నాయక కణ్డ

౨౭౬. అనాయకా వినస్సన్తి, నస్సన్తి బహునాయకా;

థీనాయకా వినస్సన్తి, నస్సన్తి సుసునాయకా.

౨౭౭. గవం చే తరమానానం, ఉజుం గచ్ఛతి పుఙ్గవో;

సబ్బా గావీ ఉజుం యన్తి, నేత్తే ఉజుం గతే సతి.

౨౭౮. ఏవమేవ మనుస్సేసు, యో హోతి సేట్ఠసమ్మతో;

సో సచే ధమ్మం చరతి, పగేవ ఇతరా పజా.

గవం చే తరమానానం, ఉజుం గచ్ఛతి పుఙ్గవో;

సబ్బా గావీ ఉజుంయన్తి, నేత్తే ఉజుం గతే సతి.

ఏవమేవ మనుస్సేసు, యో హోతి సేట్ఠసమ్మతో;

సో సచే ధమ్మం చరతి, పగేవ ఇతరా పజా;

సబ్బం రట్ఠం సుఖం సేతి, రాజా చే హోతి ధమ్మికో.

౨౭౯. నోదయాహ వినాసాయ, బహునాయకతా భుసం;

మిలాయన్తి వినస్సన్తి, పద్మాన్యక్కేహి సత్తహి.

౨౮౦. సుతారక్ఖో అభియోగో, కులారక్ఖో వత్తం భవే;

విజ్జా హి కులపుత్తస్స, నాయకస్సాపమాదకో.