2. உஜ்ஜக்³கி⁴கவக்³கோ³

151. அனாத³ரியம் படிச்ச உஜ்ஜக்³கி⁴காய அந்தரக⁴ரே க³ச்ச²ந்தஸ்ஸ து³க்கடம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ச²ப்³ப³க்³கி³யே பி⁴க்கூ² ஆரப்³ப⁴. கிஸ்மிம் வத்து²ஸ்மிந்தி? ச²ப்³ப³க்³கி³யா பி⁴க்கூ² மஹாஹஸிதம் ஹஸந்தா அந்தரக⁴ரே க³ச்சி²ம்ஸு, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் ஏகேன ஸமுட்டா²னேன ஸமுட்டா²தி – காயதோ ச வாசதோ ச சித்ததோ ச ஸமுட்டா²தி…பே….

அனாத³ரியம் படிச்ச உஜ்ஜக்³கி⁴காய அந்தரக⁴ரே நிஸீத³ந்தஸ்ஸ து³க்கடம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ச²ப்³ப³க்³கி³யே பி⁴க்கூ² ஆரப்³ப⁴. கிஸ்மிம் வத்து²ஸ்மிந்தி? ச²ப்³ப³க்³கி³யா பி⁴க்கூ² மஹாஹஸிதம் ஹஸந்தா அந்தரக⁴ரே நிஸீதி³ம்ஸு, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் ஏகேன ஸமுட்டா²னேன ஸமுட்டா²தி – காயதோ ச வாசதோ ச சித்ததோ ச ஸமுட்டா²தி…பே….

அனாத³ரியம் படிச்ச உச்சாஸத்³த³ம் மஹாஸத்³த³ம் கரோந்தேன அந்தரக⁴ரே க³ச்ச²ந்தஸ்ஸ து³க்கடம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ச²ப்³ப³க்³கி³யே பி⁴க்கூ² ஆரப்³ப⁴. கிஸ்மிம் வத்து²ஸ்மிந்தி? ச²ப்³ப³க்³கி³யா பி⁴க்கூ² உச்சாஸத்³த³ம் மஹாஸத்³த³ம் கரோந்தா அந்தரக⁴ரே க³ச்சி²ம்ஸு, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் ஏகேன ஸமுட்டா²னேன ஸமுட்டா²தி – காயதோ ச வாசதோ ச சித்ததோ ச ஸமுட்டா²தி…பே….

அனாத³ரியம் படிச்ச உச்சாஸத்³த³ம் மஹாஸத்³த³ம் கரோந்தேன அந்தரக⁴ரே நிஸீத³ந்தஸ்ஸ து³க்கடம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ச²ப்³ப³க்³கி³யே பி⁴க்கூ² ஆரப்³ப⁴. கிஸ்மிம் வத்து²ஸ்மிந்தி? ச²ப்³ப³க்³கி³யா பி⁴க்கூ² உச்சாஸத்³த³ம் மஹாஸத்³த³ம் கரோந்தா அந்தரக⁴ரே நிஸீதி³ம்ஸு, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் ஏகேன ஸமுட்டா²னேன ஸமுட்டா²தி – காயதோ ச வாசதோ ச சித்ததோ ச ஸமுட்டா²தி…பே….

அனாத³ரியம் படிச்ச காயப்பசாலகம் அந்தரக⁴ரே க³ச்ச²ந்தஸ்ஸ து³க்கடம்…பே… ஏகா பஞ்ஞத்தி. ஏகேன ஸமுட்டா²னேன ஸமுட்டா²தி – காயதோ ச சித்ததோ ச ஸமுட்டா²தி, ந வாசதோ…பே….

அனாத³ரியம் படிச்ச காயப்பசாலகம் அந்தரக⁴ரே நிஸீத³ந்தஸ்ஸ து³க்கடம்…பே… ஏகா பஞ்ஞத்தி. ஏகேன ஸமுட்டா²னேன ஸமுட்டா²தி – காயதோ ச சித்ததோ ச ஸமுட்டா²தி, ந வாசதோ…பே….

அனாத³ரியம் படிச்ச பா³ஹுப்பசாலகம் அந்தரக⁴ரே க³ச்ச²ந்தஸ்ஸ து³க்கடம்…பே… ஏகா பஞ்ஞத்தி. ஏகேன ஸமுட்டா²னேன ஸமுட்டா²தி – காயதோ ச சித்ததோ ச ஸமுட்டா²தி, ந வாசதோ…பே….

அனாத³ரியம் படிச்ச பா³ஹுப்பசாலகம் அந்தரக⁴ரே நிஸீத³ந்தஸ்ஸ து³க்கடம்…பே… ஏகா பஞ்ஞத்தி. ஏகேன ஸமுட்டா²னேன ஸமுட்டா²தி – காயதோ ச சித்ததோ ச ஸமுட்டா²தி, ந வாசதோ…பே….

அனாத³ரியம் படிச்ச ஸீஸப்பசாலகம் அந்தரக⁴ரே க³ச்ச²ந்தஸ்ஸ து³க்கடம்…பே… ஏகா பஞ்ஞத்தி. ஏகேன ஸமுட்டா²னேன ஸமுட்டா²தி – காயதோ ச சித்ததோ ச ஸமுட்டா²தி, ந வாசதோ…பே….

அனாத³ரியம் படிச்ச ஸீஸப்பசாலகம் அந்தரக⁴ரே நிஸீத³ந்தஸ்ஸ து³க்கடம்…பே… ஏகா பஞ்ஞத்தி. ஏகேன ஸமுட்டா²னேன ஸமுட்டா²தி – காயதோ ச சித்ததோ ச ஸமுட்டா²தி, ந வாசதோ…பே….

உஜ்ஜக்³கி⁴கவக்³கோ³ து³தியோ.