1. பரிமண்ட³லவக்³கோ³

150. யம் தேன ப⁴க³வதா ஜானதா பஸ்ஸதா அரஹதா ஸம்மாஸம்பு³த்³தே⁴ன அனாத³ரியம் படிச்ச புரதோ வா பச்ச²தோ வா ஓலம்பே³ந்தேன நிவாஸேந்தஸ்ஸ து³க்கடம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ச²ப்³ப³க்³கி³யே பி⁴க்கூ² ஆரப்³ப⁴. கிஸ்மிம் வத்து²ஸ்மிந்தி? ச²ப்³ப³க்³கி³யா பி⁴க்கூ² புரதோபி பச்ச²தோபி ஓலம்பே³ந்தா நிவாஸேஸும், தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் ஏகேன ஸமுட்டா²னேன ஸமுட்டா²தி – காயதோ ச சித்ததோ ச ஸமுட்டா²தி, ந வாசதோ…பே….

அனாத³ரியம் படிச்ச புரதோ வா பச்ச²தோ வா ஓலம்பே³ந்தேன பாருபந்தஸ்ஸ து³க்கடம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ச²ப்³ப³க்³கி³யே பி⁴க்கூ² ஆரப்³ப⁴. கிஸ்மிம் வத்து²ஸ்மிந்தி? ச²ப்³ப³க்³கி³யா பி⁴க்கூ² புரதோபி பச்ச²தோபி ஓலம்பே³ந்தா பாருபிம்ஸு, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் ஏகேன ஸமுட்டா²னேன ஸமுட்டா²தி – காயதோ ச சித்ததோ ச ஸமுட்டா²தி, ந வாசதோ…பே….

அனாத³ரியம் படிச்ச காயம் விவரித்வா அந்தரக⁴ரே க³ச்ச²ந்தஸ்ஸ து³க்கடம்…பே… ஏகா பஞ்ஞத்தி. ஏகேன ஸமுட்டா²னேன ஸமுட்டா²தி – காயதோ ச சித்ததோ ச ஸமுட்டா²தி, ந வாசதோ…பே….

அனாத³ரியம் படிச்ச காயம் விவரித்வா அந்தரக⁴ரே நிஸீத³ந்தஸ்ஸ து³க்கடம்…பே… ஏகா பஞ்ஞத்தி. ஏகேன ஸமுட்டா²னேன ஸமுட்டா²தி – காயதோ ச சித்ததோ ச ஸமுட்டா²தி, ந வாசதோ…பே….

அனாத³ரியம் படிச்ச ஹத்த²ம் வா பாத³ம் வா கீளாபேந்தேன அந்தரக⁴ரே க³ச்ச²ந்தஸ்ஸ து³க்கடம்…பே… ஏகா பஞ்ஞத்தி. ஏகேன ஸமுட்டா²னேன ஸமுட்டா²தி – காயதோ ச சித்ததோ ச ஸமுட்டா²தி, ந வாசதோ…பே….

அனாத³ரியம் படிச்ச ஹத்த²ம் வா பாத³ம் வா கீளாபேந்தேன அந்தரக⁴ரே நிஸீத³ந்தஸ்ஸ து³க்கடம் …பே… ஏகா பஞ்ஞத்தி. ஏகேன ஸமுட்டா²னேன ஸமுட்டா²தி – காயதோ ச சித்ததோ ச ஸமுட்டா²தி, ந வாசதோ…பே….

அனாத³ரியம் படிச்ச தஹம் தஹம் ஓலோகேந்தேன அந்தரக⁴ரே க³ச்ச²ந்தஸ்ஸ து³க்கடம்…பே… ஏகா பஞ்ஞத்தி. ஏகேன ஸமுட்டா²னேன ஸமுட்டா²தி – காயதோ ச சித்ததோ ச ஸமுட்டா²தி, ந வாசதோ…பே….

அனாத³ரியம் படிச்ச தஹம் தஹம் ஓலோகேந்தேன அந்தரக⁴ரே நிஸீத³ந்தஸ்ஸ து³க்கடம்…பே… ஏகா பஞ்ஞத்தி. ஏகேன ஸமுட்டா²னேன ஸமுட்டா²தி – காயதோ ச சித்ததோ ச ஸமுட்டா²தி, ந வாசதோ…பே….

அனாத³ரியம் படிச்ச உக்கி²த்தகாய அந்தரக⁴ரே க³ச்ச²ந்தஸ்ஸ து³க்கடம்…பே… ஏகா பஞ்ஞத்தி. ஏகேன ஸமுட்டா²னேன ஸமுட்டா²தி – காயதோ ச சித்ததோ ச ஸமுட்டா²தி, ந வாசதோ…பே….

அனாத³ரியம் படிச்ச உக்கி²த்தகாய அந்தரக⁴ரே நிஸீத³ந்தஸ்ஸ து³க்கடம்…பே… ஏகா பஞ்ஞத்தி. ஏகேன ஸமுட்டா²னேன ஸமுட்டா²தி – காயதோ ச சித்ததோ ச ஸமுட்டா²தி, ந வாசதோ…பே….

பரிமண்ட³லவக்³கோ³ பட²மோ.