౫. విసమవుత్తినిద్దేస-పఞ్చమపరిచ్ఛేద

౧౧౮. న’ట్ఠక్ఖరేసు పాదేసు, స్నా’దిమ్హా యో’ణ్ణవా వత్తం.

౧౧౯. సమేసు సిన్ధుతో జేన, పథ్యావత్తం పకిత్తితం.

౧౨౦. ఓజేసు జేన సిన్ధుతో, త’మేవ వీపరీతా’ది.

౧౨౧. న,కారో చే జలధితో, చపలావత్త’మిచ్చే’తం.

౧౨౨. సమే లో సత్తమో యస్సా, విపులా పిఙ్గలస్స సా.

౧౨౩. సేతవస్సా’ఖిలేసుపి.

౧౨౪. భేన’ణ్ణవా భ’బ్బిపులా.

౧౨౫. ఏవ’మఞ్ఞా రో చతుత్థా.

౧౨౬. నో’ణ్ణవా చే నవిపులా.

౧౨౭. తో’ణ్ణవా తథా’ఞ్ఞా సియా.

వత్త’ప్పభేదో.

౧౨౮. నదిస్సతే’త్థ యం ఛన్దం, పయోగే దిస్సతే యది;

విసమ’క్ఖరపాదం తం, గాథా సామఞ్ఞనామతో.

ఇతి వుత్తోదయే ఛన్దసి విసమవుత్తి నిద్దేసో నామ

పఞ్చమో పరిచ్ఛేదో.