౮. దుతియఅపాసాదికసుత్తం

౨౧౮. ‘‘పఞ్చిమే, భిక్ఖవే, ఆదీనవా అపాసాదికే. కతమే పఞ్చ? అప్పసన్నా నప్పసీదన్తి, పసన్నానఞ్చ ఏకచ్చానం అఞ్ఞథత్తం హోతి, సత్థుసాసనం అకతం [న కతం (స్యా. కం. క.)] హోతి, పచ్ఛిమా జనతా దిట్ఠానుగతిం ఆపజ్జతి, చిత్తమస్స నప్పసీదతి. ఇమే ఖో, భిక్ఖవే, పఞ్చ ఆదీనవా అపాసాదికే.

‘‘పఞ్చిమే, భిక్ఖవే, ఆనిసంసా పాసాదికే. కతమే పఞ్చ? అప్పసన్నా పసీదన్తి, పసన్నానఞ్చ భియ్యోభావో హోతి, సత్థుసాసనం కతం హోతి, పచ్ఛిమా జనతా దిట్ఠానుగతిం ఆపజ్జతి, చిత్తమస్స పసీదతి. ఇమే ఖో, భిక్ఖవే, పఞ్చ ఆనిసంసా పాసాదికే’’తి. అట్ఠమం.