౧౧. ఏకాదసమవగ్గో

(౧౦౯) ౪. ఞాణకథా

౬౧౪. అఞ్ఞాణే విగతే ఞాణవిప్పయుత్తే చిత్తే వత్తమానే న వత్తబ్బం – ‘‘ఞాణీ’’తి? ఆమన్తా. రాగే విగతే న వత్తబ్బం – ‘‘వీతరాగో’’తి? న హేవం వత్తబ్బే…పే… అఞ్ఞాణే విగతే ఞాణవిప్పయుత్తే చిత్తే వత్తమానే న వత్తబ్బం – ‘‘ఞాణీ’’తి? ఆమన్తా. దోసే విగతే… మోహే విగతే… కిలేసే విగతే న వత్తబ్బం – ‘‘నిక్కిలేసో’’తి? న హేవం వత్తబ్బే…పే….

రాగే విగతే వత్తబ్బం – ‘‘వీతరాగో’’తి? ఆమన్తా. అఞ్ఞాణే విగతే ఞాణవిప్పయుత్తే చిత్తే వత్తమానే వత్తబ్బం – ‘‘ఞాణీ’’తి? న హేవం వత్తబ్బే…పే… దోసే విగతే… మోహే విగతే… కిలేసే విగతే వత్తబ్బం – ‘‘నిక్కిలేసో’’తి? ఆమన్తా. అఞ్ఞాణే విగతే ఞాణవిప్పయుత్తే చిత్తే వత్తమానే వత్తబ్బం – ‘‘ఞాణీ’’తి? న హేవం వత్తబ్బే…పే….

౬౧౫. అఞ్ఞాణే విగతే ఞాణవిప్పయుత్తే చిత్తే వత్తమానే వత్తబ్బం – ‘‘ఞాణీ’’తి? ఆమన్తా. అతీతేన ఞాణేన ఞాణీ నిరుద్ధేన విగతేన పటిపస్సద్ధేన ఞాణేన ఞాణీతి? న హేవం వత్తబ్బే…పే….

ఞాణకథా నిట్ఠితా.