7. ஸத்தகவாரோ

327. ஸத்தாபத்தியோ. ஸத்தாபத்திக்க²ந்தா⁴. ஸத்த வினீதவத்தூ²னி. ஸத்த ஸாமீசியோ. ஸத்த அத⁴ம்மிகா படிஞ்ஞாதகரணா. ஸத்த த⁴ம்மிகா படிஞ்ஞாதகரணா. ஸத்தன்னம் அனாபத்தி ஸத்தாஹகரணீயேன க³ந்தும். ஸத்தானிஸம்ஸா வினயத⁴ரே. ஸத்த பரமானி. ஸத்தமே அருணுக்³க³மனே நிஸ்ஸக்³கி³யம் ஹோதி. ஸத்த ஸமதா². ஸத்த கம்மானி. ஸத்த ஆமகத⁴ஞ்ஞானி. திரியம் ஸத்தந்தரா. க³ணபோ⁴ஜனே ஸத்த அனுபஞ்ஞத்தியோ. பே⁴ஸஜ்ஜானி படிக்³க³ஹேத்வா ஸத்தாஹபரமம் ஸன்னிதி⁴காரகம் பரிபு⁴ஞ்ஜிதப்³பா³னி. கதசீவரம் ஆதா³ய பக்கமதி. கதசீவரம் ஸமாதா³ய பக்கமதி. பி⁴க்கு²ஸ்ஸ ந ஹோதி ஆபத்தி த³ட்ட²ப்³பா³. பி⁴க்கு²ஸ்ஸ ஹோதி ஆபத்தி த³ட்ட²ப்³பா³. பி⁴க்கு²ஸ்ஸ ஹோதி ஆபத்தி த³ட்ட²ப்³பா³ [படிகாதப்³பா³ (ஸப்³ப³த்த²) அட்ட²கதா² ச சம்பேய்யக்க²ந்த⁴கே அத⁴ம்மகம்மாதி³கதா² ச ஓலோகேதப்³பா³]. ஸத்த அத⁴ம்மிகானி பாதிமோக்க²ட்ட²பனானி. ஸத்த த⁴ம்மிகானி பாதிமோக்க²ட்ட²பனானி.

[அ. நி. 7.75] ஸத்தஹங்கே³ஹி ஸமன்னாக³தோ பி⁴க்கு² வினயத⁴ரோ ஹோதி – ஆபத்திம் ஜானாதி, அனாபத்திம் ஜானாதி, லஹுகம் ஆபத்திம் ஜானாதி, க³ருகம் ஆபத்திம் ஜானாதி, ஸீலவா ஹோதி, பாதிமோக்க²ஸம்வரஸம்வுதோ விஹரதி ஆசாரகோ³சரஸம்பன்னோ அணுமத்தேஸு வஜ்ஜேஸு ப⁴யத³ஸ்ஸாவீ ஸமாதா³ய ஸிக்க²தி ஸிக்கா²பதே³ஸு, சதுன்னம் ஜா²னானம் ஆபி⁴சேதஸிகானம் தி³ட்ட²த⁴ம்மஸுக²விஹாரானம் நிகாமலாபீ⁴ ஹோதி அகிச்ச²லாபீ⁴ அகஸிரலாபீ⁴, ஆஸவானஞ்ச க²யா அனாஸவம் சேதோவிமுத்திம் பஞ்ஞாவிமுத்திம் தி³ட்டே²வ த⁴ம்மே ஸயம் அபி⁴ஞ்ஞா ஸச்சி²கத்வா உபஸம்பஜ்ஜ விஹரதி.

அபரேஹிபி ஸத்தஹங்கே³ஹி ஸமன்னாக³தோ பி⁴க்கு² வினயத⁴ரோ ஹோதி – ஆபத்திம் ஜானாதி, அனாபத்திம் ஜானாதி, லஹுகம் ஆபத்திம் ஜானாதி, க³ருகம் ஆபத்திம் ஜானாதி, ப³ஹுஸ்ஸுதோ ஹோதி ஸுதத⁴ரோ ஸுதஸன்னிசயோ யே தே த⁴ம்மா ஆதி³கல்யாணா மஜ்ஜே²கல்யாணா பரியோஸானகல்யாணா ஸாத்த²ம் ஸப்³யஞ்ஜனம் கேவலபரிபுண்ணம் பரிஸுத்³த⁴ம் ப்³ரஹ்மசரியம் அபி⁴வத³ந்தி ததா²ரூபஸ்ஸ த⁴ம்மா ப³ஹுஸ்ஸுதா ஹோந்தி தா⁴தா [த⁴தா (ஸீ. ஸ்யா.)] வசஸா பரிசிதா மனஸானுபேக்கி²தா தி³ட்டி²யா ஸுப்படிவித்³தா⁴, சதுன்னம் ஜா²னானம் ஆபி⁴சேதஸிகானம் தி³ட்ட²த⁴ம்மஸுக²விஹாரானம் நிகாமலாபீ⁴ ஹோதி அகிச்ச²லாபீ⁴ அகஸிரலாபீ⁴, ஆஸவானஞ்ச க²யா அனாஸவம் சேதோவிமுத்திம் பஞ்ஞாவிமுத்திம் தி³ட்டே²வ த⁴ம்மே ஸயம் அபி⁴ஞ்ஞா ஸச்சி²கத்வா உபஸம்பஜ்ஜ விஹரதி.

அபரேஹிபி ஸத்தஹங்கே³ஹி ஸமன்னாக³தோ பி⁴க்கு² வினயத⁴ரோ ஹோதி – ஆபத்திம் ஜானாதி, அனாபத்திம் ஜானாதி, லஹுகம் ஆபத்திம் ஜானாதி, க³ருகம் ஆபத்திம் ஜானாதி, உப⁴யானி கோ² பனஸ்ஸ பாதிமோக்கா²னி வித்தா²ரேன ஸ்வாக³தானி ஹோந்தி ஸுவிப⁴த்தானி ஸுப்பவத்தீனி ஸுவினிச்சி²தானி ஸுத்தஸோ அனுப்³யஞ்ஜனஸோ, சதுன்னம் ஜா²னானம் ஆபி⁴சேதஸிகானம் தி³ட்ட²த⁴ம்மஸுக²விஹாரானம் நிகாமலாபீ⁴ ஹோதி அகிச்ச²லாபீ⁴ அகஸிரலாபீ⁴, ஆஸவானஞ்ச க²யா அனாஸவம் சேதோவிமுத்திம் பஞ்ஞாவிமுத்திம் தி³ட்டே²வ த⁴ம்மே ஸயம் அபி⁴ஞ்ஞா ஸச்சி²கத்வா உபஸம்பஜ்ஜ விஹரதி.

அபரேஹிபி ஸத்தஹங்கே³ஹி ஸமன்னாக³தோ பி⁴க்கு² வினயத⁴ரோ ஹோதி – ஆபத்திம் ஜானாதி; அனாபத்திம் ஜானாதி; லஹுகம் ஆபத்திம் ஜானாதி; க³ருகம் ஆபத்திம் ஜானாதி; அனேகவிஹிதம் புப்³பே³னிவாஸம் அனுஸ்ஸரதி, ஸேய்யதி²த³ம் – ஏகம்பி ஜாதிம் த்³வேபி ஜாதியோ திஸ்ஸோபி ஜாதியோ சதஸ்ஸோபி ஜாதியோ பஞ்சபி ஜாதியோ த³ஸபி ஜாதியோ வீஸம்பி ஜாதியோ திம்ஸம்பி ஜாதியோ சத்தாலீஸம்பி ஜாதியோ பஞ்ஞாஸம்பி ஜாதியோ ஜாதிஸதம்பி ஜாதிஸஹஸ்ஸம்பி ஜாதிஸதஸஹஸ்ஸம்பி அனேகேபி ஸம்வட்டகப்பே அனேகேபி விவட்டகப்பே அனேகேபி ஸம்வட்டவிவட்டகப்பே – ‘‘அமுத்ராஸிம் ஏவம்னாமோ ஏவம்கோ³த்தோ ஏவம்வண்ணோ ஏவமாஹாரோ ஏவம்ஸுக²து³க்க²ப்படிஸம்வேதீ³ ஏவமாயுபரியந்தோ, ஸோ ததோ சுதோ அமுத்ர உத³பாதி³ம்; தத்ராபாஸிம் ஏவம்னாமோ ஏவம்கோ³த்தோ ஏவம்வண்ணோ ஏவமாஹாரோ ஏவம்ஸுக²து³க்க²ப்படிஸம்வேதீ³ ஏவமாயுபரியந்தோ, ஸோ ததோ சுதோ இதூ⁴பபன்னோ’’தி இதி ஸாகாரம் ஸஉத்³தே³ஸம் அனேகவிஹிதம் புப்³பே³னிவாஸம் அனுஸ்ஸரதி; தி³ப்³பே³ன சக்கு²னா விஸுத்³தே⁴ன அதிக்கந்தமானுஸகேன [அதிக்கந்தமானுஸ்ஸகேன (க.)] ஸத்தே பஸ்ஸதி சவமானே உபபஜ்ஜமானே ஹீனே பணீதே ஸுவண்ணே து³ப்³ப³ண்ணே, ஸுக³தே து³க்³க³தே யதா²கம்மூபகே³ ஸத்தே பஜானாதி – ‘‘இமே வத போ⁴ந்தோ ஸத்தா காயது³ச்சரிதேன ஸமன்னாக³தா வசீது³ச்சரிதேன ஸமன்னாக³தா மனோது³ச்சரிதேன ஸமன்னாக³தா அரியானம் உபவாத³கா மிச்சா²தி³ட்டி²கா மிச்சா²தி³ட்டி²கம்மஸமாதா³னா, தே காயஸ்ஸ பே⁴தா³ பரம் மரணா அபாயம் து³க்³க³திம் வினிபாதம் நிரயம் உபபன்னா, இமே வா பன போ⁴ந்தோ ஸத்தா காயஸுசரிதேன ஸமன்னாக³தா வசீஸுசரிதேன ஸமன்னாக³தா மனோஸுசரிதேன ஸமன்னாக³தா அரியானம் அனுபவாத³கா ஸம்மாதி³ட்டி²கா ஸம்மாதி³ட்டி²கம்மஸமாதா³னா, தே காயஸ்ஸ பே⁴தா³ பரம் மரணா ஸுக³திம் ஸக்³க³ம் லோகம் உபபன்னா’’தி இதி தி³ப்³பே³ன சக்கு²னா விஸுத்³தே⁴ன அதிக்கந்தமானுஸகேன ஸத்தே பஸ்ஸதி சவமானே உபபஜ்ஜமானே ஹீனே பணீதே ஸுவண்ணே து³ப்³ப³ண்ணே ஸுக³தே து³க்³க³தே யதா²கம்மூபகே³ ஸத்தே பஜானாதி; ஆஸவானஞ்ச க²யா அனாஸவம் சேதோவிமுத்திம் பஞ்ஞாவிமுத்திம் தி³ட்டே²வ த⁴ம்மே ஸயம் அபி⁴ஞ்ஞா ஸச்சி²கத்வா உபஸம்பஜ்ஜ விஹரதி.

ஸத்தஹங்கே³ஹி ஸமன்னாக³தோ வினயத⁴ரோ ஸோப⁴தி – ஆபத்திம் ஜானாதி, அனாபத்திம் ஜானாதி, லஹுகம் ஆபத்திம் ஜானாதி, க³ருகம் ஆபத்திம் ஜானாதி, ஸீலவா ஹோதி…பே… ஸமாதா³ய ஸிக்க²தி ஸிக்கா²பதே³ஸு, சதுன்னம் ஜா²னானம் ஆபி⁴சேதஸிகானம் தி³ட்ட²த⁴ம்மஸுக²விஹாரானம் நிகாமலாபீ⁴ ஹோதி அகிச்ச²லாபீ⁴ அகஸிரலாபீ⁴, ஆஸவானஞ்ச க²யா அனாஸவம் சேதோவிமுத்திம் பஞ்ஞாவிமுத்திம் தி³ட்டே²வ த⁴ம்மே ஸயம் அபி⁴ஞ்ஞா ஸச்சி²கத்வா உபஸம்பஜ்ஜ விஹரதி.

அபரேஹிபி ஸத்தஹங்கே³ஹி ஸமன்னாக³தோ வினயத⁴ரோ. ஸோப⁴தி – ஆபத்திம் ஜானாதி, அனாபத்திம் ஜானாதி, லஹுகம் ஆபத்திம் ஜானாதி, க³ருகம் ஆபத்திம் ஜானாதி, ப³ஹுஸ்ஸுதோ ஹோதி…பே… தி³ட்டி²யா ஸுப்படிவித்³தோ⁴ சதுன்னம் ஜா²னானம் ஆபி⁴சேதஸிகானம் தி³ட்ட²த⁴ம்மஸுக²விஹாரானம் நிகாமலாபீ⁴ ஹோதி அகிச்ச²லாபீ⁴ அகஸிரலாபீ⁴, ஆஸவானஞ்ச க²யா அனாஸவம் சேதோவிமுத்திம் பஞ்ஞாவிமுத்திம் தி³ட்டே²வ த⁴ம்மே ஸயம் அபி⁴ஞ்ஞா ஸச்சி²கத்வா உபஸம்பஜ்ஜ விஹரதி.

அபரேஹிபி ஸத்தஹங்கே³ஹி ஸமன்னாக³தோ வினயத⁴ரோ ஸோப⁴தி – ஆபத்திம் ஜானாதி, அனாபத்திம் ஜானாதி, லஹுகம் ஆபத்திம் ஜானாதி, க³ருகம் ஆபத்திம் ஜானாதி, உப⁴யானி கோ² பனஸ்ஸ பாதிமோக்கா²னி வித்தா²ரேன ஸ்வாக³தானி ஹோந்தி ஸுவிப⁴த்தானி ஸுப்பவத்தீனி ஸுவினிச்சி²தானி ஸுத்தஸோ அனுப்³யஞ்ஜனஸோ, சதுன்னம் ஜா²னானம் ஆபி⁴சேதஸிகானம் தி³ட்ட²த⁴ம்மஸுக²விஹாரானம் நிகாமலாபீ⁴ ஹோதி அகிச்ச²லாபீ⁴ அகஸிரலாபீ⁴, ஆஸவானஞ்ச க²யா அனாஸவம் சேதோவிமுத்திம் பஞ்ஞாவிமுத்திம் தி³ட்டே²வ த⁴ம்மே ஸயம் அபி⁴ஞ்ஞா ஸச்சி²கத்வா உபஸம்பஜ்ஜ விஹரதி.

அபரேஹிபி ஸத்தஹங்கே³ஹி ஸமன்னாக³தோ வினயத⁴ரோ ஸோப⁴தி – ஆபத்திம் ஜானாதி; அனாபத்திம் ஜானாதி; லஹுகம் ஆபத்திம் ஜானாதி; க³ருகம் ஆபத்திம் ஜானாதி; அனேகவிஹிதம் புப்³பே³னிவாஸம் அனுஸ்ஸரதி, ஸேய்யதி²த³ம் – ஏகம்பி ஜாதிம் த்³வேபி ஜாதியோ…பே… இதி ஸாகாரம் ஸஉத்³தே³ஸம் அனேகவிஹிதம் புப்³பே³னிவாஸம் அனுஸ்ஸரதி, தி³ப்³பே³ன சக்கு²னா விஸுத்³தே⁴ன அதிக்கந்தமானுஸகேன ஸத்தே பஸ்ஸதி சவமானே உபபஜ்ஜமானே ஹீனே பணீதே ஸுவண்ணே து³ப்³ப³ண்ணே ஸுக³தே து³க்³க³தே யதா²கம்மூபகே³ ஸத்தே பஜானாதி…பே… இதி தி³ப்³பே³ன சக்கு²னா விஸுத்³தே⁴ன அதிக்கந்தமானுஸகேன ஸத்தே பஸ்ஸதி சவமானே உபபஜ்ஜமானே ஹீனே பணீதே ஸுவண்ணே து³ப்³ப³ண்ணே ஸுக³தே து³க்³க³தே யதா²கம்மூபகே³ ஸத்தே பஜானாதி; ஆஸவானஞ்ச க²யா அனாஸவம் சேதோவிமுத்திம் பஞ்ஞாவிமுத்திம் தி³ட்டே²வ த⁴ம்மே ஸயம் அபி⁴ஞ்ஞா ஸச்சி²கத்வா உபஸம்பஜ்ஜ விஹரதி.

[தீ³. நி. 3.330] ஸத்த அஸத்³த⁴ம்மா – அஸ்ஸத்³தோ⁴ ஹோதி, அஹிரிகோ ஹோதி, அனோத்தப்பீ ஹோதி, அப்பஸ்ஸுதோ ஹோதி, குஸீதோ ஹோதி, முட்ட²ஸ்ஸதி ஹோதி, து³ப்பஞ்ஞோ ஹோதி.

[தீ³. நி. 3.330] ஸத்த ஸத்³த⁴ம்மா – ஸத்³தோ⁴ ஹோதி, ஹிரிமா ஹோதி, ஓத்தப்பீ ஹோதி, ப³ஹுஸ்ஸுதோ ஹோதி, ஆரத்³த⁴வீரியோ ஹோதி, உபட்டி²தஸ்ஸதி ஹோதி, பஞ்ஞவா ஹோதீதி.

ஸத்தகம் நிட்டி²தம்.

தஸ்ஸுத்³தா³னம் –

ஆபத்தி ஆபத்திக்க²ந்தா⁴, வினீதா ஸாமீசிபி ச;

அத⁴ம்மிகா த⁴ம்மிகா ச, அனாபத்தி ச ஸத்தாஹம்.

ஆனிஸம்ஸா பரமானி, அருணஸமதே²ன ச;

கம்மா ஆமகத⁴ஞ்ஞா ச, திரியம் க³ணபோ⁴ஜனே.

ஸத்தாஹபரமம் ஆதா³ய, ஸமாதா³ய ததே²வ ச;

ந ஹோதி ஹோதி ஹோதி ச, அத⁴ம்மா த⁴ம்மிகானி ச.

சதுரோ வினயத⁴ரா, சதுபி⁴க்கூ² ச ஸோப⁴னே;

ஸத்த சேவ அஸத்³த⁴ம்மா, ஸத்த ஸத்³த⁴ம்மா தே³ஸிதாதி.