వేజ్జాచరియ కణ్డ

౨౮౬. ఆయుబేదకతాభ్యాసో, సబ్బేసం పియదస్సనో;

అరియసీలగుణోపేతో, ఏస వేజ్జో విధీయతే.

౨౮౭. నానాగన్థజాననఞ్చ, సుదిట్ఠకమ్మసమ్పదా;

దక్ఖతా హత్థసీఘతా, పసాదసూరసత్తితా.

౨౮౮. సాభావికతఙ్ఖణిక-ఞాణసుభాసితాపి చ;

ఉస్సాహో దబ్బో సబ్బతా, వేజ్జాచేరస్స లక్ఖణం;

౨౮౯. కిలిట్ఠవత్థం కోధో చ, అతిమానఞ్చ గమ్మతా;

అనిమన్తితగమనం, ఏతే పఞ్చ వివజ్జియా.

౨౯౦. దిట్ఠకమ్మతా సోచఞ్చ, దక్ఖతా విదితాగమో;

చత్తారో సుభిసక్కస్స, సుగుణా విఞ్ఞునా మతా.

౨౯౧. రుజాయ జయలక్ఖణం, రసో చ భేసజ్జమ్పి చ;

తిలక్ఖణభేదో చేవ, విఞ్ఞేయ్యో భిసక్కేన వే.