౩. పత్తవగ్గ, ౧. పత్త సిక్ఖాపుచ్ఛా

పుచ్ఛా – అతిరేకపత్తం ఆవుసో దసాహం అతిక్కామేన్తస్స నిస్సగ్గియం పాచిత్తియం కత్థ పఞ్ఞత్తం.

విస్సజ్జనా – సావత్థియం భన్తే పఞ్ఞత్తం.

పుచ్ఛా – కం ఆవుసో ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – ఛబ్బగ్గియే భన్తే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ అతిరేకపత్తం ధారేసుం, తస్మిం భన్తే వత్థుస్మిం పఞ్ఞత్తం.

౫౧౪. ౩. పత్తవగ్గ, ౨. ఊనపఞ్చబన్ధన సిక్ఖాపుచ్ఛా

పుచ్ఛా – ఊనపఞ్చబన్ధనేన పత్తేన అఞ్ఞం నవం పత్తం చేతాపేన్తస్స నిస్సగ్గియం పాచిత్తియం కత్థ పఞ్ఞత్తం.

విస్సజ్జనా – సక్కేసు భన్తే పఞ్ఞత్తం.

పుచ్ఛా – కం ఆవుసో ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – ఛబ్బగ్గియే భన్తే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ అప్పమత్తకేనపి భిన్నేన అప్పమత్తకేనపి ఖణ్డేన విలిఖితమత్తేనపి బహూ పత్తే వియ్యాపేసుం, తస్మిం భన్తే వత్థుస్మిం పఞ్ఞత్తం.

న భిక్ఖవే పత్తో విఞ్ఞాపేతబ్బో, యో విఞ్ఞాపేయ్య ఆపత్తి దుక్కటస్స.