౨. ఉస్సఙ్కితసుత్తం

౧౦౨. ‘‘పఞ్చహి, భిక్ఖవే, ధమ్మేహి సమన్నాగతో భిక్ఖు ఉస్సఙ్కితపరిసఙ్కితో హోతి పాపభిక్ఖూతి అపి అకుప్పధమ్మోపి [అపి అకుప్పధమ్మో (సీ. స్యా. కం.)].

కతమేహి పఞ్చహి? ఇధ, భిక్ఖవే, భిక్ఖు వేసియాగోచరో వా హోతి, విధవాగోచరో వా హోతి, థుల్లకుమారికాగోచరో వా హోతి, పణ్డకగోచరో వా హోతి, భిక్ఖునీగోచరో వా హోతి.

‘‘ఇమేహి ఖో, భిక్ఖవే, పఞ్చహి ధమ్మేహి సమన్నాగతో భిక్ఖు ఉస్సఙ్కితపరిసఙ్కితో హోతి పాపభిక్ఖూతి అపి అకుప్పధమ్మోపీ’’తి. దుతియం.