౩. తపుస్ససుత్తం

౧౧౯. ‘‘ఛహి, భిక్ఖవే, ధమ్మేహి సమన్నాగతో తపుస్సో [తపస్సో (పీ.) అ. ని. ౧.౨౪౮] గహపతి తథాగతే నిట్ఠఙ్గతో అమతద్దసో అమతం సచ్ఛికత్వా ఇరియతి. కతమేహి ఛహి? బుద్ధే అవేచ్చప్పసాదేన, ధమ్మే అవేచ్చప్పసాదేన, సఙ్ఘే అవేచ్చప్పసాదేన, అరియేన సీలేన, అరియేన ఞాణేన, అరియాయ విముత్తియా. ఇమేహి ఖో, భిక్ఖవే, ఛహి ధమ్మేహి సమన్నాగతో తపుస్సో గహపతి తథాగతే నిట్ఠఙ్గతో అమతద్దసో అమతం సచ్ఛికత్వా ఇరియతీ’’తి. తతియం.