11. ஸங்க⁴பே⁴த³கவக்³கோ³

459. [சூளவ. 354-355; அ. நி. 10.38 ஆத³யோ] ‘‘கதிஹி நு கோ², ப⁴ந்தே, அங்கே³ஹி ஸமன்னாக³தோ ஸங்க⁴பே⁴த³கோ ஆபாயிகோ நேரயிகோ கப்பட்டோ² அதேகிச்சோ²’’தி? ‘‘பஞ்சஹுபாலி, அங்கே³ஹி ஸமன்னாக³தோ ஸங்க⁴பே⁴த³கோ ஆபாயிகோ நேரயிகோ கப்பட்டோ² அதேகிச்சோ². கதமேஹி பஞ்சஹி? இது⁴பாலி, பி⁴க்கு² அத⁴ம்மம் த⁴ம்மோதி தீ³பேதி, த⁴ம்மம் அத⁴ம்மோதி தீ³பேதி, அவினயம் வினயோதி தீ³பேதி, வினயம் அவினயோதி தீ³பேதி, வினிதா⁴ய தி³ட்டி²ம் கம்மேன – இமேஹி கோ², உபாலி, பஞ்சஹங்கே³ஹி ஸமன்னாக³தோ ஸங்க⁴பே⁴த³கோ ஆபாயிகோ நேரயிகோ கப்பட்டோ² அதேகிச்சோ².

‘‘அபரேஹிபி, உபாலி, பஞ்சஹங்கே³ஹி ஸமன்னாக³தோ ஸங்க⁴பே⁴த³கோ ஆபாயிகோ நேரயிகோ கப்பட்டோ² அதேகிச்சோ². கதமேஹி பஞ்சஹி? இது⁴பாலி, பி⁴க்கு² அத⁴ம்மம் த⁴ம்மோதி தீ³பேதி, த⁴ம்மம் அத⁴ம்மோதி தீ³பேதி, அவினயம் வினயோதி தீ³பேதி, வினயம் அவினயோதி தீ³பேதி, வினிதா⁴ய தி³ட்டி²ம் உத்³தே³ஸேன – இமேஹி கோ², உபாலி, பஞ்சஹங்கே³ஹி ஸமன்னாக³தோ ஸங்க⁴பே⁴த³கோ ஆபாயிகோ நேரயிகோ கப்பட்டோ² அதேகிச்சோ².

‘‘அபரேஹிபி, உபாலி, பஞ்சஹங்கே³ஹி ஸமன்னாக³தோ ஸங்க⁴பே⁴த³கோ ஆபாயிகோ நேரயிகோ கப்பட்டோ² அதேகிச்சோ². கதமேஹி பஞ்சஹி? இது⁴பாலி, பி⁴க்கு² அத⁴ம்மம் த⁴ம்மோதி தீ³பேதி, த⁴ம்மம் அத⁴ம்மோதி தீ³பேதி, அவினயம் வினயோதி தீ³பேதி, வினயம் அவினயோதி தீ³பேதி, வினிதா⁴ய தி³ட்டி² வோஹரந்தோ – இமேஹி கோ², உபாலி, பஞ்சஹங்கே³ஹி ஸமன்னாக³தோ ஸங்க⁴பே⁴த³கோ ஆபாயிகோ நேரயிகோ கப்பட்டோ² அதேகிச்சோ².

‘‘அபரேஹிபி, உபாலி, பஞ்சஹங்கே³ஹி ஸமன்னாக³தோ ஸங்க⁴பே⁴த³கோ ஆபாயிகோ நேரயிகோ கப்பட்டோ² அதேகிச்சோ². கதமேஹி பஞ்சஹி? இது⁴பாலி, பி⁴க்கு² அத⁴ம்மம் த⁴ம்மோதி தீ³பேதி, த⁴ம்மம் அத⁴ம்மோதி தீ³பேதி, அவினயம் வினயோதி தீ³பேதி, வினயம் அவினயோதி தீ³பேதி, வினிதா⁴ய தி³ட்டி²ம் அனுஸ்ஸாவனேன – இமேஹி கோ², உபாலி, பஞ்சஹங்கே³ஹி ஸமன்னாக³தோ ஸங்க⁴பே⁴த³கோ ஆபாயிகோ நேரயிகோ கப்பட்டோ² அதேகிச்சோ².

‘‘அபரேஹிபி, உபாலி, பஞ்சஹங்கே³ஹி ஸமன்னாக³தோ ஸங்க⁴பே⁴த³கோ ஆபாயிகோ நேரயிகோ கப்பட்டோ² அதேகிச்சோ². கதமேஹி பஞ்சஹி? இது⁴பாலி, பி⁴க்கு² அத⁴ம்மம் த⁴ம்மோதி தீ³பேதி, த⁴ம்மம் அத⁴ம்மோதி தீ³பேதி, அவினயம் வினயோதி தீ³பேதி, வினயம் அவினயோதி தீ³பேதி, வினிதா⁴ய தி³ட்டி²ம் ஸலாகக்³கா³ஹேன – இமேஹி கோ², உபாலி, பஞ்சஹங்கே³ஹி ஸமன்னாக³தோ ஸங்க⁴பே⁴த³கோ ஆபாயிகோ நேரயிகோ கப்பட்டோ² அதேகிச்சோ².

‘‘அபரேஹிபி, உபாலி, பஞ்சஹங்கே³ஹி ஸமன்னாக³தோ ஸங்க⁴பே⁴த³கோ ஆபாயிகோ நேரயிகோ கப்பட்டோ² அதேகிச்சோ². கதமேஹி பஞ்சஹி? இது⁴பாலி, பி⁴க்கு² அத⁴ம்மம் த⁴ம்மோதி தீ³பேதி, த⁴ம்மம் அத⁴ம்மோதி தீ³பேதி, அவினயம் வினயோதி தீ³பேதி, வினயம் அவினயோதி தீ³பேதி, வினிதா⁴ய க²ந்திம் கம்மேன…பே… வினிதா⁴ய க²ந்திம் உத்³தே³ஸேன…பே… வினிதா⁴ய க²ந்திம் வோஹரந்தோ…பே… வினிதா⁴ய க²ந்திம் அனுஸ்ஸாவனேன…பே… வினிதா⁴ய க²ந்திம் ஸலாகக்³கா³ஹேன – இமேஹி கோ², உபாலி, பஞ்சஹங்கே³ஹி ஸமன்னாக³தோ ஸங்க⁴பே⁴த³கோ ஆபாயிகோ நேரயிகோ கப்பட்டோ² அதேகிச்சோ².

‘‘அபரேஹிபி, உபாலி, பஞ்சஹங்கே³ஹி ஸமன்னாக³தோ ஸங்க⁴பே⁴த³கோ ஆபாயிகோ நேரயிகோ கப்பட்டோ² அதேகிச்சோ². கதமேஹி பஞ்சஹி? இது⁴பாலி, பி⁴க்கு² அத⁴ம்மம் த⁴ம்மோதி தீ³பேதி, த⁴ம்மம் அத⁴ம்மோதி தீ³பேதி அவினயம் வினயோதி தீ³பேதி, வினயம் அவினயோதி தீ³பேதி, வினிதா⁴ய ருசிம் கம்மேன…பே… வினிதா⁴ய ருசிம் உத்³தே³ஸேன…பே… வினிதா⁴ய ருசிம் வோஹரந்தோ…பே… வினிதா⁴ய ருசிம் அனுஸ்ஸாவனேன…பே… வினிதா⁴ய ருசிம் ஸலாகக்³கா³ஹேன – இமேஹி கோ², உபாலி, பஞ்சஹங்கே³ஹி ஸமன்னாக³தோ ஸங்க⁴பே⁴த³கோ ஆபாயிகோ நேரயிகோ கப்பட்டோ² அதேகிச்சோ².

‘‘அபரேஹிபி, உபாலி, பஞ்சஹங்கே³ஹி ஸமன்னாக³தோ ஸங்க⁴பே⁴த³கோ ஆபாயிகோ நேரயிகோ கப்பட்டோ² அதேகிச்சோ². கதமேஹி பஞ்சஹி? இது⁴பாலி, பி⁴க்கு² அத⁴ம்மம் த⁴ம்மோதி தீ³பேதி, த⁴ம்மம் அத⁴ம்மோதி தீ³பேதி, அவினயம் வினயோதி தீ³பேதி, வினயம் அவினயோதி தீ³பேதி, வினிதா⁴ய ஸஞ்ஞம் கம்மேன…பே… வினிதா⁴ய ஸஞ்ஞம் உத்³தே³ஸேன…பே… வினிதா⁴ய ஸஞ்ஞம் வோஹரந்தோ…பே… வினிதா⁴ய ஸஞ்ஞம் அனுஸ்ஸாவனேன…பே… வினிதா⁴ய ஸஞ்ஞம் ஸலாகக்³கா³ஹேன – இமேஹி கோ², உபாலி, பஞ்சஹங்கே³ஹி ஸமன்னாக³தோ ஸங்க⁴பே⁴த³கோ ஆபாயிகோ நேரயிகோ கப்பட்டோ² அதேகிச்சோ²’’தி.

ஸங்க⁴பே⁴த³கவக்³கோ³ நிட்டி²தோ ஏகாத³ஸமோ.

தஸ்ஸுத்³தா³னம் –

வினிதா⁴ய தி³ட்டி²ம் கம்மேன, உத்³தே³ஸே வோஹரேன ச;

அனுஸ்ஸாவனே ஸலாகேன, பஞ்சேதே தி³ட்டி²னிஸ்ஸிதா;

க²ந்திம் ருசிஞ்ச ஸஞ்ஞஞ்ச, தயோ தே பஞ்சதா⁴ நயாதி.