9. ராஜவக்³கோ³

136. புப்³பே³ அப்படிஸம்விதி³தேன ரஞ்ஞோ அந்தேபுரம் பவிஸந்தஸ்ஸ பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ஆயஸ்மந்தம் ஆனந்த³ம் ஆரப்³ப⁴. கிஸ்மிம் வத்து²ஸ்மிந்தி? ஆயஸ்மா ஆனந்தோ³ புப்³பே³ அப்படிஸம்விதி³தோ ரஞ்ஞோ அந்தேபுரம் பாவிஸி, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் த்³வீஹி ஸமுட்டா²னேஹி ஸமுட்டா²தி கதி²னகே…பே….

137. ரதனம் உக்³க³ண்ஹந்தஸ்ஸ பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? அஞ்ஞதரம் பி⁴க்கு²ம் ஆரப்³ப⁴. கிஸ்மிம் வத்து²ஸ்மிந்தி? அஞ்ஞதரோ பி⁴க்கு² ரதனம் உக்³க³ஹேஸி, தஸ்மிம் வத்து²ஸ்மிம். ஏகா பஞ்ஞத்தி, த்³வே அனுபஞ்ஞத்தியோ. ச²ன்னம் ஆபத்திஸமுட்டா²னானம் ச²ஹி ஸமுட்டா²னேஹி ஸமுட்டா²தி…பே….

138. ஸந்தம் பி⁴க்கு²ம் அனாபுச்சா² விகாலே கா³மம் பவிஸந்தஸ்ஸ பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ச²ப்³ப³க்³கி³யே பி⁴க்கூ² ஆரப்³ப⁴. கிஸ்மிம் வத்து²ஸ்மிந்தி? ச²ப்³ப³க்³கி³யா பி⁴க்கூ² விகாலே கா³மம் பவிஸிம்ஸு, தஸ்மிம் வத்து²ஸ்மிம். ஏகா பஞ்ஞத்தி, திஸ்ஸோ அனுபஞ்ஞத்தியோ. ச²ன்னம் ஆபத்திஸமுட்டா²னானம் த்³வீஹி ஸமுட்டா²னேஹி ஸமுட்டா²தி கதி²னகே…பே….

139. அட்டி²மயம் வா த³ந்தமயம் வா விஸாணமயம் வா ஸூசிக⁴ரம் காராபேந்தஸ்ஸ பாசித்தியம் கத்த² பஞ்ஞத்தந்தி? ஸக்கேஸு பஞ்ஞத்தம். கம் ஆரப்³பா⁴தி? ஸம்ப³ஹுலே பி⁴க்கூ² ஆரப்³ப⁴. கிஸ்மிம் வத்து²ஸ்மிந்தி? ஸம்ப³ஹுலா பி⁴க்கூ² ந மத்தம் ஜானித்வா ப³ஹூ ஸூசிக⁴ரே விஞ்ஞாபேஸும், தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் ச²ஹி ஸமுட்டா²னேஹி ஸமுட்டா²தி…பே….

140. பமாணாதிக்கந்தம் மஞ்சம் வா பீட²ம் வா காராபேந்தஸ்ஸ பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ஆயஸ்மந்தம் உபனந்த³ம் ஸக்யபுத்தம் ஆரப்³ப⁴. கிஸ்மிம் வத்து²ஸ்மிந்தி? ஆயஸ்மா உபனந்தோ³ ஸக்யபுத்தோ உச்சே மஞ்சே ஸயி, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் ச²ஹி ஸமுட்டா²னேஹி ஸமுட்டா²தி…பே….

141. மஞ்சம் வா பீட²ம் வா தூலோனத்³த⁴ம் காராபேந்தஸ்ஸ பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ச²ப்³ப³க்³கி³யே பி⁴க்கூ² ஆரப்³ப⁴. கிஸ்மிம் வத்து²ஸ்மிந்தி? ச²ப்³ப³க்³கி³யா பி⁴க்கூ² மஞ்சம் வா பீட²ம் வா தூலோனத்³த⁴ம் காராபேஸும், தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் ச²ஹி ஸமுட்டா²னேஹி ஸமுட்டா²தி…பே….

142. பமாணாதிக்கந்தம் நிஸீத³னம் காராபேந்தஸ்ஸ பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ச²ப்³ப³க்³கி³யே பி⁴க்கூ² ஆரப்³ப⁴. கிஸ்மிம் வத்து²ஸ்மிந்தி? ச²ப்³ப³க்³கி³யா பி⁴க்கூ² அப்பமாணிகானி நிஸீத³னானி தா⁴ரேஸும், தஸ்மிம் வத்து²ஸ்மிம். ஏகா பஞ்ஞத்தி, ஏகா அனுபஞ்ஞத்தி. ச²ன்னம் ஆபத்திஸமுட்டா²னானம் ச²ஹி ஸமுட்டா²னேஹி ஸமுட்டா²தி…பே….

143. பமாணாதிக்கந்தம் கண்டு³ப்படிச்சா²தி³ம் காராபேந்தஸ்ஸ பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ச²ப்³ப³க்³கி³யே பி⁴க்கூ² ஆரப்³ப⁴. கிஸ்மிம் வத்து²ஸ்மிந்தி? ச²ப்³ப³க்³கி³யா பி⁴க்கூ² அப்பமாணிகாயோ கண்டு³ப்படிச்சா²தி³யோ தா⁴ரேஸும், தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் ச²ஹி ஸமுட்டா²னேஹி ஸமுட்டா²தி…பே….

144. பமாணாதிக்கந்தம் வஸ்ஸிகஸாடிகம் காராபேந்தஸ்ஸ பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ச²ப்³ப³க்³கி³யே பி⁴க்கூ² ஆரப்³ப⁴. கிஸ்மிம் வத்து²ஸ்மிந்தி? ச²ப்³ப³க்³கி³யா பி⁴க்கூ² அப்பமாணிகாயோ வஸ்ஸிகஸாடிகாயோ தா⁴ரேஸும், தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் ச²ஹி ஸமுட்டா²னேஹி ஸமுட்டா²தி…பே….

145. ஸுக³தசீவரப்பமாணம் சீவரம் காராபேந்தஸ்ஸ பாசித்தியம் கத்த² பஞ்ஞத்தந்தி? ஸாவத்தி²யம் பஞ்ஞத்தம். கம் ஆரப்³பா⁴தி? ஆயஸ்மந்தம் நந்த³ம் ஆரப்³ப⁴. கிஸ்மிம் வத்து²ஸ்மிந்தி? ஆயஸ்மா நந்தோ³ ஸுக³தசீவரப்பமாணம் சீவரம் தா⁴ரேஸி, தஸ்மிம் வத்து²ஸ்மிம். ஏகா பஞ்ஞத்தி. ச²ன்னம் ஆபத்திஸமுட்டா²னானம் ச²ஹி ஸமுட்டா²னேஹி ஸமுட்டா²தி…பே….

ராஜவக்³கோ³ நவமோ.

த்³வேனவுதி பாசித்தியா நிட்டி²தா.

கு²த்³த³கம் ஸமத்தம்.

தஸ்ஸுத்³தா³னம் –

முஸா ஓமஸபேஸுஞ்ஞம், பத³ஸேய்யா ச இத்தி²யா;

அஞ்ஞத்ர விஞ்ஞுனா பூ⁴தா [தே³ஸனாரோசனா சேவ (ஸீ. ஸ்யா.)], து³ட்டு²ல்லாபத்தி க²ணனா.

பூ⁴தம் அஞ்ஞாய உஜ்ஜா²யி [பூ⁴தஞ்ஞவாத³உஜ்ஜா²யி (ஸீ.)], மஞ்சோ ஸேய்யோ ச வுச்சதி;

புப்³பே³ நிக்கட்³ட⁴னாஹச்ச, த்³வாரம் ஸப்பாணகேன ச.

அஸம்மதா அத்த²ங்க³தே, உபஸ்ஸயாமிஸேன ச;

த³தே³ ஸிப்³பே³ விதா⁴னேன, நாவா பு⁴ஞ்ஜேய்ய ஏகதோ.

பிண்ட³ம் க³ணம் பரம் பூவம், பவாரிதோ பவாரிதம்;

விகாலம் ஸன்னிதி⁴ கீ²ரம், த³ந்தபோனேன தே த³ஸ.

அசேலகம் உய்யோக²ஜ்ஜ [அசேலகானுபக²ஜ்ஜ (க.)], படிச்ச²ன்னம் ரஹேன ச;

நிமந்திதோ பச்சயேஹி, ஸேனாவஸனுய்யோதி⁴கம்.

ஸுரா அங்கு³லி ஹாஸோ ச, அனாத³ரியஞ்ச பி⁴ம்ஸனம்;

ஜோதி நஹான து³ப்³ப³ண்ணம், ஸாமம் அபனிதே⁴ன ச.

ஸஞ்சிச்சுத³ககம்மா ச, து³ட்டு²ல்லம் ஊனவீஸதி;

தே²ய்யஇத்தி²அவதே³ஸம் [அரிட்ட²கம் (விப⁴ங்கே³)], ஸம்வாஸே நாஸிதேன ச.

ஸஹத⁴ம்மிகவிலேகா², மோஹோ பஹாரேனுக்³கி³ரே;

அமூலகஞ்ச ஸஞ்சிச்ச, ஸோஸ்ஸாமி கி²ய்யபக்கமே.

ஸங்கே⁴ன சீவரம் த³த்வா, பரிணாமேய்ய புக்³க³லே;

ரஞ்ஞஞ்ச ரதனம் ஸந்தம், ஸூசி மஞ்சோ ச தூலிகா;

நிஸீத³னம் கண்டு³ச்சா²தி³, வஸ்ஸிகா ஸுக³தேன சாதி.

தேஸம் வக்³கா³னம் உத்³தா³னம் –

முஸா பூ⁴தா ச ஓவாதோ³, போ⁴ஜனாசேலகேன ச;

ஸுரா ஸப்பாணகா த⁴ம்மோ, ராஜவக்³கே³ன தே நவாதி.