ஏகுத்தரிகனயோ

1. ஏககவாரோ

321. ஆபத்திகரா த⁴ம்மா ஜானிதப்³பா³. அனாபத்திகரா த⁴ம்மா ஜானிதப்³பா³. ஆபத்தி ஜானிதப்³பா³. அனாபத்தி ஜானிதப்³பா³. லஹுகா ஆபத்தி ஜானிதப்³பா³. க³ருகா ஆபத்தி ஜானிதப்³பா³. ஸாவஸேஸா ஆபத்தி ஜானிதப்³பா³. அனவஸேஸா ஆபத்தி ஜானிதப்³பா³. து³ட்டு²ல்லா ஆபத்தி ஜானிதப்³பா³. அது³ட்டு²ல்லா ஆபத்தி ஜானிதப்³பா³. ஸப்படிகம்மா ஆபத்தி ஜானிதப்³பா³. அப்படிகம்மா ஆபத்தி ஜானிதப்³பா³. தே³ஸனாகா³மினீ ஆபத்தி ஜானிதப்³பா³. அதே³ஸனாகா³மினீ ஆபத்தி ஜானிதப்³பா³. அந்தராயிகா ஆபத்தி ஜானிதப்³பா³. அனந்தராயிகா ஆபத்தி ஜானிதப்³பா³. ஸாவஜ்ஜபஞ்ஞத்தி ஆபத்தி ஜானிதப்³பா³. அனவஜ்ஜபஞ்ஞத்தி ஆபத்தி ஜானிதப்³பா³. கிரியதோ ஸமுட்டி²தா ஆபத்தி ஜானிதப்³பா³. அகிரியதோ ஸமுட்டி²தா ஆபத்தி ஜானிதப்³பா³. கிரியாகிரியதோ ஸமுட்டி²தா ஆபத்தி ஜானிதப்³பா³. புப்³பா³பத்தி ஜானிதப்³பா³. அபராபத்தி ஜானிதப்³பா³. புப்³பா³பத்தீனம் அந்தராபத்தி ஜானிதப்³பா³. அபராபத்தீனம் அந்தராபத்தி ஜானிதப்³பா³. தே³ஸிதா க³ணனூபகா³ ஆபத்தி ஜானிதப்³பா³. தே³ஸிதா ந க³ணனூபகா³ ஆபத்தி ஜானிதப்³பா³. பஞ்ஞத்தி ஜானிதப்³பா³. அனுபஞ்ஞத்தி ஜானிதப்³பா³. அனுப்பன்னபஞ்ஞத்தி ஜானிதப்³பா³. ஸப்³ப³த்த²பஞ்ஞத்தி ஜானிதப்³பா³. பதே³ஸபஞ்ஞத்தி ஜானிதப்³பா³. ஸாதா⁴ரணபஞ்ஞத்தி ஜானிதப்³பா³. அஸாதா⁴ரணபஞ்ஞத்தி ஜானிதப்³பா³. ஏகதோபஞ்ஞத்தி ஜானிதப்³பா³. உப⁴தோபஞ்ஞத்தி ஜானிதப்³பா³. து²ல்லவஜ்ஜா ஆபத்தி ஜானிதப்³பா³. அது²ல்லவஜ்ஜா ஆபத்தி ஜானிதப்³பா³. கி³ஹிபடிஸம்யுத்தா ஆபத்தி ஜானிதப்³பா³. ந கி³ஹிபடிஸம்யுத்தா ஆபத்தி ஜானிதப்³பா³. நியதா ஆபத்தி ஜானிதப்³பா³. அனியதா ஆபத்தி ஜானிதப்³பா³. ஆதி³கரோ புக்³க³லோ ஜானிதப்³போ³. அனாதி³கரோ புக்³க³லோ ஜானிதப்³போ³. அதி⁴ச்சாபத்திகோ புக்³க³லோ ஜானிதப்³போ³. அபி⁴ண்ஹாபத்திகோ புக்³க³லோ ஜானிதப்³போ³. சோத³கோ புக்³க³லோ ஜானிதப்³போ³. சுதி³தகோ புக்³க³லோ ஜானிதப்³போ³. அத⁴ம்மசோத³கோ புக்³க³லோ ஜானிதப்³போ³. அத⁴ம்மசுதி³தகோ புக்³க³லோ ஜானிதப்³போ³. த⁴ம்மசோத³கோ புக்³க³லோ ஜானிதப்³போ³. த⁴ம்மசுதி³தகோ புக்³க³லோ ஜானிதப்³போ³. நியதோ புக்³க³லோ ஜானிதப்³போ³. அனியதோ புக்³க³லோ ஜானிதப்³போ³. அப⁴ப்³பா³பத்திகோ புக்³க³லோ ஜானிதப்³போ³. ப⁴ப்³பா³பத்திகோ புக்³க³லோ ஜானிதப்³போ³. உக்கி²த்தகோ புக்³க³லோ ஜானிதப்³போ³. அனுக்கி²த்தகோ புக்³க³லோ ஜானிதப்³போ³. நாஸிதகோ புக்³க³லோ ஜானிதப்³போ³. அனாஸிதகோ புக்³க³லோ ஜானிதப்³போ³. ஸமானஸம்வாஸகோ புக்³க³லோ ஜானிதப்³போ³. அஸமானஸம்வாஸகோ புக்³க³லோ ஜானிதப்³போ³. ட²பனம் ஜானிதப்³ப³ந்தி.

ஏககம் நிட்டி²தம்.

தஸ்ஸுத்³தா³னம் –

கரா ஆபத்தி லஹுகா, ஸாவஸேஸா ச து³ட்டு²ல்லா;

படிகம்மதே³ஸனா ச, அந்தரா வஜ்ஜகிரியம்.

கிரியாகிரியம் புப்³பா³, அந்தரா க³ணனூபகா³;

பஞ்ஞத்தி அனானுப்பன்ன, ஸப்³ப³ஸாதா⁴ரணா ச ஏகதோ [பஞ்ஞத்தானுப்பன்னா ஸப்³பா³, ஸாதா⁴ரணா ச ஏகதோ (ஸ்யா.)].

து²ல்லகி³ஹினியதா ச, ஆதி³ அதி⁴ச்சசோத³கோ;

அத⁴ம்மத⁴ம்மனியதோ, அப⁴ப்³போ³க்கி²த்தனாஸிதா;

ஸமானம் ட²பனஞ்சேவ, உத்³தா³னம் ஏககே இத³ந்தி.

2. து³கவாரோ

322. அத்தா²பத்தி ஸஞ்ஞா விமோக்கா², அத்தா²பத்தி நோ ஸஞ்ஞாவிமோக்கா². அத்தா²பத்தி லத்³த⁴ஸமாபத்திகஸ்ஸ, அத்தா²பத்தி ந லத்³த⁴ஸமாபத்திகஸ்ஸ. அத்தா²பத்தி ஸத்³த⁴ம்மபடிஸஞ்ஞுத்தா, அத்தா²பத்தி அஸத்³த⁴ம்மபடிஸஞ்ஞுத்தா. அத்தா²பத்தி ஸபரிக்கா²ரபடிஸஞ்ஞுத்தா, அத்தா²பத்தி பரபரிக்கா²ரபடிஸஞ்ஞுத்தா. அத்தா²பத்தி ஸபுக்³க³லபடிஸஞ்ஞுத்தா, அத்தா²பத்தி பரபுக்³க³லபடிஸஞ்ஞுத்தா. அத்தி² ஸச்சம் ப⁴ணந்தோ க³ருகம் ஆபத்திம் ஆபஜ்ஜதி, முஸா ப⁴ணந்தோ லஹுகம். அத்தி² முஸா ப⁴ணந்தோ க³ருகம் ஆபத்திம் ஆபஜ்ஜதி, ஸச்சம் ப⁴ணந்தோ லஹுகம். அத்தா²பத்தி பூ⁴மிக³தோ ஆபஜ்ஜதி, நோ வேஹாஸக³தோ. அத்தா²பத்தி வேஹாஸக³தோ ஆபஜ்ஜதி, நோ பூ⁴மிக³தோ. அத்தா²பத்தி நிக்க²மந்தோ ஆபஜ்ஜதி, நோ பவிஸந்தோ. அத்தா²பத்தி பவிஸந்தோ ஆபஜ்ஜதி, நோ நிக்க²மந்தோ. அத்தா²பத்தி ஆதி³யந்தோ ஆபஜ்ஜதி, அத்தா²பத்தி அனாதி³யந்தோ ஆபஜ்ஜதி. அத்தா²பத்தி ஸமாதி³யந்தோ ஆபஜ்ஜதி, அத்தா²பத்தி ந ஸமாதி³யந்தோ ஆபஜ்ஜதி. அத்தா²பத்தி கரோந்தோ ஆபஜ்ஜதி, அத்தா²பத்தி ந கரோந்தோ ஆபஜ்ஜதி. அத்தா²பத்தி தே³ந்தோ ஆபஜ்ஜதி, அத்தா²பத்தி ந தே³ந்தோ ஆபஜ்ஜதி. (அத்தா²பத்தி தே³ஸேந்தோ ஆபஜ்ஜதி, அத்தா²பத்தி ந தே³ஸேந்தோ ஆபஜ்ஜதி.) [( ) (நத்தி² கத்த²சி)] அத்தா²பத்தி படிக்³க³ண்ஹந்தோ ஆபஜ்ஜதி, அத்தா²பத்தி ந படிக்³க³ண்ஹந்தோ ஆபஜ்ஜதி. அத்தா²பத்தி பரிபோ⁴கே³ன ஆபஜ்ஜதி, அத்தா²பத்தி ந பரிபோ⁴கே³ன ஆபஜ்ஜதி. அத்தா²பத்தி ரத்திம் ஆபஜ்ஜதி, நோ தி³வா. அத்தா²பத்தி தி³வா ஆபஜ்ஜதி, நோ ரத்திம். அத்தா²பத்தி அருணுக்³கே³ ஆபஜ்ஜதி, அத்தா²பத்தி ந அருணுக்³கே³ ஆபஜ்ஜதி. அத்தா²பத்தி சி²ந்த³ந்தோ ஆபஜ்ஜதி, அத்தா²பத்தி ந சி²ந்த³ந்தோ ஆபஜ்ஜதி. அத்தா²பத்தி சா²தே³ந்தோ ஆபஜ்ஜதி, அத்தா²பத்தி ந சா²தே³ந்தோ ஆபஜ்ஜதி. அத்தா²பத்தி தா⁴ரேந்தோ ஆபஜ்ஜதி, அத்தா²பத்தி ந தா⁴ரேந்தோ ஆபஜ்ஜதி.

த்³வே உபோஸதா² – சாதுத்³த³ஸிகோ ச பன்னரஸிகோ ச. த்³வே பவாரணா – சாதுத்³த³ஸிகா ச பன்னரஸிகா ச. த்³வே கம்மானி – அபலோகனகம்மம், ஞத்திகம்மம். அபரானிபி த்³வே கம்மானி – ஞத்திது³தியகம்மம், ஞத்திசதுத்த²கம்மம். த்³வே கம்மவத்தூ²னி – அபலோகனகம்மஸ்ஸ வத்து², ஞத்திகம்மஸ்ஸ வத்து². அபரானிபி த்³வே கம்மவத்தூ²னி – ஞத்திது³தியகம்மஸ்ஸ வத்து², ஞத்திசதுத்த²கம்மஸ்ஸ வத்து². த்³வே கம்மதோ³ஸா – அபலோகனகம்மஸ்ஸ தோ³ஸோ, ஞத்திகம்மஸ்ஸ தோ³ஸோ. அபரேபி த்³வே கம்மதோ³ஸா – ஞத்திது³தியகம்மஸ்ஸ தோ³ஸோ, ஞத்திசதுத்த²கம்மஸ்ஸ தோ³ஸோ. த்³வே கம்மஸம்பத்தியோ – அபலோகனகம்மஸ்ஸ ஸம்பத்தி, ஞத்திகம்மஸ்ஸ ஸம்பத்தி. அபராபி த்³வே கம்மஸம்பத்தியோ – ஞத்திது³தியகம்மஸ்ஸ ஸம்பத்தி, ஞத்திசதுத்த²கம்மஸ்ஸ ஸம்பத்தி. த்³வே நானாஸம்வாஸகபூ⁴மியோ – அத்தனா வா அத்தானம் நானாஸம்வாஸகம் கரோதி, ஸமக்³கோ³ வா நம் ஸங்கோ⁴ உக்கி²பதி அத³ஸ்ஸனே வா அப்படிகம்மே வா அப்படினிஸ்ஸக்³கே³ வா. த்³வே ஸமானஸம்வாஸகபூ⁴மியோ – அத்தனா வா அத்தானம் ஸமானஸம்வாஸகம் கரோதி, ஸமக்³கோ³ வா நம் ஸங்கோ⁴ உக்கி²த்தம் ஓஸாரேதி த³ஸ்ஸனே வா படிகம்மே வா படினிஸ்ஸக்³கே³ வா. த்³வே பாராஜிகா – பி⁴க்கூ²னஞ்ச பி⁴க்கு²னீனஞ்ச. த்³வே ஸங்கா⁴தி³ஸேஸா, த்³வே து²ல்லச்சயா, த்³வே பாசித்தியா, த்³வே பாடிதே³ஸனீயா, த்³வே து³க்கடா, த்³வே து³ப்³பா⁴ஸிதா – பி⁴க்கூ²னஞ்ச பி⁴க்கு²னீனஞ்ச. ஸத்த ஆபத்தியோ, ஸத்த ஆபத்திக்க²ந்தா⁴. த்³வீஹாகாரேஹி ஸங்கோ⁴ பி⁴ஜ்ஜதி – கம்மேன வா ஸலாகக்³கா³ஹேன வா.

த்³வே புக்³க³லா ந உபஸம்பாதே³தப்³பா³ – அத்³தா⁴னஹீனோ, அங்க³ஹீனோ. அபரேபி த்³வே புக்³க³லா ந உபஸம்பாதே³தப்³பா³ – வத்து²விபன்னோ, கரணது³க்கடகோ. அபரேபி த்³வே புக்³க³லா ந உபஸம்பாதே³தப்³பா³ – அபரிபூரோ பரிபூரோ நோ ச யாசதி. த்³வின்னம் புக்³க³லானம் நிஸ்ஸாய ந வத்த²ப்³ப³ம் – அலஜ்ஜிஸ்ஸ ச பா³லஸ்ஸ ச. த்³வின்னம் புக்³க³லானம் நிஸ்ஸயோ ந தா³தப்³போ³ – அலஜ்ஜிஸ்ஸ ச லஜ்ஜினோ ச ந யாசதி. த்³வின்னம் புக்³க³லானம் நிஸ்ஸயோ தா³தப்³போ³ – பா³லஸ்ஸ ச லஜ்ஜிஸ்ஸ ச யாசதி. த்³வே புக்³க³லா அப⁴ப்³பா³ ஆபத்திம் ஆபஜ்ஜிதும் – பு³த்³தா⁴ ச பச்சேகபு³த்³தா⁴ ச. த்³வே புக்³க³லா ப⁴ப்³பா³, ஆபத்திம் ஆபஜ்ஜிதும் – பி⁴க்கூ² ச பி⁴க்கு²னியோ ச. த்³வே புக்³க³லா அப⁴ப்³பா³ ஸஞ்சிச்ச ஆபத்திம் ஆபஜ்ஜிதும் – பி⁴க்கூ² ச பி⁴க்கு²னியோ ச அரியபுக்³க³லா. த்³வே புக்³க³லா ப⁴ப்³பா³ ஸஞ்சிச்ச ஆபத்திம் ஆபஜ்ஜிதும் – பி⁴க்கூ² ச பி⁴க்கு²னியோ ச புது²ஜ்ஜனா. த்³வே புக்³க³லா அப⁴ப்³பா³ ஸஞ்சிச்ச ஸாதிஸாரம் வத்து²ம் அஜ்ஜா²சரிதும் – பி⁴க்கூ² ச பி⁴க்கு²னியோ ச அரியபுக்³க³லா. த்³வே புக்³க³லா ப⁴ப்³பா³ ஸஞ்சிச்ச ஸாதிஸாரம் வத்து²ம் அஜ்ஜா²சரிதும் – பி⁴க்கூ² ச பி⁴க்கு²னியோ ச புது²ஜ்ஜனா.

த்³வே படிக்கோஸா – காயேன வா படிக்கோஸதி வாசாய வா படிக்கோஸதி. த்³வே நிஸ்ஸாரணா – அத்தி² புக்³க³லோ அப்பத்தோ நிஸ்ஸாரணம் தம் சே ஸங்கோ⁴ நிஸ்ஸாரேதி ஏகச்சோ ஸுனிஸ்ஸாரிதோ, ஏகச்சோ து³ன்னிஸ்ஸாரிதோ. த்³வே ஓஸாரணா – அத்தி² புக்³க³லோ அப்பத்தோ ஓஸாரணம் தம் சே ஸங்கோ⁴ ஓஸாரேதி ஏகச்சோ ஸோஸாரிதோ, ஏகச்சோ தோ³ஸாரிதோ. த்³வே படிஞ்ஞா – காயேன வா படிஜானாதி வாசாய வா படிஜானாதி. த்³வே படிக்³க³ஹா – காயேன வா படிக்³க³ண்ஹாதி காயபடிப³த்³தே⁴ன வா படிக்³க³ண்ஹாதி. த்³வே படிக்கே²பா – காயேன வா படிக்கி²பதி வாசாய வா படிக்கி²பதி. த்³வே உபகா⁴திகா – ஸிக்கூ²பகா⁴திகா ச போ⁴கூ³பகா⁴திகா ச. த்³வே சோத³னா – காயேன வா சோதே³தி வாசாய வா சோதே³தி. த்³வே கதி²னஸ்ஸ பலிபோ³தா⁴ – ஆவாஸபலிபோ³தோ⁴ ச சீவரபலிபோ³தோ⁴ ச. த்³வே கதி²னஸ்ஸ அபலிபோ³தா⁴ – ஆவாஸஅபலிபோ³தோ⁴ ச சீவரஅபலிபோ³தோ⁴ ச. த்³வே சீவரானி – க³ஹபதிகஞ்ச பம்ஸுகூலஞ்ச. த்³வே பத்தா – அயோபத்தோ மத்திகாபத்தோ. த்³வே மண்ட³லானி – திபுமயம், ஸீஸமயம். த்³வே பத்தஸ்ஸ அதி⁴ட்டா²னா – காயேன வா அதி⁴ட்டே²தி வாசாய வா அதி⁴ட்டே²தி. த்³வே சீவரஸ்ஸ அதி⁴ட்டா²னா – காயேன வா அதி⁴ட்டே²தி வாசாய வா அதி⁴ட்டே²தி. த்³வே விகப்பனா – ஸம்முகா²விகப்பனா ச பரம்முகா²விகப்பனா ச. த்³வே வினயா – பி⁴க்கூ²னஞ்ச பி⁴க்கு²னீனஞ்ச. த்³வே வேனயிகா – பஞ்ஞத்தஞ்ச பஞ்ஞத்தானுலோமஞ்ச. த்³வே வினயஸ்ஸ ஸல்லேகா² – அகப்பியே ஸேதுகா⁴தோ, கப்பியே மத்தகாரிதா. த்³வீஹாகாரேஹி ஆபத்திம் ஆபஜ்ஜதி – காயேன வா ஆபஜ்ஜதி வாசாய வா ஆபஜ்ஜதி. த்³வீஹாகாரேஹி ஆபத்தியா வுட்டா²தி – காயேன வா வுட்டா²தி வாசாய வா வுட்டா²தி. த்³வே பரிவாஸா – படிச்ச²ன்னபரிவாஸோ, அப்படிச்ச²ன்னபரிவாஸோ. அபரேபி த்³வே பரிவாஸா – ஸுத்³த⁴ந்தபரிவாஸோ ஸமோதா⁴னபரிவாஸோ. த்³வே மானத்தா – படிச்ச²ன்னமானத்தம், அப்படிச்ச²ன்னமானத்தம். அபரேபி த்³வே மானத்தா – பக்க²மானத்தம், ஸமோதா⁴னமானத்தம். த்³வின்னம் புக்³க³லானம் ரத்திச்சே²தோ³ – பாரிவாஸிகஸ்ஸ ச மானத்தசாரிகஸ்ஸ ச. த்³வே அனாத³ரியானி – புக்³க³லானாத³ரியஞ்ச த⁴ம்மானாத³ரியஞ்ச. த்³வே லோணானி – ஜாதிமஞ்ச காரிமஞ்ச [ஜாதிமயஞ்ச கா²ரிமயஞ்ச (ஸ்யா.)]. அபரானிபி த்³வே லோணானி – ஸாமுத்³த³ம் காளலோணம். அபரானிபி த்³வே லோணானி – ஸிந்த⁴வம், உப்³பி⁴த³ம் [உப்³பி⁴ரம் (இதிபி)]. அபரானிபி த்³வே லோணானி – ரோமகம், பக்காலகம். த்³வே பரிபோ⁴கா³ – அப்³ப⁴ந்தரபரிபோ⁴கோ³ ச பா³ஹிரபரிபோ⁴கோ³ ச. த்³வே அக்கோஸா – ஹீனோ ச அக்கோஸோ உக்கட்டோ² ச அக்கோஸோ. த்³வீஹாகாரேஹி பேஸுஞ்ஞம் ஹோதி – பியகம்யஸ்ஸ வா பே⁴தா³தி⁴ப்பாயஸ்ஸ வா. த்³வீஹாகாரேஹி க³ணபோ⁴ஜனம் பஸவதி – நிமந்தனதோ வா விஞ்ஞத்திதோ வா. த்³வே வஸ்ஸூபனாயிகா – புரிமிகா, பச்சி²மிகா. த்³வே அத⁴ம்மிகானி பாதிமோக்க²ட்ட²பனானி. த்³வே த⁴ம்மிகானி பாதிமோக்க²ட்ட²பனானி.

[அ. நி. 2.99 ஆத³யோ] த்³வே புக்³க³லா பா³லா – யோ ச அனாக³தம் பா⁴ரம் வஹதி, யோ ச ஆக³தம் பா⁴ரம் ந வஹதி. த்³வே புக்³க³லா பண்டி³தா – யோ ச அனாக³தம் பா⁴ரம் ந வஹதி, யோ ச ஆக³தம் பா⁴ரம் வஹதி. அபரேபி த்³வே புக்³க³லா பா³லா – யோ ச அகப்பியே கப்பியஸஞ்ஞீ, யோ ச கப்பியே அகப்பியஸஞ்ஞீ. த்³வே புக்³க³லா பண்டி³தா – யோ ச அகப்பியே அகப்பியஸஞ்ஞீ, யோ ச கப்பியே கப்பியஸஞ்ஞீ. அபரேபி த்³வே புக்³க³லா பா³லா – யோ ச அனாபத்தியா ஆபத்திஸஞ்ஞீ, யோ ச ஆபத்தியா அனாபத்திஸஞ்ஞீ. த்³வே புக்³க³லா பண்டி³தா – யோ ச ஆபத்தியா ஆபத்திஸஞ்ஞீ, யோ ச அனாபத்தியா அனாபத்திஸஞ்ஞீ. அபரேபி த்³வே புக்³க³லா பா³லா – யோ ச அத⁴ம்மே த⁴ம்மஸஞ்ஞீ, யோ ச த⁴ம்மே அத⁴ம்மஸஞ்ஞீ. த்³வே புக்³க³லா பண்டி³தா – யோ ச அத⁴ம்மே அத⁴ம்மஸஞ்ஞீ, யோ ச த⁴ம்மே த⁴ம்மஸஞ்ஞீ. அபரேபி த்³வே புக்³க³லா பா³லா – யோ ச அவினயே வினயஸஞ்ஞீ, யோ ச வினயே அவினயஸஞ்ஞீ. த்³வே புக்³க³லா பண்டி³தா – யோ ச அவினயே அவினயஸஞ்ஞீ, யோ ச வினயே வினயஸஞ்ஞீ.

[அ. நி. 2.109] த்³வின்னம் புக்³க³லானம் ஆஸவா வட்³ட⁴ந்தி – யோ ச ந குக்குச்சாயிதப்³ப³ம் குக்குச்சாயதி, யோ ச குக்குச்சாயிதப்³ப³ம் குக்குச்சாயதி. த்³வின்னம் புக்³க³லானம் ஆஸவா ந வட்³ட⁴ந்தி – யோ ச குக்குச்சாயிதப்³ப³ம் ந குக்குச்சாயதி, யோ ச குக்குச்சாயிதப்³ப³ம் குக்குச்சாயதி. அபரேஸம்பி த்³வின்னம் புக்³க³லானம் ஆஸவா வட்³ட⁴ந்தி – யோ ச அகப்பியே கப்பியஸஞ்ஞீ, யோ ச கப்பியே அகப்பியஸஞ்ஞீ. த்³வின்னம் புக்³க³லானம் ஆஸவா ந வட்³ட⁴ந்தி – யோ ச அகப்பியே அகப்பியஸஞ்ஞீ, யோ ச கப்பியே கப்பியஸஞ்ஞீ. அபரேஸம்பி த்³வின்னம் புக்³க³லானம் ஆஸவா வட்³ட⁴ந்தி – யோ ச அனாபத்தியா ஆபத்திஸஞ்ஞீ, யோ ச ஆபத்தியா அனாபத்திஸஞ்ஞீ. த்³வின்னம் புக்³க³லானம் ஆஸவா ந வட்³ட⁴ந்தி – யோ ச அனாபத்தியா அனாபத்திஸஞ்ஞீ, யோ ச ஆபத்தியா ஆபத்திஸஞ்ஞீ. அபரேஸம்பி த்³வின்னம் புக்³க³லானம் ஆஸவா வட்³ட⁴ந்தி – யோ ச அத⁴ம்மே த⁴ம்மஸஞ்ஞீ, யோ ச த⁴ம்மே அத⁴ம்மஸஞ்ஞீ. த்³வின்னம் புக்³க³லானம் ஆஸவா ந வட்³ட⁴ந்தி – யோ ச அத⁴ம்மே அத⁴ம்மஸஞ்ஞீ, யோ ச த⁴ம்மே த⁴ம்மஸஞ்ஞீ. அபரேஸம்பி த்³வின்னம் புக்³க³லானம் ஆஸவா வட்³ட⁴ந்தி – யோ ச அவினயே வினயஸஞ்ஞீ, யோ ச வினயே அவினயஸஞ்ஞீ. த்³வின்னம் புக்³க³லானம் ஆஸவா ந வட்³ட⁴ந்தி – யோ ச அவினயே அவினயஸஞ்ஞீ, யோ ச வினயே வினயஸஞ்ஞீ.

து³கா நிட்டி²தா.

தஸ்ஸுத்³தா³னம் –

ஸஞ்ஞா லத்³தா⁴ ச ஸத்³த⁴ம்மா, பரிக்கா²ரா ச புக்³க³லா;

ஸச்சம் பூ⁴மி நிக்க²மந்தோ, ஆதி³யந்தோ ஸமாதி³யம்.

கரோந்தோ தே³ந்தோ க³ண்ஹந்தோ, பரிபோ⁴கே³ன ரத்தி ச;

அருணாசி²ந்த³ம் சா²தே³ந்தோ, தா⁴ரேந்தோ ச உபோஸதா².

பவாரணா கம்மாபரா, வத்து² அபரா தோ³ஸா ச;

அபரா த்³வே ச ஸம்பத்தி, நானா ஸமானமேவ ச.

பாராஜிஸங்க⁴து²ல்லச்சய, பாசித்தி பாடிதே³ஸனா;

து³க்கடா து³ப்³பா⁴ஸிதா சேவ, ஸத்த ஆபத்திக்க²ந்தா⁴ ச.

பி⁴ஜ்ஜதி உபஸம்பதா³, ததே²வ அபரே து³வே;

ந வத்த²ப்³ப³ம் ந தா³தப்³ப³ம், அப⁴ப்³பா³ப⁴ப்³ப³மேவ ச.

ஸஞ்சிச்ச ஸாதிஸாரா ச, படிக்கோஸா நிஸ்ஸாரணா;

ஓஸாரணா படிஞ்ஞா ச, படிக்³க³ஹா படிக்கி²பா.

உபகா⁴தி சோத³னா ச, கதி²னா ச து³வே ததா²;

சீவரா பத்தமண்ட³லா, அதி⁴ட்டா²னா ததே²வ த்³வே.

விகப்பனா ச வினயா, வேனயிகா ச ஸல்லேகா²;

ஆபஜ்ஜதி ச வுட்டா²தி, பரிவாஸாபரே து³வே.

த்³வே மானத்தா அபரே ச, ரத்திச்சே²தோ³ அனாத³ரி;

த்³வே லோணா தயோ அபரே, பரிபோ⁴க³க்கோஸேன ச.

பேஸுஞ்ஞோ ச க³ணாவஸ்ஸ, ட²பனா பா⁴ரகப்பியம்;

அனாபத்தி அத⁴ம்மத⁴ம்மா, வினயே ஆஸவே ததா²தி.

3. திகவாரோ

323. அத்தா²பத்தி திட்ட²ந்தே ப⁴க³வதி ஆபஜ்ஜதி, நோ பரினிப்³பு³தே; அத்தா²பத்தி பரினிப்³பு³தே ப⁴க³வதி ஆபஜ்ஜதி, நோ திட்ட²ந்தே; அத்தா²பத்தி திட்ட²ந்தேபி ப⁴க³வதி ஆபஜ்ஜதி பரினிப்³பு³தேபி. அத்தா²பத்தி காலே ஆபஜ்ஜதி, நோ விகாலே; அத்தா²பத்தி விகாலே ஆபஜ்ஜதி, நோ காலே; அத்தா²பத்தி காலே சேவ ஆபஜ்ஜதி விகாலே ச. அத்தா²பத்தி ரத்திம் ஆபஜ்ஜதி, நோ தி³வா; அத்தா²பத்தி தி³வா ஆபஜ்ஜதி, நோ ரத்திம்; அத்தா²பத்தி ரத்திஞ்சேவ ஆபஜ்ஜதி தி³வா ச. அத்தா²பத்தி த³ஸவஸ்ஸோ ஆபஜ்ஜதி, நோ ஊனத³ஸவஸ்ஸோ; அத்தா²பத்தி ஊனத³ஸவஸ்ஸோ ஆபஜ்ஜதி, நோ த³ஸவஸ்ஸோ; அத்தா²பத்தி த³ஸவஸ்ஸோ சேவ ஆபஜ்ஜதி ஊனத³ஸவஸ்ஸோ ச. அத்தா²பத்தி பஞ்சவஸ்ஸோ ஆபஜ்ஜதி, நோ ஊனபஞ்சவஸ்ஸோ; அத்தா²பத்தி ஊனபஞ்சவஸ்ஸோ ஆபஜ்ஜதி, நோ பஞ்சவஸ்ஸோ; அத்தா²பத்தி பஞ்சவஸ்ஸோ சேவ ஆபஜ்ஜதி ஊனபஞ்சவஸ்ஸோ ச. அத்தா²பத்தி குஸலசித்தோ ஆபஜ்ஜதி; அத்தா²பத்தி அகுஸலசித்தோ ஆபஜ்ஜதி; அத்தா²பத்தி அப்³யாகதசித்தோ ஆபஜ்ஜதி. அத்தா²பத்தி ஸுக²வேத³னாஸமங்கீ³ ஆபஜ்ஜதி; அத்தா²பத்தி து³க்க²வேத³னாஸமங்கீ³ ஆபஜ்ஜதி; அத்தா²பத்தி அது³க்க²மஸுக²வேத³னாஸமங்கீ³ ஆபஜ்ஜதி. தீணி சோத³னாவத்தூ²னி – தி³ட்டே²ன, ஸுதேன, பரிஸங்காய. தயோ ஸலாகக்³கா³ஹா – கு³ள்ஹகோ, விவடகோ [விவட்டகோ (க.)], ஸகண்ணஜப்பகோ. தயோ படிக்கே²பா – மஹிச்ச²தா, அஸந்துட்டி²தா [அஸந்துட்ட²தா (ஸ்யா.)], அஸல்லேக²தா. தயோ அனுஞ்ஞாதா – அப்பிச்ச²தா, ஸந்துட்டி²தா, ஸல்லேக²தா. அபரேபி தயோ படிக்கே²பா – மஹிச்ச²தா, அஸந்துட்டி²தா, அமத்தஞ்ஞுதா. தயோ அனுஞ்ஞாதா – அப்பிச்ச²தா, ஸந்துட்டி²தா, மத்தஞ்ஞுதா. திஸ்ஸோ பஞ்ஞத்தியோ – பஞ்ஞத்தி, அனுபஞ்ஞத்தி, அனுப்பன்னபஞ்ஞத்தி. அபராபி திஸ்ஸோ பஞ்ஞத்தியோ – ஸப்³ப³த்த²பஞ்ஞத்தி, பதே³ஸபஞ்ஞத்தி, ஸாதா⁴ரணபஞ்ஞத்தி. அபராபி திஸ்ஸோ பஞ்ஞத்தியோ – அஸாதா⁴ரணபஞ்ஞத்தி, ஏகதோபஞ்ஞத்தி, உப⁴தோபஞ்ஞத்தி.

அத்தா²பத்தி பா³லோ ஆபஜ்ஜதி, நோ பண்டி³தோ; அத்தா²பத்தி பண்டி³தோ ஆபஜ்ஜதி, நோ பா³லோ; அத்தா²பத்தி பா³லோ சேவ ஆபஜ்ஜதி பண்டி³தோ ச. அத்தா²பத்தி காளே ஆபஜ்ஜதி, நோ ஜுண்ஹே; அத்தா²பத்தி ஜுண்ஹே ஆபஜ்ஜதி, நோ காளே; அத்தா²பத்தி காளே சேவ ஆபஜ்ஜதி ஜுண்ஹே ச. அத்தி² காளே கப்பதி, நோ ஜுண்ஹே; அத்தி² ஜுண்ஹே கப்பதி, நோ காளே; அத்தி² காளே சேவ கப்பதி ஜுண்ஹே ச. அத்தா²பத்தி ஹேமந்தே ஆபஜ்ஜதி, நோ கி³ம்ஹே நோ வஸ்ஸே; அத்தா²பத்தி கி³ம்ஹே ஆபஜ்ஜதி, நோ ஹேமந்தே நோ வஸ்ஸே; அத்தா²பத்தி வஸ்ஸே ஆபஜ்ஜதி, நோ ஹேமந்தே நோ கி³ம்ஹே. அத்தா²பத்தி ஸங்கோ⁴ ஆபஜ்ஜதி, ந க³ணோ ந புக்³க³லோ; அத்தா²பத்தி க³ணோ ஆபஜ்ஜதி, ந ஸங்கோ⁴ ந புக்³க³லோ; அத்தா²பத்தி புக்³க³லோ ஆபஜ்ஜதி, ந ஸங்கோ⁴ ந க³ணோ. அத்தி² ஸங்க⁴ஸ்ஸ கப்பதி, ந க³ணஸ்ஸ ந புக்³க³லஸ்ஸ; அத்தி² க³ணஸ்ஸ கப்பதி, ந ஸங்க⁴ஸ்ஸ ந புக்³க³லஸ்ஸ; அத்தி² புக்³க³லஸ்ஸ கப்பதி, ந ஸங்க⁴ஸ்ஸ ந க³ணஸ்ஸ. திஸ்ஸோ சா²த³னா வத்து²ம் சா²தே³தி, நோ ஆபத்திம்; ஆபத்திம் சா²தே³தி, நோ வத்து²ம்; வத்து²ஞ்சேவ சா²தே³தி ஆபத்திஞ்ச. திஸ்ஸோ படிச்சா²தி³யோ – ஜந்தாக⁴ரபடிச்சா²தி³, உத³கபடிச்சா²தி³, வத்த²படிச்சா²தி³. [அ. நி. 3.132] தீணி படிச்ச²ன்னானி வஹந்தி, நோ விவடானி – மாதுகா³மோ படிச்ச²ன்னோ வஹதி, நோ விவடோ; ப்³ராஹ்மணானம் மந்தா படிச்ச²ன்னா வஹந்தி, நோ விவடா; மிச்சா²தி³ட்டி² படிச்ச²ன்னா வஹதி, நோ விவடா. தீணி விவடானி விரோசந்தி, நோ படிச்ச²ன்னானி – சந்த³மண்ட³லம் விவடம் விரோசதி, நோ படிச்ச²ன்னம்; ஸூரியமண்ட³லம் விவடம் விரோசதி, நோ படிச்ச²ன்னம்; ததா²க³தப்பவேதி³தோ த⁴ம்மவினயோ விவடோ விரோசதி, நோ படிச்ச²ன்னோ. தயோ ஸேனாஸனக்³கா³ஹா – புரிமகோ, பச்சி²மகோ, அந்தராமுத்தகோ. அத்தா²பத்தி கி³லானோ ஆபஜ்ஜதி, நோ அகி³லானோ; அத்தா²பத்தி அகி³லானோ ஆபஜ்ஜதி, நோ கி³லானோ; அத்தா²பத்தி கி³லானோ சேவ ஆபஜ்ஜதி அகி³லானோ ச.

தீணி அத⁴ம்மிகானி பாதிமோக்க²ட்ட²பனானி. தீணி த⁴ம்மிகானி பாதிமோக்க²ட்ட²பனானி. தயோ பரிவாஸா – படிச்ச²ன்னபரிவாஸோ, அப்படிச்ச²ன்னபரிவாஸோ, ஸுத்³த⁴ந்தபரிவாஸோ. தயோ மானத்தா – படிச்ச²ன்னமானத்தம், அப்படிச்ச²ன்னமானத்தம், பக்க²மானத்தம். தயோ பாரிவாஸிகஸ்ஸ பி⁴க்கு²னோ ரத்திச்சே²தா³ – ஸஹவாஸோ, விப்பவாஸோ, அனாரோசனா. அத்தா²பத்தி அந்தோ ஆபஜ்ஜதி, நோ ப³ஹி; அத்தா²பத்தி ப³ஹி ஆபஜ்ஜதி, நோ அந்தோ; அத்தா²பத்தி அந்தோ சேவ ஆபஜ்ஜதி ப³ஹி ச. அத்தா²பத்தி அந்தோஸீமாய ஆபஜ்ஜதி, நோ ப³ஹிஸீமாய; அத்தா²பத்தி ப³ஹிஸீமாய ஆபஜ்ஜதி, நோ அந்தோஸீமாய; அத்தா²பத்தி அந்தோஸீமாய சேவ ஆபஜ்ஜதி ப³ஹிஸீமாய ச. தீஹாகாரேஹி ஆபத்திம் ஆபஜ்ஜதி – காயேன ஆபஜ்ஜதி, வாசாய ஆபஜ்ஜதி, காயேன வாசாய ஆபஜ்ஜதி. அபரேஹிபி தீஹாகாரேஹி ஆபத்திம் ஆபஜ்ஜதி – ஸங்க⁴மஜ்ஜே², க³ணமஜ்ஜே², புக்³க³லஸ்ஸ ஸந்திகே. தீஹாகாரேஹி ஆபத்தியா வுட்டா²தி – காயேன வுட்டா²தி, வாசாய வுட்டா²தி, காயேன வாசாய வுட்டா²தி. அபரேஹிபி தீஹாகாரேஹி ஆபத்தியா வுட்டா²தி – ஸங்க⁴மஜ்ஜே², க³ணமஜ்ஜே², புக்³க³லஸ்ஸ ஸந்திகே. தீணி அத⁴ம்மிகானி அமூள்ஹவினயஸ்ஸ தா³னானி. தீணி த⁴ம்மிகானி அமூள்ஹவினயஸ்ஸ தா³னானி.

[சூளவ. 6] தீஹங்கே³ஹி ஸமன்னாக³தஸ்ஸ பி⁴க்கு²னோ ஆகங்க²மானோ ஸங்கோ⁴ தஜ்ஜனீயகம்மம் கரேய்ய – ப⁴ண்ட³னகாரகோ ஹோதி கலஹகாரகோ விவாத³காரகோ ப⁴ஸ்ஸகாரகோ ஸங்கே⁴ அதி⁴கரணகாரகோ, பா³லோ ஹோதி அப்³யத்தோ, ஆபத்திப³ஹுலோ அனபதா³னோ கி³ஹிஸம்ஸட்டோ² விஹரதி அனனுலோமிகேஹி கி³ஹிஸம்ஸக்³கே³ஹி. [சூளவ. 15] தீஹங்கே³ஹி ஸமன்னாக³தஸ்ஸ பி⁴க்கு²னோ ஆகங்க²மானோ ஸங்கோ⁴ நியஸ்ஸகம்மம் கரேய்ய – ப⁴ண்ட³னகாரகோ ஹோதி…பே… ஸங்கே⁴ அதி⁴கரணகாரகோ, பா³லோ ஹோதி அப்³யத்தோ, ஆபத்திப³ஹுலோ அனபதா³னோ கி³ஹிஸம்ஸட்டோ² விஹரதி அனனுலோமிகேஹி கி³ஹிஸம்ஸக்³கே³ஹி. [சூளவ. 27] தீஹங்கே³ஹி ஸமன்னாக³தஸ்ஸ பி⁴க்கு²னோ ஆகங்க²மானோ ஸங்கோ⁴ பப்³பா³ஜனீயகம்மம் கரேய்ய – ப⁴ண்ட³னகாரகோ ஹோதி…பே… ஸங்கே⁴ அதி⁴கரணகாரகோ, பா³லோ ஹோதி அப்³யத்தோ, ஆபத்திப³ஹுலோ அனபதா³னோ குலதூ³ககோ ஹோதி பாபஸமாசாரோ பாபஸமாசாரா தி³ஸ்ஸந்தி சேவ ஸுய்யந்தி ச. தீஹங்கே³ஹி ஸமன்னாக³தஸ்ஸ பி⁴க்கு²னோ ஆகங்க²மானோ ஸங்கோ⁴ படிஸாரணீயகம்மம் கரேய்ய – ப⁴ண்ட³னகாரகோ ஹோதி…பே… ஸங்கே⁴ அதி⁴கரணகாரகோ, பா³லோ ஹோதி அப்³யத்தோ, ஆபத்தி ப³ஹுலோ அனபதா³னோ கி³ஹீ அக்கோஸதி பரிபா⁴ஸதி. [சூளவ. 50] தீஹங்கே³ஹி ஸமன்னாக³தஸ்ஸ பி⁴க்கு²னோ ஆகங்க²மானோ ஸங்கோ⁴ ஆபத்தியா அத³ஸ்ஸனே உக்கே²பனீயகம்மம் கரேய்ய – ப⁴ண்ட³னகாரகோ ஹோதி…பே… ஸங்கே⁴ அதி⁴கரணகாரகோ, பா³லோ ஹோதி அப்³யத்தோ, ஆபத்திப³ஹுலோ அனபதா³னோ ஆபத்திம் ஆபஜ்ஜித்வா ந இச்ச²தி ஆபத்திம் பஸ்ஸிதும். [சூளவ. 59] தீஹங்கே³ஹி ஸமன்னாக³தஸ்ஸ பி⁴க்கு²னோ ஆகங்க²மானோ ஸங்கோ⁴ ஆபத்தியா அப்படிகம்மே உக்கே²பனீயகம்மம் கரேய்ய – ப⁴ண்ட³னகாரகோ ஹோதி…பே… ஸங்கே⁴ அதி⁴கரணகாரகோ, பா³லோ ஹோதி அப்³யத்தோ, ஆபத்திப³ஹுலோ அனபதா³னோ ஆபத்திம் ஆபஜ்ஜித்வா ந இச்ச²தி ஆபத்திம் படிகாதும். [சூளவ. 69] தீஹங்கே³ஹி ஸமன்னாக³தஸ்ஸ பி⁴க்கு²னோ ஆகங்க²மானோ ஸங்கோ⁴ பாபிகாய தி³ட்டி²யா அப்படினிஸ்ஸக்³கே³ உக்கே²பனீயகம்மம் கரேய்ய – ப⁴ண்ட³னகாரகோ ஹோதி…பே… ஸங்கே⁴ அதி⁴கரணகாரகோ, பா³லோ ஹோதி அப்³யத்தோ, ஆபத்திப³ஹுலோ அனபதா³னோ ந இச்ச²தி பாபிகம் தி³ட்டி²ம் படினிஸ்ஸஜ்ஜிதும்.

தீஹங்கே³ஹி ஸமன்னாக³தஸ்ஸ பி⁴க்கு²னோ ஆகங்க²மானோ ஸங்கோ⁴ ஆகா³ள்ஹாய சேதேய்ய – ப⁴ண்ட³னகாரகோ ஹோதி கலஹகாரகோ விவாத³காரகோ ப⁴ஸ்ஸகாரகோ ஸங்கே⁴ அதி⁴கரணகாரகோ, பா³லோ ஹோதி அப்³யத்தோ ஆபத்திப³ஹுலோ அனபதா³னோ, கி³ஹிஸம்ஸட்டோ² விஹரதி அனனுலோமிகேஹி கி³ஹிஸம்ஸக்³கே³ஹி. தீஹங்கே³ஹி ஸமன்னாக³தஸ்ஸ பி⁴க்கு²னோ கம்மம் காதப்³ப³ம் – அலஜ்ஜீ ச ஹோதி, பா³லோ ச, அபகதத்தோ ச. அபரேஹிபி தீஹங்கே³ஹி ஸமன்னாக³தஸ்ஸ பி⁴க்கு²னோ கம்மம் காதப்³ப³ம் – அதி⁴ஸீலே ஸீலவிபன்னோ ஹோதி, அஜ்ஜா²சாரே ஆசாரவிபன்னோ ஹோதி, அதிதி³ட்டி²யா தி³ட்டி²விபன்னோ ஹோதி. அபரேஹிபி தீஹங்கே³ஹி ஸமன்னாக³தஸ்ஸ பி⁴க்கு²னோ கம்மம் காதப்³ப³ம் – காயிகேன த³வேன ஸமன்னாக³தோ ஹோதி, வாசஸிகேன த³வேன ஸமன்னாக³தோ ஹோதி, காயிகவாசஸிகேன த³வேன ஸமன்னாக³தோ ஹோதி. அபரேஹிபி தீஹங்கே³ஹி ஸமன்னாக³தஸ்ஸ பி⁴க்கு²னோ கம்மம் காதப்³ப³ம் – காயிகேன அனாசாரேன ஸமன்னாக³தோ ஹோதி, வாசஸிகேன அனாசாரேன ஸமன்னாக³தோ ஹோதி, காயிகவாசஸிகேன அனாசாரேன ஸமன்னாக³தோ ஹோதி. அபரேஹிபி தீஹங்கே³ஹி ஸமன்னாக³தஸ்ஸ பி⁴க்கு²னோ கம்மம் காதப்³ப³ம் – காயிகேன உபகா⁴திகேன ஸமன்னாக³தோ ஹோதி, வாசஸிகேன உபகா⁴திகேன ஸமன்னாக³தோ ஹோதி, காயிகவாசஸிகேன உபகா⁴திகேன ஸமன்னாக³தோ ஹோதி. அபரேஹிபி தீஹங்கே³ஹி ஸமன்னாக³தஸ்ஸ பி⁴க்கு²னோ கம்மம் காதப்³ப³ம் – காயிகேன மிச்சா²ஜீவேன ஸமன்னாக³தோ ஹோதி, வாசஸிகேன மிச்சா²ஜீவேன ஸமன்னாக³தோ ஹோதி, காயிகவாசஸிகேன மிச்சா²ஜீவேன ஸமன்னாக³தோ ஹோதி. அபரேஹிபி தீஹங்கே³ஹி ஸமன்னாக³தஸ்ஸ பி⁴க்கு²னோ கம்மம் காதப்³ப³ம் – ஆபத்திம் ஆபன்னோ கம்மகதோ உபஸம்பாதே³தி, நிஸ்ஸயம் தே³தி, ஸாமணேரம் உபட்டா²பேதி. அபரேஹிபி தீஹங்கே³ஹி ஸமன்னாக³தஸ்ஸ பி⁴க்கு²னோ கம்மம் காதப்³ப³ம் – யாய ஆபத்தியா ஸங்கே⁴ன கம்மம் கதம் ஹோதி தம் ஆபத்திம் ஆபஜ்ஜதி, அஞ்ஞம் வா தாதி³ஸிகம், ததோ வா பாபிட்ட²தரம். அபரேஹிபி தீஹங்கே³ஹி ஸமன்னாக³தஸ்ஸ பி⁴க்கு²னோ கம்மம் காதப்³ப³ம் – பு³த்³த⁴ஸ்ஸ அவண்ணம் பா⁴ஸதி, த⁴ம்மஸ்ஸ அவண்ணம் பா⁴ஸதி, ஸங்க⁴ஸ்ஸ அவண்ணம் பா⁴ஸதி.

தீஹங்கே³ஹி ஸமன்னாக³தஸ்ஸ பி⁴க்கு²னோ ஸங்க⁴மஜ்ஜே² உபோஸத²ம் ட²பேந்தஸ்ஸ – ‘‘அலம், பி⁴க்கு², மா ப⁴ண்ட³னம் மா கலஹம் மா விக்³க³ஹம் மா விவாத³’’ந்தி ஓமத்³தி³த்வா ஸங்கே⁴ன உபோஸதோ² காதப்³போ³ – அலஜ்ஜீ ச ஹோதி, பா³லோ ச, அபகதத்தோ ச. தீஹங்கே³ஹி ஸமன்னாக³தஸ்ஸ பி⁴க்கு²னோ ஸங்க⁴மஜ்ஜே² பவாரணம் ட²பேந்தஸ்ஸ – ‘‘அலம், பி⁴க்கு², மா ப⁴ண்ட³னம் மா கலஹம் மா விக்³க³ஹம் மா விவாத³’’ந்தி ஓமத்³தி³த்வா ஸங்கே⁴ன பவாரேதப்³ப³ம் – அலஜ்ஜீ ச ஹோதி, பா³லோ ச, அபகதத்தோ ச. தீஹங்கே³ஹி ஸமன்னாக³தஸ்ஸ பி⁴க்கு²னோ ந காசி ஸங்க⁴ஸம்முதி தா³தப்³பா³ – அலஜ்ஜீ ச ஹோதி, பா³லோ ச, அபகதத்தோ ச. தீஹங்கே³ஹி ஸமன்னாக³தேன பி⁴க்கு²னா ஸங்கே⁴ ந வோஹரிதப்³ப³ம் [ஸம்கோ⁴ ந வோஹரிதப்³போ³ (ஸ்யா.)] – அலஜ்ஜீ ச ஹோதி, பா³லோ ச, அபகதத்தோ ச. தீஹங்கே³ஹி ஸமன்னாக³தோ பி⁴க்கு² ந கிஸ்மிம் சி பச்சேகட்டா²னே ட²பேதப்³போ³ – அலஜ்ஜீ ச ஹோதி, பா³லோ ச, அபகதத்தோ ச. தீஹங்கே³ஹி ஸமன்னாக³தஸ்ஸ பி⁴க்கு²னோ நிஸ்ஸாய ந வத்த²ப்³ப³ம் – அலஜ்ஜீ ச ஹோதி, பா³லோ ச, அபகதத்தோ ச. தீஹங்கே³ஹி ஸமன்னாக³தஸ்ஸ பி⁴க்கு²னோ நிஸ்ஸயோ ந தா³தப்³போ³ – அலஜ்ஜீ ச ஹோதி, பா³லோ ச, அபகதத்தோ ச. தீஹங்கே³ஹி ஸமன்னாக³தஸ்ஸ பி⁴க்கு²னோ ஓகாஸகம்மம் காராபேந்தஸ்ஸ நாலம் ஓகாஸகம்மம் காதும் – அலஜ்ஜீ ச ஹோதி, பா³லோ ச, அபகதத்தோ ச. தீஹங்கே³ஹி ஸமன்னாக³தஸ்ஸ பி⁴க்கு²னோ ஸவசனீயம் நாதா³தப்³ப³ம் – அலஜ்ஜீ ச ஹோதி, பா³லோ ச, அபகதத்தோ ச. தீஹங்கே³ஹி ஸமன்னாக³தஸ்ஸ பி⁴க்கு²னோ வினயோ ந புச்சி²தப்³போ³ – அலஜ்ஜீ ச ஹோதி, பா³லோ ச, அபகதத்தோ ச. தீஹங்கே³ஹி ஸமன்னாக³தேன பி⁴க்கு²னா வினயோ ந புச்சி²தப்³போ³ – அலஜ்ஜீ ச ஹோதி, பா³லோ ச, அபகதத்தோ ச. தீஹங்கே³ஹி ஸமன்னாக³தஸ்ஸ பி⁴க்கு²னோ வினயோ ந விஸ்ஸஜ்ஜேதப்³போ³ – அலஜ்ஜீ ச ஹோதி, பா³லோ ச, அபகதத்தோ ச. தீஹங்கே³ஹி ஸமன்னாக³தேன பி⁴க்கு²னா வினயோ ந விஸ்ஸஜ்ஜேதப்³போ³ – அலஜ்ஜீ ச ஹோதி, பா³லோ ச, அபகதத்தோ ச. தீஹங்கே³ஹி ஸமன்னாக³தஸ்ஸ பி⁴க்கு²னோ அனுயோகோ³ ந தா³தப்³போ³ – அலஜ்ஜீ ச ஹோதி, பா³லோ ச, அபகதத்தோ ச. தீஹங்கே³ஹி ஸமன்னாக³தேன பி⁴க்கு²னா ஸத்³தி⁴ம் வினயோ ந ஸாகச்சி²தப்³போ³ [ஸாகச்சா²தப்³போ³ (க.)] – அலஜ்ஜீ ச ஹோதி, பா³லோ ச, அபகதத்தோ ச. தீஹங்கே³ஹி ஸமன்னாக³தேன பி⁴க்கு²னா ந உபஸம்பாதே³தப்³ப³ம் ந நிஸ்ஸயோ தா³தப்³போ³ ந ஸாமணேரோ உபட்டா²பேதப்³போ³ – அலஜ்ஜீ ச ஹோதி, பா³லோ ச, அபகதத்தோ ச.

தயோ உபோஸதா² – சாதுத்³த³ஸிகோ, பன்னரஸிகோ, ஸாமக்³கி³உபோஸதோ². அபரேபி தயோ உபோஸதா² – ஸங்கே⁴உபோஸதோ², க³ணேஉபோஸதோ², புக்³க³லேஉபோஸதோ². அபரேபி தயோ உபோஸதா² – ஸுத்துத்³தே³ஸோஉபோஸதோ², பாரிஸுத்³தி⁴உபோஸதோ², அதி⁴ட்டா²னுபோஸதோ². திஸ்ஸோ பவாரணா – சாதுத்³த³ஸிகா, பன்னரஸிகா, ஸாமக்³கி³பவாரணா. அபராபி திஸ்ஸோ பவாரணா – ஸங்கே⁴பவாரணா, க³ணேபவாரணா, புக்³க³லேபவாரணா. அபராபி திஸ்ஸோ பவாரணா – தேவாசிகாபவாரணா, த்³வேவாசிகாபவாரணா, ஸமானவஸ்ஸிகாபவாரணா.

தயோ ஆபாயிகா நேரயிகா – இத³மப்பஹாய, யோ ச அப்³ரஹ்மசாரீ ப்³ரஹ்மசாரிபடிஞ்ஞோ, யோ ச ஸுத்³த⁴ம் ப்³ரஹ்மசாரிம் பரிஸுத்³த⁴ப்³ரஹ்மசரியம் சரந்தம் அமூலகேன அப்³ரஹ்மசரியேன அனுத்³த⁴ம்ஸேதி, யோ சாயம் ஏவம்வாதீ³ ஏவம்தி³ட்டி² [ஏவம்தி³ட்டீ² (ஸீ.)] – ‘‘நத்தி² காமேஸு தோ³ஸோ’’தி ஸோ காமேஸு பாதப்³யதம் ஆபஜ்ஜதி. [அ. நி. 3.70] தீணி அகுஸலமூலானி – லோபோ⁴ அகுஸலமூலம், தோ³ஸோ அகுஸலமூலம், மோஹோ அகுஸலமூலம். [அ. நி. 3.70] தீணி குஸலமூலானி – அலோபோ⁴ குஸலமூலம், அதோ³ஸோ குஸலமூலம், அமோஹோ குஸலமூலம். தீணி து³ச்சரிதானி – காயது³ச்சரிதம், வசீது³ச்சரிதம், மனோது³ச்சரிதம். தீணி ஸுசரிதானி – காயஸுசரிதம், வசீஸுசரிதம், மனோஸுசரிதம். தயோ அத்த²வஸே படிச்ச ப⁴க³வதா குலேஸு திகபோ⁴ஜனம் பஞ்ஞத்தம் – து³ம்மங்கூனம் புக்³க³லானம் நிக்³க³ஹாய, பேஸலானம் பி⁴க்கூ²னம் பா²ஸுவிஹாராய, ‘‘மா பாபிச்சா² பக்க²ம் நிஸ்ஸாய ஸங்க⁴ம் பி⁴ந்தே³ய்யு’’ந்தி குலானுத்³த³யதாய ச. [சூளவ. 350] தீஹி அஸத்³த⁴ம்மேஹி அபி⁴பூ⁴தோ பரியாதி³ன்னசித்தோ தே³வத³த்தோ ஆபாயிகோ நேரயிகோ கப்பட்டோ² அதேகிச்சோ² பாபிச்ச²தா பாபமித்ததா ஓரமத்தகேன விஸேஸாதி⁴க³மேன அந்தரா வோஸானம் ஆபாதி³. திஸ்ஸோ ஸம்முதியோ – த³ண்ட³ஸம்முதி, ஸிக்காஸம்முதி, த³ண்ட³ஸிக்காஸம்முதி. திஸ்ஸோ பாது³கா து⁴வட்டா²னிகா அஸங்கமனீயா – வச்சபாது³கா, பஸ்ஸாவபாது³கா, ஆசமனபாது³கா. திஸ்ஸோ பாத³க⁴ம்ஸனியோ – ஸக்க²ரம், கத²லா, ஸமுத்³த³பே²ணகோதி.

திகம் நிட்டி²தம்.

தஸ்ஸுத்³தா³னம் –

திட்ட²ந்தே காலே ரத்திஞ்ச, த³ஸ பஞ்ச குஸலேன;

வேத³னா சோத³னா வத்து², ஸலாகா த்³வே படிக்கி²பா.

பஞ்ஞத்தி அபரே த்³வே ச, பா³லோ காளே ச கப்பதி;

ஹேமந்தே ஸங்கோ⁴ ஸங்க⁴ஸ்ஸ, சா²த³னா ச படிச்சா²தி³.

படிச்ச²ன்னா விவடா ச, ஸேனாஸனகி³லாயனா;

பாதிமோக்க²ம் பரிவாஸம், மானத்தா பாரிவாஸிகா.

அந்தோ அந்தோ ச ஸீமாய, ஆபஜ்ஜதி புனாபரே;

வுட்டா²தி அபரே சேவ, அமூள்ஹவினயா து³வே.

தஜ்ஜனீயா நியஸ்ஸா ச, பப்³பா³ஜபடிஸாரணீ;

அத³ஸ்ஸனா படிகம்மே, அனிஸ்ஸக்³கே³ ச தி³ட்டி²யா.

ஆகா³ள்ஹகம்மாதி⁴ஸீலே, த³வானாசார கா⁴திகா;

ஆஜீவாபன்னா தாதி³ஸிகா, அவண்ணுபோஸதே²ன ச.

பவாரணா ஸம்முதி ச, வோஹாரபச்சேகேன ச;

ந வத்த²ப்³ப³ம் ந தா³தப்³ப³ம், ஓகாஸம் ந கரே ததா².

ந கரே ஸவசனீயம், ந புச்சி²தப்³ப³கா து³வே;

ந விஸ்ஸஜ்ஜே து³வே சேவ, அனுயோக³ம்பி நோ த³தே³.

ஸாகச்சா² உபஸம்பதா³, நிஸ்ஸயஸாமணேரா ச;

உபோஸத²திகா தீணி, பவாரணதிகா தயோ.

ஆபாயிகா அகுஸலா, குஸலா சரிதா து³வே;

திகபோ⁴ஜனஸத்³த⁴ம்மே, ஸம்முதி பாது³கேன ச;

பாத³க⁴ம்ஸனிகா சேவ, உத்³தா³னம் திககே இத³ந்தி.

4. சதுக்கவாரோ

324. அத்தா²பத்தி ஸகவாசாய ஆபஜ்ஜதி, பரவாசாய வுட்டா²தி; அத்தா²பத்தி பரவாசாய ஆபஜ்ஜதி, ஸகவாசாய வுட்டா²தி; அத்தா²பத்தி ஸகவாசாய ஆபஜ்ஜதி, ஸகவாசாய வுட்டா²தி; அத்தா²பத்தி பரவாசாய ஆபஜ்ஜதி, பரவாசாய வுட்டா²தி. அத்தா²பத்தி காயேன ஆபஜ்ஜதி, வாசாய வுட்டா²தி; அத்தா²பத்தி வாசாய ஆபஜ்ஜதி, காயேன வுட்டா²தி; அத்தா²பத்தி காயேன ஆபஜ்ஜதி, காயேன வுட்டா²தி; அத்தா²பத்தி வாசாய ஆபஜ்ஜதி, வாசாய வுட்டா²தி. அத்தா²பத்தி பஸுத்தோ ஆபஜ்ஜதி, படிபு³த்³தோ⁴ வுட்டா²தி; அத்தா²பத்தி படிபு³த்³தோ⁴ ஆபஜ்ஜதி, பஸுத்தோ வுட்டா²தி; அத்தா²பத்தி பஸுத்தோ ஆபஜ்ஜதி, பஸுத்தோ வுட்டா²தி; அத்தா²பத்தி படிபு³த்³தோ⁴ ஆபஜ்ஜதி, படிபு³த்³தோ⁴ வுட்டா²தி. அத்தா²பத்தி அசித்தகோ ஆபஜ்ஜதி, ஸசித்தகோ வுட்டா²தி; அத்தா²பத்தி ஸசித்தகோ ஆபஜ்ஜதி, அசித்தகோ வுட்டா²தி; அத்தா²பத்தி அசித்தகோ ஆபஜ்ஜதி, அசித்தகோ வுட்டா²தி; அத்தா²பத்தி ஸசித்தகோ ஆபஜ்ஜதி, ஸசித்தகோ வுட்டா²தி. அத்தா²பத்தி ஆபஜ்ஜந்தோ தே³ஸேதி; தே³ஸேந்தோ ஆபஜ்ஜதி; அத்தா²பத்தி ஆபஜ்ஜந்தோ வுட்டா²தி; வுட்ட²ஹந்தோ ஆபஜ்ஜதி. அத்தா²பத்தி கம்மேன ஆபஜ்ஜதி, அகம்மேன வுட்டா²தி; அத்தா²பத்தி அகம்மேன ஆபஜ்ஜதி, கம்மேன வுட்டா²தி; அத்தா²பத்தி கம்மேன ஆபஜ்ஜதி, கம்மேன வுட்டா²தி; அத்தா²பத்தி அகம்மேன ஆபஜ்ஜதி, அகம்மேன வுட்டா²தி.

[அ. நி. 4.250; தீ³. நி. 3.313; விப⁴. 939] சத்தாரோ அனரியவோஹாரா – அதி³ட்டே² தி³ட்ட²வாதி³தா, அஸ்ஸுதே ஸுதவாதி³தா, அமுதே முதவாதி³தா, அவிஞ்ஞாதே விஞ்ஞாதவாதி³தா. சத்தாரோ அரியவோஹாரா – அதி³ட்டே² அதி³ட்ட²வாதி³தா, அஸ்ஸுதே அஸ்ஸுதவாதி³தா, அமுதே அமுதவாதி³தா, அவிஞ்ஞாதே அவிஞ்ஞாதவாதி³தா. அபரேபி சத்தாரோ அனரியவோஹாரா – தி³ட்டே² அதி³ட்ட²வாதி³தா, ஸுதே அஸ்ஸுதவாதி³தா, முதே அமுதவாதி³தா, விஞ்ஞாதே அவிஞ்ஞாதவாதி³தா. சத்தாரோ அரியவோஹாரா – தி³ட்டே² தி³ட்ட²வாதி³தா, ஸுதே ஸுதவாதி³தா, முதே முதவாதி³தா, விஞ்ஞாதே விஞ்ஞாதவாதி³தா.

சத்தாரோ பாராஜிகா பி⁴க்கூ²னம் பி⁴க்கு²னீஹி ஸாதா⁴ரணா; சத்தாரோ பாராஜிகா பி⁴க்கு²னீனம் பி⁴க்கூ²ஹி அஸாதா⁴ரணா. சத்தாரோ பரிக்கா²ரா – அத்தி² பரிக்கா²ரோ ரக்கி²தப்³போ³ கோ³பேதப்³போ³ மமாயிதப்³போ³ பரிபு⁴ஞ்ஜிதப்³போ³; அத்தி² பரிக்கா²ரோ ரக்கி²தப்³போ³ கோ³பேதப்³போ³ மமாயிதப்³போ³, ந பரிபு⁴ஞ்ஜிதப்³போ³; அத்தி² பரிக்கா²ரோ ரக்கி²தப்³போ³ கோ³பேதப்³போ³, ந மமாயிதப்³போ³ ந பரிபு⁴ஞ்ஜிதப்³போ³; அத்தி² பரிக்கா²ரோ ந ரக்கி²தப்³போ³ ந கோ³பேதப்³போ³, ந மமாயிதப்³போ³ ந பரிபு⁴ஞ்ஜிதப்³போ³. அத்தா²பத்தி ஸம்முகா² ஆபஜ்ஜதி, பரம்முகா² வுட்டா²தி; அத்தா²பத்தி பரம்முகா² ஆபஜ்ஜதி, ஸம்முகா² வுட்டா²தி; அத்தா²பத்தி ஸம்முகா² ஆபஜ்ஜதி, ஸம்முகா² வுட்டா²தி; அத்தா²பத்தி பரம்முகா² ஆபஜ்ஜதி, பரம்முகா² வுட்டா²தி. அத்தா²பத்தி அஜானந்தோ ஆபஜ்ஜதி, ஜானந்தோ வுட்டா²தி; அத்தா²பத்தி ஜானந்தோ ஆபஜ்ஜதி, அஜானந்தோ வுட்டா²தி; அத்தா²பத்தி அஜானந்தோ ஆபஜ்ஜதி, அஜானந்தோ வுட்டா²தி; அத்தா²பத்தி ஜானந்தோ ஆபஜ்ஜதி, ஜானந்தோ வுட்டா²தி.

சதூஹாகாரேஹி ஆபத்திம் ஆபஜ்ஜதி – காயேன ஆபஜ்ஜதி, வாசாய ஆபஜ்ஜதி, காயேன வாசாய ஆபஜ்ஜதி, கம்மவாசாய ஆபஜ்ஜதி. அபரேஹிபி சதூஹாகாரேஹி ஆபத்திம் ஆபஜ்ஜதி – ஸங்க⁴மஜ்ஜே², க³ணமஜ்ஜே², புக்³க³லஸ்ஸ ஸந்திகே, லிங்க³பாதுபா⁴வேன. சதூஹாகாரேஹி ஆபத்தியா வுட்டா²தி – காயேன வுட்டா²தி, வாசாய வுட்டா²தி, காயேன வாசாய வுட்டா²தி, கம்மவாசாய வுட்டா²தி. அபரேஹிபி சதூஹாகாரேஹி ஆபத்தியா வுட்டா²தி – ஸங்க⁴மஜ்ஜே², க³ணமஜ்ஜே², புக்³க³லஸ்ஸ ஸந்திகே, லிங்க³பாதுபா⁴வேன. ஸஹ படிலாபே⁴ன புரிமம் ஜஹதி, பச்சி²மே பதிட்டா²தி, விஞ்ஞத்தியோ படிப்பஸ்ஸம்ப⁴ந்தி, பண்ணத்தியோ நிருஜ்ஜ²ந்தி. ஸஹ படிலாபே⁴ன பச்சி²மம் ஜஹதி, புரிமே பதிட்டா²தி, விஞ்ஞத்தியோ படிப்பஸ்ஸம்ப⁴ந்தி, பண்ணத்தியோ நிருஜ்ஜ²ந்தி. சதஸ்ஸோ சோத³னா – ஸீலவிபத்தியா சோதே³தி, ஆசாரவிபத்தியா சோதே³தி, தி³ட்டி²விபத்தியா சோதே³தி, ஆஜீவவிபத்தியா சோதே³தி. சத்தாரோ பரிவாஸா – படிச்ச²ன்னபரிவாஸோ, அப்படிச்ச²ன்னபரிவாஸோ, ஸுத்³த⁴ந்தபரிவாஸோ, ஸமோதா⁴னபரிவாஸோ. சத்தாரோ மானத்தா – படிச்ச²ன்னமானத்தம், அப்படிச்ச²ன்னமானத்தம், பக்க²மானத்தம், ஸமோதா⁴னமானத்தம். சத்தாரோ மானத்தசாரிகஸ்ஸ பி⁴க்கு²னோ ரத்திச்சே²தா³ – ஸஹவாஸோ, விப்பவாஸோ, அனாரோசனா, ஊனே க³ணே சரதி. சத்தாரோ ஸாமுக்கம்ஸா. சத்தாரோ படிக்³க³ஹிதபரிபோ⁴கா³ – யாவகாலிகம், யாமகாலிகம், ஸத்தாஹகாலிகம், யாவஜீவிகம். சத்தாரி மஹாவிகடானி – கூ³தோ², முத்தம், சா²ரிகா, மத்திகா. சத்தாரி கம்மானி – அபலோகனகம்மம், ஞத்திகம்மம், ஞத்திது³தியகம்மம், ஞத்திசதுத்த²கம்மம். அபரானிபி சத்தாரி கம்மானி – அத⁴ம்மேன வக்³க³கம்மம், அத⁴ம்மேன ஸமக்³க³கம்மம், த⁴ம்மேன வக்³க³கம்மம், த⁴ம்மேன ஸமக்³க³கம்மம். சதஸ்ஸோ விபத்தியோ – ஸீலவிபத்தி, ஆசாரவிபத்தி, தி³ட்டி²விபத்தி, ஆஜீவவிபத்தி. சத்தாரி அதி⁴கரணானி – விவாதா³தி⁴கரணம், அனுவாதா³தி⁴கரணம், ஆபத்தாதி⁴கரணம், கிச்சாதி⁴கரணம். [அ. நி. 4.211] சத்தாரோ பரிஸதூ³ஸனா – பி⁴க்கு² து³ஸ்ஸீலோ பாபத⁴ம்மோ பரிஸதூ³ஸனோ, பி⁴க்கு²னீ து³ஸ்ஸீலா பாபத⁴ம்மா பரிஸதூ³ஸனா, உபாஸகோ து³ஸ்ஸீலோ பாபத⁴ம்மோ பரிஸதூ³ஸனோ, உபாஸிகா து³ஸ்ஸீலா பாபத⁴ம்மா பரிஸதூ³ஸனா. சத்தாரோ பரிஸஸோப⁴னா [பரிஸஸோப⁴ணா (ஸ்யா. க.)] – பி⁴க்கு² ஸீலவா கல்யாணத⁴ம்மோ பரிஸஸோப⁴னோ, பி⁴க்கு²னீ ஸீலவதீ கல்யாணத⁴ம்மா பரிஸஸோப⁴னா, உபாஸகோ ஸீலவா கல்யாணத⁴ம்மோ பரிஸஸோப⁴னோ, உபாஸிகா ஸீலவதீ கல்யாணத⁴ம்மா பரிஸஸோப⁴னா.

அத்தா²பத்தி ஆக³ந்துகோ ஆபஜ்ஜதி, நோ ஆவாஸிகோ; அத்தா²பத்தி ஆவாஸிகோ ஆபஜ்ஜதி, நோ ஆக³ந்துகோ; அத்தா²பத்தி ஆக³ந்துகோ சேவ ஆபஜ்ஜதி ஆவாஸிகோ ச அத்தா²பத்தி நேவ ஆக³ந்துகோ ஆபஜ்ஜதி, நோ ஆவாஸிகோ. அத்தா²பத்தி க³மிகோ ஆபஜ்ஜதி, நோ ஆவாஸிகோ; அத்தா²பத்தி ஆவாஸிகோ ஆபஜ்ஜதி, நோ க³மிகோ; அத்தா²பத்தி க³மிகோ சேவ ஆபஜ்ஜதி ஆவாஸிகோ ச; அத்தா²பத்தி நேவ க³மிகோ ஆபஜ்ஜதி நோ ஆவாஸிகோ. அத்தி² வத்து²னானத்ததா நோ ஆபத்தினானத்ததா, அத்தி² ஆபத்தினானத்ததா நோ வத்து²னானத்ததா, அத்தி² வத்து²னானத்ததா சேவ ஆபத்தினானத்ததா ச, அத்தி² நேவ வத்து²னானத்ததா நோ ஆபத்தினானத்ததா. அத்தி² வத்து²ஸபா⁴க³தா நோ ஆபத்திஸபா⁴க³தா, அத்தி² ஆபத்திஸபா⁴க³தா நோ வத்து²ஸபா⁴க³தா, அத்தி² வத்து²ஸபா⁴க³தா சேவ ஆபத்திஸபா⁴க³தா ச அத்தி² நேவ வத்து²ஸபா⁴க³தா நோ ஆபத்திஸபா⁴க³தா. அத்தா²பத்தி உபஜ்ஜா²யோ ஆபஜ்ஜதி நோ ஸத்³தி⁴விஹாரிகோ, அத்தா²பத்தி ஸத்³தி⁴விஹாரிகோ ஆபஜ்ஜதி நோ உபஜ்ஜா²யோ, அத்தா²பத்தி உபஜ்ஜா²யோ சேவ ஆபஜ்ஜதி ஸத்³தி⁴விஹாரிகோ ச, அத்தா²பத்தி நேவ உபஜ்ஜா²யோ ஆபஜ்ஜதி நோ ஸத்³தி⁴விஹாரிகோ. அத்தா²பத்தி ஆசரியோ ஆபஜ்ஜதி நோ அந்தேவாஸிகோ, அத்தா²பத்தி அந்தேவாஸிகோ ஆபஜ்ஜதி நோ ஆசரியோ, அத்தா²பத்தி ஆசரியோ சேவ ஆபஜ்ஜதி அந்தேவாஸிகோ ச, அத்தா²பத்தி நேவ ஆசரியோ ஆபஜ்ஜதி நோ அந்தேவாஸிகோ. சத்தாரோ பச்சயா அனாபத்தி வஸ்ஸச்சே²த³ஸ்ஸ – ஸங்கோ⁴ வா பி⁴ன்னோ ஹோதி, ஸங்க⁴ம் வா பி⁴ந்தி³துகாமா ஹோந்தி, ஜீவிதந்தராயோ வா ஹோதி, ப்³ரஹ்மசரியந்தராயோ வா ஹோதி. சத்தாரி வசீது³ச்சரிதானி – முஸாவாதோ³, பிஸுணா வாசா, ப²ருஸா வாசா, ஸம்ப²ப்பலாபோ. சத்தாரி வசீஸுசரிதானி – ஸச்சவாசா, அபிஸுணா வாசா, ஸண்ஹா வாசா, மந்தா பா⁴ஸா. அத்தி² ஆதி³யந்தோ க³ருகம் ஆபத்திம் ஆபஜ்ஜதி, பயோஜேந்தோ லஹுகம்; அத்தி² ஆதி³யந்தோ லஹுகம் ஆபத்திம் ஆபஜ்ஜதி, பயோஜேந்தோ க³ருகம், அத்தி² ஆதி³யந்தோபி பயோஜேந்தோபி க³ருகம் ஆபத்திம் ஆபஜ்ஜதி; அத்தி² ஆதி³யந்தோபி பயோஜேந்தோபி லஹுகம் ஆபத்திம் ஆபஜ்ஜதி.

அத்தி² புக்³க³லோ அபி⁴வாத³னாரஹோ, நோ பச்சுட்டா²னாரஹோ; அத்தி² புக்³க³லோ பச்சுட்டா²னாரஹோ, நோ அபி⁴வாத³னாரஹோ; அத்தி² புக்³க³லோ அபி⁴வாத³னாரஹோ சேவ பச்சுட்டா²னாரஹோ ச; அத்தி² புக்³க³லோ நேவ அபி⁴வாத³னாரஹோ நோ பச்சுட்டா²னாரஹோ. அத்தி² புக்³க³லோ ஆஸனாரஹோ, நோ அபி⁴வாத³னாரஹோ; அத்தி² புக்³க³லோ அபி⁴வாத³னாரஹோ, நோ ஆஸனாரஹோ; அத்தி² புக்³க³லோ ஆஸனாரஹோ சேவ அபி⁴வாத³னாரஹோ ச; அத்தி² புக்³க³லோ நேவ ஆஸனாரஹோ நோ அபி⁴வாத³னாரஹோ. அத்தா²பத்தி காலே ஆபஜ்ஜதி, நோ விகாலே; அத்தா²பத்தி விகாலே ஆபஜ்ஜதி, நோ காலே; அத்தா²பத்தி காலே சேவ ஆபஜ்ஜதி விகாலே ச; அத்தா²பத்தி நேவ காலே ஆபஜ்ஜதி நோ விகாலே. அத்தி² படிக்³க³ஹிதம் காலே கப்பதி, நோ விகாலே; அத்தி² படிக்³க³ஹிதம் விகாலே கப்பதி, நோ காலே; அத்தி² படிக்³க³ஹிதம் காலே சேவ கப்பதி விகாலே ச; அத்தி² படிக்³க³ஹிதம் நேவ காலே கப்பதி நோ விகாலே. அத்தா²பத்தி பச்சந்திமேஸு ஜனபதே³ஸு ஆபஜ்ஜதி, நோ மஜ்ஜி²மேஸு; அத்தா²பத்தி மஜ்ஜி²மேஸு ஜனபதே³ஸு ஆபஜ்ஜதி, நோ பச்சந்திமேஸு; அத்தா²பத்தி பச்சந்திமேஸு சேவ ஜனபதே³ஸு ஆபஜ்ஜதி மஜ்ஜி²மேஸு ச; அத்தா²பத்தி நேவ பச்சந்திமேஸு ஜனபதே³ஸு ஆபஜ்ஜதி நோ மஜ்ஜி²மேஸு. அத்தி² பச்சந்திமேஸு ஜனபதே³ஸு கப்பதி, நோ மஜ்ஜி²மேஸு; அத்தி² மஜ்ஜி²மேஸு ஜனபதே³ஸு கப்பதி, நோ பச்சந்திமேஸு; அத்தி² பச்சந்திமேஸு சேவ ஜனபதே³ஸு கப்பதி மஜ்ஜி²மேஸு ச; அத்தி² நேவ பச்சந்திமேஸு ஜனபதே³ஸு கப்பதி நோ மஜ்ஜி²மேஸு. அத்தா²பத்தி அந்தோ ஆபஜ்ஜதி, நோ ப³ஹி; அத்தா²பத்தி ப³ஹி ஆபஜ்ஜதி, நோ அந்தோ; அத்தா²பத்தி அந்தோ சேவ ஆபஜ்ஜதி ப³ஹி ச; அத்தா²பத்தி நேவ அந்தோ ஆபஜ்ஜதி நோ ப³ஹி. அத்தா²பத்தி அந்தோஸீமாய ஆபஜ்ஜதி, நோ ப³ஹிஸீமாய; அத்தா²பத்தி ப³ஹிஸீமாய ஆபஜ்ஜதி, நோ அந்தோஸீமாய; அத்தா²பத்தி அந்தோஸீமாய சேவ ஆபஜ்ஜதி ப³ஹிஸீமாய ச; அத்தா²பத்தி நேவ அந்தோஸீமாய ஆபஜ்ஜதி நோ ப³ஹிஸீமாய. அத்தா²பத்தி கா³மே ஆபஜ்ஜதி, நோ அரஞ்ஞே; அத்தா²பத்தி அரஞ்ஞே ஆபஜ்ஜதி, நோ கா³மே; அத்தா²பத்தி கா³மே சேவ ஆபஜ்ஜதி அரஞ்ஞே ச; அத்தா²பத்தி நேவ கா³மே ஆபஜ்ஜதி நோ அரஞ்ஞே.

சதஸ்ஸோ சோத³னா – வத்து²ஸந்த³ஸ்ஸனா, ஆபத்திஸந்த³ஸ்ஸனா, ஸம்வாஸபடிக்கே²போ, ஸாமீசிபடிக்கே²போ. சத்தாரோ புப்³ப³கிச்சா. சத்தாரோ பத்தகல்லா. சத்தாரி அனஞ்ஞபாசித்தியானி. சதஸ்ஸோ பி⁴க்கு²ஸம்முதியோ. [அ. நி. 4.17; விப⁴. 939; தீ³. நி. 3.311] சத்தாரி அக³திக³மனானி – ச²ந்தா³க³திம் க³ச்ச²தி, தோ³ஸாக³திம் க³ச்ச²தி, மோஹாக³திம் க³ச்ச²தி, ப⁴யாக³திம் க³ச்ச²தி. சத்தாரி நாக³திக³மனானி – ந ச²ந்தா³க³திம் க³ச்ச²தி, ந தோ³ஸாக³திம் க³ச்ச²தி, ந மோஹாக³திம் க³ச்ச²தி, ந ப⁴யாக³திம் க³ச்ச²தி. சதூஹங்கே³ஹி ஸமன்னாக³தோ அலஜ்ஜீ பி⁴க்கு² ஸங்க⁴ம் பி⁴ந்த³தி – ச²ந்தா³க³திம் க³ச்ச²ந்தோ, தோ³ஸாக³திம் க³ச்ச²ந்தோ, மோஹாக³திம் க³ச்ச²ந்தோ, ப⁴யாக³திம் க³ச்ச²ந்தோ. சதூஹங்கே³ஹி ஸமன்னாக³தோ பேஸலோ பி⁴க்கு² பி⁴ன்னம் ஸங்க⁴ம் ஸமக்³க³ம் கரோதி – ந ச²ந்தா³க³திம் க³ச்ச²ந்தோ, ந தோ³ஸாக³திம் க³ச்ச²ந்தோ, ந மோஹாக³திம் க³ச்ச²ந்தோ, ந ப⁴யாக³திம் க³ச்ச²ந்தோ. சதூஹங்கே³ஹி ஸமன்னாக³தஸ்ஸ பி⁴க்கு²னோ வினயோ ந புச்சி²தப்³போ³ – ச²ந்தா³க³திம் க³ச்ச²தி, தோ³ஸாக³திம் க³ச்ச²தி, மோஹாக³திம் க³ச்ச²தி, ப⁴யாக³திம் க³ச்ச²தி. சதூஹங்கே³ஹி ஸமன்னாக³தேன பி⁴க்கு²னா வினயோ ந புச்சி²தப்³போ³ – ச²ந்தா³க³திம் க³ச்ச²தி, தோ³ஸாக³திம் க³ச்ச²தி, மோஹாக³திம் க³ச்ச²தி, ப⁴யாக³திம் க³ச்ச²தி. சதூஹங்கே³ஹி ஸமன்னாக³தஸ்ஸ பி⁴க்கு²னோ வினயோ ந விஸ்ஸஜ்ஜேதப்³போ³ – ச²ந்தா³க³திம் க³ச்ச²தி, தோ³ஸாக³திம் க³ச்ச²தி, மோஹாக³திம் க³ச்ச²தி, ப⁴யாக³திம் க³ச்ச²தி. சதூஹங்கே³ஹி ஸமன்னாக³தேன பி⁴க்கு²னா வினயோ ந விஸ்ஸஜ்ஜேதப்³போ³ – ச²ந்தா³க³திம் க³ச்ச²தி, தோ³ஸாக³திம் க³ச்ச²தி, மோஹாக³திம் க³ச்ச²தி, ப⁴யாக³திம் க³ச்ச²தி. சதூஹங்கே³ஹி ஸமன்னாக³தஸ்ஸ பி⁴க்கு²னோ அனுயோகோ³ ந தா³தப்³போ³ – ச²ந்தா³க³திம் க³ச்ச²தி, தோ³ஸாக³திம் க³ச்ச²தி, மோஹாக³திம் க³ச்ச²தி, ப⁴யாக³திம் க³ச்ச²தி. சதூஹங்கே³ஹி ஸமன்னாக³தே பி⁴க்கு²னா ஸத்³தி⁴ம் வினயோ ந ஸாகச்சி²தப்³போ³ – ச²ந்தா³க³திம் க³ச்ச²தி, தோ³ஸாக³திம் க³ச்ச²தி, மோஹாக³திம் க³ச்ச²தி, ப⁴யாக³திம் க³ச்ச²தி. அத்தா²பத்தி கி³லானோ ஆபஜ்ஜதி, நோ அகி³லானோ; அத்தா²பத்தி அகி³லானோ ஆபஜ்ஜதி, நோ கி³லானோ; அத்தா²பத்தி கி³லானோ சேவ ஆபஜ்ஜதி அகி³லானோ ச; அத்தா²பத்தி நேவ கி³லானோ ஆபஜ்ஜதி நோ அகி³லானோ. சத்தாரி அத⁴ம்மிகானி பாதிமோக்க²ட்ட²பனானி. சத்தாரி த⁴ம்மிகானி பாதிமோக்க²ட்ட²பனானி.

சதுக்கம் நிட்டி²தம்.

தஸ்ஸுத்³தா³னம் –

ஸகவாசாய காயேன, பஸுத்தோ ச அசித்தகோ;

ஆபஜ்ஜந்தோ ச கம்மேன, வோஹாரா சதுரோ ததா².

பி⁴க்கூ²னம் பி⁴க்கு²னீனஞ்ச, பரிக்கா²ரோ ச ஸம்முகா²;

அஜானகாயே மஜ்ஜே² ச, வுட்டா²தி து³விதா⁴ ததா².

படிலாபே⁴ன சோத³னா, பரிவாஸா ச வுச்சதி;

மானத்தசாரிகா சாபி, ஸாமுக்கம்ஸா படிக்³க³ஹி.

மஹாவிகடகம்மானி, புன கம்மே விபத்தியோ;

அதி⁴கரணா து³ஸ்ஸீலா ச, ஸோப⁴னாக³ந்துகேன ச.

க³மிகோ வத்து²னானத்தா, ஸபா⁴கு³பஜ்ஜா²யேன ச;

ஆசரியோ பச்சயா வா, து³ச்சரிதம் ஸுசரிதம்.

ஆதி³யந்தோ புக்³க³லோ ச, அரஹோ ஆஸனேன ச;

காலே ச கப்பதி சேவ, பச்சந்திமேஸு கப்பதி.

அந்தோ அந்தோ ச ஸீமாய, கா³மே ச சோத³னாய ச;

புப்³ப³கிச்சம் பத்தகல்லம், அனஞ்ஞா ஸம்முதியோ ச.

அக³தி நாக³தி சேவ, அலஜ்ஜீ பேஸலேன ச;

புச்சி²தப்³பா³ து³வே சேவ, விஸ்ஸஜ்ஜேய்யா ததா² து³வே;

அனுயோகோ³ ச ஸாகச்சா², கி³லானோ ட²பனேன சாதி.

5. பஞ்சகவாரோ

325. பஞ்ச ஆபத்தியோ. பஞ்ச ஆபத்திக்க²ந்தா⁴. பஞ்ச வினீதவத்தூ²னி. பஞ்ச கம்மானி ஆனந்தரிகானி. பஞ்ச புக்³க³லா நியதா. பஞ்ச சே²த³னகா ஆபத்தியோ. பஞ்சஹாகாரேஹி ஆபத்திம் ஆபஜ்ஜதி. பஞ்ச ஆபத்தியோ. முஸாவாத³பச்சயா பஞ்சஹாகாரேஹி கம்மம் ந உபேதி – ஸயம் வா கம்மம் ந கரோதி, பரம் வா ந அஜ்ஜே²ஸதி, ச²ந்த³ம் வா பாரிஸுத்³தி⁴ம் வா ந தே³தி, கயிரமானே கம்மே படிக்கோஸதி, கதே வா பன கம்மே அத⁴ம்மதி³ட்டி² ஹோதி. பஞ்சஹாகாரேஹி கம்மம் உபேதி – ஸயம் வா கம்மம் கரோதி, பரம் வா அஜ்ஜே²ஸதி, ச²ந்த³ம் வா பாரிஸுத்³தி⁴ம் வா தே³தி, கயிரமானே கம்மே நப்படிக்கோஸதி, கதே வா பன கம்மே த⁴ம்மதி³ட்டி² ஹோதி. பஞ்ச பிண்ட³பாதிகஸ்ஸ பி⁴க்கு²னோ கப்பந்தி – அனாமந்தசாரோ, க³ணபோ⁴ஜனம், பரம்பரபோ⁴ஜனம், அனதி⁴ட்டா²னம், அவிகப்பனா. [அ. நி. 5.102] பஞ்சஹங்கே³ஹி ஸமன்னாக³தோ பி⁴க்கு² உஸ்ஸங்கிதபரிஸங்கிதோ ஹோதி – பாபபி⁴க்கு²பி அகுப்பத⁴ம்மோபி வேஸியாகோ³சரோ வா ஹோதி, வித⁴வாகோ³சரோ வா ஹோதி, து²ல்லகுமாரிகோ³சரோ வா ஹோதி, பண்ட³ககோ³சரோ வா ஹோதி, பி⁴க்கு²னிகோ³சரோ வா ஹோதி. பஞ்ச தேலானி – திலதேலம், ஸாஸபதேலம், மது⁴கதேலம், ஏரண்ட³கதேலம், வஸாதேலம். பஞ்ச வஸானி – அச்ச²வஸம், மச்ச²வஸம், ஸுஸுகாவஸம், ஸூகரவஸம், க³த்³ரப⁴வஸம். [அ. நி. 5.130; தீ³. நி. 3.316] பஞ்ச ப்³யஸனானி – ஞாதிப்³யஸனம், போ⁴க³ப்³யஸனம், ரோக³ப்³யஸனம், ஸீலப்³யஸனம், தி³ட்டி²ப்³யஸனம். [அ. நி. 5.130; தீ³. நி. 3.316] பஞ்ச ஸம்பதா³ – ஞாதிஸம்பதா³, போ⁴க³ஸம்பதா³, அரோக³ஸம்பதா³, ஸீலஸம்பதா³, தி³ட்டி²ஸம்பதா³. பஞ்ச நிஸ்ஸயபடிப்பஸ்ஸத்³தி⁴யோ உபஜ்ஜா²யம்ஹா – உபஜ்ஜா²யோ பக்கந்தோ வா ஹோதி, விப்³ப⁴ந்தோ வா, காலங்கதோ வா, பக்க²ஸங்கந்தோ வா, ஆணத்தியேவ பஞ்சமீ. பஞ்ச புக்³க³லா ந உபஸம்பாதே³தப்³பா³ – அத்³தா⁴னஹீனோ, அங்க³ஹீனோ, வத்து²விபன்னோ, கரணது³க்கடகோ, அபரிபூரோ. பஞ்ச பம்ஸுகூலானி – ஸோஸானிகம், பாபணிகம், உந்தூ³ரக்கா²யிகம், உபசிகக்கா²யிகம், அக்³கி³த³ட்³ட⁴ம். அபரானிபி பஞ்ச பம்ஸுகூலானி – கோ³கா²யிகம், அஜக்கா²யிகம், தூ²பசீவரம், ஆபி⁴ஸேகிகம், க³தபடியாக³தம் [ப⁴தபடியாப⁴தம் (க.)]. பஞ்ச அவஹாரா – தே²ய்யாவஹாரோ, பஸய்ஹாவஹாரோ, பரிகப்பாவஹாரோ, படிச்ச²ன்னாவஹாரோ, குஸாவஹாரோ. பஞ்ச மஹாசோரா ஸந்தோ ஸம்விஜ்ஜமானா லோகஸ்மிம். பஞ்ச அவிஸ்ஸஜ்ஜனியானி. பஞ்ச அவேப⁴ங்கி³யானி. பஞ்சாபத்தியோ காயதோ ஸமுட்ட²ந்தி, ந வாசதோ ந சித்ததோ. பஞ்சாபத்தியோ காயதோ ச வாசதோ ச ஸமுட்ட²ந்தி, சித்ததோ. பஞ்சாபத்தியோ தே³ஸனாகா³மினியோ. பஞ்ச ஸங்கா⁴. பஞ்ச பாதிமோக்கு²த்³தே³ஸா. ஸப்³ப³பச்சந்திமேஸு ஜனபதே³ஸு வினயத⁴ரபஞ்சமேன க³ணேன உபஸம்பாதே³தப்³ப³ம். பஞ்சானிஸம்ஸா கதி²னத்தா²ரே. பஞ்ச கம்மானி. யாவததியகே பஞ்ச ஆபத்தியோ. பஞ்சஹாகாரேஹி அதி³ன்னம் ஆதி³யந்தஸ்ஸ ஆபத்தி பாராஜிகஸ்ஸ. பஞ்சஹாகாரேஹி அதி³ன்னம் ஆதி³யந்தஸ்ஸ ஆபத்தி து²ல்லச்சயஸ்ஸ. பஞ்சஹாகாரேஹி அதி³ன்னம் ஆதி³யந்தஸ்ஸ ஆபத்தி து³க்கடஸ்ஸ. பஞ்ச அகப்பியானி ந பரிபு⁴ஞ்ஜிதப்³பா³னி – அதி³ன்னஞ்ச ஹோதி, அவிதி³தஞ்ச ஹோதி, அகப்பியஞ்ச ஹோதி, அப்படிக்³க³ஹிதஞ்ச ஹோதி, அகதாதிரித்தஞ்ச ஹோதி. பஞ்ச கப்பியானி பரிபு⁴ஞ்ஜிதப்³பா³னி – தி³ன்னஞ்ச ஹோதி, விதி³தஞ்ச ஹோதி, கப்பியஞ்ச ஹோதி, படிக்³க³ஹிதஞ்ச ஹோதி, கதாதிரித்தஞ்ச ஹோதி. பஞ்ச தா³னானி அபுஞ்ஞானி புஞ்ஞஸம்மதானி லோகஸ்மிம் [லோகஸ்ஸ (ஸ்யா.)] – மஜ்ஜதா³னம், ஸமஜ்ஜதா³னம், இத்தி²தா³னம், உஸப⁴தா³னம், சித்தகம்மதா³னம். பஞ்ச உப்பன்னா து³ப்படிவினோத³யா [வினோதி³யா (ஸ்யா.)] – உப்பன்னோ ராகோ³ து³ப்படிவினோத³யோ, உப்பன்னோ தோ³ஸோ து³ப்படிவினோத³யோ, உப்பன்னோ மோஹோ து³ப்படிவினோத³யோ, உப்பன்னம் படிபா⁴னம் து³ப்படிவினோத³யம், உப்பன்னம் க³மியசித்தம் து³ப்படிவினோத³யம். பஞ்சானிஸம்ஸா ஸம்மஜ்ஜனியா – ஸகசித்தம் பஸீத³தி, பரசித்தம் பஸீத³தி, தே³வதா அத்தமனா ஹோந்தி, பாஸாதி³கஸம்வத்தனிககம்மம் உபசினதி, காயஸ்ஸ பே⁴தா³ பரம் மரணா ஸுக³திம் ஸக்³க³ம் லோகம் உபபஜ்ஜதி. அபரேபி பஞ்சானிஸம்ஸா ஸம்மஜ்ஜனியா – ஸகசித்தம் பஸீத³தி, பரசித்தம் பஸீத³தி, தே³வதா அத்தமனா ஹோந்தி, ஸத்து²ஸாஸனம் கதம் ஹோதி, பச்சி²மா ஜனதா தி³ட்டா²னுக³திம் ஆபஜ்ஜதி.

பஞ்சஹங்கே³ஹி ஸமன்னாக³தோ வினயத⁴ரோ ‘‘பா³லோ’’ த்வேவ ஸங்க²ம் க³ச்ச²தி – அத்தனோ பா⁴ஸபரியந்தம் ந உக்³க³ண்ஹாதி, பரஸ்ஸ பா⁴ஸபரியந்தம் ந உக்³க³ண்ஹாதி, அத்தனோ பா⁴ஸபரியந்தம் ந உக்³க³ஹேத்வா பரஸ்ஸ பா⁴ஸபரியந்தம் ந உக்³க³ஹேத்வா அத⁴ம்மேன காரேதி அப்படிஞ்ஞாய. பஞ்சஹங்கே³ஹி ஸமன்னாக³தோ வினயத⁴ரோ ‘‘பண்டி³தோ’’ த்வேவ ஸங்க²ம் க³ச்ச²தி – அத்தனோ பா⁴ஸபரியந்தம் உக்³க³ண்ஹாதி, பரஸ்ஸ பா⁴ஸபரியந்தம் உக்³க³ண்ஹாதி, அத்தனோ பா⁴ஸபரியந்தம் உக்³க³ஹேத்வா பரஸ்ஸ பா⁴ஸபரியந்தம் உக்³க³ஹேத்வா த⁴ம்மேன காரேதி படிஞ்ஞாய. அபரேஹிபி பஞ்சஹங்கே³ஹி ஸமன்னாக³தோ வினயத⁴ரோ பா³லோ த்வேவ ஸங்க²ம் க³ச்ச²தி – ஆபத்திம் ந ஜானாதி, ஆபத்தியா மூலம் ந ஜானாதி, ஆபத்திஸமுத³யம் ந ஜானாதி, ஆபத்தினிரோத⁴ம் ந ஜானாதி, ஆபத்தினிரோத⁴கா³மினிம் படிபத³ம் ந ஜானாதி. பஞ்சஹங்கே³ஹி ஸமன்னாக³தோ வினயத⁴ரோ பண்டி³தோ த்வேவ ஸங்க²ம் க³ச்ச²தி – ஆபத்திம் ஜானாதி, ஆபத்தியா மூலம் ஜானாதி, ஆபத்திஸமுத³யம் ஜானாதி, ஆபத்தினிரோத⁴ம் ஜானாதி, ஆபத்தினிரோத⁴கா³மினிம் படிபத³ம் ஜானாதி. அபரேஹிபி பஞ்சஹங்கே³ஹி ஸமன்னாக³தோ வினயத⁴ரோ பா³லோ த்வேவ ஸங்க²ம் க³ச்ச²தி – அதி⁴கரணம் ந ஜானாதி, அதி⁴கரணஸ்ஸ மூலம் ந ஜானாதி, அதி⁴கரணஸமுத³யம் ந ஜானாதி, அதி⁴கரணனிரோத⁴ம் ந ஜானாதி, அதி⁴கரணனிரோத⁴கா³மினிம் படிபத³ம் ந ஜானாதி. பஞ்சஹங்கே³ஹி ஸமன்னாக³தோ வினயத⁴ரோ பண்டி³தோ த்வேவ ஸங்க²ம் க³ச்ச²தி – அதி⁴கரணம் ஜானாதி, அதி⁴கரணஸ்ஸ மூலம் ஜானாதி, அதி⁴கரணஸமுத³யம் ஜானாதி, அதி⁴கரணனிரோத⁴ம் ஜானாதி, அதி⁴கரணனிரோத⁴கா³மினிம் படிபத³ம் ஜானாதி. அபரேஹிபி பஞ்சஹங்கே³ஹி ஸமன்னாக³தோ வினயத⁴ரோ பா³லோ த்வேவ ஸங்க²ம் க³ச்ச²தி – வத்து²ம் ந ஜானாதி, நிதா³னம் ந ஜானாதி, பஞ்ஞத்திம் ந ஜானாதி, அனுபஞ்ஞத்திம் ந ஜானாதி, அனுஸந்தி⁴வசனபத²ம் ந ஜானாதி. பஞ்சஹங்கே³ஹி ஸமன்னாக³தோ வினயத⁴ரோ பண்டி³தோ த்வேவ ஸங்க²ம் க³ச்ச²தி – வத்து²ம் ஜானாதி, நிதா³னம் ஜானாதி, பஞ்ஞத்திம் ஜானாதி, அனுபஞ்ஞத்திம் ஜானாதி, அனுஸந்தி⁴வசனபத²ம் ஜானாதி. அபரேஹிபி பஞ்சஹங்கே³ஹி ஸமன்னாக³தோ வினயத⁴ரோ பா³லோ த்வேவ ஸங்க²ம் க³ச்ச²தி – ஞத்திம் ந ஜானாதி, ஞத்தியா கரணம் ந ஜானாதி, ந புப்³ப³குஸலோ ஹோதி, ந அபரகுஸலோ ஹோதி, அகாலஞ்ஞூ ச ஹோதி. பஞ்சஹங்கே³ஹி ஸமன்னாக³தோ வினயத⁴ரோ பண்டி³தோ த்வேவ ஸங்க²ம் க³ச்ச²தி – ஞத்திம் ஜானாதி, ஞத்தியா கரணம் ஜானாதி, புப்³ப³குஸலோ ஹோதி, அபரகுஸலோ ஹோதி, காலஞ்ஞூ ச ஹோதி. அபரேஹிபி பஞ்சஹங்கே³ஹி ஸமன்னாக³தோ வினயத⁴ரோ பா³லோ த்வேவ ஸங்க²ம் க³ச்ச²தி – ஆபத்தானாபத்திம் ந ஜானாதி, லஹுகக³ருகம் ஆபத்திம் ந ஜானாதி, ஸாவஸேஸானவஸேஸம் ஆபத்திம் ந ஜானாதி, து³ட்டு²ல்லாது³ட்டு²ல்லம் ஆபத்திம் ந ஜானாதி, ஆசரியபரம்பரா கோ² பனஸ்ஸ ந ஸுக்³க³ஹிதா ஹோதி ந ஸுமனஸிகதா ந ஸூபதா⁴ரிதா. பஞ்சஹங்கே³ஹி ஸமன்னாக³தோ வினயத⁴ரோ பண்டி³தோத்வேவ ஸங்க²ம் க³ச்ச²தி – ஆபத்தானாபத்திம் ஜானாதி, லஹுகக³ருகம் ஆபத்திம் ஜானாதி, ஸாவஸேஸானவஸேஸம் ஆபத்திம் ஜானதி, து³ட்டு²ல்லாது³ட்டு²ல்லம் ஆபத்திம் ஜானாதி, ஆசரியபரம்பரா கோ² பனஸ்ஸ ஸுக்³க³ஹிதா ஹோதி ஸுமனஸிகதா ஸூபதா⁴ரிதா. அபரேஹிபி பஞ்சஹங்கே³ஹி ஸமன்னாக³தோ வினயத⁴ரோ பா³லோ த்வேவ ஸங்க²ம் க³ச்ச²தி – ஆபத்தானாபத்திம் ந ஜானாதி, லஹுகக³ருகம் ஆபத்திம் ந ஜானாதி, ஸாவஸேஸானவஸேஸம் ஆபத்திம் ந ஜானாதி, து³ட்டு²ல்லாது³ட்டு²ல்லம் ஆபத்திம் ஜானாதி, உப⁴யானி கோ² பனஸ்ஸ பாதிமோக்கா²னி ந வித்தா²ரேன ஸ்வாக³தானி ஹோந்தி ந ஸுவிப⁴த்தானி ந ஸுப்பவத்தீனி ந ஸுவினிச்சி²தானி ஸுத்தஸோ அனுப்³யஞ்ஜனஸோ. பஞ்சஹங்கே³ஹி ஸமன்னாக³தோ வினயத⁴ரோ பண்டி³தோ த்வேவ ஸங்க²ம் க³ச்ச²தி – ஆபத்தானாபத்திம் ஜானாதி, லஹுகக³ருகம் ஆபத்திம் ஜானாதி, ஸாவஸேஸானவஸேஸம் ஆபத்திம் ஜானாதி, து³ட்டு²ல்லாது³ட்டு²ல்லம் ஆபத்திம் ஜானாதி, உப⁴யானி கோ² பனஸ்ஸ பாதிமோக்கா²னி வித்தா²ரேன ஸ்வாக³தானி ஹோந்தி ஸுவிப⁴த்தானி ஸுப்பவத்தீனி ஸுவினிச்சி²தானி ஸுத்தஸோ அனுப்³யஞ்ஜனஸோ. அபரேஹிபி பஞ்சஹங்கே³ஹி ஸமன்னாக³தோ வினயத⁴ரோ பா³லோ த்வேவ ஸங்க²ம் க³ச்ச²தி – ஆபத்தானாபத்திம் ந ஜானாதி, லஹுகக³ருகம் ஆபத்திம் ந ஜானாதி, ஸாவஸேஸானவஸேஸம் ஆபத்திம் ந ஜானாதி, து³ட்டு²ல்லாது³ட்டு²ல்லம் ஆபத்திம் ந ஜானாதி, அதி⁴கரணே ச ந வினிச்ச²யகுஸலோ ஹோதி. பஞ்சஹங்கே³ஹி ஸமன்னாக³தோ வினயத⁴ரோ பண்டி³தோ த்வேவ ஸங்க²ம் க³ச்ச²தி – ஆபத்தானாபத்திம் ஜானாதி, லஹுகக³ருகம் ஆபத்திம் ஜானாதி, ஸாவஸேஸானவஸேஸம் ஆபத்திம் ஜானாதி, து³ட்டு²ல்லாது³ட்டு²ல்லம் ஆபத்திம் ஜானாதி, அதி⁴கரணே ச வினிச்ச²யகுஸலோ ஹோதி.

[அ. நி. 5.181; பரி. 443] பஞ்ச ஆரஞ்ஞிகா – மந்த³த்தா மோமூஹத்தா ஆரஞ்ஞிகோ ஹோதி, பாபிச்சோ² இச்சா²பகதோ ஆரஞ்ஞிகோ ஹோதி, உம்மாதா³ சித்தக்கே²பா ஆரஞ்ஞிகோ ஹோதி, வண்ணிதம் பு³த்³தே⁴ஹி பு³த்³த⁴ஸாவகேஹீதி ஆரஞ்ஞிகோ ஹோதி, அபி ச அப்பிச்ச²ஞ்ஞேவ நிஸ்ஸாய ஸந்துட்டி²ஞ்ஞேவ நிஸ்ஸாய ஸல்லேக²ஞ்ஞேவ நிஸ்ஸாய பவிவேகஞ்ஞேவ நிஸ்ஸாய இத³மத்தி²தஞ்ஞேவ [இத³மட்டி²தஞ்ஞேவ (ஸீ. ஸ்யா.)] நிஸ்ஸாய ஆரஞ்ஞிகோ ஹோதி. பஞ்ச பிண்ட³பாதிகா…பே… பஞ்ச பம்ஸுகூலிகா…பே… பஞ்ச ருக்க²மூலிகா…பே… பஞ்ச ஸோஸானிகா…பே… பஞ்ச அப்³போ⁴காஸிகா…பே… பஞ்ச தேசீவரிகா…பே… பஞ்ச ஸபதா³னசாரிகா…பே… பஞ்ச நேஸஜ்ஜிகா…பே… பஞ்ச யதா²ஸந்த²திகா…பே… பஞ்ச ஏகாஸனிகா…பே… பஞ்ச க²லுபச்சா²ப⁴த்திகா…பே… பஞ்ச பத்தபிண்டி³கா – மந்த³த்தா மோமூஹத்தா பத்தபிண்டி³கோ ஹோதி, பாபிச்சோ² இச்சா²பகதோ பத்தபிண்டி³கோ ஹோதி, உம்மாதா³ சித்தக்கே²பா பத்தபிண்டி³கோ ஹோதி, வண்ணிதம் பு³த்³தே⁴ஹி பு³த்³த⁴ஸாவகேஹீதி பத்தபிண்டி³கோ ஹோதி, அபி ச அப்பிச்ச²ஞ்ஞேவ நிஸ்ஸாய ஸந்துட்டி²ஞ்ஞேவ நிஸ்ஸாய ஸல்லேக²ஞ்ஞேவ நிஸ்ஸாய பவிவேகஞ்ஞேவ நிஸ்ஸாய இத³மத்தி²தஞ்ஞேவ நிஸ்ஸாய பத்தபிண்டி³கோ ஹோதி.

[பரி. 417] பஞ்சஹங்கே³ஹி ஸமன்னாக³தேன பி⁴க்கு²னா நானிஸ்ஸிதேன வத்த²ப்³ப³ம் – உபோஸத²ம் ந ஜானாதி, உபோஸத²கம்மம் ந ஜானாதி, பாதிமோக்க²ம் ந ஜானாதி, பாதிமோக்கு²த்³தே³ஸம் ந ஜானாதி, ஊனபஞ்சவஸ்ஸோ ஹோதி. பஞ்சஹங்கே³ஹி ஸமன்னாக³தேன பி⁴க்கு²னா அனிஸ்ஸிதேன வத்த²ப்³ப³ம் – உபோஸத²ம் ஜானாதி, உபோஸத²கம்மம் ஜானாதி, பாதிமோக்க²ம் ஜானாதி, பாதிமோக்கு²த்³தே³ஸம் ஜானாதி, பஞ்சவஸ்ஸோ வா ஹோதி அதிரேகபஞ்சவஸ்ஸோ வா. அபரேஹிபி பஞ்சஹங்கே³ஹி ஸமன்னாக³தேன பி⁴க்கு²னா நானிஸ்ஸிதேன வத்த²ப்³ப³ம் – பவாரணம் ந ஜானாதி, பவாரணாகம்மம் ந ஜானாதி, பாதிமோக்க²ம் ந ஜானாதி, பாதிமோக்கு²த்³தே³ஸம் ந ஜானாதி, ஊனபஞ்சவஸ்ஸோ ஹோதி. பஞ்சஹங்கே³ஹி ஸமன்னாக³தேன பி⁴க்கு²னா அனிஸ்ஸிதேன வத்த²ப்³ப³ம் – பவாரணம் ஜானாதி, பவாரணாகம்மம் ஜானாதி, பாதிமோக்க²ம் ஜானாதி, பாதிமோக்கு²த்³தே³ஸம் ஜானாதி, பஞ்சவஸ்ஸோ வா ஹோதி அதிரேகபஞ்சவஸ்ஸோ வா. அபரேஹிபி பஞ்சஹங்கே³ஹி ஸமன்னாக³தேன பி⁴க்கு²னா நானிஸ்ஸிதேன வத்த²ப்³ப³ம் – ஆபத்தானாபத்திம் ந ஜானாதி, லஹுகக³ருகம் ஆபத்திம் ந ஜானாதி, ஸாவஸேஸானவஸேஸம் ஆபத்திம் ந ஜானாதி, து³ட்டு²ல்லாது³ட்டு²ல்லம் ஆபத்திம் ந ஜானாதி, ஊனபஞ்சவஸ்ஸோ ஹோதி. பஞ்சஹங்கே³ஹி ஸமன்னாக³தேன பி⁴க்கு²னா அனிஸ்ஸிதேன வத்த²ப்³ப³ம் – ஆபத்தானாபத்திம் ஜானாதி, லஹுகக³ருகம் ஆபத்திம் ஜானாதி, ஸாவஸேஸானவஸேஸம் ஆபத்திம் ஜானாதி, து³ட்டு²ல்லாது³ட்டு²ல்லம் ஆபத்திம் ஜானாதி, பஞ்சவஸ்ஸோ வா ஹோதி அதிரேகபஞ்சவஸ்ஸோ வா. பஞ்சஹங்கே³ஹி ஸமன்னாக³தாய பி⁴க்கு²னியா நானிஸ்ஸிதாய வத்த²ப்³ப³ம் – உபோஸத²ம் ந ஜானாதி, உபோஸத²கம்மம் ந ஜானாதி, பாதிமோக்க²ம் ந ஜானாதி, பாதிமோக்கு²த்³தே³ஸம் ந ஜானாதி, ஊனபஞ்சவஸ்ஸா ஹோதி. பஞ்சஹங்கே³ஹி ஸமன்னாக³தாய பி⁴க்கு²னியா அனிஸ்ஸிதாய வத்த²ப்³ப³ம் – உபோஸத²ம் ஜானாதி, உபோஸத²கம்மம் ஜானாதி, பாதிமோக்க²ம் ஜானாதி, பாதிமோக்கு²த்³தே³ஸம் ஜானாதி, பஞ்சவஸ்ஸா வா ஹோதி அதிரேகபஞ்சவஸ்ஸா வா. அபரேஹிபி பஞ்சஹங்கே³ஹி ஸமன்னாக³தாய பி⁴க்கு²னியா நானிஸ்ஸிதாய வத்த²ப்³ப³ம் – பவாரணம் ந ஜானாதி, பவாரணாகம்மம் ந ஜானாதி, பாதிமோக்க²ம் ந ஜானாதி, பாதிமோக்கு²த்³தே³ஸம் ந ஜானாதி, ஊனபஞ்சவஸ்ஸா ஹோதி. பஞ்சஹங்கே³ஹி ஸமன்னாக³தாய பி⁴க்கு²னியா அனிஸ்ஸிதாய வத்த²ப்³ப³ம் – பவாரணம் ஜானாதி, பவாரணாகம்மம் ஜானாதி, பாதிமோக்க²ம் ஜானாதி, பாதிமோக்கு²த்³தே³ஸம் ஜானாதி, பஞ்சவஸ்ஸா வா ஹோதி அதிரேகபஞ்சவஸ்ஸா வா. அபரேஹிபி பஞ்சஹங்கே³ஹி ஸமன்னாக³தாய பி⁴க்கு²னியா நானிஸ்ஸிதாய வத்த²ப்³ப³ம் – ஆபத்தானாபத்திம் ந ஜானாதி, லஹுகக³ருகம் ஆபத்திம் ந ஜானாதி, ஸாவஸேஸானவஸேஸம் ஆபத்திம் ந ஜானாதி, து³ட்டு²ல்லாது³ட்டு²ல்லம் ஆபத்திம் ந ஜானாதி, ஊனபஞ்சவஸ்ஸா ஹோதி. பஞ்சஹங்கே³ஹி ஸமன்னாக³தாய பி⁴க்கு²னியா அனிஸ்ஸிதாய வத்த²ப்³ப³ம் – ஆபத்தானாபத்திம் ஜானாதி, லஹுகக³ருகம் ஆபத்திம் ஜானாதி, ஸாவஸேஸானவஸேஸம் ஆபத்திம் ஜானாதி, து³ட்டு²ல்லாது³ட்டு²ல்லம் ஆபத்திம் ஜானாதி, பஞ்சவஸ்ஸா வா ஹோதி அதிரேகபஞ்சவஸ்ஸா வா.

பஞ்ச ஆதீ³னவா அபாஸாதி³கே – அத்தாபி அத்தானம் உபவத³தி, அனுவிச்சபி விஞ்ஞூ க³ரஹந்தி, பாபகோ கித்திஸத்³தோ³ அப்³பு⁴க்³க³ச்ச²தி, ஸம்மூள்ஹோ காலம் கரோதி, காயஸ்ஸ பே⁴தா³ பரம் மரணா அபாயம் து³க்³க³திம் வினிபாதம் நிரயம் உபபஜ்ஜதி. பஞ்சானிஸம்ஸா பாஸாதி³கே – அத்தாபி அத்தானம் ந உபவத³தி, அனுவிச்சபி விஞ்ஞூ பஸம்ஸந்தி, கல்யாணோ கித்திஸத்³தோ³ அப்³பு⁴க்³க³ச்ச²தி, அஸம்மூள்ஹோ காலம் கரோதி, காயஸ்ஸ பே⁴தா³ பரம் மரணா ஸுக³திம் ஸக்³க³ம் லோகம் உபபஜ்ஜதி. அபரேபி பஞ்ச ஆதீ³னவா அபாஸாதி³கே – அப்பஸன்னா ந பஸீத³ந்தி, பஸன்னானம் ஏகச்சானம் அஞ்ஞத²த்தம் ஹோதி, ஸத்து²ஸாஸனம் அகதம் ஹோதி, பச்சி²மா ஜனதா தி³ட்டா²னுக³திம் நாபஜ்ஜதி, சித்தமஸ்ஸ ந பஸீத³தி. பஞ்சானிஸம்ஸா பாஸாதி³கே – அப்பஸன்னா பஸீத³ந்தி, பஸன்னானம் பி⁴ய்யோபா⁴வாய ஹோதி, ஸத்து²ஸாஸனம் கதம் ஹோதி, பச்சி²மா ஜனதா தி³ட்டா²னுக³திம் ஆபஜ்ஜதி, சித்தமஸ்ஸ பஸீத³தி. பஞ்ச ஆதீ³னவா குலூபகே – அனாமந்தசாரே ஆபஜ்ஜதி, ரஹோ நிஸஜ்ஜாய ஆபஜ்ஜதி, படிச்ச²ன்னே ஆஸனே ஆபஜ்ஜதி, மாதுகா³மஸ்ஸ உத்தரிச²ப்பஞ்சவாசாஹி த⁴ம்மம் தே³ஸேந்தோ ஆபஜ்ஜதி, காமஸங்கப்பப³ஹுலோ ச விஹரதி. பஞ்ச ஆதீ³னவா குலூபகஸ்ஸ பி⁴க்கு²னோ – அதிவேலம் குலேஸு ஸம்ஸட்ட²ஸ்ஸ விஹரதோ மாதுகா³மஸ்ஸ அபி⁴ண்ஹத³ஸ்ஸனம், த³ஸ்ஸனே ஸதி ஸம்ஸக்³கோ³, ஸம்ஸக்³கே³ ஸதி விஸ்ஸாஸோ, விஸ்ஸாஸே ஸதி ஓதாரோ, ஓதிண்ணசித்தஸ்ஸேதம் பி⁴க்கு²னோ பாடிகங்க²ம் அனபி⁴ரதோ வா ப்³ரஹ்மசரியம் சரிஸ்ஸதி அஞ்ஞதரம் வா ஸம்கிலிட்ட²ம் ஆபத்திம் ஆபஜ்ஜிஸ்ஸதி ஸிக்க²ம் வா பச்சக்கா²ய ஹீனாயாவத்திஸ்ஸதி.

[பாசி. 92] பஞ்ச பீ³ஜஜாதானி – மூலபீ³ஜம், க²ந்த⁴பீ³ஜம், ப²ளுபீ³ஜம், அக்³க³பீ³ஜம், பீ³ஜபீ³ஜஞ்ஞேவ [பீ³ஜபீ³ஜமேவ (க.)] பஞ்சமம். பஞ்சஹி ஸமணகப்பேஹி ப²லம் பரிபு⁴ஞ்ஜிதப்³ப³ம் – அக்³கி³பரிஜிதம், ஸத்த²பரிஜிதம், நக²பரிஜிதம், அபீ³ஜம், நிப்³ப³த்தபீ³ஜஞ்ஞேவ [நிப்³ப³ட்டபீ³ஜஞ்ஞேவ (ஸீ.), நிப்³ப³டபீ³ஜஞ்ஞேவ (ஸ்யா.), நிப்பட்டபீ³ஜஞ்ஞேவ (க.)] பஞ்சமம். பஞ்ச விஸுத்³தி⁴யோ – நிதா³னம் உத்³தி³ஸித்வா அவஸேஸம் ஸுதேன ஸாவேதப்³ப³ம், அயம் பட²மா விஸுத்³தி⁴; நிதா³னம் உத்³தி³ஸித்வா சத்தாரி பாராஜிகானி உத்³தி³ஸித்வா அவஸேஸம் ஸுதேன ஸாவேதப்³ப³ம், அயம் து³தியா விஸுத்³தி⁴; நிதா³னம் உத்³தி³ஸித்வா சத்தாரி பாராஜிகானி உத்³தி³ஸித்வா தேரஸ ஸங்கா⁴தி³ஸேஸே உத்³தி³ஸித்வா அவஸேஸம் ஸுதேன ஸாவேதப்³ப³ம், அயம் ததியா விஸுத்³தி⁴; நிதா³னம் உத்³தி³ஸித்வா சத்தாரி பாராஜிகானி உத்³தி³ஸித்வா தேரஸ ஸங்கா⁴தி³ஸேஸே உத்³தி³ஸித்வா த்³வே அனியதே உத்³தி³ஸித்வா அவஸேஸம் ஸுதேன ஸாவேதப்³ப³ம், அயம் சதுத்தா² விஸுத்³தி⁴; வித்தா²ரேனேவ பஞ்சமீ. அபராபி பஞ்ச விஸுத்³தி⁴யோ – ஸுத்துத்³தே³ஸோ, பாரிஸுத்³தி⁴உபோஸதோ², அதி⁴ட்டா²னுபோஸதோ², பவாரணா, ஸாமக்³கீ³உபோஸதோ²யேவ பஞ்சமோ. பஞ்சானிஸம்ஸா வினயத⁴ரே – அத்தனோ ஸீலக்க²ந்தோ⁴ ஸுகு³த்தோ ஹோதி ஸுரக்கி²தோ, குக்குச்சபகதானம் படிஸரணம் ஹோதி, விஸாரதோ³ ஸங்க⁴மஜ்ஜே² வோஹரதி, பச்சத்தி²கே ஸஹத⁴ம்மேன ஸுனிக்³க³ஹிதம் நிக்³க³ண்ஹாதி, ஸத்³த⁴ம்மட்டி²தியா படிபன்னோ ஹோதி. பஞ்ச அத⁴ம்மிகானி பாதிமோக்க²ட்ட²பனானி. பஞ்ச த⁴ம்மிகானி பாதிமோக்க²ட்ட²பனானீதி.

பஞ்சகம் நிட்டி²தம்.

தஸ்ஸுத்³தா³னம் –

ஆபத்தி ஆபத்திக்க²ந்தா⁴, வினீதானந்தரேன ச;

புக்³க³லா சே²த³னா சேவ, ஆபஜ்ஜதி ச பச்சயா.

ந உபேதி உபேதி ச, கப்பந்துஸங்கிதேலஞ்ச;

வஸம் ப்³யஸனா ஸம்பதா³, பஸ்ஸத்³தி⁴ புக்³க³லேன ச.

ஸோஸானிகம் கா²யிதஞ்ச, தே²ய்யம் சோரோ ச வுச்சதி;

அவிஸ்ஸஜ்ஜி அவேப⁴ங்கி³, காயதோ காயவாசதோ.

தே³ஸனா ஸங்க⁴ம் உத்³தே³ஸம், பச்சந்திகதி²னேன ச;

கம்மானி யாவததியம், பாராஜிது²ல்லது³க்கடம்.

அகப்பியம் கப்பியஞ்ச, அபுஞ்ஞது³வினோத³யா;

ஸம்மஜ்ஜனீ அபரே ச, பா⁴ஸம் ஆபத்திமேவ ச.

அதி⁴கரணம் வத்து² ஞத்தி, ஆபத்தா உப⁴யானி ச;

லஹுகட்ட²மகா ஏதே, கண்ஹஸுக்கா விஜானத².

அரஞ்ஞம் பிண்ட³பாதஞ்ச, பம்ஸுருக்க²ஸுஸானிகா;

அப்³போ⁴காஸோ சீவரஞ்ச, ஸபதா³னோ நிஸஜ்ஜிகோ.

ஸந்த²தி க²லு பச்சா²பி, பத்தபிண்டி³கமேவ ச;

உபோஸத²ம் பவாரணம், ஆபத்தானாபத்திபி ச.

கண்ஹஸுக்கபதா³ ஏதே, பி⁴க்கு²னீனம்பி தே ததா²;

அபாஸாதி³கபாஸாதி³, ததே²வ அபரே து³வே.

குலூபகே அதிவேலம், பீ³ஜம் ஸமணகப்பி ச;

விஸுத்³தி⁴ அபரே சேவ, வினயாத⁴ம்மிகேன ச;

த⁴ம்மிகா ச ததா² வுத்தா, நிட்டி²தா ஸுத்³தி⁴பஞ்சகாதி.

6. ச²க்கவாரோ

326. [தீ³. நி. 3.324] ச² அகா³ரவா. ச² கா³ரவா. ச² வினீதவத்தூ²னி. ச² ஸாமீசியோ. ச² ஆபத்திஸமுட்டா²னா. ச²ச்சே²த³னகா ஆபத்தியோ. ச²ஹாகாரேஹி ஆபத்திம் ஆபஜ்ஜதி. சா²னிஸம்ஸா வினயத⁴ரே. ச² பரமானி. சா²ரத்தம் திசீவரேன விப்பவஸிதப்³ப³ம். ச² சீவரானி. ச² ரஜனானி. ச² ஆபத்தியோ காயதோ ச சித்ததோ ச ஸமுட்ட²ந்தி ந வாசதோ. ச² ஆபத்தியோ வாசதோ ச சித்ததோ ச ஸமுட்ட²ந்தி ந காயதோ. ச² ஆபத்தியோ காயதோ ச வாசதோ ச சித்ததோ ச ஸமுட்ட²ந்தி. ச² கம்மானி. ச² விவாத³மூலானி. ச² அனுவாத³மூலானி. ச² ஸாரணீயா த⁴ம்மா தீ³க⁴ஸோ. ச² வித³த்தி²யோ, ஸுக³தவித³த்தி²யா, திரியம் ச² வித³த்தி²யோ. ச² நிஸ்ஸயபடிப்பஸ்ஸத்³தி⁴யோ ஆசரியம்ஹா. ச² நஹானே அனுபஞ்ஞத்தியோ – விப்பகதசீவரம் ஆதா³ய பக்கமதி, விப்பகதசீவரம் ஸமாதா³ய பக்கமதி.

[மஹாவ. 85 ஆத³யோ] ச²ஹங்கே³ஹி ஸமன்னாக³தேன பி⁴க்கு²னா உபஸம்பாதே³தப்³ப³ம் நிஸ்ஸயோ தா³தப்³போ³ ஸாமணேரோ உபட்டா²பேதப்³போ³ – அஸேக்கே²ன ஸீலக்க²ந்தே⁴ன ஸமன்னாக³தோ ஹோதி, அஸேக்கே²ன ஸமாதி⁴க்க²ந்தே⁴ன ஸமன்னாக³தோ ஹோதி, அஸேக்கே²ன பஞ்ஞக்க²ந்தே⁴ன ஸமன்னாக³தோ ஹோதி, அஸேக்கே²ன விமுத்திக்க²ந்தே⁴ன ஸமன்னாக³தோ ஹோதி, அஸேக்கே²ன விமுத்திஞாணத³ஸ்ஸனக்க²ந்தே⁴ன ஸமன்னாக³தோ ஹோதி, த³ஸவஸ்ஸோ வா ஹோதி அதிரேகத³ஸவஸ்ஸோ வா.

அபரேஹிபி ச²ஹங்கே³ஹி ஸமன்னாக³தேன பி⁴க்கு²னா உபஸம்பாதே³தப்³ப³ம் நிஸ்ஸயோ தா³தப்³போ³ ஸாமணேரோ உபட்டா²பேதப்³போ³ – அத்தனா அஸேக்கே²ன ஸீலக்க²ந்தே⁴ ஸமன்னாக³தோ ஹோதி, பரம் அஸேக்கே² ஸீலக்க²ந்தே⁴ ஸமாத³பேதா; அத்தனா அஸேக்கே²ன ஸமாதி⁴க்க²ந்தே⁴ன ஸமன்னாக³தோ ஹோதி, பரம் அஸேக்கே² ஸமாதி⁴க்க²ந்தே⁴ ஸமாத³பேதா; அத்தனா அஸேக்கே²ன பஞ்ஞக்க²ந்தே⁴ன ஸமன்னாக³தோ ஹோதி, பரம் அஸேக்கே² பஞ்ஞக்க²ந்தே⁴ ஸமாத³பேதா; அத்தனா அஸேக்கே²ன விமுத்திக்க²ந்தே⁴ன ஸமன்னாக³தோ ஹோதி, பரம் அஸேக்கே² விமுத்திக்க²ந்தே⁴ ஸமாத³பேதா; அத்தனா அஸேக்கே²ன விமுத்திஞாணத³ஸ்ஸனக்க²ந்தே⁴ன ஸமன்னாக³தோ ஹோதி, பரம் அஸேக்கே² விமுத்திஞாணத³ஸ்ஸனக்க²ந்தே⁴ ஸமாத³பேதா; த³ஸவஸ்ஸோ வா ஹோதி அதிரேகத³ஸவஸ்ஸோ வா.

அபரேஹிபி ச²ஹங்கே³ஹி ஸமன்னாக³தேன பி⁴க்கு²னா உபஸம்பாதே³தப்³ப³ம் நிஸ்ஸயோ தா³தப்³போ³ ஸாமணேரோ உபட்டா²பேதப்³போ³ – ஸத்³தோ⁴ ஹோதி, ஹிரிமா ஹோதி, ஓத்தப்பீ ஹோதி, ஆரத்³த⁴வீரியோ ஹோதி, உபட்டி²தஸ்ஸதி ஹோதி, த³ஸவஸ்ஸோ வா ஹோதி அதிரேகத³ஸவஸ்ஸோ வா.

அபரேஹிபி ச²ஹங்கே³ஹி ஸமன்னாக³தேன பி⁴க்கு²னா உபஸம்பாதே³தப்³ப³ம் நிஸ்ஸயோ தா³தப்³போ³ ஸாமணேரோ உபட்டா²பேதப்³போ³ – ந அதி⁴ஸீலே ஸீலவிபன்னோ ஹோதி, ந அஜ்ஜா²சாரே ஆசாரவிபன்னோ ஹோதி, ந அதிதி³ட்டி²யா தி³ட்டி²விபன்னோ ஹோதி, ப³ஹுஸ்ஸுதோ ஹோதி, பஞ்ஞவா ஹோதி, த³ஸவஸ்ஸோ வா ஹோதி அதிரேகத³ஸவஸ்ஸோ வா.

அபரேஹிபி ச²ஹங்கே³ஹி ஸமன்னாக³தேன பி⁴க்கு²னா உபஸம்பாதே³தப்³ப³ம் நிஸ்ஸயோ தா³தப்³போ³ ஸாமணேரோ உபட்டா²பேதப்³போ³ – படிப³லோ ஹோதி அந்தேவாஸிம் வா ஸத்³தி⁴விஹாரிம் வா கி³லானம் உபட்டா²தும் வா உபட்டா²பேதும் வா, அனபி⁴ரதம் வூபகாஸேதும் வா வூபகாஸாபேதும் வா [அனபி⁴ரதிம் (க.)], உப்பன்னம் குக்குச்சம் த⁴ம்மதோ வினோதே³தும் [வினோதே³தும் வா வினோதா³பேதும் வா (ஸ்யா.) மஹாவ. 85], ஆபத்திம் ஜானாதி, ஆபத்திவுட்டா²னம் ஜானாதி, த³ஸவஸ்ஸோ வா ஹோதி அதிரேகத³ஸவஸ்ஸோ வா.

அபரேஹிபி ச²ஹங்கே³ஹி ஸமன்னாக³தேன பி⁴க்கு²னா உபஸம்பாதே³தப்³ப³ம் நிஸ்ஸயோ தா³தப்³போ³ ஸாமணேரோ உபட்டா²பேதப்³போ³ – படிப³லோ ஹோதி அந்தேவாஸிம் வா ஸத்³தி⁴விஹாரிம் வா ஆபி⁴ஸமாசாரிகாய ஸிக்கா²ய ஸிக்கா²பேதும், ஆதி³ப்³ரஹ்மசாரியகாய ஸிக்கா²ய வினேதும், அபி⁴த⁴ம்மே வினேதும், அபி⁴வினயே வினேதும், உப்பன்னம் தி³ட்டி²க³தம் த⁴ம்மதோ விவேசேதும், த³ஸவஸ்ஸோ வா ஹோதி அதிரேகத³ஸவஸ்ஸோ வா.

அபரேஹிபி ச²ஹங்கே³ஹி ஸமன்னாக³தேன பி⁴க்கு²னா உபஸம்பாதே³தப்³ப³ம் நிஸ்ஸயோ தா³தப்³போ³ ஸாமணேரோ உபட்டா²பேதப்³போ³ – ஆபத்திம் ஜானாதி, அனாபத்திம் ஜானாதி, லஹுகம் ஆபத்திம் ஜானாதி, க³ருகம் ஆபத்திம் ஜானாதி, உப⁴யானி கோ² பனஸ்ஸ பாதிமோக்கா²னி வித்தா²ரேன ஸ்வாக³தானி ஹோந்தி ஸுவிப⁴த்தானி ஸுப்பவத்தீனி ஸுவினிச்சி²தானி ஸுத்தஸோ அனுப்³யஞ்ஜனஸோ, த³ஸவஸ்ஸோ வா ஹோதி அதிரேகத³ஸவஸ்ஸோ வா.

ச² அத⁴ம்மிகானி பாதிமோக்க²ட்ட²பனானி, ச² த⁴ம்மிகானி பாதிமோக்க²ட்ட²பனானீதி.

ச²க்கம் நிட்டி²தம்.

தஸ்ஸுத்³தா³னம் –

அகா³ரவா கா³ரவா ச, வினீதா ஸாமீசிபி ச;

ஸமுட்டா²னா சே²த³னா சேவ, ஆகாரானிஸம்ஸேன ச.

பரமானி ச சா²ரத்தம், சீவரம் ரஜனானி ச;

காயதோ சித்ததோ சாபி, வாசதோ சித்ததோபி ச.

காயவாசாசித்ததோ ச, கம்மவிவாத³மேவ ச;

அனுவாதா³ தீ³க⁴ஸோ ச, திரியம் நிஸ்ஸயேன ச.

அனுபஞ்ஞத்தி ஆதா³ய, ஸமாதா³ய ததே²வ ச;

அஸேக்கே² ஸமாத³பேதா, ஸத்³தோ⁴ அதி⁴ஸீலேன ச;