7. க³ப்³பி⁴னீவக்³கோ³

224. க³ப்³பி⁴னிம் வுட்டா²பேந்தியா பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ஸம்ப³ஹுலா பி⁴க்கு²னியோ ஆரப்³ப⁴. கிஸ்மிம் வத்து²ஸ்மிந்தி? ஸம்ப³ஹுலா பி⁴க்கு²னியோ க³ப்³பி⁴னிம் வுட்டா²பேஸும், தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் தீஹி ஸமுட்டா²னேஹி ஸமுட்டா²தி…பே….

பாயந்திம் வுட்டா²பேந்தியா பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ஸம்ப³ஹுலா பி⁴க்கு²னியோ ஆரப்³ப⁴. கிஸ்மிம் வத்து²ஸ்மிந்தி? ஸம்ப³ஹுலா பி⁴க்கு²னியோ பாயந்திம் வுட்டா²பேஸும், தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் தீஹி ஸமுட்டா²னேஹி ஸமுட்டா²தி…பே….

த்³வே வஸ்ஸானி ச²ஸு த⁴ம்மேஸு அஸிக்கி²தஸிக்க²ம் ஸிக்க²மானம் வுட்டா²பேந்தியா பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ஸம்ப³ஹுலா பி⁴க்கு²னியோ ஆரப்³ப⁴. கிஸ்மிம் வத்து²ஸ்மிந்தி? ஸம்ப³ஹுலா பி⁴க்கு²னியோ த்³வே வஸ்ஸானி ச²ஸு த⁴ம்மேஸு அஸிக்கி²தஸிக்க²ம் ஸிக்க²மானம் வுட்டா²பேஸும், தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் தீஹி ஸமுட்டா²னேஹி ஸமுட்டா²தி…பே….

த்³வே வஸ்ஸானி ச²ஸு த⁴ம்மேஸு ஸிக்கி²தஸிக்க²ம் ஸிக்க²மானம் ஸங்கே⁴ன அஸம்மதம் வுட்டா²பேந்தியா பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ஸம்ப³ஹுலா பி⁴க்கு²னியோ ஆரப்³ப⁴. கிஸ்மிம் வத்து²ஸ்மிந்தி? ஸம்ப³ஹுலா பி⁴க்கு²னியோ த்³வே வஸ்ஸானி ச²ஸு த⁴ம்மேஸு ஸிக்கி²தஸிக்க²ம் ஸிக்க²மானம் ஸங்கே⁴ன அஸம்மதம் வுட்டா²பேஸும், தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் தீஹி ஸமுட்டா²னேஹி ஸமுட்டா²தி…பே….

ஊனத்³வாத³ஸவஸ்ஸம் கி³ஹிக³தம் வுட்டா²பேந்தியா பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ஸம்ப³ஹுலா பி⁴க்கு²னியோ ஆரப்³ப⁴. கிஸ்மிம் வத்து²ஸ்மிந்தி? ஸம்ப³ஹுலா பி⁴க்கு²னியோ ஊனத்³வாத³ஸவஸ்ஸம் கி³ஹிக³தம் வுட்டா²பேஸும், தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் தீஹி ஸமுட்டா²னேஹி ஸமுட்டா²தி…பே….

பரிபுண்ணத்³வாத³ஸவஸ்ஸம் கி³ஹிக³தம் த்³வே வஸ்ஸானி ச²ஸு த⁴ம்மேஸு அஸிக்கி²தஸிக்க²ம் வுட்டா²பேந்தியா பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ஸம்ப³ஹுலா பி⁴க்கு²னியோ ஆரப்³ப⁴. கிஸ்மிம் வத்து²ஸ்மிந்தி? ஸம்ப³ஹுலா பி⁴க்கு²னியோ பரிபுண்ணத்³வாத³ஸவஸ்ஸம் கி³ஹிக³தம் த்³வே வஸ்ஸானி ச²ஸு த⁴ம்மேஸு அஸிக்கி²தஸிக்க²ம் வுட்டா²பேஸும், தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் தீஹி ஸமுட்டா²னேஹி ஸமுட்டா²தி…பே….

பரிபுண்ணத்³வாத³ஸவஸ்ஸம் கி³ஹிக³தம் த்³வே வஸ்ஸானி ச²ஸு த⁴ம்மேஸு ஸிக்கி²தஸிக்க²ம் ஸங்கே⁴ன அஸம்மதம் வுட்டா²பேந்தியா பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ஸம்ப³ஹுலா பி⁴க்கு²னியோ ஆரப்³ப⁴. கிஸ்மிம் வத்து²ஸ்மிந்தி? ஸம்ப³ஹுலா பி⁴க்கு²னியோ பரிபுண்ணத்³வாத³ஸவஸ்ஸம் கி³ஹிக³தம் த்³வே வஸ்ஸானி ச²ஸு த⁴ம்மேஸு ஸிக்கி²தஸிக்க²ம் ஸங்கே⁴ன அஸம்மதம் வுட்டா²பேஸும், தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் தீஹி ஸமுட்டா²னேஹி ஸமுட்டா²தி…பே….

ஸஹஜீவினிம் வுட்டா²பேத்வா த்³வே வஸ்ஸானி நேவ அனுக்³க³ண்ஹந்தியா ந அனுக்³க³ண்ஹாபேந்தியா பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? து²ல்லனந்த³ம் பி⁴க்கு²னிம் ஆரப்³ப⁴. கிஸ்மிம் வத்து²ஸ்மிந்தி? து²ல்லனந்தா³ பி⁴க்கு²னீ ஸஹஜீவினிம் வுட்டா²பேத்வா த்³வே வஸ்ஸானி நேவ அனுக்³க³ஹேஸி ந அனுக்³க³ண்ஹாபேஸி, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் ஏகேன ஸமுட்டா²னேன ஸமுட்டா²தி – து⁴ரனிக்கே²பே…பே….

வுட்டா²பிதம் பவத்தினிம் த்³வே வஸ்ஸானி நானுப³ந்த⁴ந்தியா பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ஸம்ப³ஹுலா பி⁴க்கு²னியோ ஆரப்³ப⁴. கிஸ்மிம் வத்து²ஸ்மிந்தி? ஸம்ப³ஹுலா பி⁴க்கு²னியோ வுட்டா²பிதம் பவத்தினிம் த்³வே வஸ்ஸானி நானுப³ந்தி⁴ம்ஸு, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் ஏகேன ஸமுட்டா²னேன ஸமுட்டா²தி – பட²மபாராஜிகே…பே….

ஸஹஜீவினிம் வுட்டா²பேத்வா நேவ வூபகாஸேந்தியா ந வூபகாஸாபேந்தியா பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? து²ல்லனந்த³ம் பி⁴க்கு²னிம் ஆரப்³ப⁴. கிஸ்மிம் வத்து²ஸ்மிந்தி? து²ல்லனந்தா³ பி⁴க்கு²னீ ஸஹஜீவினிம் வுட்டா²பேத்வா நேவ வூபகாஸேஸி ந வூபகாஸாபேஸி, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் ஏகேன ஸமுட்டா²னேன ஸமுட்டா²தி – து⁴ரனிக்கே²பே…பே….

க³ப்³பி⁴னிவக்³கோ³ ஸத்தமோ.