౬. సమ్పయోగవిప్పయోగపదనిద్దేసో

౧. ఖన్ధో

౨౨౮. రూపక్ఖన్ధో కతిహి ఖన్ధేహి కతిహాయతనేహి కతిహి ధాతూహి సమ్పయుత్తోతి? నత్థి. కతిహి విప్పయుత్తో? చతూహి ఖన్ధేహి ఏకేనాయతనేన సత్తహి ధాతూహి విప్పయుత్తో; ఏకేనాయతనేన ఏకాయ ధాతుయా కేహిచి విప్పయుత్తో.

౨౨౯. వేదనాక్ఖన్ధో… సఞ్ఞాక్ఖన్ధో… సఙ్ఖారక్ఖన్ధో తీహి ఖన్ధేహి ఏకేనాయతనేన సత్తహి ధాతూహి సమ్పయుత్తో; ఏకేనాయతనేన ఏకాయ ధాతుయా కేహిచి సమ్పయుత్తో. కతిహి విప్పయుత్తో? ఏకేన ఖన్ధేన దసహాయతనేహి దసహి ధాతూహి విప్పయుత్తో; ఏకేనాయతనేన ఏకాయ ధాతుయా కేహిచి విప్పయుత్తో.

౨౩౦. విఞ్ఞాణక్ఖన్ధో తీహి ఖన్ధేహి సమ్పయుత్తో; ఏకేనాయతనేన ఏకాయ ధాతుయా కేహిచి సమ్పయుత్తో. కతిహి విప్పయుత్తో? ఏకేన ఖన్ధేన దసహాయతనేహి దసహి ధాతూహి విప్పయుత్తో; ఏకేనాయతనేన ఏకాయ ధాతుయా కేహిచి విప్పయుత్తో.

౨. ఆయతనం

౨౩౧. చక్ఖాయతనం…పే… ఫోట్ఠబ్బాయతనం…పే… సమ్పయుత్తన్తి? నత్థి. కతిహి విప్పయుత్తం? చతూహి ఖన్ధేహి ఏకేనాయతనేన సత్తహి ధాతూహి విప్పయుత్తం; ఏకేనాయతనేన ఏకాయ ధాతుయా కేహిచి విప్పయుత్తం.

౨౩౨. మనాయతనం తీహి ఖన్ధేహి సమ్పయుత్తం; ఏకేనాయతనేన ఏకాయ ధాతుయా కేహిచి సమ్పయుత్తం. కతిహి విప్పయుత్తం? ఏకేన ఖన్ధేన దసహాయతనేహి దసహి ధాతూహి విప్పయుత్తం; ఏకేనాయతనేన ఏకాయ ధాతుయా కేహిచి విప్పయుత్తం.

౩. ధాతు

౨౩౩. చక్ఖుధాతు …పే… ఫోట్ఠబ్బధాతు…పే… సమ్పయుత్తాతి? నత్థి. కతిహి విప్పయుత్తా? చతూహి ఖన్ధేహి ఏకేనాయతనేన సత్తహి ధాతూహి విప్పయుత్తా; ఏకేనాయతనేన ఏకాయ ధాతుయా కేహిచి విప్పయుత్తా.

౨౩౪. చక్ఖువిఞ్ఞాణధాతు…పే… మనోధాతు… మనోవిఞ్ఞాణధాతు తీహి ఖన్ధేహి సమ్పయుత్తా; ఏకేనాయతనేన ఏకాయ ధాతుయా కేహిచి సమ్పయుత్తా. కతిహి విప్పయుత్తా? ఏకేన ఖన్ధేన దసహాయతనేహి సోళసహి ధాతూహి విప్పయుత్తా; ఏకేనాయతనేన ఏకాయ ధాతుయా కేహిచి విప్పయుత్తా.

౪. సచ్చాది

౨౩౫. సముదయసచ్చం… మగ్గసచ్చం తీహి ఖన్ధేహి ఏకేనాయతనేన ఏకాయ ధాతుయా సమ్పయుత్తం; ఏకేన ఖన్ధేన ఏకేనాయతనేన ఏకాయ ధాతుయా కేహిచి సమ్పయుత్తం. కతిహి విప్పయుత్తం? ఏకేన ఖన్ధేన దసహాయతనేహి సోళసహి ధాతూహి విప్పయుత్తం; ఏకేనాయతనేన ఏకాయ ధాతుయా కేహిచి విప్పయుత్తం.

౨౩౬. నిరోధసచ్చం… చక్ఖున్ద్రియం…పే… కాయిన్ద్రియం… ఇత్థిన్ద్రియం… పురిసిన్ద్రియం…పే… సమ్పయుత్తన్తి? నత్థి. కతిహి విప్పయుత్తం? చతూహి ఖన్ధేహి ఏకేనాయతనేన సత్తహి ధాతూహి విప్పయుత్తం; ఏకేనాయతనేన ఏకాయ ధాతుయా కేహిచి విప్పయుత్తం.

౨౩౭. మనిన్ద్రియం తీహి ఖన్ధేహి సమ్పయుత్తం; ఏకేనాయతనేన ఏకాయ ధాతుయా కేహిచి సమ్పయుత్తం. కతిహి విప్పయుత్తం? ఏకేన ఖన్ధేన దసహాయతనేహి దసహి ధాతూహి విప్పయుత్తం; ఏకేనాయతనేన ఏకాయ ధాతుయా కేహిచి విప్పయుత్తం.

౨౩౮. సుఖిన్ద్రియం… దుక్ఖిన్ద్రియం… సోమనస్సిన్ద్రియం… దోమనస్సిన్ద్రియం తీహి ఖన్ధేహి ఏకేనాయతనేన ఏకాయ ధాతుయా సమ్పయుత్తం; ఏకేనాయతనేన ఏకాయ ధాతుయా కేహిచి సమ్పయుత్తం. కతిహి విప్పయుత్తం? ఏకేన ఖన్ధేన దసహాయతనేహి సోళసహి ధాతూహి విప్పయుత్తం; ఏకేనాయతనేన ఏకాయ ధాతుయా కేహిచి విప్పయుత్తం.

౨౩౯. ఉపేక్ఖిన్ద్రియం తీహి ఖన్ధేహి ఏకేనాయతనేన ఛహి ధాతూహి సమ్పయుత్తం; ఏకేనాయతనేన ఏకాయ ధాతుయా కేహిచి సమ్పయుత్తం. కతిహి విప్పయుత్తం? ఏకేన ఖన్ధేన దసహాయతనేహి ఏకాదసహి ధాతూహి విప్పయుత్తం; ఏకేనాయతనేన ఏకాయ ధాతుయా కేహిచి విప్పయుత్తం.

౨౪౦. సద్ధిన్ద్రియం… వీరియిన్ద్రియం… సతిన్ద్రియం… సమాధిన్ద్రియం… పఞ్ఞిన్ద్రియం… అనఞ్ఞాతఞ్ఞస్సామీతిన్ద్రియం… అఞ్ఞిన్ద్రియం… అఞ్ఞాతావిన్ద్రియం… అవిజ్జా… అవిజ్జాపచ్చయా సఙ్ఖారా తీహి ఖన్ధేహి ఏకేనాయతనేన ఏకాయ ధాతుయా సమ్పయుత్తా; ఏకేన ఖన్ధేన ఏకేనాయతనేన ఏకాయ ధాతుయా కేహిచి సమ్పయుత్తా. కతిహి విప్పయుత్తా? ఏకేన ఖన్ధేన దసహాయతనేహి సోళసహి ధాతూహి విప్పయుత్తా; ఏకేనాయతనేన ఏకాయ ధాతుయా కేహిచి విప్పయుత్తా.

౨౪౧. సఙ్ఖారపచ్చయా విఞ్ఞాణం తీహి ఖన్ధేహి సమ్పయుత్తం; ఏకేనాయతనేన ఏకాయ ధాతుయా కేహిచి సమ్పయుత్తం. కతిహి విప్పయుత్తం? ఏకేన ఖన్ధేన దసహాయతనేహి దసహి ధాతూహి విప్పయుత్తం; ఏకేనాయతనేన ఏకాయ ధాతుయా కేహిచి విప్పయుత్తం.

౨౪౨. సళాయతనపచ్చయా ఫస్సో తీహి ఖన్ధేహి ఏకేనాయతనేన సత్తహి ధాతూహి సమ్పయుత్తో; ఏకేన ఖన్ధేన ఏకేనాయతనేన ఏకాయ ధాతుయా కేహిచి సమ్పయుత్తో. కతిహి విప్పయుత్తో? ఏకేన ఖన్ధేన దసహాయతనేహి దసహి ధాతూహి విప్పయుత్తో; ఏకేనాయతనేన ఏకాయ ధాతుయా కేహిచి విప్పయుత్తో.

౨౪౩. ఫస్సపచ్చయా వేదనా తీహి ఖన్ధేహి ఏకేనాయతనేన సత్తహి ధాతూహి సమ్పయుత్తా; ఏకేనాయతనేన ఏకాయ ధాతుయా కేహిచి సమ్పయుత్తా. కతిహి విప్పయుత్తా? ఏకేన ఖన్ధేన దసహాయతనేహి దసహి ధాతూహి విప్పయుత్తా; ఏకేనాయతనేన ఏకాయ ధాతుయా కేహిచి విప్పయుత్తా.

౨౪౪. వేదనాపచ్చయా తణ్హా… తణ్హాపచ్చయా ఉపాదానం… కమ్మభవో తీహి ఖన్ధేహి ఏకేనాయతనేన ఏకాయ ధాతుయా సమ్పయుత్తో; ఏకేన ఖన్ధేన ఏకేనాయతనేన ఏకాయ ధాతుయా కేహిచి సమ్పయుత్తో. కతిహి విప్పయుత్తో? ఏకేన ఖన్ధేన దసహాయతనేహి సోళసహి ధాతూహి విప్పయుత్తో; ఏకేనాయతనేన ఏకాయ ధాతుయా కేహిచి విప్పయుత్తో.

౨౪౫. రూపభవో…పే… సమ్పయుత్తోతి? నత్థి. కతిహి విప్పయుత్తో? న కేహిచి ఖన్ధేహి న కేహిచి ఆయతనేహి తీహి ధాతూహి విప్పయుత్తో.

౨౪౬. అరూపభవో… నేవసఞ్ఞానాసఞ్ఞాభవో… చతువోకారభవో…పే… సమ్పయుత్తోతి? నత్థి. కతిహి విప్పయుత్తో? ఏకేన ఖన్ధేన దసహాయతనేహి సోళసహి ధాతూహి విప్పయుత్తో; ఏకేనాయతనేన ఏకాయ ధాతుయా కేహిచి విప్పయుత్తో.

౨౪౭. అసఞ్ఞాభవో… ఏకవోకారభవో… పరిదేవో…పే… సమ్పయుత్తోతి? నత్థి. కతిహి విప్పయుత్తో? చతూహి ఖన్ధేహి ఏకేనాయతనేన సత్తహి ధాతూహి విప్పయుత్తో; ఏకేనాయతనేన ఏకాయ ధాతుయా కేహిచి విప్పయుత్తో.

౨౪౮. సోకో… దుక్ఖం… దోమనస్సం తీహి ఖన్ధేహి ఏకేనాయతనేన ఏకాయ ధాతుయా సమ్పయుత్తం; ఏకేనాయతనేన ఏకాయ ధాతుయా కేహిచి సమ్పయుత్తం. కతిహి విప్పయుత్తం? ఏకేన ఖన్ధేన దసహాయతనేహి సోళసహి ధాతూహి విప్పయుత్తం; ఏకేనాయతనేన ఏకాయ ధాతుయా కేహిచి విప్పయుత్తం.

౨౪౯. ఉపాయాసో… సతిపట్ఠానం… సమ్మప్పధానం తీహి ఖన్ధేహి ఏకేనాయతనేన ఏకాయ ధాతుయా సమ్పయుత్తం; ఏకేన ఖన్ధేన ఏకేనాయతనేన ఏకాయ ధాతుయా కేహిచి సమ్పయుత్తం. కతిహి విప్పయుత్తం? ఏకేన ఖన్ధేన దసహాయతనేహి సోళసహి ధాతూహి విప్పయుత్తం; ఏకేనాయతనేన ఏకాయ ధాతుయా కేహిచి విప్పయుత్తం.

౨౫౦. ఇద్ధిపాదో ద్వీహి ఖన్ధేహి సమ్పయుత్తో; ఏకేన ఖన్ధేన ఏకేనాయతనేన ఏకాయ ధాతుయా కేహిచి సమ్పయుత్తో. కతిహి విప్పయుత్తో? ఏకేన ఖన్ధేన దసహాయతనేహి సోళసహి ధాతూహి విప్పయుత్తో; ఏకేనాయతనేన ఏకాయ ధాతుయా కేహిచి విప్పయుత్తో.

౨౫౧. ఝానం ద్వీహి ఖన్ధేహి ఏకేనాయతనేన ఏకాయ ధాతుయా సమ్పయుత్తం; ఏకేన ఖన్ధేన ఏకేనాయతనేన ఏకాయ ధాతుయా కేహిచి సమ్పయుత్తం. కతిహి విప్పయుత్తం? ఏకేన ఖన్ధేన దసహాయతనేహి సోళసహి ధాతూహి విప్పయుత్తం; ఏకేనాయతనేన ఏకాయ ధాతుయా కేహిచి విప్పయుత్తం.

౨౫౨. అప్పమఞ్ఞా… పఞ్చిన్ద్రియాని… పఞ్చ బలాని… సత్త బోజ్ఝఙ్గా… అరియో అట్ఠఙ్గికో మగ్గో తీహి ఖన్ధేహి ఏకేనాయతనేన ఏకాయ ధాతుయా సమ్పయుత్తో; ఏకేన ఖన్ధేన ఏకేనాయతనేన ఏకాయ ధాతుయా కేహిచి సమ్పయుత్తో. కతిహి విప్పయుత్తో? ఏకేన ఖన్ధేన దసహాయతనేహి సోళసహి ధాతూహి విప్పయుత్తో; ఏకేనాయతనేన ఏకాయ ధాతుయా కేహిచి విప్పయుత్తో.

౨౫౩. ఫస్సో … చేతనా… మనసికారో తీహి ఖన్ధేహి ఏకేనాయతనేన సత్తహి ధాతూహి సమ్పయుత్తో; ఏకేన ఖన్ధేన ఏకేనాయతనేన ఏకాయ ధాతుయా కేహిచి సమ్పయుత్తో. కతిహి విప్పయుత్తో? ఏకేన ఖన్ధేన దసహాయతనేహి దసహి ధాతూహి విప్పయుత్తో; ఏకేనాయతనేన ఏకాయ ధాతుయా కేహిచి విప్పయుత్తో.

౨౫౪. వేదనా… సఞ్ఞా తీహి ఖన్ధేహి ఏకేనాయతనేన సత్తహి ధాతూహి సమ్పయుత్తా; ఏకేనాయతనేన ఏకాయ ధాతుయా కేహిచి సమ్పయుత్తా. కతిహి విప్పయుత్తా? ఏకేన ఖన్ధేన దసహాయతనేహి దసహి ధాతూహి విప్పయుత్తా; ఏకేనాయతనేన ఏకాయ ధాతుయా కేహిచి విప్పయుత్తా.

౨౫౫. చిత్తం తీహి ఖన్ధేహి సమ్పయుత్తం; ఏకేనాయతనేన ఏకాయ ధాతుయా కేహిచి సమ్పయుత్తం. కతిహి విప్పయుత్తం? ఏకేన ఖన్ధేన దసహాయతనేహి దసహి ధాతూహి విప్పయుత్తం; ఏకేనాయతనేన ఏకాయ ధాతుయా కేహిచి విప్పయుత్తం.

౨౫౬. అధిమోక్ఖో తీహి ఖన్ధేహి ఏకేనాయతనేన ద్వీహి ధాతూహి సమ్పయుత్తో; ఏకేన ఖన్ధేన ఏకేనాయతనేన ఏకాయ ధాతుయా కేహిచి సమ్పయుత్తో. కతిహి విప్పయుత్తో? ఏకేన ఖన్ధేన దసహాయతనేహి పన్నరసహి ధాతూహి విప్పయుత్తో; ఏకేనాయతనేన ఏకాయ ధాతుయా కేహిచి విప్పయుత్తో.

౫. తికం

౨౫౭. కుసలా ధమ్మా… అకుసలా ధమ్మా కతిహి ఖన్ధేహి కతిహాయతనేహి కతిహి ధాతూహి సమ్పయుత్తాతి? నత్థి. కతిహి విప్పయుత్తా? ఏకేన ఖన్ధేన దసహాయతనేహి సోళసహి ధాతూహి విప్పయుత్తా; ఏకేనాయతనేన ఏకాయ ధాతుయా కేహిచి విప్పయుత్తా.

౨౫౮. సుఖాయ వేదనాయ సమ్పయుత్తా ధమ్మా… దుక్ఖాయ వేదనాయ సమ్పయుత్తా ధమ్మా ఏకేన ఖన్ధేన సమ్పయుత్తా; ఏకేనాయతనేన ఏకాయ ధాతుయా కేహిచి సమ్పయుత్తా. కతిహి విప్పయుత్తా? ఏకేన ఖన్ధేన దసహాయతనేహి పన్నరసహి ధాతూహి విప్పయుత్తా; ఏకేనాయతనేన ఏకాయ ధాతుయా కేహిచి విప్పయుత్తా.

౨౫౯. అదుక్ఖమసుఖాయ వేదనాయ సమ్పయుత్తా ధమ్మా ఏకేన ఖన్ధేన సమ్పయుత్తా; ఏకేనాయతనేన ఏకాయ ధాతుయా కేహిచి సమ్పయుత్తా. కతిహి విప్పయుత్తా? ఏకేన ఖన్ధేన దసహాయతనేహి ఏకాదసహి ధాతూహి విప్పయుత్తా; ఏకేనాయతనేన ఏకాయ ధాతుయా కేహిచి విప్పయుత్తా.

౨౬౦. విపాకా ధమ్మా…పే… సమ్పయుత్తాతి? నత్థి. కతిహి విప్పయుత్తా? ఏకేన ఖన్ధేన దసహాయతనేహి దసహి ధాతూహి విప్పయుత్తా; ఏకేనాయతనేన ఏకాయ ధాతుయా కేహిచి విప్పయుత్తా.

౨౬౧. విపాకధమ్మధమ్మా… సంకిలిట్ఠసంకిలేసికా ధమ్మా…పే… సమ్పయుత్తాతి? నత్థి. కతిహి విప్పయుత్తా? ఏకేన ఖన్ధేన దసహాయతనేహి సోళసహి ధాతూహి విప్పయుత్తా; ఏకేనాయతనేన ఏకాయ ధాతుయా కేహిచి విప్పయుత్తా.

౨౬౨. నేవవిపాకనవిపాకధమ్మధమ్మా… అనుపాదిన్నుపాదానియా ధమ్మా…పే… సమ్పయుత్తాతి? నత్థి. కతిహి విప్పయుత్తా? న కేహిచి ఖన్ధేహి న కేహిచి ఆయతనేహి పఞ్చహి ధాతూహి విప్పయుత్తా.

౨౬౩. అనుపాదిన్నఅనుపాదానియా ధమ్మా… అసంకిలిట్ఠఅసంకిలేసికా ధమ్మా…పే… సమ్పయుత్తాతి? నత్థి. కతిహి విప్పయుత్తా? న కేహిచి ఖన్ధేహి న కేహిచి ఆయతనేహి ఛహి ధాతూహి విప్పయుత్తా.

౨౬౪. సవితక్కసవిచారా ధమ్మా ఏకేన ఖన్ధేన ఏకేనాయతనేన ఏకాయ ధాతుయా కేహిచి సమ్పయుత్తా. కతిహి విప్పయుత్తా? ఏకేన ఖన్ధేన దసహాయతనేహి పన్నరసహి ధాతూహి విప్పయుత్తా; ఏకేనాయతనేన ఏకాయ ధాతుయా కేహిచి విప్పయుత్తా.

౨౬౫. అవితక్కవిచారమత్తా ధమ్మా… పీతిసహగతా ధమ్మా ఏకేన ఖన్ధేన ఏకేనాయతనేన ఏకాయ ధాతుయా కేహిచి సమ్పయుత్తా. కతిహి విప్పయుత్తా? ఏకేన ఖన్ధేన దసహాయతనేహి సోళసహి ధాతూహి విప్పయుత్తా; ఏకేనాయతనేన ఏకాయ ధాతుయా కేహిచి విప్పయుత్తా.

౨౬౬. అవితక్కఅవిచారా ధమ్మా…పే… సమ్పయుత్తాతి? నత్థి. కతిహి విప్పయుత్తా? న కేహిచి ఖన్ధేహి న కేహిచి ఆయతనేహి ఏకాయ ధాతుయా విప్పయుత్తా.

౨౬౭. సుఖసహగతా ధమ్మా ఏకేన ఖన్ధేన సమ్పయుత్తా; ఏకేనాయతనేన ఏకాయ ధాతుయా కేహిచి సమ్పయుత్తా. కతిహి విప్పయుత్తా? ఏకేన ఖన్ధేన దసహాయతనేహి పన్నరసహి ధాతూహి విప్పయుత్తా; ఏకేనాయతనేన ఏకాయ ధాతుయా కేహిచి విప్పయుత్తా.

౨౬౮. ఉపేక్ఖాసహగతా ధమ్మా ఏకేన ఖన్ధేన సమ్పయుత్తా; ఏకేనాయతనేన ఏకాయ ధాతుయా కేహిచి సమ్పయుత్తా. కతిహి విప్పయుత్తా? ఏకేన ఖన్ధేన దసహాయతనేహి ఏకాదసహి ధాతూహి విప్పయుత్తా; ఏకేనాయతనేన ఏకాయ ధాతుయా కేహిచి విప్పయుత్తా.

౨౬౯. దస్సనేన పహాతబ్బా ధమ్మా భావనాయ పహాతబ్బా ధమ్మా… దస్సనేన పహాతబ్బహేతుకా ధమ్మా… భావనాయ పహాతబ్బహేతుకా ధమ్మా… ఆచయగామినో ధమ్మా… అపచయగామినో ధమ్మా… సేక్ఖా ధమ్మా… అసేక్ఖా ధమ్మా… మహగ్గతా ధమ్మా…పే… సమ్పయుత్తాతి? నత్థి. కతిహి విప్పయుత్తా? ఏకేన ఖన్ధేన దసహాయతనేహి సోళసహి ధాతూహి విప్పయుత్తా; ఏకేనాయతనేన ఏకాయ ధాతుయా కేహిచి విప్పయుత్తా.

౨౭౦. అప్పమాణా ధమ్మా… పణీతా ధమ్మా…పే… సమ్పయుత్తాతి? నత్థి. కతిహి విప్పయుత్తా? న కేహిచి ఖన్ధేహి న కేహిచి ఆయతనేహి ఛహి ధాతూహి విప్పయుత్తా.

౨౭౧. పరిత్తారమ్మణా ధమ్మా…పే… సమ్పయుత్తాతి? నత్థి. కతిహి విప్పయుత్తా? ఏకేన ఖన్ధేన దసహాయతనేహి దసహి ధాతూహి విప్పయుత్తా; ఏకేనాయతనేన ఏకాయ ధాతుయా కేహిచి విప్పయుత్తా.

౨౭౨. మహగ్గతారమ్మణా ధమ్మా… అప్పమాణారమ్మణా ధమ్మా… హీనా ధమ్మా… మిచ్ఛత్తనియతా ధమ్మా… సమ్మత్తనియతా ధమ్మా… మగ్గారమ్మణా ధమ్మా… మగ్గహేతుకా ధమ్మా… మగ్గాధిపతినో ధమ్మా…పే… సమ్పయుత్తాతి? నత్థి. కతిహి విప్పయుత్తా? ఏకేన ఖన్ధేన దసహాయతనేహి సోళసహి ధాతూహి విప్పయుత్తా; ఏకేనాయతనేన ఏకాయ ధాతుయా కేహిచి విప్పయుత్తా.

౨౭౩. అనుప్పన్నా ధమ్మా…పే… సమ్పయుత్తాతి? నత్థి. కతిహి విప్పయుత్తా? న కేహిచి ఖన్ధేహి న కేహిచి ఆయతనేహి పఞ్చహి ధాతూహి విప్పయుత్తా.

౨౭౪. అతీతారమ్మణా ధమ్మా…పే… అనాగతారమ్మణా ధమ్మా…పే… సమ్పయుత్తాతి? నత్థి. కతిహి విప్పయుత్తా? ఏకేన ఖన్ధేన దసహాయతనేహి సోళసహి ధాతూహి విప్పయుత్తా; ఏకేనాయతనేన ఏకాయ ధాతుయా కేహిచి విప్పయుత్తా.

౨౭౫. పచ్చుప్పన్నారమ్మణా ధమ్మా… అజ్ఝత్తారమ్మణా ధమ్మా… బహిద్ధారమ్మణా ధమ్మా… అజ్ఝత్తబహిద్ధారమ్మణా ధమ్మా…పే… సమ్పయుత్తాతి? నత్థి. కతిహి విప్పయుత్తా? ఏకేన ఖన్ధేన దసహాయతనేహి దసహి ధాతూహి విప్పయుత్తా; ఏకేనాయతనేన ఏకాయ ధాతుయా కేహిచి విప్పయుత్తా.

౨౭౬. సనిదస్సనసప్పటిఘా ధమ్మా… అనిదస్సనసప్పటిఘా ధమ్మా…పే… సమ్పయుత్తాతి? నత్థి. కతిహి విప్పయుత్తా? చతూహి ఖన్ధేహి ఏకేనాయతనేన సత్తహి ధాతూహి విప్పయుత్తా; ఏకేనాయతనేన ఏకాయ ధాతుయా కేహిచి విప్పయుత్తా.

౬. దుకం

౨౭౭. హేతూ ధమ్మా… హేతూ చేవ సహేతుకా చ ధమ్మా… హేతూ చేవ హేతుసమ్పయుత్తా చ ధమ్మా తీహి ఖన్ధేహి ఏకేనాయతనేన ఏకాయ ధాతుయా సమ్పయుత్తా; ఏకేన ఖన్ధేన ఏకేనాయతనేన ఏకాయ ధాతుయా కేహిచి సమ్పయుత్తా. కతిహి విప్పయుత్తా? ఏకేన ఖన్ధేన దసహాయతనేహి సోళసహి ధాతూహి విప్పయుత్తా; ఏకేనాయతనేన ఏకాయ ధాతుయా కేహిచి విప్పయుత్తా.

౨౭౮. సహేతుకా ధమ్మా… హేతుసమ్పయుత్తా ధమ్మా…పే… సమ్పయుత్తాతి? నత్థి. కతిహి విప్పయుత్తా? ఏకేన ఖన్ధేన దసహాయతనేహి సోళసహి ధాతూహి విప్పయుత్తా; ఏకేనాయతనేన ఏకాయ ధాతుయా కేహిచి విప్పయుత్తా.

౨౭౯. సహేతుకా చేవ న చ హేతూ ధమ్మా… హేతుసమ్పయుత్తా చేవ న చ హేతూ ధమ్మా… న హేతుసహేతుకా ధమ్మా ఏకేన ఖన్ధేన ఏకేనాయతనేన ఏకాయ ధాతుయా కేహిచి సమ్పయుత్తా. కతిహి విప్పయుత్తా? ఏకేన ఖన్ధేన దసహాయతనేహి సోళసహి ధాతూహి విప్పయుత్తా; ఏకేనాయతనేన ఏకాయ ధాతుయా కేహిచి విప్పయుత్తా.

౨౮౦. అప్పచ్చయా ధమ్మా… అసఙ్ఖతా ధమ్మా… సనిదస్సనా ధమ్మా… సప్పటిఘా ధమ్మా… రూపినో ధమ్మా…పే… సమ్పయుత్తాతి? నత్థి. కతిహి విప్పయుత్తా? చతూహి ఖన్ధేహి ఏకేనాయతనేన సత్తహి ధాతూహి విప్పయుత్తా; ఏకేనాయతనేన ఏకాయ ధాతుయా కేహిచి విప్పయుత్తా.

౨౮౧. లోకుత్తరా ధమ్మా…పే… సమ్పయుత్తాతి? నత్థి. కతిహి విప్పయుత్తా? న కేహిచి ఖన్ధేహి న కేహిచి ఆయతనేహి ఛహి ధాతూహి విప్పయుత్తా.

౨౮౨. ఆసవా ధమ్మా… ఆసవా చేవ సాసవా చ ధమ్మా… ఆసవా చేవ ఆసవసమ్పయుత్తా చ ధమ్మా తీహి ఖన్ధేహి ఏకేనాయతనేన ఏకాయ ధాతుయా సమ్పయుత్తా; ఏకేన ఖన్ధేన ఏకేనాయతనేన ఏకాయ ధాతుయా కేహిచి సమ్పయుత్తా. కతిహి విప్పయుత్తా? ఏకేన ఖన్ధేన దసహాయతనేహి సోళసహి ధాతూహి విప్పయుత్తా; ఏకేనాయతనేన ఏకాయ ధాతుయా కేహిచి విప్పయుత్తా.

౨౮౩. అనాసవా ధమ్మా… ఆసవవిప్పయుత్తా అనాసవా ధమ్మా…పే… సమ్పయుత్తాతి? నత్థి. కతిహి విప్పయుత్తా? న కేహిచి ఖన్ధేహి న కేహిచి ఆయతనేహి ఛహి ధాతూహి విప్పయుత్తా.

౨౮౪. ఆసవసమ్పయుత్తా ధమ్మా…పే… సమ్పయుత్తాతి? నత్థి. కతిహి విప్పయుత్తా? ఏకేన ఖన్ధేన దసహాయతనేహి సోళసహి ధాతూహి విప్పయుత్తా; ఏకేనాయతనేన ఏకాయ ధాతుయా కేహిచి విప్పయుత్తా.

౨౮౫. ఆసవసమ్పయుత్తా చేవ నో చ ఆసవా ధమ్మా ఏకేన ఖన్ధేన ఏకేనాయతనేన ఏకాయ ధాతుయా కేహిచి సమ్పయుత్తా. కతిహి విప్పయుత్తా? ఏకేన ఖన్ధేన దసహాయతనేహి సోళసహి ధాతూహి విప్పయుత్తా; ఏకేనాయతనేన ఏకాయ ధాతుయా కేహిచి విప్పయుత్తా.

౨౮౬. సంయోజనా ధమ్మా… గన్థా ధమ్మా… ఓఘా ధమ్మా… యోగా ధమ్మా… నీవరణా ధమ్మా… పరామాసా ధమ్మా… పరామాసా చేవ పరామట్ఠా చ ధమ్మా తీహి ఖన్ధేహి ఏకేనాయతనేన ఏకాయ ధాతుయా సమ్పయుత్తా; ఏకేన ఖన్ధేన ఏకేనాయతనేన ఏకాయ ధాతుయా కేహిచి సమ్పయుత్తా. కతిహి విప్పయుత్తా? ఏకేన ఖన్ధేన దసహాయతనేహి సోళసహి ధాతూహి విప్పయుత్తా; ఏకేనాయతనేన ఏకాయ ధాతుయా కేహిచి విప్పయుత్తా.

౨౮౭. అపరామట్ఠా ధమ్మా… పరామాసవిప్పయుత్తా అపరామట్ఠా ధమ్మా సమ్పయుత్తాతి? నత్థి. కతిహి విప్పయుత్తా? న కేహిచి ఖన్ధేహి న కేహిచి ఆయతనేహి ఛహి ధాతూహి విప్పయుత్తా.

౨౮౮. పరామాససమ్పయుత్తా ధమ్మా ఏకేన ఖన్ధేన ఏకేనాయతనేన ఏకాయ ధాతుయా కేహిచి సమ్పయుత్తా. కతిహి విప్పయుత్తా? ఏకేన ఖన్ధేన దసహాయతనేహి సోళసహి ధాతూహి విప్పయుత్తా; ఏకేనాయతనేన ఏకాయ ధాతుయా కేహిచి విప్పయుత్తా.

౨౮౯. సారమ్మణా ధమ్మా…పే… సమ్పయుత్తాతి? నత్థి. కతిహి విప్పయుత్తా? ఏకేన ఖన్ధేన దసహాయతనేహి దసహి ధాతూహి విప్పయుత్తా; ఏకేనాయతనేన ఏకాయ ధాతుయా కేహిచి విప్పయుత్తా.

౨౯౦. అనారమ్మణా ధమ్మా… చిత్తవిప్పయుత్తా ధమ్మా… చిత్తవిసంసట్ఠా ధమ్మా… ఉపాదా ధమ్మా…పే… సమ్పయుత్తాతి? నత్థి. కతిహి విప్పయుత్తా? చతూహి ఖన్ధేహి ఏకేనాయతనేన సత్తహి ధాతూహి విప్పయుత్తా; ఏకేనాయతనేన ఏకాయ ధాతుయా కేహిచి విప్పయుత్తా.

౨౯౧. చిత్తా ధమ్మా తీహి ఖన్ధేహి సమ్పయుత్తా; ఏకేనాయతనేన ఏకాయ ధాతుయా కేహిచి సమ్పయుత్తా. కతిహి విప్పయుత్తా? ఏకేన ఖన్ధేన దసహాయతనేహి దసహి ధాతూహి విప్పయుత్తా; ఏకేనాయతనేన ఏకాయ ధాతుయా కేహిచి విప్పయుత్తా.

౨౯౨. చేతసికా ధమ్మా… చిత్తసమ్పయుత్తా ధమ్మా… చిత్తసంసట్ఠా ధమ్మా… చిత్తసంసట్ఠసముట్ఠానా ధమ్మా… చిత్తసంసట్ఠసముట్ఠానసహభునో ధమ్మా… చిత్తసంసట్ఠసముట్ఠానానుపరివత్తినో ధమ్మా ఏకేన ఖన్ధేన ఏకేనాయతనేన సత్తహి ధాతూహి సమ్పయుత్తా. కతిహి విప్పయుత్తా? ఏకేన ఖన్ధేన దసహాయతనేహి దసహి ధాతూహి విప్పయుత్తా; ఏకేనాయతనేన ఏకాయ ధాతుయా కేహిచి విప్పయుత్తా.

౨౯౩. అనుపాదిన్నా ధమ్మా…పే… సమ్పయుత్తాతి? నత్థి. కతిహి విప్పయుత్తా? న కేహిచి ఖన్ధేహి న కేహిచి ఆయతనేహి పఞ్చహి ధాతూహి విప్పయుత్తా.

౨౯౪. ఉపాదానా ధమ్మా… కిలేసా ధమ్మా… కిలేసా చేవ సంకిలేసికా చ ధమ్మా… కిలేసా చేవ సంకిలిట్ఠా చ ధమ్మా… కిలేసా చేవ కిలేససమ్పయుత్తా చ ధమ్మా తీహి ఖన్ధేహి ఏకేనాయతనేన ఏకాయ ధాతుయా సమ్పయుత్తా; ఏకేన ఖన్ధేన ఏకేనాయతనేన ఏకాయ ధాతుయా కేహిచి సమ్పయుత్తా. కతిహి విప్పయుత్తా? ఏకేన ఖన్ధేన దసహాయతనేహి సోళసహి ధాతూహి విప్పయుత్తా; ఏకేనాయతనేన ఏకాయ ధాతుయా కేహిచి విప్పయుత్తా.

౨౯౫. అసంకిలేసికా ధమ్మా… కిలేసవిప్పయుత్తా అసంకిలేసికా ధమ్మా…పే… సమ్పయుత్తాతి? నత్థి. కతిహి విప్పయుత్తా? న కేహిచి ఖన్ధేహి న కేహిచి ఆయతనేహి ఛహి ధాతూహి విప్పయుత్తా.

౨౯౬. సంకిలిట్ఠా ధమ్మా… కిలేససమ్పయుత్తా ధమ్మా…పే… సమ్పయుత్తాతి? నత్థి. కతిహి విప్పయుత్తా? ఏకేన ఖన్ధేన దసహాయతనేహి సోళసహి ధాతూహి విప్పయుత్తా; ఏకేనాయతనేన ఏకాయ ధాతుయా కేహిచి విప్పయుత్తా.

౨౯౭. సంకిలిట్ఠా చేవ నో చ కిలేసా ధమ్మా… కిలేససమ్పయుత్తా చేవ నో చ కిలేసా ధమ్మా ఏకేన ఖన్ధేన ఏకేనాయతనేన ఏకాయ ధాతుయా కేహిచి సమ్పయుత్తా. కతిహి విప్పయుత్తా? ఏకేన ఖన్ధేన దసహాయతనేహి సోళసహి ధాతూహి విప్పయుత్తా; ఏకేనాయతనేన ఏకాయ ధాతుయా కేహిచి విప్పయుత్తా.

౨౯౮. దస్సనేన పహాతబ్బా ధమ్మా… భావనాయ పహాతబ్బా ధమ్మా… దస్సనేన పహాతబ్బహేతుకా ధమ్మా… భావనాయ పహాతబ్బహేతుకా ధమ్మా… సమ్పయుత్తాతి? నత్థి. కతిహి విప్పయుత్తా? ఏకేన ఖన్ధేన దసహాయతనేహి సోళసహి ధాతూహి విప్పయుత్తా; ఏకేనాయతనేన ఏకాయ ధాతుయా కేహిచి విప్పయుత్తా.

౨౯౯. సవితక్కా ధమ్మా… సవిచారా ధమ్మా ఏకేన ఖన్ధేన ఏకేనాయతనేన ఏకాయ ధాతుయా కేహిచి సమ్పయుత్తా. కతిహి విప్పయుత్తా? ఏకేన ఖన్ధేన దసహాయతనేహి పన్నరసహి ధాతూహి విప్పయుత్తా; ఏకేనాయతనేన ఏకాయ ధాతుయా కేహిచి విప్పయుత్తా.

౩౦౦. అవితక్కా ధమ్మా… అవిచారా ధమ్మా…పే… సమ్పయుత్తాతి? నత్థి. కతిహి విప్పయుత్తా? న కేహిచి ఖన్ధేహి న కేహిచి ఆయతనేహి ఏకాయ ధాతుయా విప్పయుత్తా.

౩౦౧. సప్పీతికా ధమ్మా… పీతిసహగతా ధమ్మా ఏకేన ఖన్ధేన ఏకేనాయతనేన ఏకాయ ధాతుయా కేహిచి సమ్పయుత్తా. కతిహి విప్పయుత్తా? ఏకేన ఖన్ధేన దసహాయతనేహి సోళసహి ధాతూహి విప్పయుత్తా; ఏకేనాయతనేన ఏకాయ ధాతుయా కేహిచి విప్పయుత్తా.

౩౦౨. సుఖసహగతా ధమ్మా ఏకేన ఖన్ధేన సమ్పయుత్తా; ఏకేనాయతనేన ఏకాయ ధాతుయా కేహిచి సమ్పయుత్తా. కతిహి విప్పయుత్తా? ఏకేన ఖన్ధేన దసహాయతనేహి పన్నరసహి ధాతూహి విప్పయుత్తా; ఏకేనాయతనేన ఏకాయ ధాతుయా కేహిచి విప్పయుత్తా.

౩౦౩. ఉపేక్ఖాసహగతా ధమ్మా ఏకేన ఖన్ధేన సమ్పయుత్తా; ఏకేనాయతనేన ఏకాయ ధాతుయా కేహిచి సమ్పయుత్తా. కతిహి విప్పయుత్తా? ఏకేన ఖన్ధేన దసహాయతనేహి ఏకాదసహి ధాతూహి విప్పయుత్తా; ఏకేనాయతనేన ఏకాయ ధాతుయా కేహిచి విప్పయుత్తా.

౩౦౪. న కామావచరా ధమ్మా… అపరియాపన్నా ధమ్మా… అనుత్తరా ధమ్మా…పే… సమ్పయుత్తాతి? నత్థి. కతిహి విప్పయుత్తా? న కేహిచి ఖన్ధేహి న కేహిచి ఆయతనేహి ఛహి ధాతూహి విప్పయుత్తా.

౩౦౫. రూపావచరా ధమ్మా… అరూపావచరా ధమ్మా… నియ్యానికా ధమ్మా… నియతా ధమ్మా… సరణా ధమ్మా కతిహి ఖన్ధేహి కతిహాయతనేహి కతిహి ధాతూహి సమ్పయుత్తాతి? నత్థి. కతిహి విప్పయుత్తా? ఏకేన ఖన్ధేన దసహాయతనేహి సోళసహి ధాతూహి విప్పయుత్తా; ఏకేనాయతనేన ఏకాయ ధాతుయా కేహిచి విప్పయుత్తా.

ధమ్మాయతనం ధమ్మధాతు, దుక్ఖసచ్చఞ్చ జీవితం;

సళాయతనం నామరూపం, చత్తారో చ మహాభవా.

జాతి జరా చ మరణం, తికేస్వేకూనవీసతి;

గోచ్ఛకేసు చ పఞ్ఞాస, అట్ఠ చూళన్తరే పదా.

మహన్తరే పన్నరస, అట్ఠారస తతో పరే;

తేవీస పదసతం ఏతం, సమ్పయోగే న లబ్భతీతి.

సమ్పయోగవిప్పయోగపదనిద్దేసో ఛట్ఠో.