౩. ఓవాదవగ్గ, ౩-౪. భిక్ఖునుపస్సయ, ఆమిస సిక్ఖాపుచ్ఛా

పుచ్ఛా – భిక్ఖునుపస్సయం ఆవుసో ఉపసఙ్కమిత్వా భిక్ఖునియో ఓవదన్తస్సచ ఆమిసహేతు థేరా భిక్ఖూ భిక్ఖునియో ఓవదన్తీతి భణన్తస్సచ పాచిత్తియం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – భిక్ఖునుపస్సయం ఉపసఙ్కమిత్వా భిక్ఖునియో ఓవదన్తస్స పాచిత్తియం భన్తే సక్కేసు ఛబ్బగ్గియే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ భిక్ఖునుపస్సయం ఉపసఙ్కమిత్వా భిక్ఖునియో ఓవదింసు, ఆమిసహేతు థేరా భిక్ఖూ భిక్ఖునియో ఓవదన్తీతి భణన్తస్స పాచిత్తియం సావత్థియం ఛబ్బగ్గియే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ ఆమిసహేతు థేరా భిక్ఖూ భిక్ఖునియో ఓవదన్తీతి భణింసు, తస్మిం భన్తే వత్థుస్మిం పఞ్ఞత్తం.