4. போ⁴ஜனவக்³கோ³

168. ததுத்தரி ஆவஸத²பிண்ட³ம் பு⁴ஞ்ஜந்தோ த்³வே ஆபத்தியோ ஆபஜ்ஜதி. பு⁴ஞ்ஜிஸ்ஸாமீதி படிக்³க³ண்ஹாதி, ஆபத்தி து³க்கடஸ்ஸ; அஜ்ஜோ²ஹாரே அஜ்ஜோ²ஹாரே ஆபத்தி பாசித்தியஸ்ஸ.

க³ணபோ⁴ஜனம் பு⁴ஞ்ஜந்தோ த்³வே ஆபத்தியோ ஆபஜ்ஜதி. பு⁴ஞ்ஜிஸ்ஸாமீதி படிக்³க³ண்ஹாதி, ஆபத்தி து³க்கடஸ்ஸ; அஜ்ஜோ²ஹாரே அஜ்ஜோ²ஹாரே ஆபத்தி பாசித்தியஸ்ஸ.

பரம்பரபோ⁴ஜனம் பு⁴ஞ்ஜந்தோ த்³வே ஆபத்தியோ ஆபஜ்ஜதி. பு⁴ஞ்ஜிஸ்ஸாமீதி படிக்³க³ண்ஹாதி, ஆபத்தி து³க்கடஸ்ஸ; அஜ்ஜோ²ஹாரே அஜ்ஜோ²ஹாரே ஆபத்தி பாசித்தியஸ்ஸ.

த்³வத்திபத்தபூரே பூவே படிக்³க³ஹேத்வா ததுத்தரி படிக்³க³ண்ஹந்தோ த்³வே ஆபத்தியோ ஆபஜ்ஜதி. க³ண்ஹாதி, பயோகே³ து³க்கடம்; க³ஹிதே ஆபத்தி பாசித்தியஸ்ஸ.

பு⁴த்தாவீ பவாரிதோ அனதிரித்தம் கா²த³னீயம் வா போ⁴ஜனீயம் வா பு⁴ஞ்ஜந்தோ த்³வே ஆபத்தியோ ஆபஜ்ஜதி. பு⁴ஞ்ஜிஸ்ஸாமீதி படிக்³க³ண்ஹாதி, ஆபத்தி து³க்கடஸ்ஸ; அஜ்ஜோ²ஹாரே அஜ்ஜோ²ஹாரே ஆபத்தி பாசித்தியஸ்ஸ.

பி⁴க்கு²ம் பு⁴த்தாவிம் பவாரிதம் அனதிரித்தேன கா²த³னீயேன வா போ⁴ஜனீயேன வா அபி⁴ஹட்டு²ம் பவாரேந்தோ த்³வே ஆபத்தியோ ஆபஜ்ஜதி. தஸ்ஸ வசனேன கா²தி³ஸ்ஸாமி பு⁴ஞ்ஜிஸ்ஸாமீதி படிக்³க³ண்ஹாதி, ஆபத்தி து³க்கடஸ்ஸ; போ⁴ஜனபரியோஸானே ஆபத்தி பாசித்தியஸ்ஸ.

விகாலே கா²த³னீயம் வா போ⁴ஜனீயம் வா பு⁴ஞ்ஜந்தோ த்³வே ஆபத்தியோ ஆபஜ்ஜதி. கா²தி³ஸ்ஸாமி பு⁴ஞ்ஜிஸ்ஸாமீதி படிக்³க³ண்ஹாதி, ஆபத்தி து³க்கடஸ்ஸ; அஜ்ஜோ²ஹாரே அஜ்ஜோ²ஹாரே ஆபத்தி பாசித்தியஸ்ஸ.

ஸன்னிதி⁴காரகம் கா²த³னீயம் வா போ⁴ஜனீயம் வா பு⁴ஞ்ஜந்தோ த்³வே ஆபத்தியோ ஆபஜ்ஜதி. கா²தி³ஸ்ஸாமி பு⁴ஞ்ஜிஸ்ஸாமீதி படிக்³க³ண்ஹாதி, ஆபத்தி து³க்கடஸ்ஸ; அஜ்ஜோ²ஹாரே அஜ்ஜோ²ஹாரே ஆபத்தி பாசித்தியஸ்ஸ.

பணீதபோ⁴ஜனானி அத்தனோ அத்தா²ய விஞ்ஞாபேத்வா பு⁴ஞ்ஜந்தோ த்³வே ஆபத்தியோ ஆபஜ்ஜதி. பு⁴ஞ்ஜிஸ்ஸாமீதி படிக்³க³ண்ஹாதி, ஆபத்தி து³க்கடஸ்ஸ; அஜ்ஜோ²ஹாரே அஜ்ஜோ²ஹாரே ஆபத்தி பாசித்தியஸ்ஸ.

அதி³ன்னம் முக²த்³வாரம் ஆஹாரம் ஆஹரந்தோ த்³வே ஆபத்தியோ ஆபஜ்ஜதி. பு⁴ஞ்ஜிஸ்ஸாமீதி படிக்³க³ண்ஹாதி, ஆபத்தி து³க்கடஸ்ஸ; அஜ்ஜோ²ஹாரே அஜ்ஜோ²ஹாரே ஆபத்தி பாசித்தியஸ்ஸ.

போ⁴ஜனவக்³கோ³ சதுத்தோ².