పదమఞ్జరీ |ఓ౦.౦౦౦౧|

నమో తస్స భగవతో అరహతో సమ్మాసమ్బుద్ధస్స

నిరుత్తికాయోదధిపారగం జినం,

విసుద్ధధమ్మఞ్చ గణం అనుత్తరం;

తిధా నమిత్వా పదమఞ్జరీ మయా,

కరీయతో బాలకబుద్ధివుద్ధియాతి.

అథ అకారన్తపుల్లిఙ్గో బుద్ధసద్దో వుచ్చతే.

బుద్ధో దేవమనుస్సానం ధమ్మం దేసేసి

బుద్ధా దేవమనుస్సానం ధమ్మం అదేసింసు

భో బుద్ధ త్వమ్పిఖో మం పాలయ

భో బుద్ధా తుమ్హేపి ఖో మం పాలేథ.

బుద్ధం భగవన్తం సక్కచ్చం వన్దామహం

బుద్ధే భగవన్తే సక్కచ్చం వన్దామ మయం

బుద్ధేన భగవతా ధమ్మో దేసీయతే

బుద్ధేహి భగవన్తేహి ధమ్మో దేసితో

బుద్ధేన భగవతా మహాజనో సుచరతి

బుద్ధేహి భగవన్తేహి సివపదం యన్తి

బుద్ధస్స భగవతో పుప్ఫం యజతి

బుద్ధానం భగవతం పుప్ఫాని యజతి

బుద్ధా భగవతా సివపదం లభేయ్య

బుద్ధేహి భగవన్తేహి పభా నిచ్ఛరతి

బుద్ధస్స భగవతో ఇద్ధి కిం న కరే

బుద్ధానం భగవన్తానం ఇద్ధిపాటిహారియాని

బుద్ధే భగవన్తే మహాజనో పసీదతి.

బుద్ధేసు భగవన్తేసు మనం పతిట్ఠితం.

ఇతి పఠమో పాఠో.

అకారన్తపుల్లిఙ్గో అత్తసద్దో వుచ్చతే.

అత్తా సంసారదుక్ఖం పాపుణాతి

అత్తానో సుఖదుక్ఖం పాపుణన్తి

భో అత్త సుఖదుక్ఖం అనుభోసి

భో అత్తనో సుఖదుక్ఖం అనుభోథ

అత్తానం పస్సతి బుద్ధో భగవా

అత్తానో |ఓ౦.౦౦౦౨| పస్సతి సమ్మా సమ్బుద్ధో

అత్తనా సుఖదుక్ఖం అనుభుత్తం

అత్తనేహి కమ్మఫలం అనుభుత్తం

అత్తనా సంసారసుఖం నామ నత్థి

అత్తనేహి భవసుఖం నామ నత్థి

అత్తనో అత్తావ పతిట్ఠా సియా

అత్తానం కమ్మమేవ పతిట్ఠా సియా

అత్తనాపి మహబ్భయం ఉప్పజ్జతి

అత్తనేహి మహబ్భయాని జాయన్తి

అత్తనో మాతాపితరో హోన్తి

అత్తానం పఞ్చగతియో హోన్తి

అత్తని సబ్బం బలం హరతి రోగో

అత్తనేసు సబ్బం బలం హరన్తి రోగా.

ఇతి దుతియో పాఠో.

అకారన్త పుల్లిఙ్గో రాజసద్దో వుచ్చతే.

రాజాపి మహాజనం తోసేతి

రాజానో మహాజనం తోసేన్తి

భో రాజా మహాజనం పాలయ

భో రాజానో మహాజనం పాలేథ

రాజానం పస్సతి మహాజనో

రాజానో పస్సన్తి మహాజనా

రఞ్ఞా కారీయతే మహాపాసాదో

రాజూహి కారాపితా మహావిహారా

రఞ్ఞా మహాజనో సుఖం చరతి

రాజూహీ మహాజనా సుఖం చరన్తి

రఞ్ఞో పణ్ణాకారం దేతి మహాజనో

రాజూనం పణ్ణాకారం దేన్తి మహాజనా

రఞ్ఞా మహబ్భయం ఉప్పజ్జతి

రాజూహి మహబ్భయాని ఉప్పజ్జన్తి

రఞ్ఞో వప్పమఙ్గలం హోతి

రాజూనం సబ్బాభరణాని హోన్తి

రఞ్ఞే మహాజనో పన పసీదతి

రాజుసు మహాజనా పన పసీదన్తి.

ఇతి తతియో పాఠో.

అకారన్తపుల్లిఙ్గో గుణవత్తుసద్దో వుచ్చతే.

గుణవా పురిసో సున్దరం నిబ్బాణం గతో

గుణవన్తో |ఓ౦.౦౦౦౩| పురిసా సున్దరం నిబ్బాణం గతా

భో గుణవం పురిస త్వమ్పి దానం దేహి

భో గుణవన్తో పురిసా తుమ్హే దానం దేథ

గుణవన్తం పురిసం ధమ్మం బోధేతి ఆచరియో

గుణవన్తే పురిసే ధమ్మం పాఠయతి ఆచరియో

గుణవన్తేన పురిసేన కారితో విహారో

గుణవన్తేహి పురిసేహి కారితా విహారా

గుణవన్తేన పురిసేన లోకో సుచరతి

గుణవన్తేహి పురిసేహి లోకా సుచరన్తి

గుణవతో పురిసస్స సక్కారం కరోతి

గుణవతం పురిసానం సక్కారం కరోన్తి

గుణవతా పురిసస్మా భయం నూప్పజ్జతి

గుణవన్తేహి పురిసేహి భయాని నూప్పజ్జన్తి

గుణవతో పురిసస్స కిత్తిసద్దో అఙ్గుగ్గచ్ఛతి

గుణవతం పురిసానం గుణఘోసో హోతి

గుణవన్తే పురిసే మే రమతి మతో

గుణవన్తేసు పురిసేసు సప్పురిసో పసీదతి.

ఇతి చతుత్థో పాఠో.

అకారన్తపుల్లిఙ్గో గచ్ఛన్తసద్దో వుచ్చతే.

గచ్ఛం యఞ్ఞదత్తో పురిసం భారం హారయతి

గచ్ఛన్తా యఞ్ఞదత్తా పురిసం కమ్మం కారయన్తి

భో గచ్ఛం యఞ్ఞదత్త త్వం మం పాలయ

భో గచ్ఛన్తా యఞ్ఞదత్తా మం పాలేథ

గచ్ఛన్తం యఞ్ఞదత్తం కమ్బలంయాచయతి ద్విజో

గచ్ఛన్తే యఞ్ఞదత్తే కమ్బలం యాచయతి ద్విజో

గచ్ఛతా యఞ్ఞదత్తేన రుక్ఖో పుప్ఫాని అవచీయతే

గచ్ఛన్తేహి యఞ్ఞదత్తేహి రుక్ఖో పుప్ఫాని అవచితో

గచ్ఛతా యఞ్ఞదత్తేన కోచి మగ్గం జానాతి

గచ్ఛన్తేహి యఞ్ఞదత్తేహి కేచిమగ్గం జానన్తి

గచ్ఛతో యఞ్ఞదత్తస్స ఛత్తం ధారయతే

గచ్ఛతం యఞ్ఞదత్తానం ఛత్తాని ధారయన్తే

గచ్ఛతా యఞ్ఞదత్తస్మా భయం నూప్పజ్జతి

గచ్ఛన్తేహి యఞ్ఞదత్తేహి భయాని నూప్పజ్జన్తి

గచ్ఛతో యఞ్ఞదత్తస్స ఛత్తో హోతి

గచ్ఛతం యఞ్ఞదత్తానం ఆభరణాని హోన్తి

గచ్ఛన్తే యఞ్ఞదత్తే కోచి పసీదతి

గచ్ఛన్తేసు యఞ్ఞదత్తేసు కేచి పసీదన్తి.

ఇతి |ఓ౦.౦౦౦౪| పఞ్చమో పాఠో.

ఇకారన్తపుల్లిఙ్గో అగ్గిసద్దో వుచ్చతే.

అగ్గి పన కట్ఠమఙ్గారం కరోతి

అగ్గయో కట్ఠమఙ్గారం కరోన్తి

భో అగ్గి త్వం సీతం వినోదేహి

భో అగ్గీ తుమ్హే సీతం వినోదేథ

అగ్గిం నిబ్బాపేతి యో కోచి

అగ్గయో నిబ్బాపేన్తి యే కేచి

అగ్గినా కోచి అకారో దడ్ఢో

అగ్గీహి కేచి అగారా దడ్ఢా

అగ్గినా కిఞ్చి ఆగారం ఝాపేతి

అగ్గీహి కేచి అగారే ఝాపేతి

అగ్గినో ఉపాదానం దదాతి బ్రాహ్మణో

అగ్గీనం ఉపాదానం దదన్తి బ్రాహ్మణా

అగ్గినా ధూమో అపేతి నిచ్చం

అగ్గీహి’ధూమాపి అపేన్తి నిచ్చం

అగ్గినో ఆలోకో చ హోతి

అగ్గీనం ఆలోకాపి హోన్తి

అగ్గిమ్హి యో కోచి పసీదతి

అగ్గీసు యే కేచి పసీదన్తి.

ఇతి ఛట్ఠో పాఠో.

ఇకారన్తపుల్లిఙ్గో ఆదిసద్దో వుచ్చతే.

ఆది బన్ధీయతే సమగ్గేన సఙ్ఘేన

ఆదయో బన్ధీయన్తే సమగ్గేహి భిక్ఖుహి

భో ఆది త్వం దీఘకాలం పవత్తేహి

భో ఆదీ తుమ్హే దీఘకాలం పవత్తేథ

ఆదిం పస్సతి సమగ్గో సఙ్ఘో చ

ఆదయో పస్సతి భిక్ఖు సఙ్ఘో చ

ఆదినా పరిసుద్ధేన పన భూయతే

ఆదీహి పరిసుద్ధేహి పన భూయతే

ఆదినా సమగ్గో సఙ్ఘో సుచరతి

ఆదీహి భిక్ఖు సఙ్ఘో సుచరతి

ఆదినో కోచి ఉపకరణం దేతి

ఆదీనం కేచి ఉపకరణం దేన్తి

ఆదినా సమగ్గో సఙ్ఘో అపేతి

ఆదీహి భిక్ఖు’సఙ్ఘో అపేతి

ఆదిస్స |ఓ౦.౦౦౦౫| ఉపకారికా ఖో పన హోతి

ఆదీనం ఉపకారికాయోపి హోన్తి

ఆదిమ్హి సమగ్గో సఙ్ఘో నిసీదతి

ఆదీసూ భిక్ఖు సఙ్ఘోపి నిసీదతి.

ఇతి సత్తమో పాఠో.

ఈకారన్తపుల్లిఙ్గో దణ్డీసద్దో వుచ్చతే.

దణ్డీ పురిసోపి దణ్డం ఛడ్డేతు

దణ్డినో పురిసా దణ్డం ఛడ్డేన్తు

భో దణ్డీ పురిస దణ్డం ఛడ్డేహి