౪౧. వగ్గే వగ్గన్తో

నిగ్గహీతస్స ఖో వగ్గే వగ్గన్తో వా హోతీతి నిమిత్తానుస్సరానం పచ్చాసత్యా తబ్బగ్గపఞ్చమో హోతి. పచ్చాసత్తి నామ ఠానతో ఆసన్నతా గుణతో వా, గుణతోతి వణ్ణసఞ్ఞాదిగుణతో. నిగ్గహీతస్స అనుసరీయతీతి పచ్ఛా కత్వా సరీయతీతి అనుస్సరోతిపి వుచ్చతి. తఙ్కరోతి=తం కరోతి, ఏవం తఙ్ఖణం, సఙ్గతో, తఙ్ఘతం. ధమ్మఞ్చరే, తఞ్ఛన్నం, తఞ్జాతం, తఞ్ఝానం, తఞ్ఞాణం. తణ్ఠానం, తణ్డహతి. తన్తనోతి, తన్థిరం, తన్దానం, తన్ధనం, తన్నిచ్చుతం, తమ్పత్తో, తమ్ఫలం, తేసమ్మోధో, సమ్భూతో, తమ్మిత్తం. కిఙ్కతో, దాతుఙ్గతో, తణ్హఙ్కరో, రణఞ్జహో, సణ్ఠితో, జుతిన్ధరో, సమ్మతోతిఆదీసు నిచ్చం.

ఆనన్తరికం య+మాహు, యం యదేవ, పచ్చత్తం ఏవ, తం హిఇతీ+ధ –