7. பாது³கவக்³கோ³

156. அனாத³ரியம் படிச்ச பாது³காருள்ஹஸ்ஸ த⁴ம்மம் தே³ஸேந்தஸ்ஸ து³க்கடம்…பே… ஏகா பஞ்ஞத்தி, ஏகா அனுபஞ்ஞத்தி. ச²ன்னம் ஆபத்திஸமுட்டா²னானம் ஏகேன ஸமுட்டா²னேன ஸமுட்டா²தி – வாசதோ ச சித்ததோ ச ஸமுட்டா²தி, ந காயதோ…பே….

அனாத³ரியம் படிச்ச உபாஹனாருள்ஹஸ்ஸ த⁴ம்மம் தே³ஸேந்தஸ்ஸ து³க்கடம்…பே… ஏகா பஞ்ஞத்தி, ஏகா அனுபஞ்ஞத்தி. ச²ன்னம் ஆபத்திஸமுட்டா²னானம் ஏகேன ஸமுட்டா²னேன ஸமுட்டா²தி – வாசதோ ச சித்ததோ ச ஸமுட்டா²தி, ந காயதோ…பே….

அனாத³ரியம் படிச்ச யானக³தஸ்ஸ த⁴ம்மம் தே³ஸேந்தஸ்ஸ து³க்கடம்…பே… ஏகா பஞ்ஞத்தி, ஏகா அனுபஞ்ஞத்தி. ச²ன்னம் ஆபத்திஸமுட்டா²னானம் ஏகேன ஸமுட்டா²னேன ஸமுட்டா²தி – வாசதோ ச சித்ததோ ச ஸமுட்டா²தி, ந காயதோ…பே….

அனாத³ரியம் படிச்ச ஸயனக³தஸ்ஸ த⁴ம்மம் தே³ஸேந்தஸ்ஸ து³க்கடம்…பே… ஏகா பஞ்ஞத்தி, ஏகா அனுபஞ்ஞத்தி. ச²ன்னம் ஆபத்திஸமுட்டா²னானம் ஏகேன ஸமுட்டா²னேன ஸமுட்டா²தி – வாசதோ ச சித்ததோ ச ஸமுட்டா²தி, ந காயதோ…பே….

அனாத³ரியம் படிச்ச பல்லத்தி²காய நிஸின்னஸ்ஸ த⁴ம்மம் தே³ஸேந்தஸ்ஸ து³க்கடம்…பே… ஏகா பஞ்ஞத்தி, ஏகா அனுபஞ்ஞத்தி. ச²ன்னம் ஆபத்திஸமுட்டா²னானம் ஏகேன ஸமுட்டா²னே ஸமுட்டா²தி – வாசதோ ச சித்ததோ ச ஸமுட்டா²தி, ந காயதோ…பே….

அனாத³ரியம் படிச்ச வேடி²தஸீஸஸ்ஸ த⁴ம்மம் தே³ஸேந்தஸ்ஸ து³க்கடம்…பே… ஏகா பஞ்ஞத்தி, ஏகா அனுபஞ்ஞத்தி. ச²ன்னம் ஆபத்திஸமுட்டா²னானம் ஏகேன ஸமுட்டா²னேன ஸமுட்டா²தி – வாசதோ ச சித்ததோ ச ஸமுட்டா²தி, ந காயதோ…பே….

அனாத³ரியம் படிச்ச ஓகு³ண்டி²தஸீஸஸ்ஸ த⁴ம்மம் தே³ஸேந்தஸ்ஸ து³க்கடம்…பே… ஏகா பஞ்ஞத்தி, ஏகா அனுபஞ்ஞத்தி. ச²ன்னம் ஆபத்திஸமுட்டா²னானம் ஏகேன ஸமுட்டா²னேன ஸமுட்டா²தி – வாசதோ ச சித்ததோ ச ஸமுட்டா²தி, ந காயதோ…பே….

அனாத³ரியம் படிச்ச ச²மாயம் நிஸீதி³த்வா ஆஸனே நிஸின்னஸ்ஸ த⁴ம்மம் தே³ஸேந்தஸ்ஸ து³க்கடம்…பே… ஏகா பஞ்ஞத்தி, ஏகா அனுபஞ்ஞத்தி. ச²ன்னம் ஆபத்திஸமுட்டா²னானம் ஏகேன ஸமுட்டா²னேன ஸமுட்டா²தி – காயதோ ச வாசதோ ச சித்ததோ ச ஸமுட்டா²தி…பே….

அனாத³ரியம் படிச்ச நீசே ஆஸனே நிஸீதி³த்வா உச்சே ஆஸனே நிஸின்னஸ்ஸ த⁴ம்மம் தே³ஸேந்தஸ்ஸ து³க்கடம்…பே… ஏகா பஞ்ஞத்தி, ஏகா அனுபஞ்ஞத்தி. ச²ன்னம் ஆபத்திஸமுட்டா²னானம் ஏகேன ஸமுட்டா²னேன ஸமுட்டா²தி – காயதோ ச வாசதோ ச சித்ததோ ச ஸமுட்டா²தி…பே….

அனாத³ரியம் படிச்ச டி²தேன நிஸின்னஸ்ஸ த⁴ம்மம் தே³ஸேந்தஸ்ஸ து³க்கடம்…பே… ஏகா பஞ்ஞத்தி, ஏகா அனுபஞ்ஞத்தி. ச²ன்னம் ஆபத்திஸமுட்டா²னானம் ஏகேன ஸமுட்டா²னேன ஸமுட்டா²தி – காயதோ ச வாசதோ ச சித்ததோ ச ஸமுட்டா²தி…பே….

அனாத³ரியம் படிச்ச பச்ச²தோ க³ச்ச²ந்தேன புரதோ க³ச்ச²ந்தஸ்ஸ த⁴ம்மம் தே³ஸேந்தஸ்ஸ து³க்கடம்…பே… ஏகா பஞ்ஞத்தி, ஏகா அனுபஞ்ஞத்தி. ச²ன்னம் ஆபத்திஸமுட்டா²னானம் ஏகேன ஸமுட்டா²னேன ஸமுட்டா²தி – காயதோ ச வாசதோ ச சித்ததோ ச ஸமுட்டா²தி…பே….

அனாத³ரியம் படிச்ச உப்பதே²ன க³ச்ச²ந்தேன பதே²ன க³ச்ச²ந்தஸ்ஸ த⁴ம்மம் தே³ஸேந்தஸ்ஸ து³க்கடம்…பே… ஏகா பஞ்ஞத்தி, ஏகா அனுபஞ்ஞத்தி. ச²ன்னம் ஆபத்திஸமுட்டா²னானம் ஏகேன ஸமுட்டா²னேன ஸமுட்டா²தி – காயதோ ச வாசதோ ச சித்ததோ ச ஸமுட்டா²தி…பே….

அனாத³ரியம் படிச்ச டி²தேன உச்சாரம் வா பஸ்ஸாவம் வா கரோந்தஸ்ஸ து³க்கடம்…பே… ஏகா பஞ்ஞத்தி, ஏகா அனுபஞ்ஞத்தி. ச²ன்னம் ஆபத்திஸமுட்டா²னானம் ஏகேன ஸமுட்டா²னே ஸமுட்டா²தி – காயதோ ச சித்ததோ ச ஸமுட்டா²தி, ந வாசதோ…பே….

அனாத³ரியம் படிச்ச ஹரிதே உச்சாரம் வா பஸ்ஸாவம் வா கே²ளம் வா கரோந்தஸ்ஸ து³க்கடம்…பே… ஏகா பஞ்ஞத்தி, ஏகா அனுபஞ்ஞத்தி. ச²ன்னம் ஆபத்திஸமுட்டா²னானம் ஏகேன ஸமுட்டா²னேன ஸமுட்டா²தி – காயதோ ச சித்ததோ ச ஸமுட்டா²தி, ந வாசதோ…பே….

அனாத³ரியம் படிச்ச உத³கே உச்சாரம் வா பஸ்ஸாவம் வா கே²ளம் வா கரோந்தஸ்ஸ து³க்கடம்…பே… கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ச²ப்³ப³க்³கி³யே பி⁴க்கூ² ஆரப்³ப⁴. கிஸ்மிம் வத்து²ஸ்மிந்தி? ச²ப்³ப³க்³கி³யா பி⁴க்கூ² உத³கே உச்சாரம்பி பஸ்ஸாவம்பி கே²ளம்பி அகம்ஸு, தஸ்மிம் வத்து²ஸ்மிம். ஏகா பஞ்ஞத்தி, ஏகா அனுபஞ்ஞத்தி. ச²ன்னம் ஆபத்திஸமுட்டா²னானம் ஏகேன ஸமுட்டா²னேன ஸமுட்டா²தி – காயதோ ச சித்ததோ ச ஸமுட்டா²தி, ந வாசதோ…பே….

பாது³கவக்³கோ³ ஸத்தமோ.

பஞ்சஸத்ததி ஸேகி²யா நிட்டி²தா.

தஸ்ஸுத்³தா³னம் –

பரிமண்ட³லம் படிச்ச²ன்னம், ஸுஸம்வுதோக்கி²த்தசக்கு²;

உக்கி²த்தோஜ்ஜக்³கி⁴கா ஸத்³தோ³, தயோ சேவ பசாலனா.

க²ம்ப⁴ம் ஓகு³ண்டி²தோ சேவுக்குடிபல்லத்தி²காய ச;

ஸக்கச்சம் பத்தஸஞ்ஞீ ச, ஸமஸூபம் ஸமதித்திகம் [ஸமதித்தி²கம் (க.)].

ஸக்கச்சம் பத்தஸஞ்ஞீ ச, ஸபதா³னம் ஸமஸூபகம்;

தூ²பகதோ படிச்ச²ன்னம், விஞ்ஞத்துஜ்ஜா²னஸஞ்ஞினா.

ந மஹந்தம் மண்ட³லம் த்³வாரம், ஸப்³ப³ம் ஹத்த²ம் ந ப்³யாஹரே;

உக்கே²போ சே²த³னா க³ண்டோ³, து⁴னம் ஸித்தா²வகாரகம்.

ஜிவ்ஹானிச்சா²ரகஞ்சேவ, சபுசபு ஸுருஸுரு;

ஹத்தோ² பத்தோ ச ஓட்டோ² ச, ஸாமிஸம் ஸித்த²கேன ச.

ச²த்தபாணிஸ்ஸ ஸத்³த⁴ம்மம், ந தே³ஸேந்தி ததா²க³தா;

ஏவமேவ த³ண்ட³பாணிஸ்ஸ, ஸத்த²ஆவுத⁴பாணினம்.

பாது³கா உபாஹனா சேவ, யானஸேய்யாக³தஸ்ஸ ச;

பல்லத்தி²கா நிஸின்னஸ்ஸ, வேடி²தோகு³ண்டி²தஸ்ஸ ச.

ச²மா நீசாஸனே டா²னே, பச்ச²தோ உப்பதே²ன ச;

டி²தகேன ந காதப்³ப³ம், ஹரிதே உத³கம்ஹி சாதி.

தேஸம் வக்³கா³னமுத்³தா³னம் –

பரிமண்ட³லஉஜ்ஜக்³கி⁴, க²ம்ப⁴ம் பிண்ட³ம் ததே²வ ச;

கப³ளா ஸுருஸுரு ச, பாது³கேன ச ஸத்தமாதி.

மஹாவிப⁴ங்கே³ கத்த²பஞ்ஞத்திவாரோ நிட்டி²தோ.