౧. విభఙ్గవారో

నహేతుపచ్చయో

౮. సుఖాయ వేదనాయ సమ్పయుత్తం ధమ్మం పటిచ్చ సుఖాయ వేదనాయ సమ్పయుత్తో ధమ్మో ఉప్పజ్జతి నహేతుపచ్చయా – అహేతుకం సుఖాయ వేదనాయ సమ్పయుత్తం ఏకం ఖన్ధం పటిచ్చ ద్వే ఖన్ధా, ద్వే ఖన్ధే పటిచ్చ ఏకో ఖన్ధో.

దుక్ఖాయ వేదనాయ సమ్పయుత్తం ధమ్మం పటిచ్చ దుక్ఖాయ వేదనాయ సమ్పయుత్తో ధమ్మో ఉప్పజ్జతి నహేతుపచ్చయా – దుక్ఖసహగతం కాయవిఞ్ఞాణసహగతం ఏకం ఖన్ధం పటిచ్చ ద్వే ఖన్ధా, ద్వే ఖన్ధే పటిచ్చ ఏకో ఖన్ధో.

అదుక్ఖమసుఖాయ వేదనాయ సమ్పయుత్తం ధమ్మం పటిచ్చ అదుక్ఖమసుఖాయ వేదనాయ సమ్పయుత్తో ధమ్మో ఉప్పజ్జతి నహేతుపచ్చయా – అహేతుకం అదుక్ఖమసుఖాయ వేదనాయ సమ్పయుత్తం ఏకం ఖన్ధం పటిచ్చ ద్వే ఖన్ధా, ద్వే ఖన్ధే పటిచ్చ ఏకో ఖన్ధో; అహేతుకపటిసన్ధిక్ఖణే అదుక్ఖమసుఖాయ వేదనాయ సమ్పయుత్తం ఏకం ఖన్ధం పటిచ్చ ద్వే ఖన్ధా, ద్వే ఖన్ధే పటిచ్చ ఏకో ఖన్ధో; విచికిచ్ఛాసహగతే ఉద్ధచ్చసహగతే ఖన్ధే పటిచ్చ విచికిచ్ఛాసహగతో ఉద్ధచ్చసహగతో మోహో.

నఅధిపతిపచ్చయో

౯. సుఖాయ వేదనాయ సమ్పయుత్తం ధమ్మం పటిచ్చ సుఖాయ వేదనాయ సమ్పయుత్తో ధమ్మో ఉప్పజ్జతి నఅధిపతిపచ్చయా (నాధిపతి పరిపుణ్ణం పటిసన్ధికం).

నపురేజాతపచ్చయో

౧౦. సుఖాయ వేదనాయ సమ్పయుత్తం ధమ్మం పటిచ్చ సుఖాయ వేదనాయ సమ్పయుత్తో ధమ్మో ఉప్పజ్జతి నపురేజాతపచ్చయా – అరూపే సుఖాయ వేదనాయ సమ్పయుత్తం ఏకం ఖన్ధం పటిచ్చ ద్వే ఖన్ధా, ద్వే ఖన్ధే పటిచ్చ ఏకో ఖన్ధో; పటిసన్ధిక్ఖణే సుఖాయ వేదనాయ సమ్పయుత్తం ఏకం ఖన్ధం పటిచ్చ ద్వే ఖన్ధా, ద్వే ఖన్ధే పటిచ్చ ఏకో ఖన్ధో.

అదుక్ఖమసుఖాయ వేదనాయ సమ్పయుత్తం ధమ్మం పటిచ్చ అదుక్ఖమసుఖాయ వేదనాయ సమ్పయుత్తో ధమ్మో ఉప్పజ్జతి నపురేజాతపచ్చయా – అరూపే అదుక్ఖమసుఖాయ వేదనాయ సమ్పయుత్తం ఏకం ఖన్ధం పటిచ్చ ద్వే ఖన్ధా, ద్వే ఖన్ధే పటిచ్చ ఏకో ఖన్ధో; పటిసన్ధిక్ఖణే అదుక్ఖమసుఖాయ వేదనాయ సమ్పయుత్తం ఏకం ఖన్ధం పటిచ్చ ద్వే ఖన్ధా, ద్వే ఖన్ధే పటిచ్చ ఏకో ఖన్ధో.

నపచ్ఛాజాత-నఆసేవనపచ్చయా

౧౧. సుఖాయ వేదనాయ సమ్పయుత్తం ధమ్మం పటిచ్చ సుఖాయ వేదనాయ సమ్పయుత్తో ధమ్మో ఉప్పజ్జతి నపచ్ఛాజాతపచ్చయా… నఆసేవనపచ్చయా (నపచ్ఛాజాతమ్పి నఆసేవనమ్పి పరిపుణ్ణం పటిసన్ధికం).

నకమ్మపచ్చయో

౧౨. సుఖాయ వేదనాయ సమ్పయుత్తం ధమ్మం పటిచ్చ సుఖాయ వేదనాయ సమ్పయుత్తో ధమ్మో ఉప్పజ్జతి నకమ్మపచ్చయా – సుఖాయ వేదనాయ సమ్పయుత్తే ఖన్ధే పటిచ్చ సుఖాయ వేదనాయ సమ్పయుత్తా చేతనా.

దుక్ఖాయ వేదనాయ సమ్పయుత్తం ధమ్మం పటిచ్చ దుక్ఖాయ వేదనాయ సమ్పయుత్తో ధమ్మో ఉప్పజ్జతి నకమ్మపచ్చయా – దుక్ఖాయ వేదనాయ సమ్పయుత్తే ఖన్ధే పటిచ్చ దుక్ఖాయ వేదనాయ సమ్పయుత్తా చేతనా.

అదుక్ఖమసుఖాయ వేదనాయ సమ్పయుత్తం ధమ్మం పటిచ్చ అదుక్ఖమసుఖాయ వేదనాయ సమ్పయుత్తో ధమ్మో ఉప్పజ్జతి నకమ్మపచ్చయా – అదుక్ఖమసుఖాయ వేదనాయ సమ్పయుత్తే ఖన్ధే పటిచ్చ అదుక్ఖమసుఖాయ వేదనాయ సమ్పయుత్తా చేతనా.

నవిపాక-నఝానపచ్చయా

౧౩. సుఖాయ వేదనాయ సమ్పయుత్తం ధమ్మం పటిచ్చ దుక్ఖాయ వేదనాయ సమ్పయుత్తో ధమ్మో ఉప్పజ్జతి నవిపాకపచ్చయా… నఝానపచ్చయా – సుఖసహగతం కాయవిఞ్ఞాణసహగతం ఏకం ఖన్ధం పటిచ్చ ద్వే ఖన్ధా, ద్వే ఖన్ధే పటిచ్చ ఏకో ఖన్ధో.

దుక్ఖాయ వేదనాయ సమ్పయుత్తం ధమ్మం పటిచ్చ దుక్ఖాయ వేదనాయ సమ్పయుత్తో ధమ్మో ఉప్పజ్జతి నఝానపచ్చయా – దుక్ఖసహగతం కాయవిఞ్ఞాణసహగతం ఏకం ఖన్ధం పటిచ్చ ద్వే ఖన్ధా, ద్వే ఖన్ధే పటిచ్చ ఏకో ఖన్ధో.

అదుక్ఖమసుఖాయ వేదనాయ సమ్పయుత్తం ధమ్మం పటిచ్చ అదుక్ఖమసుఖాయ వేదనాయ సమ్పయుత్తో ధమ్మో ఉప్పజ్జతి నఝానపచ్చయా – చతువిఞ్ఞాణసహగతం ఏకం ఖన్ధం పటిచ్చ ద్వే ఖన్ధా, ద్వే ఖన్ధే పటిచ్చ ఏకో ఖన్ధో.

నమగ్గపచ్చయో

౧౪. సుఖాయ వేదనాయ సమ్పయుత్తం ధమ్మం పటిచ్చ సుఖాయ వేదనాయ సమ్పయుత్తో ధమ్మో ఉప్పజ్జతి నమగ్గపచ్చయా – అహేతుకం సుఖాయ వేదనాయ సమ్పయుత్తం ఏకం ఖన్ధం పటిచ్చ ద్వే ఖన్ధా, ద్వే ఖన్ధే పటిచ్చ ఏకో ఖన్ధో.

దుక్ఖాయ వేదనాయ సమ్పయుత్తం ధమ్మం పటిచ్చ దుక్ఖాయ వేదనాయ సమ్పయుత్తో ధమ్మో ఉప్పజ్జతి నమగ్గపచ్చయా – దుక్ఖసహగతం కాయవిఞ్ఞాణసహగతం ఏకం ఖన్ధం పటిచ్చ ద్వే ఖన్ధా, ద్వే ఖన్ధే పటిచ్చ ఏకో ఖన్ధో.

అదుక్ఖమసుఖాయ వేదనాయ సమ్పయుత్తం ధమ్మం పటిచ్చ అదుక్ఖమసుఖాయ వేదనాయ సమ్పయుత్తో ధమ్మో ఉప్పజ్జతి నమగ్గపచ్చయా – అహేతుకం అదుక్ఖమసుఖాయ వేదనాయ సమ్పయుత్తం ఏకం ఖన్ధం పటిచ్చ ద్వే ఖన్ధా, ద్వే ఖన్ధే పటిచ్చ ఏకో ఖన్ధో; అహేతుకపటిసన్ధిక్ఖణే అదుక్ఖమసుఖాయ వేదనాయ సమ్పయుత్తం ఏకం ఖన్ధం పటిచ్చ ద్వే ఖన్ధా, ద్వే ఖన్ధే పటిచ్చ ఏకో ఖన్ధో.

నవిప్పయుత్తపచ్చయో

౧౫. సుఖాయ వేదనాయ సమ్పయుత్తం ధమ్మం పటిచ్చ సుఖాయ వేదనాయ సమ్పయుత్తో ధమ్మో ఉప్పజ్జతి నవిప్పయుత్తపచ్చయా – అరూపే సుఖాయ వేదనాయ సమ్పయుత్తం ఏకం ఖన్ధం పటిచ్చ ద్వే ఖన్ధా, ద్వే ఖన్ధే పటిచ్చ ఏకో ఖన్ధో.

అదుక్ఖమసుఖాయ వేదనాయ సమ్పయుత్తం ధమ్మం పటిచ్చ అదుక్ఖమసుఖాయ వేదనాయ సమ్పయుత్తో ధమ్మో ఉప్పజ్జతి నవిప్పయుత్తపచ్చయా – అరూపే అదుక్ఖమసుఖాయ వేదనాయ సమ్పయుత్తం ఏకం ఖన్ధం పటిచ్చ ద్వే ఖన్ధా, ద్వే ఖన్ధే పటిచ్చ ఏకో ఖన్ధో.