8. ஸஹத⁴ம்மிகவக்³கோ³

124. பி⁴க்கூ²ஹி ஸஹத⁴ம்மிகம் வுச்சமானேன ‘‘ந தாவாஹம், ஆவுஸோ, ஏதஸ்மிம் ஸிக்கா²பதே³ ஸிக்கி²ஸ்ஸாமி யாவ ந அஞ்ஞம் பி⁴க்கு²ம் ப்³யத்தம் வினயத⁴ரம் பரிபுச்சி²ஸ்ஸாமீ’’தி ப⁴ணந்தஸ்ஸ பாசித்தியம் கத்த² பஞ்ஞத்தந்தி? கோஸம்பி³யம் பஞ்ஞத்தம். கம் ஆரப்³பா⁴தி? ஆயஸ்மந்தம் ச²ன்னம் ஆரப்³ப⁴. கிஸ்மிம் வத்து²ஸ்மிந்தி? ஆயஸ்மா ச²ன்னோ பி⁴க்கூ²ஹி ஸஹத⁴ம்மிகம் வுச்சமானோ ‘‘ந தாவாஹம், ஆவுஸோ, ஏதஸ்மிம் ஸிக்கா²பதே³ ஸிக்கி²ஸ்ஸாமி யாவ ந அஞ்ஞம் பி⁴க்கு²ம் ப்³யத்தம் வினயத⁴ரம் பரிபுச்சி²ஸ்ஸாமீ’’தி ப⁴ணி, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் தீஹி ஸமுட்டா²னேஹி ஸமுட்டா²தி…பே….

125. வினயம் விவண்ணேந்தஸ்ஸ பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ச²ப்³ப³க்³கி³யே பி⁴க்கூ² ஆரப்³ப⁴. கிஸ்மிம் வத்து²ஸ்மிந்தி? ச²ப்³ப³க்³கி³யா பி⁴க்கூ² வினயம் விவண்ணேஸும், தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் தீஹி ஸமுட்டா²னேஹி ஸமுட்டா²தி…பே….

126. மோஹனகே பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ச²ப்³ப³க்³கி³யே பி⁴க்கூ² ஆரப்³ப⁴. கிஸ்மிம் வத்து²ஸ்மிந்தி? ச²ப்³ப³க்³கி³யா பி⁴க்கூ² மோஹேஸும், தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் தீஹி ஸமுட்டா²னேஹி ஸமுட்டா²தி…பே….

127. பி⁴க்கு²ஸ்ஸ குபிதேன அனத்தமனேன பஹாரம் தே³ந்தஸ்ஸ பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ச²ப்³ப³க்³கி³யே பி⁴க்கூ² ஆரப்³ப⁴. கிஸ்மிம் வத்து²ஸ்மிந்தி? ச²ப்³ப³க்³கி³யா பி⁴க்கூ² குபிதா அனத்தமனா பி⁴க்கூ²னம் பஹாரம் அத³ம்ஸு, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் ஏகேன ஸமுட்டா²னேன ஸமுட்டா²தி – காயதோ ச சித்ததோ ச ஸமுட்டா²தி, ந வாசதோ…பே….

128. பி⁴க்கு²ஸ்ஸ குபிதேன அனத்தமனேன தலஸத்திகம் உக்³கி³ரந்தஸ்ஸ பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ச²ப்³ப³க்³கி³யே பி⁴க்கூ² ஆரப்³ப⁴. கிஸ்மிம் வத்து²ஸ்மிந்தி? ச²ப்³ப³க்³கி³யா பி⁴க்கூ² குபிதா அனத்தமனா பி⁴க்கூ²னம் தலஸத்திகம் உக்³கி³ரிம்ஸு, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் ஏகேன ஸமுட்டா²னேன ஸமுட்டா²தி – காயதோ ச சித்ததோ ச ஸமுட்டா²தி, ந வாசதோ…பே….

129. பி⁴க்கு²ம் அமூலகேன ஸங்கா⁴தி³ஸேஸேன அனுத்³த⁴ம்ஸேந்தஸ்ஸ பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ச²ப்³ப³க்³கி³யே பி⁴க்கூ² ஆரப்³ப⁴. கிஸ்மிம் வத்து²ஸ்மிந்தி? ச²ப்³ப³க்³கி³யா பி⁴க்கூ² பி⁴க்கு²ம் அமூலகேன ஸங்கா⁴தி³ஸேஸேன அனுத்³த⁴ம்ஸேஸும், தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் தீஹி ஸமுட்டா²னேஹி ஸமுட்டா²தி…பே….

130. பி⁴க்கு²ஸ்ஸ ஸஞ்சிச்ச குக்குச்சம் உபத³ஹந்தஸ்ஸ [உப்பாதே³ந்தஸ்ஸ (ஸ்யா.)] பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ச²ப்³ப³க்³கி³யே பி⁴க்கூ² ஆரப்³ப⁴. கிஸ்மிம் வத்து²ஸ்மிந்தி? ச²ப்³ப³க்³கி³யா பி⁴க்கூ² பி⁴க்கூ²னம் ஸஞ்சிச்ச குக்குச்சம் உபத³ஹிம்ஸு, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் தீஹி ஸமுட்டா²னேஹி ஸமுட்டா²தி…பே….

131. பி⁴க்கூ²னம் ப⁴ண்ட³னஜாதானம் கலஹஜாதானம் விவாதா³பன்னானம் உபஸ்ஸுதிம் [உபஸ்ஸுதி (?)] திட்ட²ந்தஸ்ஸ பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ச²ப்³ப³க்³கி³யே பி⁴க்கூ² ஆரப்³ப⁴. கிஸ்மிம் வத்து²ஸ்மிந்தி? ச²ப்³ப³க்³கி³யா பி⁴க்கூ² பி⁴க்கூ²னம் ப⁴ண்ட³னஜாதானம் கலஹஜாதானம் விவாதா³பன்னானம் உபஸ்ஸுதிம் திட்ட²ஹிம்ஸு, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் த்³வீஹி ஸமுட்டா²னேஹி ஸமுட்டா²தி – ஸியா காயதோ ச சித்ததோ ச ஸமுட்டா²தி, ந வாசதோ; ஸியா காயதோ ச வாசதோ ச சித்ததோ ச ஸமுட்டா²தி…பே….

132. த⁴ம்மிகானம் கம்மானம் ச²ந்த³ம் த³த்வா பச்சா² கீ²யனத⁴ம்மம் [கி²ய்யத⁴ம்மம் (க.)] ஆபஜ்ஜந்தஸ்ஸ பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ச²ப்³ப³க்³கி³யே பி⁴க்கூ² ஆரப்³ப⁴. கிஸ்மிம் வத்து²ஸ்மிந்தி? ச²ப்³ப³க்³கி³யா பி⁴க்கூ² த⁴ம்மிகானம் கம்மானம் ச²ந்த³ம் த³த்வா பச்சா² கீ²யனத⁴ம்மம் ஆபஜ்ஜிம்ஸு, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் தீஹி ஸமுட்டா²னேஹி ஸமுட்டா²தி…பே….

133. ஸங்கே⁴ வினிச்ச²யகதா²ய வத்தமானாய ச²ந்த³ம் அத³த்வா உட்டா²யாஸனா பக்கமந்தஸ்ஸ பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? அஞ்ஞதரம் பி⁴க்கு²ம் ஆரப்³ப⁴. கிஸ்மிம் வத்து²ஸ்மிந்தி? அஞ்ஞதரோ பி⁴க்கு² ஸங்கே⁴ வினிச்ச²யகதா²ய வத்தமானாய ச²ந்த³ம் அத³த்வா உட்டா²யாஸனா பக்காமி, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் ஏகேன ஸமுட்டா²னேன ஸமுட்டா²தி – காயதோ ச வாசதோ ச சித்ததோ ச ஸமுட்டா²தி…பே….

134. ஸமக்³கே³ ஸங்கே⁴ன சீவரம் த³த்வா பச்சா² கீ²யனத⁴ம்மம் ஆபஜ்ஜந்தஸ்ஸ பாசித்தியம் கத்த² பஞ்ஞத்தந்தி? ராஜக³ஹே பஞ்ஞத்தம். கம் ஆரப்³பா⁴தி? ச²ப்³ப³க்³கி³யே பி⁴க்கூ² ஆரப்³ப⁴. கிஸ்மிம் வத்து²ஸ்மிந்தி? ச²ப்³ப³க்³கி³யா பி⁴க்கூ² ஸமக்³கே³ன ஸங்கே⁴ன சீவரம் த³த்வா பச்சா² கீ²யனத⁴ம்மம் ஆபஜ்ஜிம்ஸு, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் தீஹி ஸமுட்டா²னேஹி ஸமுட்டா²தி…பே….

135. ஜானம் ஸங்கி⁴கம் லாப⁴ம் பரிணதம் புக்³க³லஸ்ஸ பரிணாமேந்தஸ்ஸ பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ச²ப்³ப³க்³கி³யே பி⁴க்கூ² ஆரப்³ப⁴. கிஸ்மிம் வத்து²ஸ்மிந்தி? ச²ப்³ப³க்³கி³யா பி⁴க்கூ² ஜானம் ஸங்கி⁴கம் லாப⁴ம் பரிணதம் புக்³க³லஸ்ஸ பரிணாமேஸும், தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் தீஹி ஸமுட்டா²னேஹி ஸமுட்டா²தி…பே….

ஸஹத⁴ம்மிகவக்³கோ³ அட்ட²மோ.