౭. దుతియసఞ్ఞాసుత్తం

౫౭. ‘‘దసయిమా, భిక్ఖవే, సఞ్ఞా భావితా బహులీకతా మహప్ఫలా హోన్తి మహానిసంసా అమతోగధా అమతపరియోసానా. కతమా దస? అనిచ్చసఞ్ఞా, అనత్తసఞ్ఞా, మరణసఞ్ఞా, ఆహారే పటికూలసఞ్ఞా, సబ్బలోకే అనభిరతసఞ్ఞా, అట్ఠికసఞ్ఞా, పుళవకసఞ్ఞా [పులవకసఞ్ఞా (సీ. పీ.), పుళువకసఞ్ఞా (క.), అ. ని. ౧.౪౬౩-౪౭౨], వినీలకసఞ్ఞా, విచ్ఛిద్దకసఞ్ఞా, ఉద్ధుమాతకసఞ్ఞా – ఇమా ఖో, భిక్ఖవే, దస సఞ్ఞా భావితా బహులీకతా మహప్ఫలా హోన్తి మహానిసంసా అమతోగధా అమతపరియోసానా’’తి. సత్తమం.