమ్మధమ్మస్స కమ్మపచ్చయేన పచ్చయో – నేవవిపాకనవిపాకధమ్మధమ్మా చేతనా సమ్పయుత్తకానం ఖన్ధానం చిత్తసముట్ఠానానఞ్చ రూపానం కమ్మపచ్చయేన పచ్చయో. (౧)

విపాకపచ్చయో

౧౦౯. విపాకో ధమ్మో విపాకస్స ధమ్మస్స విపాకపచ్చయేన పచ్చయో – విపాకో ఏకో ఖన్ధో తిణ్ణన్నం ఖన్ధానం విపాకపచ్చయేన పచ్చయో; పటిసన్ధిక్ఖణే…పే…. (౧)

విపాకో ధమ్మో నేవవిపాకనవిపాకధమ్మధమ్మస్స విపాకపచ్చయేన పచ్చయో – విపాకా ఖన్ధా చిత్తసముట్ఠానానం రూపానం విపాకపచ్చయేన పచ్చయో; పటిసన్ధిక్ఖణే విపాకా ఖన్ధా కటత్తారూపానం విపాకపచ్చయేన పచ్చయో. ఖన్ధా వత్థుస్స…పే…. (౨)

విపాకో ధమ్మో విపాకస్స చ నేవవిపాకనవిపాకధమ్మధమ్మస్స చ విపాకపచ్చయేన పచ్చయో – విపాకో ఏకో ఖన్ధో తిణ్ణన్నం ఖన్ధానం చిత్తసముట్ఠానానఞ్చ రూపానం విపాకపచ్చయేన పచ్చయో; పటిసన్ధిక్ఖణే విపాకో ఏకో ఖన్ధో తిణ్ణన్నం ఖన్ధానం కటత్తా చ రూపానం విపాకపచ్చయేన పచ్చయో. (౩)

ఆహారపచ్చయో

౧౧౦. విపాకో ధమ్మో విపాకస్స ధమ్మస్స ఆహారపచ్చయేన పచ్చయో – విపాకా ఆహారా సమ్పయుత్తకానం ఖన్ధానం… తీణి. (పటిసన్ధిపి ఇమేసం తిణ్ణన్నం కాతబ్బా.)

విపాకధమ్మధమ్మో విపాకధమ్మధమ్మస్స ఆహారపచ్చయేన పచ్చయో… తీణి.

నేవవిపాకనవిపాకధమ్మధమ్మో నేవవిపాకనవిపాకధమ్మధమ్మస్స ఆహారపచ్చయేన పచ్చయో – నేవవిపాకనవిపాకధమ్మధమ్మా ఆహారా సమ్పయుత్తకానం ఖన్ధానం చిత్తసముట్ఠానఞ్చ రూపానం ఆహారపచ్చయేన పచ్చయో; కబళీకారో ఆహారో ఇమస్స కాయస్స ఆహారపచ్చయేన పచ్చయో. (౧)

ఇన్ద్రియపచ్చయో

౧౧౧. విపాకో ధమ్మో విపాకస్స ధమ్మస్స ఇన్ద్రియపచ్చయేన పచ్చయో… తీణి (పటిసన్ధి కాతబ్బా [కాతబ్బం (సీ.)].) విపాకధమ్మధమ్మో విపాకధమ్మధమ్మస్స ఇన్ద్రియపచ్చయేన పచ్చయో… తీణి.

నేవవిపాకనవిపాకధమ్మధమ్మో నేవవిపాకనవిపాకధమ్మధమ్మస్స ఇన్ద్రియపచ్చయేన పచ్చయో – నేవవిపాకనవిపాకధమ్మధమ్మా ఇన్ద్రియా సమ్పయుత్తకానం ఖన్ధానం చిత్తసముట్ఠానానఞ్చ రూపానం ఇన్ద్రియపచ్చయేన పచ్చయో; రూపజీవితిన్ద్రియం కటత్తారూపానం ఇన్ద్రియపచ్చయేన పచ్చయో. (౧)

నేవవిపాకనవిపాకధమ్మధమ్మో విపాకస్స ధమ్మస్స ఇన్ద్రియపచ్చయేన పచ్చయో – చక్ఖున్ద్రియం చక్ఖువిఞ్ఞాణస్స ఇన్ద్రియపచ్చయేన పచ్చయో; కాయిన్ద్రియం…పే…. (౨)

విపాకో చ నేవవిపాకనవిపాకధమ్మధమ్మో చ ధమ్మా విపాకస్స ధమ్మస్స ఇన్ద్రియపచ్చయేన పచ్చయో – చక్ఖున్ద్రియఞ్చ చక్ఖువిఞ్ఞాణఞ్చ చక్ఖువిఞ్ఞాణసహగతానం ఖన్ధానం ఇన్ద్రియపచ్చయేన పచ్చయో…పే… కాయిన్ద్రియఞ్చ కాయవిఞ్ఞాణఞ్చ కాయవిఞ్ఞాణసహగతానం ఖన్ధానం ఇన్ద్రియపచ్చయేన పచ్చయో. (౧)

ఝానపచ్చయో

౧౧౨. విపాకో ధమ్మో విపాకస్స ధమ్మస్స ఝానపచ్చయేన పచ్చయో… తీణి. విపాకధమ్మధమ్మో విపాకధమ్మధమ్మస్స ఝానపచ్చయేన పచ్చయో … తీణి.

నేవవిపాకనవిపాకధమ్మధమ్మో నేవవిపాకనవిపాకధమ్మధమ్మస్స ఝానపచ్చయేన పచ్చయో – నేవవిపాకనవిపాకధమ్మధమ్మా ఝానఙ్గా సమ్పయుత్తకానం ఖన్ధానం చిత్తసముట్ఠానానఞ్చ రూపానం ఝానపచ్చయేన పచ్చయో.

మగ్గపచ్చయో

౧౧౩. విపాకో ధమ్మో విపాకస్స ధమ్మస్స మగ్గపచ్చయేన పచ్చయో… తీణి. విపాకధమ్మధమ్మో విపాకధమ్మధమ్మస్స మగ్గపచ్చయేన పచ్చయో… తీణి. నేవవిపాకనవిపాకధమ్మధమ్మో నేవవిపాకనవిపాకధమ్మధమ్మస్స మగ్గపచ్చయేన పచ్చయో. నేవవిపాకనవిపాకధమ్మధమ్మా మగ్గఙ్గా సమ్పయుత్తకానం ఖన్ధానం చిత్తసముట్ఠానానఞ్చ రూపానం మగ్గపచ్చయేన పచ్చయో.

సమ్పయుత్తపచ్చయో

౧౧౪. విపాకో ధమ్మో విపాకస్స ధమ్మస్స సమ్పయుత్తపచ్చయేన పచ్చయో – విపాకో ఏకో ఖన్ధో తిణ్ణన్నం…పే… ద్వే ఖన్ధా ద్విన్నం…పే… పటిసన్ధిక్ఖణే…పే… విపాకధమ్మధమ్మో విపాకధమ్మధమ్మస్స సమ్పయుత్తపచ్చయేన పచ్చయో; నేవవిపాకనవిపాకధమ్మధమ్మో నేవవిపాకనవిపాకధమ్మధమ్మస్స సమ్పయుత్తపచ్చయేన పచ్చయో; ద్వే ఖన్ధా ద్విన్నం ఖన్ధానం సమ్పయుత్తపచ్చయేన పచ్చయో.

విప్పయుత్తపచ్చయో

౧౧౫. విపాకో ధమ్మో నేవవిపాకనవిపాకధమ్మధమ్మస్స విప్పయుత్తపచ్చయేన పచ్చయో – సహజాతం, పచ్ఛాజాతం. సహజాతా – విపాకా ఖన్ధా చిత్తసముట్ఠానానం రూపానం విప్పయుత్తపచ్చయేన పచ్చయో; పటిసన్ధిక్ఖణే విపాకా ఖన్ధా కటత్తారూపానం విప్పయుత్తపచ్చయేన పచ్చయో; ఖన్ధా వత్థుస్స విప్పయుత్తపచ్చయేన పచ్చయో. పచ్ఛాజాతా – విపాకా ఖన్ధా పురేజాతస్స ఇమస్స కాయస్స విప్పయుత్తపచ్చయేన పచ్చయో. (౧)

విపాకధమ్మధమ్మో నేవవిపాకనవిపాకధమ్మధమ్మస్స విప్పయుత్తపచ్చయేన పచ్చయో – సహజాతం, పచ్ఛాజాతం. సహజాతా – విపాకధమ్మధమ్మా ఖన్ధా చిత్తసముట్ఠానానం రూపానం విప్పయుత్తపచ్చయేన పచ్చయో. పచ్ఛాజాతా – విపాకధమ్మధమ్మా ఖన్ధా పురేజాతస్స ఇమస్స కాయస్స విప్పయుత్తపచ్చయేన పచ్చయో. (౧)

నేవవిపాకనవిపాకధమ్మధమ్మో నేవవిపాకనవిపాకధమ్మధమ్మస్స విప్పయుత్తపచ్చయేన పచ్చయో – సహజాతం, పురేజాతం, పచ్ఛాజాతం. సహజాతా – నేవవిపాకనవిపాకధమ్మధమ్మా ఖన్ధా చిత్తసముట్ఠానానం రూపానం విప్పయుత్తపచ్చయేన పచ్చయో. పురేజాతం – వత్థు నేవవిపాకనవిపాకధమ్మధమ్మానం ఖన్ధానం విప్పయుత్తపచ్చయేన పచ్చయో. పచ్ఛాజాతా – నేవవిపాకనవిపాకధమ్మధమ్మా ఖన్ధా పురేజాతస్స ఇమస్స కాయస్స విప్పయుత్తపచ్చయేన పచ్చయో. (౧)

నేవవిపాకనవిపాకధమ్మధమ్మో విపాకస్స ధమ్మస్స విప్పయుత్తపచ్చయేన పచ్చయో – సహజాతం, పురేజాతం. సహజాతం – పటిసన్ధిక్ఖణే వత్థు విపాకానం ఖన్ధానం విప్పయుత్తపచ్చయేన పచ్చయో. పురేజాతం – చక్ఖాయతనం చక్ఖువిఞ్ఞాణస్స…పే… కాయాయతనం కాయవిఞ్ఞాణస్స…పే… వత్థు విపాకానం ఖన్ధానం విప్పయుత్తపచ్చయేన పచ్చయో. (౨)

నేవవిపాకనవిపాకధమ్మధమ్మో విపాకధమ్మధమ్మస్స విప్పయుత్తపచ్చయేన పచ్చయో. పురేజాతం – వత్థు విపాకధమ్మధమ్మానం ఖన్ధానం విప్పయుత్తపచ్చయేన పచ్చయో. (౩)

అత్థిపచ్చయో

౧౧౬. విపాకో ధమ్మో విపాకస్స ధమ్మస్స అత్థిపచ్చయేన పచ్చయో – విపాకో ఏకో ఖన్ధో తిణ్ణన్నం…పే… పటిసన్ధిక్ఖణే విపాకో ఏకో ఖన్ధో తిణ్ణన్నం…పే…. (౧)

విపాకో ధమ్మో నేవవిపాకనవిపాకధమ్మధమ్మస్స…పే… సహజాతం, పచ్ఛాజాతం. సహజాతా – విపాకా ఖన్ధా చిత్తసముట్ఠానానం రూపానం అత్థిపచ్చయేన పచ్చయో; పటిసన్ధిఖణే విపాకా ఖన్ధా కటత్తారూపానం అత్థిపచ్చయేన పచ్చయో. పచ్ఛాజాతా – విపాకా ఖన్ధా పురేజాతస్స ఇమస్స కాయస్స అత్థిపచ్చయేన పచ్చయో. (౨)

విపాకో ధమ్మో విపాకస్స చ నేవవిపాకనవిపాకధమ్మధమ్మస్స చ అత్థిపచ్చయేన పచ్చయో – విపాకో ఏకో ఖన్ధో తిణ్ణన్నం ఖన్ధానం చిత్తసముట్ఠానానఞ్చ రూపానం అత్థిపచ్చయేన పచ్చయో… పటిసన్ధిక్ఖణే…పే…. (౩)

౧౧౭. విపాకధమ్మధమ్మో విపాకధమ్మధమ్మస్స అత్థిపచ్చయేన పచ్చయో… ద్వే ఖన్ధా ద్విన్నం ఖన్ధానం అత్థిపచ్చయేన పచ్చయో. (౧)

విపాకధమ్మధమ్మో నేవవిపాకనవిపాకధమ్మధమ్మస్స అత్థిపచ్చయేన పచ్చయో – సహజాతం, పచ్ఛాజాతం. సహజాతా – విపాకధమ్మధమ్మా ఖన్ధా చిత్తసముట్ఠానానం రూపానం అత్థిపచ్చయేన పచ్చయో. పచ్ఛాజాతా – విపాకధమ్మధమ్మా ఖన్ధా పురేజాతస్స ఇమస్స కాయస్స అత్థిపచ్చయేన పచ్చయో. (౨)

విపాకధమ్మధమ్మో విపాకధమ్మధమ్మస్స చ నేవవిపాకనవిపాకధమ్మధమ్మస్స చ…పే… విపాకధమ్మధమ్మో ఏకో ఖన్ధో తిణ్ణన్నం ఖన్ధానం చిత్తసముట్ఠానానఞ్చ రూపానం అత్థిపచ్చయేన పచ్చయో…. (౩)

నేవవిపాకనవిపాకధమ్మధమ్మో నేవవిపాకనవిపాకధమ్మధమ్మస్స …పే… సహజాతం, పురేజాతం, పచ్ఛాజాతం, ఆహారం, ఇన్ద్రియం. సహజాతో – నేవవిపాకనవిపాకధమ్మధమ్మో ఏకో ఖన్ధో తిణ్ణన్నం ఖన్ధానం చిత్తసముట్ఠానానఞ్చ రూపానం అత్థిపచ్చయేన పచ్చయో…పే… ద్వే ఖన్ధా ద్విన్నం ఖన్ధానం చిత్తసముట్ఠానానఞ్చ రూపానం అత్థిపచ్చయేన పచ్చయో; ఏకం మహాభూతం…పే… మహాభూతా చిత్తసముట్ఠానానం రూపానం కటత్తారూపానం ఉపాదారూపానం అత్థిపచ్చయేన పచ్చయో. బాహిరం… ఆహారసముట్ఠానం… ఉతుసముట్ఠానం… అసఞ్ఞసత్తానం ఏకం మహాభూతం…పే….

పురేజాతం – అరహా చక్ఖుం అనిచ్చతో…పే… సోతం…పే… వత్థుం అనిచ్చతో…పే… దిబ్బేన చక్ఖునా రూపం పస్సతి, దిబ్బాయ సోతధాతుయా సద్దం సుణాతి, వత్థు నేవవిపాకనవిపాకధమ్మధమ్మానం ఖన్ధానం అత్థిపచ్చయేన పచ్చయో.

పచ్ఛాజాతా – నేవవిపాకనవిపాకధమ్మధమ్మా ఖన్ధా పురేజాతస్స ఇమస్స కాయస్స అత్థిపచ్చయేన పచ్చయో; కబళీకారో ఆహారో ఇమస్స కాయస్స అత్థిపచ్చయేన పచ్చయో; రూపజీవితిన్ద్రియం కటత్తారూపానం అత్థిపచ్చయేన పచ్చయో. (౧)

నేవవిపాకనవిపాకధమ్మధమ్మో విపాకస్స ధమ్మస్స అత్థిపచ్చయేన పచ్చయో – సహజాతం, పురేజాతం. సహజాతం – పటిసన్ధిక్ఖణే వత్థు విపాకానం ఖన్ధానం అత్థిపచ్చయేన పచ్చయో. పురేజాతం – సేక్ఖా వా పుథుజ్జనా వా చక్ఖుం అనిచ్చతో…పే… అస్సాదేన్తి; తం ఆరబ్భ రాగో…పే… దోమనస్సం…పే… కుసలాకుసలే నిరుద్ధే విపాకో తదారమ్మణతా…పే… సోతం…పే… వత్థుం…పే… విపాకో తదారమ్మణతా…పే… రూపాయతనం చక్ఖువిఞ్ఞాణస్స…పే… ఫోట్ఠబ్బాయతనం కాయవిఞ్ఞాణస్స…పే… చక్ఖాయతనం చక్ఖువిఞ్ఞాణస్స…పే… కాయాయతనం కాయవిఞ్ఞాణస్స…పే… వత్థు విపాకానం ఖన్ధానం అత్థిపచ్చయేన పచ్చయో. (౨)

నేవవిపాకనవిపాకధమ్మధమ్మో విపాకధమ్మధమ్మస్స అత్థిపచ్చయేన పచ్చయో. పురేజాతం – సేక్ఖా వా పుథుజ్జనా వా చక్ఖుం అనిచ్చతో…పే… అస్సాదేన్తి…పే… దోమనస్సం ఉప్పజ్జతి. సోతం…పే… వత్థుం అనిచ్చతో…పే… దోమనస్సం ఉప్పజ్జతి. దిబ్బేన చక్ఖునా…పే… వత్థు విపాకధమ్మధమ్మానం ఖన్ధానం అత్థిపచ్చయేన పచ్చయో. (౩)

౧౧౮. విపాకో చ నేవవిపాకనవిపాకధమ్మధమ్మో చ ధమ్మా విపాకస్స ధమ్మస్స అత్థిపచ్చయేన పచ్చయో – సహజాతం, పురేజాతం. సహజాతో – చక్ఖువిఞ్ఞాణసహగతో ఏకో ఖన్ధో చ చక్ఖాయతనఞ్చ తిణ్ణన్నం…పే… కాయవిఞ్ఞాణసహగతో…పే… విపాకో ఏకో ఖన్ధో చ వత్థు చ తిణ్ణన్నం ఖన్ధానం…పే… పటిసన్ధిక్ఖణే విపాకో ఏకో ఖన్ధో చ వత్థు చ తిణ్ణన్నం…పే…. (౧)

విపాకో చ నేవవిపాకనవిపాకధమ్మధమ్మో చ ధమ్మా నేవవిపాకనవిపాకధమ్మధమ్మస్స అత్థిపచ్చయేన పచ్చయో – సహజాతం, పచ్ఛాజాతం, ఆహారం, ఇన్ద్రియం. సహజాతా – విపాకా ఖన్ధా చ మహాభూతా చ చిత్తసముట్ఠానానం రూపానం అత్థిపచ్చయేన పచ్చయో. పటిసన్ధిక్ఖణే విపాకా ఖన్ధా చ మహాభూతా చ కటత్తారూపానం అత్థిపచ్చయేన పచ్చయో.

పచ్ఛాజాతా – విపాకా ఖన్ధా చ కబళీకారో ఆహారో చ ఇమస్స కాయస్స…పే… పచ్ఛాజాతా విపాకా ఖన్ధా చ రూపజీవితిన్ద్రియఞ్చ కటత్తారూపానం అత్థిపచ్చయేన పచ్చయో. (౨)