1. லஸுணவக்³கோ³

218. யம் தேன ப⁴க³வதா ஜானதா பஸ்ஸதா அரஹதா ஸம்மாஸம்பு³த்³தே⁴ன லஸுணம் கா²த³ந்தியா பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? து²ல்லனந்த³ம் பி⁴க்கு²னிம் ஆரப்³ப⁴. கிஸ்மிம் வத்து²ஸ்மிந்தி? து²ல்லனந்தா³ பி⁴க்கு²னீ ந மத்தம் ஜானித்வா லஸுணம் ஹராபேஸி, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் த்³வீஹி ஸமுட்டா²னேஹி ஸமுட்டா²தி ஏளகலோமகே…பே….

ஸம்பா³தே⁴ லோமம் ஸம்ஹராபேந்தியா பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ச²ப்³ப³க்³கி³யா பி⁴க்கு²னியோ ஆரப்³ப⁴. கிஸ்மிம் வத்து²ஸ்மிந்தி? ச²ப்³ப³க்³கி³யா பி⁴க்கு²னியோ ஸம்பா³தே⁴ லோமம் ஸம்ஹராபேஸும், தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் சதூஹி ஸமுட்டா²னேஹி ஸமுட்டா²தி…பே….

தலகா⁴தகே பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? த்³வே பி⁴க்கு²னியோ ஆரப்³ப⁴. கிஸ்மிம் வத்து²ஸ்மிந்தி? த்³வே பி⁴க்கு²னியோ தலகா⁴தகம் அகம்ஸு, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் ஏகேன ஸமுட்டா²னேன ஸமுட்டா²தி – பட²மபாராஜிகே…பே….

ஜதுமட்ட²கே பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? அஞ்ஞதரம் பி⁴க்கு²னிம் ஆரப்³ப⁴. கிஸ்மிம் வத்து²ஸ்மிந்தி? அஞ்ஞதரா பி⁴க்கு²னீ ஜதுமட்ட²கம் ஆதி³யி, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் ஏகேன ஸமுட்டா²னேன ஸமுட்டா²தி – பட²மபாராஜிகே…பே….

அதிரேகத்³வங்கு³லபப்³ப³பரமம் உத³கஸுத்³தி⁴கம் ஆதி³யந்தியா பாசித்தியம் கத்த² பஞ்ஞத்தந்தி? ஸக்கேஸு பஞ்ஞத்தம். கம் ஆரப்³பா⁴தி? அஞ்ஞதரம் பி⁴க்கு²னிம் ஆரப்³ப⁴. கிஸ்மிம் வத்து²ஸ்மிந்தி? அஞ்ஞதரா பி⁴க்கு²னீ அதிக³ம்பீ⁴ரம் உத³கஸுத்³தி⁴கம் ஆதி³யி, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் ஏகேன ஸமுட்டா²னேன ஸமுட்டா²தி – பட²மபாராஜிகே…பே….

பி⁴க்கு²ஸ்ஸ பு⁴ஞ்ஜந்தஸ்ஸ பானீயேன வா விதூ⁴பனேன வா உபதிட்ட²ந்தியா பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? அஞ்ஞதரம் பி⁴க்கு²னிம் ஆரப்³ப⁴. கிஸ்மிம் வத்து²ஸ்மிந்தி? அஞ்ஞதரா பி⁴க்கு²னீ பி⁴க்கு²ஸ்ஸ பு⁴ஞ்ஜந்தஸ்ஸ பானீயேன ச விதூ⁴பனேன ச உபதிட்டி², தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் த்³வீஹி ஸமுட்டா²னேஹி ஸமுட்டா²தி – ஏளகலோமகே…பே….

ஆமகத⁴ஞ்ஞம் விஞ்ஞாபேத்வா பு⁴ஞ்ஜந்தியா பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ஸம்ப³ஹுலா பி⁴க்கு²னியோ ஆரப்³ப⁴. கிஸ்மிம் வத்து²ஸ்மிந்தி? ஸம்ப³ஹுலா பி⁴க்கு²னியோ ஆமகத⁴ஞ்ஞம் விஞ்ஞாபேத்வா பு⁴ஞ்ஜிம்ஸு, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் சதூஹி ஸமுட்டா²னேஹி ஸமுட்டா²தி…பே….

உச்சாரம் வா பஸ்ஸாவம் வா ஸங்காரம் வா விகா⁴ஸம் வா திரோகுட்டே [திரோகுட்³டே³ (ஸீ. ஸ்யா.)] ச²ட்³டே³ந்தியா பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? அஞ்ஞதரம் பி⁴க்கு²னிம் ஆரப்³ப⁴. கிஸ்மிம் வத்து²ஸ்மிந்தி? அஞ்ஞதரா பி⁴க்கு²னீ உச்சாரம் [உச்சாரம்பி பஸ்ஸாவம்பி ஸங்காரம்பி விகா⁴ஸம்பி (க.)] திரோகுட்டே ச²ட்³டே³ஸி, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் ச²ஹி ஸமுட்டா²னேஹி ஸமுட்டா²தி…பே….

உச்சாரம் வா பஸ்ஸாவம் வா ஸங்காரம் வா விகா⁴ஸம் வா ஹரிதே ச²ட்³டே³ந்தியா பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ஸம்ப³ஹுலா பி⁴க்கு²னியோ ஆரப்³ப⁴. கிஸ்மிம் வத்து²ஸ்மிந்தி? ஸம்ப³ஹுலா பி⁴க்கு²னியோ உச்சாரம்பி பஸ்ஸாவம்பி ஸங்காரம்பி விகா⁴ஸம்பி ஹரிதே ச²ட்³டே³ஸும், தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் ச²ஹி ஸமுட்டா²னேஹி ஸமுட்டா²தி…பே….

நச்சம் வா கீ³தம் வா வாதி³தம் வா த³ஸ்ஸனாய க³ச்ச²ந்தியா பாசித்தியம் கத்த² பஞ்ஞத்தந்தி? ராஜக³ஹே பஞ்ஞத்தம். கம் ஆரப்³பா⁴தி? ச²ப்³ப³க்³கி³யா பி⁴க்கு²னியோ ஆரப்³ப⁴. கிஸ்மிம் வத்து²ஸ்மிந்தி? ச²ப்³ப³க்³கி³யா பி⁴க்கு²னியோ நச்சம்பி கீ³தம்பி வாதி³தம்பி த³ஸ்ஸனாய அக³மம்ஸு, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் த்³வீஹி ஸமுட்டா²னேஹி ஸமுட்டா²தி – ஏளகலோமகே…பே….

லஸுணவக்³கோ³ பட²மோ.