6. ஸுருஸுருவக்³கோ³

155. அனாத³ரியம் படிச்ச ஸுருஸுருகாரகம் பு⁴ஞ்ஜந்தஸ்ஸ து³க்கடம் கத்த² பஞ்ஞத்தந்தி? கோஸம்பி³யம் பஞ்ஞத்தம். கம் ஆரப்³பா⁴தி? ஸம்ப³ஹுலே பி⁴க்கூ² ஆரப்³ப⁴. கிஸ்மிம் வத்து²ஸ்மிந்தி? ஸம்ப³ஹுலா பி⁴க்கூ² ஸுருஸுருகாரகம் கீ²ரம் பிவிம்ஸு, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் ஏகேன ஸமுட்டா²னேன ஸமுட்டா²தி – காயதோ ச சித்ததோ ச ஸமுட்டா²தி, ந வாசதோ…பே….

அனாத³ரியம் படிச்ச ஹத்த²னில்லேஹகம் பு⁴ஞ்ஜந்தஸ்ஸ து³க்கடம்…பே… ஏகா பஞ்ஞத்தி. ஏகேன ஸமுட்டா²னேன ஸமுட்டா²தி – காயதோ ச சித்ததோ ச ஸமுட்டா²தி, ந வாசதோ…பே….

அனாத³ரியம் படிச்ச பத்தனில்லேஹகம் பு⁴ஞ்ஜந்தஸ்ஸ து³க்கடம்…பே… ஏகா பஞ்ஞத்தி. ஏகேன ஸமுட்டா²னேன ஸமுட்டா²தி – காயதோ ச சித்ததோ ச ஸமுட்டா²தி, ந வாசதோ…பே….

அனாத³ரியம் படிச்ச ஓட்ட²னில்லேஹகம் பு⁴ஞ்ஜந்தஸ்ஸ து³க்கடம்…பே… ஏகா பஞ்ஞத்தி. ஏகேன ஸமுட்டா²னேன ஸமுட்டா²தி – காயதோ ச சித்ததோ ச ஸமுட்டா²தி, ந வாசதோ…பே….

அனாத³ரியம் படிச்ச ஸாமிஸேன ஹத்தே²ன பானீயதா²லகம் படிக்³க³ண்ஹந்தஸ்ஸ து³க்கடம் கத்த² பஞ்ஞத்தந்தி? ப⁴க்³கே³ஸு பஞ்ஞத்தம். கம் ஆரப்³பா⁴தி? ஸம்ப³ஹுலே பி⁴க்கூ² ஆரப்³ப⁴. கிஸ்மிம் வத்து²ஸ்மிந்தி? ஸம்ப³ஹுலா பி⁴க்கூ² ஸாமிஸேன ஹத்தே²ன பானீயதா²லகம் படிக்³க³ஹேஸும், தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் ஏகேன ஸமுட்டா²னேன ஸமுட்டா²தி – காயதோ ச சித்ததோ ச ஸமுட்டா²தி, ந வாசதோ…பே….

அனாத³ரியம் படிச்ச ஸஸித்த²கம் பத்ததோ⁴வனம் அந்தரக⁴ரே ச²ட்³டே³ந்தஸ்ஸ து³க்கடம் கத்த² பஞ்ஞத்தந்தி? ப⁴க்³கே³ஸு பஞ்ஞத்தம். கம் ஆரப்³பா⁴தி? ஸம்ப³ஹுலே பி⁴க்கூ² ஆரப்³ப⁴. கிஸ்மிம் வத்து²ஸ்மிந்தி? ஸம்ப³ஹுலா பி⁴க்கூ² ஸஸித்த²கம் பத்ததோ⁴வனம் அந்தரக⁴ரே ச²ட்³டே³ஸும், தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் ஏகேன ஸமுட்டா²னேன ஸமுட்டா²தி – காயதோ ச சித்ததோ ச ஸமுட்டா²தி, ந வாசதோ…பே….

அனாத³ரியம் படிச்ச ச²த்தபாணிஸ்ஸ த⁴ம்மம் தே³ஸேந்தஸ்ஸ து³க்கடம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ச²ப்³ப³க்³கி³யே பி⁴க்கூ² ஆரப்³ப⁴. கிஸ்மிம் வத்து²ஸ்மிந்தி? ச²ப்³ப³க்³கி³யா பி⁴க்கூ² ச²த்தபாணிஸ்ஸ த⁴ம்மம் தே³ஸேஸும், தஸ்மிம் வத்து²ஸ்மிம். ஏகா பஞ்ஞத்தி, ஏகா அனுபஞ்ஞத்தி. ச²ன்னம் ஆபத்திஸமுட்டா²னானம் ஏகேன ஸமுட்டா²னேன ஸமுட்டா²தி – வாசதோ ச சித்ததோ ச ஸமுட்டா²தி, ந காயதோ…பே….

அனாத³ரியம் படிச்ச த³ண்ட³பாணிஸ்ஸ த⁴ம்மம் தே³ஸேந்தஸ்ஸ து³க்கடம்…பே… ஏகா பஞ்ஞத்தி, ஏகா அனுபஞ்ஞத்தி. ச²ன்னம் ஆபத்திஸமுட்டா²னானம் ஏகேன ஸமுட்டா²னேன ஸமுட்டா²தி – வாசதோ ச சித்ததோ ச ஸமுட்டா²தி, ந காயதோ…பே….

அனாத³ரியம் படிச்ச ஸத்த²பாணிஸ்ஸ த⁴ம்மம் தே³ஸேந்தஸ்ஸ து³க்கடம்…பே… ஏகா பஞ்ஞத்தி, ஏகா அனுபஞ்ஞத்தி. ச²ன்னம் ஆபத்திஸமுட்டா²னானம் ஏகேன ஸமுட்டா²னேன ஸமுட்டா²தி – வாசதோ ச சித்ததோ ச ஸமுட்டா²தி, ந காயதோ…பே….

அனாத³ரியம் படிச்ச ஆவுத⁴பாணிஸ்ஸ த⁴ம்மம் தே³ஸேந்தஸ்ஸ து³க்கடம்…பே… ஏகா பஞ்ஞத்தி, ஏகா அனுபஞ்ஞத்தி. ச²ன்னம் ஆபத்திஸமுட்டா²னானம் ஏகேன ஸமுட்டா²னேன ஸமுட்டா²தி – வாசதோ ச சித்ததோ ச ஸமுட்டா²தி, ந காயதோ…பே….

ஸுருஸுருவக்³கோ³ ச²ட்டோ².