౫. సన్దిట్ఠికధమ్మసుత్తం

౪౬. ‘‘‘సన్దిట్ఠికో ధమ్మో సన్దిట్ఠికో ధమ్మో’తి, ఆవుసో, వుచ్చతి. కిత్తావతా ను ఖో, ఆవుసో, సన్దిట్ఠికో ధమ్మో వుత్తో భగవతా’’తి?

‘‘ఇధావుసో, భిక్ఖు వివిచ్చేవ కామేహి…పే… పఠమం ఝానం ఉపసమ్పజ్జ విహరతి. ఏత్తావతాపి ఖో, ఆవుసో, సన్దిట్ఠికో ధమ్మో వుత్తో భగవతా పరియాయేన…పే….

‘‘పున చపరం, ఆవుసో, భిక్ఖు సబ్బసో నేవసఞ్ఞానాసఞ్ఞాయతనం సమతిక్కమ్మ సఞ్ఞావేదయితనిరోధం ఉపసమ్పజ్జ విహరతి, పఞ్ఞాయ చస్స దిస్వా ఆసవా పరిక్ఖీణా హోన్తి. ఏత్తావతాపి ఖో, ఆవుసో, సన్దిట్ఠికో ధమ్మో వుత్తో భగవతా నిప్పరియాయేనా’’తి. పఞ్చమం.