6. ஆராமவக்³கோ³

223. ஜானம் ஸபி⁴க்கு²கம் ஆராமம் அனாபுச்சா² பவிஸந்தியா பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ஸம்ப³ஹுலா பி⁴க்கு²னியோ ஆரப்³ப⁴. கிஸ்மிம் வத்து²ஸ்மிந்தி? ஸம்ப³ஹுலா பி⁴க்கு²னியோ ஆராமம் அனாபுச்சா² பவிஸிம்ஸு, தஸ்மிம் வத்து²ஸ்மிம். ஏகா பஞ்ஞத்தி, த்³வே அனுபஞ்ஞத்தியோ. ச²ன்னம் ஆபத்திஸமுட்டா²னானம் ஏகேன ஸமுட்டா²னேன ஸமுட்டா²தி – து⁴ரனிக்கே²பே…பே….

பி⁴க்கு²ம் அக்கோஸந்தியா பரிபா⁴ஸந்தியா பாசித்தியம் கத்த² பஞ்ஞத்தந்தி? வேஸாலியம் பஞ்ஞத்தம். கம் ஆரப்³பா⁴தி? ச²ப்³ப³க்³கி³யா பி⁴க்கு²னியோ ஆரப்³ப⁴. கிஸ்மிம் வத்து²ஸ்மிந்தி? ச²ப்³ப³க்³கி³யா பி⁴க்கு²னியோ ஆயஸ்மந்தம் உபாலிம் அக்கோஸிம்ஸு, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் தீஹி ஸமுட்டா²னேஹி ஸமுட்டா²தி…பே….

சண்டீ³கதாய க³ணம் பரிபா⁴ஸந்தியா பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? து²ல்லனந்த³ம் பி⁴க்கு²னிம் ஆரப்³ப⁴. கிஸ்மிம் வத்து²ஸ்மிந்தி? து²ல்லனந்தா³ பி⁴க்கு²னீ சண்டீ³கதாய க³ணம் பரிபா⁴ஸி, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் தீஹி ஸமுட்டா²னேஹி ஸமுட்டா²தி…பே….

நிமந்திதாய வா பவாரிதாய வா கா²த³னீயம் வா போ⁴ஜனீயம் வா அஞ்ஞத்ர பு⁴ஞ்ஜந்தியா பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ஸம்ப³ஹுலா பி⁴க்கு²னியோ ஆரப்³ப⁴. கிஸ்மிம் வத்து²ஸ்மிந்தி? ஸம்ப³ஹுலா பி⁴க்கு²னியோ பு⁴த்தாவினியோ பவாரிதா அஞ்ஞத்ர பு⁴ஞ்ஜிம்ஸு, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் சதூஹி ஸமுட்டா²னேஹி ஸமுட்டா²தி…பே….

குலம் மச்ச²ராயந்தியா பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? அஞ்ஞதரம் பி⁴க்கு²னிம் ஆரப்³ப⁴. கிஸ்மிம் வத்து²ஸ்மிந்தி? அஞ்ஞதரா பி⁴க்கு²னீ குலம் மச்ச²ராயி, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் தீஹி ஸமுட்டா²னேஹி ஸமுட்டா²தி…பே….

அபி⁴க்கு²கே ஆவாஸே வஸ்ஸம் வஸந்தியா பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ஸம்ப³ஹுலா பி⁴க்கு²னியோ ஆரப்³ப⁴. கிஸ்மிம் வத்து²ஸ்மிந்தி? ஸம்ப³ஹுலா பி⁴க்கு²னியோ அபி⁴க்கு²கே ஆவாஸே வஸ்ஸம் வஸிம்ஸு, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் த்³வீஹி ஸமுட்டா²னேஹி ஸமுட்டா²தி – ஏளகலோமகே…பே….

வஸ்ஸம்வுட்டா²ய பி⁴க்கு²னியா உப⁴தோஸங்கே⁴ தீஹி டா²னேஹி ந பவாரேந்தியா பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ஸம்ப³ஹுலா பி⁴க்கு²னியோ ஆரப்³ப⁴. கிஸ்மிம் வத்து²ஸ்மிந்தி? ஸம்ப³ஹுலா பி⁴க்கு²னியோ வஸ்ஸம்வுட்டா² பி⁴க்கு²ஸங்க⁴ம் [பி⁴க்கு²னிஸம்கே⁴ (க.)] ந பவாரேஸும், தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் ஏகேன ஸமுட்டா²னேன ஸமுட்டா²தி – து⁴ரனிக்கே²பே…பே….

ஓவாதா³ய வா ஸம்வாஸாய வா ந க³ச்ச²ந்தியா பாசித்தியம் கத்த² பஞ்ஞத்தந்தி? ஸக்கேஸு பஞ்ஞத்தம். கம் ஆரப்³பா⁴தி? ச²ப்³ப³க்³கி³யா பி⁴க்கு²னியோ ஆரப்³ப⁴. கிஸ்மிம் வத்து²ஸ்மிந்தி? ச²ப்³ப³க்³கி³யா பி⁴க்கு²னியோ ஓவாத³ம் ந க³ச்சி²ம்ஸு, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் ஏகேன ஸமுட்டா²னேன ஸமுட்டா²தி – பட²மபாராஜிகே…பே….

உபோஸத²ம்பி ந புச்ச²ந்தியா ஓவாத³ம்பி ந யாசந்தியா பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ஸம்ப³ஹுலா பி⁴க்கு²னியோ ஆரப்³ப⁴. கிஸ்மிம் வத்து²ஸ்மிந்தி? ஸம்ப³ஹுலா பி⁴க்கு²னியோ உபோஸத²ம்பி ந புச்சி²ம்ஸு ஓவாத³ம்பி ந யாசிம்ஸு, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் ஏகேன ஸமுட்டா²னேன ஸமுட்டா²தி – து⁴ரனிக்கே²பே…பே….

பஸாகே² ஜாதம் க³ண்ட³ம் வா ருதி⁴தம் [ருஹிதம் (ஸீ. ஸ்யா.)] வா அனபலோகேத்வா ஸங்க⁴ம் வா க³ணம் வா புரிஸேன ஸத்³தி⁴ம் ஏகேனேகாய பே⁴தா³பேந்தியா பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? அஞ்ஞதரம் பி⁴க்கு²னிம் ஆரப்³ப⁴. கிஸ்மிம் வத்து²ஸ்மிந்தி? அஞ்ஞதரா பி⁴க்கு²னீ பஸாகே² ஜாதம் க³ண்ட³ம் புரிஸேன ஸத்³தி⁴ம் ஏகேனேகா பே⁴தா³பேஸி, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் த்³வீஹி ஸமுட்டா²னேஹி ஸமுட்டா²தி – கதி²னகே…பே….

ஆராமவக்³கோ³ ச²ட்டோ².