உபோஸதா²தி³புச்சா²விஸ்ஸஜ்ஜனா

ஆதி³மஜ்ஜ²ந்தபுச்ச²னம்

332. உபோஸத²கம்மஸ்ஸ கோ ஆதி³, கிம் மஜ்ஜே², கிம் பரியோஸானம்? பவாரணாகம்மஸ்ஸ கோ ஆதி³, கிம் மஜ்ஜே², கிம் பரியோஸானம்? தஜ்ஜனீயகம்மஸ்ஸ கோ ஆதி³, கிம் மஜ்ஜே², கிம் பரியோஸானம்? நியஸ்ஸகம்மஸ்ஸ…பே… பப்³பா³ஜனீயகம்மஸ்ஸ…பே… படிஸாரணீயகம்மஸ்ஸ…பே… உக்கே²பனீயகம்மஸ்ஸ…பே… பரிவாஸதா³னஸ்ஸ…பே… மூலாயபடிகஸ்ஸனாய…பே… மானத்ததா³னஸ்ஸ…பே… அப்³பா⁴னஸ்ஸ…பே… உபஸம்பதா³கம்மஸ்ஸ கோ ஆதி³, கிம் மஜ்ஜே², கிம் பரியோஸானம்? தஜ்ஜனீயகம்மஸ்ஸ படிப்பஸ்ஸத்³தி⁴யா கோ ஆதி³, கிம் மஜ்ஜே², கிம் பரியோஸானம்? நியஸ்ஸகம்மஸ்ஸ படிப்பஸ்ஸத்³தி⁴யா கோ ஆதி³, கிம் மஜ்ஜே², கிம் பரியோஸானம்? பப்³பா³ஜனீயகம்மஸ்ஸ படிப்பஸ்ஸத்³தி⁴யா கோ ஆதி³, கிம் மஜ்ஜே², கிம் பரியோஸானம்? படிஸாரணீயகம்மஸ்ஸ படிப்பஸ்ஸத்³தி⁴யா கோ ஆதி³, கிம் மஜ்ஜே², கிம் பரியோஸானம்? உக்கே²பனீயகம்மஸ்ஸ படிப்பஸ்ஸத்³தி⁴யா கோ ஆதி³, கிம் மஜ்ஜே², கிம் பரியோஸானம்? ஸதிவினயஸ்ஸ கோ ஆதி³, கிம் மஜ்ஜே, கிம் பரியோஸானம்? அமூள்ஹவினயஸ்ஸ கோ ஆதி³, கிம் மஜ்ஜே², கிம் பரியோஸானம்? தஸ்ஸபாபியஸிகாய கோ ஆதி³, கிம் மஜ்ஜே², கிம் பரியோஸானம்? திணவத்தா²ரகஸ்ஸ கோ ஆதி³, கிம் மஜ்ஜே², கிம் பரியோஸானம்? பி⁴க்கு²னோவாத³கஸம்முதியா கோ ஆதி³, கிம் மஜ்ஜே², கிம் பரியோஸானம்? திசீவரேன அவிப்பவாஸஸம்முதியா கோ ஆதி³, கிம் மஜ்ஜே², கிம் பரியோஸானம்? ஸந்த²தஸம்முதியா கோ ஆதி³, கிம் மஜ்ஜே², கிம் பரியோஸானம்? ரூபியச²ட்³ட³கஸம்முதியா கோ ஆதி³, கிம் மஜ்ஜே², கிம் பரியோஸானம்? ஸாடியக்³கா³ஹாபகஸம்முதியோ கோ ஆதி³, கிம் மஜ்ஜே², கிம் பரியோஸானம்? பத்தக்³கா³ஹாபகஸம்முதியா கோ ஆதி³, கிம் மஜ்ஜே², கிம் பரியோஸானம்? த³ண்ட³ஸம்முதியா கோ ஆதி³, கிம் மஜ்ஜே², கிம் பரியோஸானம்? ஸிக்காஸம்முதியா கோ ஆதி³, கிம் மஜ்ஜே², கிம் பரியோஸானம்? த³ண்ட³ஸிக்காஸம்முதியா கோ ஆதி³, கிம் மஜ்ஜே², கிம் பரியோஸானம்?

ஆதி³மஜ்ஜ²ந்தவிஸ்ஸஜ்ஜனா

333. உபோஸத²கம்மஸ்ஸ கோ ஆதி³, கிம் மஜ்ஜே², கிம் பரியோஸானந்தி? உபோஸத²கம்மஸ்ஸ ஸாமக்³கீ³ ஆதி³, கிரியா மஜ்ஜே², நிட்டா²னம் பரியோஸானம்.

பவாரணாகம்மஸ்ஸ கோ ஆதி³, கிம் மஜ்ஜே², கிம் பரியோஸானந்தி? பவாரணாகம்மஸ்ஸ ஸாமக்³கீ³ ஆதி³, கிரியா மஜ்ஜே², நிட்டா²னம் பரியோஸானம்.

தஜ்ஜனீயகம்மஸ்ஸ கோ ஆதி³, கிம் மஜ்ஜே², கிம் பரியோஸானந்தி? தஜ்ஜனீயகம்மஸ்ஸ வத்து² ச புக்³க³லோ ச ஆதி³, ஞத்தி மஜ்ஜே², கம்மவாசா பரியோஸானம்.

நியஸ்ஸகம்மஸ்ஸ…பே… பப்³பா³ஜனீயகம்மஸ்ஸ…பே… படிஸாரணீயகம்மஸ்ஸ…பே… உக்கே²பனீயகம்மஸ்ஸ…பே… பரிவாஸதா³னஸ்ஸ…பே… மூலாயபடிகஸ்ஸனாய…பே… மானத்ததா³னஸ்ஸ…பே… அப்³பா⁴னஸ்ஸ கோ ஆதி³, கிம் மஜ்ஜே², கிம் பரியோஸானந்தி? அப்³பா⁴னஸ்ஸ வத்து² ச புக்³க³லோ ச ஆதி³, ஞத்தி மஜ்ஜே², கம்மவாசா பரியோஸானம்.

உபஸம்பதா³கம்மஸ்ஸ கோ ஆதி³, கிம் மஜ்ஜே², கிம் பரியோஸானந்தி? உபஸம்பதா³கம்மஸ்ஸ புக்³க³லோ ஆதி³, ஞத்தி மஜ்ஜே², கம்மவாசா பரியோஸானம்.

தஜ்ஜனீயகம்மஸ்ஸ படிப்பஸ்ஸத்³தி⁴யா கோ ஆதி³, கிம் மஜ்ஜே², கிம் பரியோஸானந்தி? தஜ்ஜனீயகம்மஸ்ஸ படிப்பஸ்ஸத்³தி⁴யா ஸம்மாவத்தனா ஆதி³, ஞத்தி மஜ்ஜே², கம்மவாசா பரியோஸானம்.

நியஸ்ஸகம்மஸ்ஸ…பே… பப்³பா³ஜனீயகம்மஸ்ஸ…பே… படிஸாரணீயகம்மஸ்ஸ…பே… உக்கே²பனீயகம்மஸ்ஸ படிப்பஸ்ஸத்³தி⁴யா கோ ஆதி³, கிம் மஜ்ஜே², கிம் பரியோஸானந்தி? உக்கே²பனீயகம்மஸ்ஸ படிப்பஸ்ஸத்³தி⁴யா ஸம்மாவத்தனா ஆதி³, ஞத்தி மஜ்ஜே², கம்மவாசா பரியோஸானம்.

ஸதிவினயஸ்ஸ கோ ஆதி³, கிம் மஜ்ஜே², கிம் பரியோஸானந்தி? ஸதிவினயஸ்ஸ வத்து² ச புக்³க³லோ ச ஆதி³, ஞத்தி மஜ்ஜே², கம்மவாசா பரியோஸானம்.

அமூள்ஹவினயஸ்ஸ …பே… தஸ்ஸபாபியஸிகாய…பே… திணவத்தா²ரகஸ்ஸ…பே… பி⁴க்கு²னோவாத³கஸம்முதியா…பே… திசீவரேன அவிப்பவாஸஸம்முதியா…பே… ஸந்த²தஸம்முதியா…பே… ரூபியச²ட்³ட³கஸம்முதியா…பே… ஸாடியக்³கா³ஹாபகஸம்முதியா…பே… பத்தக்³கா³ஹாபகஸம்முதியா…பே… த³ண்ட³ஸம்முதியா…பே… ஸிக்காஸம்முதியா…பே… த³ண்ட³ஸிக்காஸம்முதியா கோ ஆதி³, கிம் மஜ்ஜே², கிம் பரியோஸானந்தி? த³ண்ட³ஸிக்காஸம்முதியா வத்து² ச புக்³க³லோ ச ஆதி³, ஞத்தி மஜ்ஜே², கம்மவாசா பரியோஸானம்.

உபோஸதா²தி³புச்சா²விஸ்ஸஜ்ஜனா நிட்டி²தா.