2. ரத்தந்த⁴காரவக்³கோ³

219. ரத்தந்த⁴காரே அப்பதீ³பே புரிஸேன ஸத்³தி⁴ம் ஏகேனேகாய ஸந்திட்ட²ந்தியா பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? அஞ்ஞதரம் பி⁴க்கு²னிம் ஆரப்³ப⁴. கிஸ்மிம் வத்து²ஸ்மிந்தி? அஞ்ஞதரா பி⁴க்கு²னீ ரத்தந்த⁴காரே அப்பதீ³பே புரிஸேன ஸத்³தி⁴ம் ஏகேனேகா ஸந்திட்டி², தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் த்³வீஹி ஸமுட்டா²னேஹி ஸமுட்டா²தி – தே²ய்யஸத்த²கே…பே….

படிச்ச²ன்னே ஓகாஸே புரிஸேன ஸத்³தி⁴ம் ஏகேனேகாய ஸந்திட்ட²ந்தியா பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? அஞ்ஞதரம் பி⁴க்கு²னிம் ஆரப்³ப⁴. கிஸ்மிம் வத்து²ஸ்மிந்தி? அஞ்ஞதரா பி⁴க்கு²னீ படிச்ச²ன்னே ஓகாஸே புரிஸேன ஸத்³தி⁴ம் ஏகேனேகா ஸந்திட்டி², தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் த்³வீஹி ஸமுட்டா²னேஹி ஸமுட்டா²தி – தே²ய்யஸத்த²கே…பே….

அஜ்ஜோ²காஸே புரிஸேன ஸத்³தி⁴ம் ஏகேனேகாய ஸந்திட்ட²ந்தியா பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? அஞ்ஞதரம் பி⁴க்கு²னிம் ஆரப்³ப⁴. கிஸ்மிம் வத்து²ஸ்மிந்தி? அஞ்ஞதரா பி⁴க்கு²னீ அஜ்ஜோ²காஸே புரிஸேன ஸத்³தி⁴ம் ஏகேனேகா ஸந்திட்டி², தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் த்³வீஹி ஸமுட்டா²னேஹி ஸமுட்டா²தி – தே²ய்யஸத்த²கே…பே….

ரதி²கா வா [ரதி²யாய வா (க.)] ப்³யூஹே வா ஸிங்கா⁴டகே வா புரிஸேன ஸத்³தி⁴ம் ஏகேனேகாய ஸந்திட்ட²ந்தியா பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? து²ல்லனந்த³ம் பி⁴க்கு²னிம் ஆரப்³ப⁴. கிஸ்மிம் வத்து²ஸ்மிந்தி? து²ல்லனந்தா³ பி⁴க்கு²னீ ரதி²காயபி ப்³யூஹேபி ஸிங்கா⁴டகேபி புரிஸேன ஸத்³தி⁴ம் ஏகேனேகா ஸந்திட்டி², தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் த்³வீஹி ஸமுட்டா²னேஹி ஸமுட்டா²தி – தே²ய்யஸத்த²கே…பே….

புரேப⁴த்தம் குலானி உபஸங்கமித்வா ஆஸனே நிஸீதி³த்வா ஸாமிகே அனாபுச்சா² பக்கமந்தியா பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? அஞ்ஞதரம் பி⁴க்கு²னிம் ஆரப்³ப⁴. கிஸ்மிம் வத்து²ஸ்மிந்தி? அஞ்ஞதரா பி⁴க்கு²னீ புரேப⁴த்தம் குலானி உபஸங்கமித்வா ஆஸனே நிஸீதி³த்வா ஸாமிகே அனாபுச்சா² பக்காமி, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் த்³வீஹி ஸமுட்டா²னேஹி ஸமுட்டா²தி – கதி²னகே…பே….

பச்சா²ப⁴த்தம் குலானி உபஸங்கமித்வா ஸாமிகே அனாபுச்சா² ஆஸனே அபி⁴னிஸீத³ந்தியா பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? து²ல்லனந்த³ம் பி⁴க்கு²னிம் ஆரப்³ப⁴. கிஸ்மிம் வத்து²ஸ்மிந்தி? து²ல்லனந்தா³ பி⁴க்கு²னீ பச்சா²ப⁴த்தம் குலானி உபஸங்கமித்வா ஸாமிகே அனாபுச்சா² ஆஸனே அபி⁴னிஸீதி³, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் த்³வீஹி ஸமுட்டா²னேஹி ஸமுட்டா²தி – கதி²னகே…பே….

விகாலே குலானி உபஸங்கமித்வா ஸாமிகே அனாபுச்சா² ஸேய்யம் ஸந்த²ரித்வா வா ஸந்த²ராபேத்வா வா அபி⁴னிஸீத³ந்தியா பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ஸம்ப³ஹுலா பி⁴க்கு²னியோ ஆரப்³ப⁴. கிஸ்மிம் வத்து²ஸ்மிந்தி? ஸம்ப³ஹுலா பி⁴க்கு²னியோ விகாலே குலானி உபஸங்கமித்வா ஸாமிகே அனாபுச்சா² ஸேய்யம் ஸந்த²ரித்வா அபி⁴னிஸீதி³ம்ஸு, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் த்³வீஹி ஸமுட்டா²னேஹி ஸமுட்டா²தி – கதி²னகே…பே….

து³க்³க³ஹிதேன தூ³பதா⁴ரிதேன பரம் உஜ்ஜா²பேந்தியா பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? அஞ்ஞதரம் பி⁴க்கு²னிம் ஆரப்³ப⁴. கிஸ்மிம் வத்து²ஸ்மிந்தி? அஞ்ஞதரா பி⁴க்கு²னீ து³க்³க³ஹிதேன தூ³பதா⁴ரிதேன பரம் உஜ்ஜா²பேஸி, தஸ்மிம் வத்து²ஸ்மிம். ஏகா பஞ்ஞத்தி ச²ன்னம் ஆபத்திஸமுட்டா²னானம் தீஹி ஸமுட்டா²னேஹி ஸமுட்டா²தி…பே….

அத்தானம் வா பரம் வா நிரயேன வா ப்³ரஹ்மசரியேன வா அபி⁴ஸபந்தியா பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? சண்ட³காளிம் பி⁴க்கு²னிம் ஆரப்³ப⁴. கிஸ்மிம் வத்து²ஸ்மிந்தி? சண்ட³காளீ பி⁴க்கு²னீ அத்தானம்பி பரம்பி நிரயேனபி ப்³ரஹ்மசரியேனபி அபி⁴ஸபி, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் தீஹி ஸமுட்டா²னேஹி ஸமுட்டா²தி…பே….

அத்தானம் வதி⁴த்வா வதி⁴த்வா ரோத³ந்தியா பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? சண்ட³காளிம் பி⁴க்கு²னிம் ஆரப்³ப⁴. கிஸ்மிம் வத்து²ஸ்மிந்தி? சண்ட³காளீ பி⁴க்கு²னீ அத்தானம் வதி⁴த்வா வதி⁴த்வா ரோதி³, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் ஏகேன ஸமுட்டா²னேன ஸமுட்டா²தி – து⁴ரனிக்கே²பே…பே….

ரத்தந்த⁴காரவக்³கோ³ து³தியோ.