౭. సీలసుత్తం

౧౦౭. ‘‘పఞ్చహి, భిక్ఖవే, ధమ్మేహి సమన్నాగతో భిక్ఖు ఆహునేయ్యో హోతి పాహునేయ్యో దక్ఖిణేయ్యో అఞ్జలికరణీయో అనుత్తరం పుఞ్ఞక్ఖేత్తం లోకస్స.

‘‘కతమేహి పఞ్చహి? ఇధ, భిక్ఖవే, భిక్ఖు సీలసమ్పన్నో హోతి, సమాధిసమ్పన్నో హోతి, పఞ్ఞాసమ్పన్నో హోతి, విముత్తిసమ్పన్నో హోతి, విముత్తిఞాణదస్సనసమ్పన్నో హోతి.

‘‘ఇమేహి ఖో, భిక్ఖవే, పఞ్చహి ధమ్మేహి సమన్నాగతో భిక్ఖు ఆహునేయ్యో హోతి పాహునేయ్యో దక్ఖిణేయ్యో అఞ్జలికరణీయో అనుత్తరం పుఞ్ఞక్ఖేత్తం లోకస్సా’’తి. సత్తమం.